चन्द्रलासहस्रनामस्तोत्रम् Shri Chandrala Sahasranama Stotram with Marathi Meaning

(द्वाविंशोऽध्यायः ।)श्रीमार्कण्डेय उवाचभगवान् मणिमल्लारे मुनिर्नारायणः पुरा ।यैर्नामभिः प्रतुष्टाव देवीं श्रीचन्द्रलाम्बिकाम् ॥ १॥

(dvāviṃśo'dhyāyaḥ |)śrīmārkaṇḍeya uvācabhagavān maṇimallāre munirnārāyaṇaḥ purā |yairnāmabhiḥ pratuṣṭāva devīṃ śrīcandralāmbikām || 1||

तानि मे शंस कृपया तदागमपुरस्सरम् ।श्रीमार्तण्डभैरव उवाचधन्योऽसि त्वं महाभाग मुने कल्पान्तजीवन ॥ २॥

tāni me śaṃsa kṛpayā tadāgamapurassaram |śrīmārtaṇḍabhairava uvācadhanyo'si tvaṃ mahābhāga mune kalpāntajīvana || 2||

यन्मातुर्नाम साहस्रं शुश्रूषा भवतोऽजनि ।कथयामि यथा पृष्टं शृणुष्वावहितोऽनघ ॥ ३॥

yanmāturnāma sāhasraṃ śuśrūṣā bhavato'jani |kathayāmi yathā pṛṣṭaṃ śṛṇuṣvāvahito'nagha || 3||

रहस्यमपि वक्तव्यं भक्त्या शुश्रूषवे यतः ।एकदा सन्नतिक्षेत्रवासिनी जगदम्बिका ॥ ४॥

rahasyamapi vaktavyaṃ bhaktyā śuśrūṣave yataḥ |ekadā sannatikṣetravāsinī jagadambikā || 4||

आस्थानीं मण्डयामास महासाम्राज्य देवता ।उपासां चक्रिरे तत्र तां लोकत्रयवासिनः ॥ ५॥

āsthānīṃ maṇḍayāmāsa mahāsāmrājya devatā |upāsāṃ cakrire tatra tāṃ lokatrayavāsinaḥ || 5||

ब्रह्मा विष्णु स्तथारुद्रो वाणी लक्ष्मीश्च पार्वती ।दिव्याभक्ताः केऽपिसिद्धास्तदानीन्तांव्यजिज्ञपन् ॥ ६॥

brahmā viṣṇu stathārudro vāṇī lakṣmīśca pārvatī |divyābhaktāḥ ke'pisiddhāstadānīntāṃvyajijñapan || 6||

अम्ब त्वां यष्टमिच्छामः पुष्पैः साहस्रसम्मितैः ।तावन्ति तव नामानि दययोपादिशस्व नः ॥ ७॥

amba tvāṃ yaṣṭamicchāmaḥ puṣpaiḥ sāhasrasammitaiḥ |tāvanti tava nāmāni dayayopādiśasva naḥ || 7||

इति विज्ञापिता माता पार्श्वस्थां वीक्ष्य भारतीम् ।वत्से विरचयाद्यत्वं नाम्नां दशशतीं मम ॥ ८॥

iti vijñāpitā mātā pārśvasthāṃ vīkṣya bhāratīm |vatse viracayādyatvaṃ nāmnāṃ daśaśatīṃ mama || 8||

इत्याज्ञया जगद्धात्र्या ततो वाचामधीश्वरी ।विरचय्य चकारादिमातृकाक्रमसुन्दरम् ॥ ९॥

ityājñayā jagaddhātryā tato vācāmadhīśvarī |viracayya cakārādimātṛkākramasundaram || 9||

साष्टनामसहस्रं तदश्रावयदथेश्वरीम् ।ततस्तुष्टाजगन्माता सम्मान्यविधिसुन्दरीम् ॥ १०॥

sāṣṭanāmasahasraṃ tadaśrāvayadatheśvarīm |tatastuṣṭājaganmātā sammānyavidhisundarīm || 10||

सिद्धानां दापयामास नाम साहस्रमुत्तमम् ।तदाप्रभृति लोकेषु विख्यातमभवन्मुने ॥ ११॥

siddhānāṃ dāpayāmāsa nāma sāhasramuttamam |tadāprabhṛti lokeṣu vikhyātamabhavanmune || 11||

मातुः प्रसादतो लब्धं मयाप्येतन्महामुने ।अस्य नाम सहस्रस्य महिमा केन वर्ण्यते ॥ १२॥

mātuḥ prasādato labdhaṃ mayāpyetanmahāmune |asya nāma sahasrasya mahimā kena varṇyate || 12||

विनातां श्रीचन्द्रलाम्बां तद्विभूतिं च भारतीम् ।यस्मै कस्मैचन मुने न दातव्यमिदं त्वया ॥ १३॥

vinātāṃ śrīcandralāmbāṃ tadvibhūtiṃ ca bhāratīm |yasmai kasmaicana mune na dātavyamidaṃ tvayā || 13||

शान्ताय भक्तियुक्ताय देयं स्यात् त्वादृशाय वै ।ऋषिरस्यगिरान्देवी छन्दोऽनुष्टुप् प्रकीर्तितम् ॥ १४॥

śāntāya bhaktiyuktāya deyaṃ syāt tvādṛśāya vai |ṛṣirasyagirāndevī chando'nuṣṭup prakīrtitam || 14||

देवता श्रीचन्द्रलाम्बा च सर्वार्थे विनियोजनम् ।हांहीं इत्यादिभिः षड्भिर्न्यासद्वयमुदाहृतम् ॥ १५॥

devatā śrīcandralāmbā ca sarvārthe viniyojanam |hāṃhīṃ ityādibhiḥ ṣaḍbhirnyāsadvayamudāhṛtam || 15||

ऐं देव्याः कलयाञ्चितं कचभरं मन्दास्मिताढ्यं मुखंकूलोल्लङ्घि दयं हृदि स्तनतटं तुङ्गं नितम्बं ततम् ।पादाब्जं मृदुलं सशोणवसनं सर्वाडगभूषाज्वलंचापेष्वङ्कुश पाशमण्डितकरं ध्यायेज्जपाभं महः ॥ १६॥

aiṃ devyāḥ kalayāñcitaṃ kacabharaṃ mandāsmitāḍhyaṃ mukhaṃkūlollaṅghi dayaṃ hṛdi stanataṭaṃ tuṅgaṃ nitambaṃ tatam |pādābjaṃ mṛdulaṃ saśoṇavasanaṃ sarvāḍagabhūṣājvalaṃcāpeṣvaṅkuśa pāśamaṇḍitakaraṃ dhyāyejjapābhaṃ mahaḥ || 16||

ॐ चन्द्रला चन्द्रवदना चन्द्रमण्डल मध्यगा ।चन्द्रार्कायितताटङ्का चन्द्रपीठनिवासिनी ॥ १७॥

oṃ candralā candravadanā candramaṇḍala madhyagā |candrārkāyitatāṭaṅkā candrapīṭhanivāsinī || 17||

चन्द्राननार्चितपदा चन्द्रशालाविहारभूः ।चन्द्रचन्दनलिप्ताङ्गी चन्द्रविद्याधिदेवता ॥ १८॥

candrānanārcitapadā candraśālāvihārabhūḥ |candracandanaliptāṅgī candravidyādhidevatā || 18||

चन्द्रकान्ताजिरा चन्द्रहासखेटलसत्करा ।चन्द्रकप्रियमार्तण्डस्तूयमानपदद्वया ॥ १९॥

candrakāntājirā candrahāsakheṭalasatkarā |candrakapriyamārtaṇḍastūyamānapadadvayā || 19||

चम्पकाशोकपुन्न्नाग लसत्सुरभिकुन्तला ।चञ्चरीकीभवत्पञ्चब्रह्मावासपदद्वया ॥ २०॥

campakāśokapunnnāga lasatsurabhikuntalā |cañcarīkībhavatpañcabrahmāvāsapadadvayā || 20||

चञ्चलाचयसौभाग्यसमुन्मूलनदीधितिः ।चन्दनागरुधूपो यत्सौरभ्यालीढदिक्तटा ॥ २१॥

cañcalācayasaubhāgyasamunmūlanadīdhitiḥ |candanāgarudhūpo yatsaurabhyālīḍhadiktaṭā || 21||

चञ्चद्वीचीचयोत्तालकाकिनीसङ्गमाध्वगा ।चण्डाशुकिरणोत्फुल्लपुण्डरीकनिभानना ॥ २२॥

cañcadvīcīcayottālakākinīsaṅgamādhvagā |caṇḍāśukiraṇotphullapuṇḍarīkanibhānanā || 22||

चङ्क्रमक्रमनिर्धूतसौवर्गमदसिन्धुरा ।चण्डिका चण्डिकेशार्च्या चण्डमुण्डनिषूदिनी ॥ २३॥

caṅkramakramanirdhūtasauvargamadasindhurā |caṇḍikā caṇḍikeśārcyā caṇḍamuṇḍaniṣūdinī || 23||

चञ्चूपुटादृतस्तोत्रशारिकाशुकसंवृता ।चण्डान्तकस्फुरन्मध्या चन्द्रिकाधवलस्मिता ॥ २४॥

cañcūpuṭādṛtastotraśārikāśukasaṃvṛtā |caṇḍāntakasphuranmadhyā candrikādhavalasmitā || 24||

छन्दसाहस्रराराजत् सरसीरुहवासिनी ।छलादिदोषसंहर्त्री छत्रचामरशोभिता ॥ २५॥

chandasāhasrarārājat sarasīruhavāsinī |chalādidoṣasaṃhartrī chatracāmaraśobhitā || 25||

छायाक्रान्तनभो भागा छायारमणबिम्बगा ।छिद्रविद्रावणपरा छीकृताखिलदानवा ॥ २६॥

chāyākrāntanabho bhāgā chāyāramaṇabimbagā |chidravidrāvaṇaparā chīkṛtākhiladānavā || 26||

छुरिकाकृत्तदुष्टौघाछुरितालेपशोभिता ।छेकानुप्राससुप्रीता छेदितारातिमण्डला ॥ २७॥

churikākṛttaduṣṭaughāchuritālepaśobhitā |chekānuprāsasuprītā cheditārātimaṇḍalā || 27||

छोटिकामात्रनिर्धूतपापा छन्दोगसंस्तुताजयकर्त्री जगद्धात्री जन्महन्त्री जरापहा ॥ २८॥

choṭikāmātranirdhūtapāpā chandogasaṃstutājayakartrī jagaddhātrī janmahantrī jarāpahā || 28||

जपयज्ञैकसन्तुष्टा जनार्दनकुटुम्बिनी ।जलजाक्षी जपाकान्तिर्जघनालम्बिमेखला ॥ २९॥

japayajñaikasantuṣṭā janārdanakuṭumbinī |jalajākṣī japākāntirjaghanālambimekhalā || 29||

जातीकुसुमसम्प्रीता जातिकर्मविभेदिका ।जामिताहरणोद्युक्ता जामदग्न्यपरिष्टुता ॥ ३०॥

jātīkusumasamprītā jātikarmavibhedikā |jāmitāharaṇodyuktā jāmadagnyapariṣṭutā || 30||

जानाना जातरूपाढ्या जातयौवनविभ्रमा ।जालन्ध्रपीठनिलया जानकीपतिवन्दिता ॥ ३१॥

jānānā jātarūpāḍhyā jātayauvanavibhramā |jālandhrapīṭhanilayā jānakīpativanditā || 31||

जिष्णुर्जिनजनोपास्या जीविकाजीवनौषधीः ।जुङ्गितघ्निर्जूर्तिहन्त्री जृम्भिताखिलमातृका ॥ ३२॥

jiṣṇurjinajanopāsyā jīvikājīvanauṣadhīḥ |juṅgitaghnirjūrtihantrī jṛmbhitākhilamātṛkā || 32||

जैत्री जैवातृकादित्यलोचना ज्योतिरुद्भवा ।जन्तुमात्रकृतस्नेहा जम्भारातिकृतस्तुतिः ॥ ३३॥

jaitrī jaivātṛkādityalocanā jyotirudbhavā |jantumātrakṛtasnehā jambhārātikṛtastutiḥ || 33||

जङ्घाविजिततूणीरा जङ्घाला जम्भलप्रभाजम्बुद्वीपनिवासाढ्या जाम्बूनदविभूषिता ॥ ३४॥

jaṅghāvijitatūṇīrā jaṅghālā jambhalaprabhājambudvīpanivāsāḍhyā jāmbūnadavibhūṣitā || 34||

झषकेतनसन्त्राणचतुरापाङ्गविभ्रमा ।झर्झरीकृतसन्तापा झरीभूतकृपारसा ॥ ३५॥

jhaṣaketanasantrāṇacaturāpāṅgavibhramā |jharjharīkṛtasantāpā jharībhūtakṛpārasā || 35||

झटितीष्टप्रदा झल्लीनादामोदितमानसा ।झोटिङ्गनाशिनी झञ्झावातपीडानिवारिणी ॥ ३६॥

jhaṭitīṣṭapradā jhallīnādāmoditamānasā |jhoṭiṅganāśinī jhañjhāvātapīḍānivāriṇī || 36||

ज्ञप्तिरूपा ज्ञानमूर्तिर्ज्ञात्री ज्ञेयस्वरूपिणी ।टकाररूपा टीकाकृट्टोपिकाक्रान्तमूर्धजा ॥ ३७॥

jñaptirūpā jñānamūrtirjñātrī jñeyasvarūpiṇī |ṭakārarūpā ṭīkākṛṭṭopikākrāntamūrdhajā || 37||

टङ्कायितपदाध्यानदारिताऽज्ञानपर्वता ।ठकाररूपबिन्द्वन्तः स्थिता ठद्वयरूपिणी ॥ ३८॥

ṭaṅkāyitapadādhyānadāritā'jñānaparvatā |ṭhakārarūpabindvantaḥ sthitā ṭhadvayarūpiṇī || 38||

डमरुध्वनिसन्तुष्टा डहुस्तनमनोहरा ।डाकिनीकृतसन्त्रासहरा डामरतन्त्रगा ॥ ३९॥

ḍamarudhvanisantuṣṭā ḍahustanamanoharā |ḍākinīkṛtasantrāsaharā ḍāmaratantragā || 39||

डिण्डीरपाण्डुरा डिम्भीभवद्ब्रह्महरीश्वरी ।डिण्डिमध्वनिसम्प्रीताढक्कानादविनोदिनी ॥ ४०॥

ḍiṇḍīrapāṇḍurā ḍimbhībhavadbrahmaharīśvarī |ḍiṇḍimadhvanisamprītāḍhakkānādavinodinī || 40||

दुण्ढिराजस्तुतपदा ढौ किताशेषवाञ्छिता ।णणाणिणीणुणूणेणैणोणौणंणःस्वरूपिणी ॥ ४१॥

duṇḍhirājastutapadā ḍhau kitāśeṣavāñchitā |ṇaṇāṇiṇīṇuṇūṇeṇaiṇoṇauṇaṃṇaḥsvarūpiṇī || 41||

तरुणी तरुणादित्य किरणारुणविग्रहा ।तपनीयाम्बरा तत्त्वविद्यादात्री तमोपहा ॥ ४२॥

taruṇī taruṇāditya kiraṇāruṇavigrahā |tapanīyāmbarā tattvavidyādātrī tamopahā || 42||

तनुमध्या तपोगम्या तडिद्रूपा तलोदरी ।तत्त्वपञ्चकसम्भाव्या तन्वीतत्तत्फलप्रदा ॥ ४३॥

tanumadhyā tapogamyā taḍidrūpā talodarī |tattvapañcakasambhāvyā tanvītattatphalapradā || 43||

ताटङ्करत्ननिकर धगद्धगिति दिक्तटा ।तालाकारस्तनभरा तारकारातिमातृका ॥ ४४॥

tāṭaṅkaratnanikara dhagaddhagiti diktaṭā |tālākārastanabharā tārakārātimātṛkā || 44||

तारपञ्चक संवेद्या तापत्रय निवारिणी ।ताराकारनखश्रेणी हृद्या तामरसप्रभा ॥ ४५॥

tārapañcaka saṃvedyā tāpatraya nivāriṇī |tārākāranakhaśreṇī hṛdyā tāmarasaprabhā || 45||

ताम्यन्मध्यतटा ताम्राधरपाणिपदोज्ज्वला ।तिलका लङ्कृतमुखी तिलप्रसवनासिका ॥ ४६॥

tāmyanmadhyataṭā tāmrādharapāṇipadojjvalā |tilakā laṅkṛtamukhī tilaprasavanāsikā || 46||

तीक्ष्णमाया तीर्थरूपा तीव्र भक्तफलप्रदा ।तुरीया तुष्टहृदया तुहिनाचल बालिका ॥ ४७॥

tīkṣṇamāyā tīrtharūpā tīvra bhaktaphalapradā |turīyā tuṣṭahṛdayā tuhinācala bālikā || 47||

तुलसी पूजित पदा तुलजाम्बा तुलोज्झितातुरगारोहणप्रीता तुहिनाधिक शीतला ॥ ४८॥

tulasī pūjita padā tulajāmbā tulojjhitāturagārohaṇaprītā tuhinādhika śītalā || 48||

तुमुलाजिध्वस्तदैत्या तुलाकोटिमनोहरा ।तूलीभूतभवोच्चण्डझञ्झानिलपदस्मृतिः ॥ ४९॥

tumulājidhvastadaityā tulākoṭimanoharā |tūlībhūtabhavoccaṇḍajhañjhānilapadasmṛtiḥ || 49||

तृणीकृताऽसुरा तृप्तिदात्री च तृचदेवता ।तोजोमण्डलमध्यस्था तैत्तिरीयश्रुतिप्रिया ॥ ५०॥

tṛṇīkṛtā'surā tṛptidātrī ca tṛcadevatā |tojomaṇḍalamadhyasthā taittirīyaśrutipriyā || 50||