चक्रेश्वरीस्तोत्रम् Shri Chakreshvaristotram

श्रीजीनदत्तसूरिविरचितंश्रीचक्रेश्वरि चक्रचुम्बितकरे चञ्चच्चलत्कुण्डलालङ्कारे कृतमस्तकोरुमुकुटे ग्रैवेयकालङ्कृते ।स्फारोदारभुजाग्रभूषणकरे सन्नूपुरैर्बन्धुरेमातर्मन्ति नयं स्वमिष्टविनयं त्रायस्व सन्त्रासतः ॥ १॥

śrījīnadattasūriviracitaṃśrīcakreśvari cakracumbitakare cañcaccalatkuṇḍalālaṅkāre kṛtamastakorumukuṭe graiveyakālaṅkṛte |sphārodārabhujāgrabhūṣaṇakare sannūpurairbandhuremātarmanti nayaṃ svamiṣṭavinayaṃ trāyasva santrāsataḥ || 1||

श्रीचकेश्वरी चन्द्रमण्डलमिव ध्वस्तान्धकारोत्करंभव्यप्राणिचकोरचुम्बितकरं सन्तापसम्पद्धरम् ।सम्यग्दृष्टिसुखप्रदं सुविशदं कान्त्यास्पदं सम्पदांपात्रं जीवमनःप्रसादजनकं भाति त्वदीयं मुखम् ॥ २॥

śrīcakeśvarī candramaṇḍalamiva dhvastāndhakārotkaraṃbhavyaprāṇicakoracumbitakaraṃ santāpasampaddharam |samyagdṛṣṭisukhapradaṃ suviśadaṃ kāntyāspadaṃ sampadāṃpātraṃ jīvamanaḥprasādajanakaṃ bhāti tvadīyaṃ mukham || 2||

श्रीचकेश्वरी युष्मदाननरविं पश्यन्ति नैवोदितंध्वस्तध्वान्तततिं प्रदत्तसुगतिं संप्राप्तमार्गस्थितिम् ।ते ज्ञेया इह कौशिका इव जना हेयाः सतां सर्वथानादेयाः कुदृशो भवन्ति भगवन्युच्चैःशिव वाञ्छताम् ॥ ३॥

śrīcakeśvarī yuṣmadānanaraviṃ paśyanti naivoditaṃdhvastadhvāntatatiṃ pradattasugatiṃ saṃprāptamārgasthitim |te jñeyā iha kauśikā iva janā heyāḥ satāṃ sarvathānādeyāḥ kudṛśo bhavanti bhagavanyuccaiḥśiva vāñchatām || 3||

श्रीचक्रेश्वरी युष्मदङ्घ्रिचरितं सर्वत्र तद्विश्रुतंकस्याज्ञस्य मनोमुदे भवति नो निष्पुण्यचूडामणेः ।कारुण्यान्वितमङ्गिसम्मतमतिभ्रान्तिप्रशान्तप्रियंश्रीसङ्केतगृहं सदास्तविरहं पुण्यानुबन्धि स्फुटम् ॥ ४॥

śrīcakreśvarī yuṣmadaṅghricaritaṃ sarvatra tadviśrutaṃkasyājñasya manomude bhavati no niṣpuṇyacūḍāmaṇeḥ |kāruṇyānvitamaṅgisammatamatibhrāntipraśāntapriyaṃśrīsaṅketagṛhaṃ sadāstavirahaṃ puṇyānubandhi sphuṭam || 4||

श्रीचकेश्वरि ये स्तुवन्ति भवतीं भव्या भवद्भक्तयःश्रीसर्वज्ञपदारविन्दयुगले विश्राममातन्वतीम् ।भृङ्गीवत्सदृशां सुखं त्वसदृशं संप्रार्थयन्तो जनास्ते स्यूर्ध्वस्तविपत्तयः सुमतयः स्पष्टं जितारातयः ॥ ५॥

śrīcakeśvari ye stuvanti bhavatīṃ bhavyā bhavadbhaktayaḥśrīsarvajñapadāravindayugale viśrāmamātanvatīm |bhṛṅgīvatsadṛśāṃ sukhaṃ tvasadṛśaṃ saṃprārthayanto janāste syūrdhvastavipattayaḥ sumatayaḥ spaṣṭaṃ jitārātayaḥ || 5||

श्रीचक्रेश्वरि नित्यमेव भवतीनामाऽपि ये सादरंसन्तः सत्यशमाश्रिताः प्रतिपदं सम्यक् स्मरन्ति स्फुरत् ।तेषां किं दुरितानि यान्ति निकटे नायाति किं श्रीर्गृहेनोपैति द्विषतां गणोऽपि विलयं नाऽभीष्टसिद्धिर्भवेत् ॥ ६॥

śrīcakreśvari nityameva bhavatīnāmā'pi ye sādaraṃsantaḥ satyaśamāśritāḥ pratipadaṃ samyak smaranti sphurat |teṣāṃ kiṃ duritāni yānti nikaṭe nāyāti kiṃ śrīrgṛhenopaiti dviṣatāṃ gaṇo'pi vilayaṃ nā'bhīṣṭasiddhirbhavet || 6||

श्रीचक्रेश्वरि ये भवन्ति भवतीपादारान्वेन्दाश्रितास्ते भृङ्गा इव कामितार्थमधुनः पात्रं सदैवाङ्गिनः ।जायन्ते जगति प्रतीतिभवनं भव्याः स्फुरत्कीर्त्तयस्तेषां क्वापि कदापि सा भवति नो दारिद्र्यमुद्रा गृहे ॥ ७॥

śrīcakreśvari ye bhavanti bhavatīpādārānvendāśritāste bhṛṅgā iva kāmitārthamadhunaḥ pātraṃ sadaivāṅginaḥ |jāyante jagati pratītibhavanaṃ bhavyāḥ sphuratkīrttayasteṣāṃ kvāpi kadāpi sā bhavati no dāridryamudrā gṛhe || 7||

श्रीचक्रेश्वरि यः स्तवं तव करोत्युच्चैः स किं मानवःकस्मादन्यजनाच्च याचत इह क्लेशैर्विमुक्ताशयः ।कासश्वासशिरोगलग्रहकटीवातातिसारज्वरस्रोतोनेत्रगतामयैरपि न स श्रेयानिह प्रार्थते ॥ ८॥

śrīcakreśvari yaḥ stavaṃ tava karotyuccaiḥ sa kiṃ mānavaḥkasmādanyajanācca yācata iha kleśairvimuktāśayaḥ |kāsaśvāsaśirogalagrahakaṭīvātātisārajvarasrotonetragatāmayairapi na sa śreyāniha prārthate || 8||

श्रीचक्रेश्वरि शासनं जिनपतेस्तद्रक्षसि त्वं मुदाये केचिज्जिनभाषितान्यवितथात्युच्चैः प्रजल्पन्ति च ।भव्यानां पुरतो हितानि कुरुषे तेषां तु तुष्टिं सदाक्षुद्रोपद्रवविद्रवं प्रतिपदं कृत्वा कृतान्तादपि ॥ ९॥

śrīcakreśvari śāsanaṃ jinapatestadrakṣasi tvaṃ mudāye kecijjinabhāṣitānyavitathātyuccaiḥ prajalpanti ca |bhavyānāṃ purato hitāni kuruṣe teṣāṃ tu tuṣṭiṃ sadākṣudropadravavidravaṃ pratipadaṃ kṛtvā kṛtāntādapi || 9||

श्रीचक्रेश्वरि विश्वविस्मयकरी त्वं कल्पवृक्षोपमाधत्सेऽभीष्टफलानि वस्तुनिकृतिं दत्से विना संशयम् ।तेन त्वं विनुता मयाऽपि भवती मत्वेति मन्निश्चयंकुर्याः श्रीजनदत्तभक्तिषु मनो मे सर्वदा सर्वथा ॥ १०॥

śrīcakreśvari viśvavismayakarī tvaṃ kalpavṛkṣopamādhatse'bhīṣṭaphalāni vastunikṛtiṃ datse vinā saṃśayam |tena tvaṃ vinutā mayā'pi bhavatī matveti manniścayaṃkuryāḥ śrījanadattabhaktiṣu mano me sarvadā sarvathā || 10||

इति श्रीजीनदत्तसूरिविरचितं श्रीचक्रेश्वरीस्तोत्रं सम्पूर्णम् ।

iti śrījīnadattasūriviracitaṃ śrīcakreśvarīstotraṃ sampūrṇam |