चामुण्डास्तोत्रम् ३ Shri Chamundastotram

(नवार्ण मन्त्रगर्भित )ऐं बीजं परमात्मनिःश्वसितभूवेदादिवर्णात्मकं,ये भक्त्या मनसा जपन्ति परमं तेषां सुवाक्ज्ञानदाम् ।अम्बां मद्धृदयाम्बरस्थपरचिद्रूपामनन्तास्पदां,चामुण्डामहमानतोऽस्मि वरदां सर्वार्थसंसिद्धये ॥ १॥

(navārṇa mantragarbhita )aiṃ bījaṃ paramātmaniḥśvasitabhūvedādivarṇātmakaṃ,ye bhaktyā manasā japanti paramaṃ teṣāṃ suvākjñānadām |ambāṃ maddhṛdayāmbarasthaparacidrūpāmanantāspadāṃ,cāmuṇḍāmahamānato'smi varadāṃ sarvārthasaṃsiddhaye || 1||

ह्रीङ्काराम्बररङ्गनर्तनकरीमोङ्कारलक्ष्यां परामोङ्कारात्मकवर्णलक्ष्यविभवामाकारहीनां शिवाम् ।साकारां वरदाभयाङ्कुशमहापाशान् करैर्बिभ्रतीं,चामुण्डामहमानतोऽस्मि वरदां सर्वार्थसंसिद्धये ॥ २॥

hrīṅkārāmbararaṅganartanakarīmoṅkāralakṣyāṃ parāmoṅkārātmakavarṇalakṣyavibhavāmākārahīnāṃ śivām |sākārāṃ varadābhayāṅkuśamahāpāśān karairbibhratīṃ,cāmuṇḍāmahamānato'smi varadāṃ sarvārthasaṃsiddhaye || 2||

क्लीङ्काराख्यमहामणिं रतिपतिः प्राप्याङ्गहीनः परं,ग्रीवापादविहीनकोऽपि मदनो यस्याः प्रसादान्मुदा ।त्रीन् लोकान् कुसुमेषुभिर्विजितवान् तां वेदसारात्मिकांचामुण्डामहमानतोऽस्मि वरदां सर्वार्थसंसिद्धये ॥ ३॥

klīṅkārākhyamahāmaṇiṃ ratipatiḥ prāpyāṅgahīnaḥ paraṃ,grīvāpādavihīnako'pi madano yasyāḥ prasādānmudā |trīn lokān kusumeṣubhirvijitavān tāṃ vedasārātmikāṃcāmuṇḍāmahamānato'smi varadāṃ sarvārthasaṃsiddhaye || 3||

चार्वङ्गीमतिसुन्दरीमभयदामम्भोजमध्यस्थितां,चार्वङ्गीकृतगानवाद्यरसिकां शास्त्राद्यवाच्याकृतिम् ।चार्वाकादिसमस्तशास्त्रनिवहप्रोक्तादिशक्त्यात्मिकां,चामुण्डामहमानतोऽस्मि वरदां सर्वार्थसंसिद्धये ॥ ४॥

cārvaṅgīmatisundarīmabhayadāmambhojamadhyasthitāṃ,cārvaṅgīkṛtagānavādyarasikāṃ śāstrādyavācyākṛtim |cārvākādisamastaśāstranivahaproktādiśaktyātmikāṃ,cāmuṇḍāmahamānato'smi varadāṃ sarvārthasaṃsiddhaye || 4||

मुण्डाद्यैः सुरशत्रुभिः कृतमहाकष्टापदां नाशिनींमुण्डप्रोतसुमाल्यशोभितगलां मुक्तिप्रदस्वाङ्घ्रिकाम् ।मूढैर्ज्ञानविहीनकैः पशुनिभैर्ज्ञातुं त्वशक्यां जनैः,चामुण्डामहमानतोऽस्मि वरदां सर्वार्थसंसिद्धये ॥ ५॥

muṇḍādyaiḥ suraśatrubhiḥ kṛtamahākaṣṭāpadāṃ nāśinīṃmuṇḍaprotasumālyaśobhitagalāṃ muktipradasvāṅghrikām |mūḍhairjñānavihīnakaiḥ paśunibhairjñātuṃ tvaśakyāṃ janaiḥ,cāmuṇḍāmahamānato'smi varadāṃ sarvārthasaṃsiddhaye || 5||

डामर्यादिसमस्तभूतनिवहैः सेव्यां सदानन्ददां,डाकिन्यादिसुयोगिनीपरिलसत् षट्चक्रसञ्चारिणीम् ।डम्भोपेतजनैः कृतार्चनविधौ सन्तुष्टिहीनान्तरांचामुण्डामहमानतोऽस्मि वरदां सर्वार्थसंसिद्धये ॥ ६॥

ḍāmaryādisamastabhūtanivahaiḥ sevyāṃ sadānandadāṃ,ḍākinyādisuyoginīparilasat ṣaṭcakrasañcāriṇīm |ḍambhopetajanaiḥ kṛtārcanavidhau santuṣṭihīnāntarāṃcāmuṇḍāmahamānato'smi varadāṃ sarvārthasaṃsiddhaye || 6||

यैर्लोभाद् विहितोऽन्नदानरहितो यज्ञः सगर्वं जनैस्तेषामन्तकरूपिणीमरिभयानर्थप्रदात्री रुषा ।यैर्भक्त्या स्तुतिपूजनादि रचितं तेषामभीष्टार्थदां,चामुण्डामहमानतोऽस्मि वरदां सर्वार्थसंसिद्धये ॥ ७॥

yairlobhād vihito'nnadānarahito yajñaḥ sagarvaṃ janaisteṣāmantakarūpiṇīmaribhayānarthapradātrī ruṣā |yairbhaktyā stutipūjanādi racitaṃ teṣāmabhīṣṭārthadāṃ,cāmuṇḍāmahamānato'smi varadāṃ sarvārthasaṃsiddhaye || 7||

विद्वद्वृन्दकृतार्चनस्तुतिनुतिप्रीतां विधिप्रार्थितां,विद्वद्वृन्दसुपूजनादिकरणे सन्तुष्टचित्तां सदा ।विद्यां वीरनुताम्बुजाङ्घ्रियुगलां वीरापवर्गप्रदां,चामुण्डामहमानतोऽस्मि वरदां सर्वार्थसंसिद्धये ॥ ८॥

vidvadvṛndakṛtārcanastutinutiprītāṃ vidhiprārthitāṃ,vidvadvṛndasupūjanādikaraṇe santuṣṭacittāṃ sadā |vidyāṃ vīranutāmbujāṅghriyugalāṃ vīrāpavargapradāṃ,cāmuṇḍāmahamānato'smi varadāṃ sarvārthasaṃsiddhaye || 8||

चेतोम्भोजविहारिणीं मम मनः प्रोद्भूतभीहारिणीं,चेतोऽतीतपदस्थितां वरचिदानन्दाकृतिं शान्तिदाम् ।चेतोवृत्त्यनुसारिकर्मफलदां चिन्तामणिं श्रीकरीं,चामुण्डामहमानतोऽस्मि वरदां सर्वार्थसंसिद्धये ॥ ९॥

cetombhojavihāriṇīṃ mama manaḥ prodbhūtabhīhāriṇīṃ,ceto'tītapadasthitāṃ varacidānandākṛtiṃ śāntidām |cetovṛttyanusārikarmaphaladāṃ cintāmaṇiṃ śrīkarīṃ,cāmuṇḍāmahamānato'smi varadāṃ sarvārthasaṃsiddhaye || 9||

श्रीशान्ताचलनायकाम्बुजपदासक्तस्वचित्तैः सदा,श्रीशान्त्यादिगुणान्वितैर्वरचिदानन्दाख्यनाथात्मभिः ।दत्तात्मामृतपानमत्तहृदयानन्तस्य वक्त्रोद्भवं,शान्तिं शं शममातनोतु पठतां स्तोत्रं महानन्ददम् ॥ १०॥

śrīśāntācalanāyakāmbujapadāsaktasvacittaiḥ sadā,śrīśāntyādiguṇānvitairvaracidānandākhyanāthātmabhiḥ |dattātmāmṛtapānamattahṛdayānantasya vaktrodbhavaṃ,śāntiṃ śaṃ śamamātanotu paṭhatāṃ stotraṃ mahānandadam || 10||

चमू अज्ञानकार्यसेनां वियदादिसमूहरूपां डाति डलयोरैक्यात् ।लाति आदत्ते स्वात्मसाक्षात्कारेण नाशयति इति चामुण्डा ॥आत्मसाक्षात्कार के द्वारा नष्ट करने वाली ।)इति श्रीरुद्रयामले तन्त्रे श्रीचामुण्डास्तोत्रं सम्पूर्णम् ।

camū ajñānakāryasenāṃ viyadādisamūharūpāṃ ḍāti ḍalayoraikyāt |lāti ādatte svātmasākṣātkāreṇa nāśayati iti cāmuṇḍā ||ātmasākṣātkāra ke dvārā naṣṭa karane vālī |)iti śrīrudrayāmale tantre śrīcāmuṇḍāstotraṃ sampūrṇam |