भ्रमराम्बाष्टकम् ३ Shri Bhramaramba Ashtakam

श्रीकान्तस्तुतसद्गुणाञ्चितपदां सिद्धर्षिसंसेवितांबालेन्दुद्युतिपादपल्लवयुतां ब्रह्माण्डसञ्चारिणीम् ।चारुश्रीकलशातपत्रकमहासौभाग्यरेखाङ्घ्रिकांश्रीशैलभ्रमराम्बिकां शिवयुतां चिन्मात्रमूर्तिं भजे ॥ १॥

śrīkāntastutasadguṇāñcitapadāṃ siddharṣisaṃsevitāṃbālendudyutipādapallavayutāṃ brahmāṇḍasañcāriṇīm |cāruśrīkalaśātapatrakamahāsaubhāgyarekhāṅghrikāṃśrīśailabhramarāmbikāṃ śivayutāṃ cinmātramūrtiṃ bhaje || 1||

पादाम्भोरुहमध्यमानमहिषाम्भद्रायमानोदयांकूर्माकारपदोपरिस्थलरुचिं घोरान्धकारापहाम् ।जलघानिर्मितमान्मधेयशरधिं जम्बूफलश्रीमयींश्रीशैलभ्रमराम्बिकां शिवयुतां चिन्मात्रमूर्तिं भजे । २॥

pādāmbhoruhamadhyamānamahiṣāmbhadrāyamānodayāṃkūrmākārapadoparisthalaruciṃ ghorāndhakārāpahām |jalaghānirmitamānmadheyaśaradhiṃ jambūphalaśrīmayīṃśrīśailabhramarāmbikāṃ śivayutāṃ cinmātramūrtiṃ bhaje | 2||

जानुश्रीजितकुम्भिकुम्भविभवां चण्डीं महायोगिनींरम्भारम्भकराधरोरु युगलां रत्नासनस्थायिनीम् ।श्रीचक्राङ्कितचक्रविभ्रमकटीं सिन्दूरवर्णोज्ज्वलांश्रीशैलभ्रमराम्बिकां शिवयुतां चिन्मात्रमूर्तिं भजे ॥ ३॥

jānuśrījitakumbhikumbhavibhavāṃ caṇḍīṃ mahāyoginīṃrambhārambhakarādharoru yugalāṃ ratnāsanasthāyinīm |śrīcakrāṅkitacakravibhramakaṭīṃ sindūravarṇojjvalāṃśrīśailabhramarāmbikāṃ śivayutāṃ cinmātramūrtiṃ bhaje || 3||

भर्मानिर्मितदिव्यरत्नदलनां भव्याम्बरालङ्कृतांसौन्दर्योधकपूर्णनाभिसरसीं शातोल्लसन्मध्यमाम् ।वक्शोजद्वयशातकुम्भकलशां वश्यादि मन्त्रात्मिकांश्रीशैलभ्रमराम्बिकां शिवयुतां चिन्मात्रमूर्तिं भजे ॥ ४॥

bharmānirmitadivyaratnadalanāṃ bhavyāmbarālaṅkṛtāṃsaundaryodhakapūrṇanābhisarasīṃ śātollasanmadhyamām |vakśojadvayaśātakumbhakalaśāṃ vaśyādi mantrātmikāṃśrīśailabhramarāmbikāṃ śivayutāṃ cinmātramūrtiṃ bhaje || 4||

कण्ठालम्बिततारहारपटलां कैवल्यसन्दायिनींशोभाजालमृणालबाहुडमरु स्थूलाब्जचक्राङ्किताम् ।सद्बिम्बाधररक्तकुन्दवदनां स्वारस्य सम्भाषिणींश्रीशैलभ्रमराम्बिकां शिवयुतां चिन्मात्रमूर्तिं भजे ॥ ५॥

kaṇṭhālambitatārahārapaṭalāṃ kaivalyasandāyinīṃśobhājālamṛṇālabāhuḍamaru sthūlābjacakrāṅkitām |sadbimbādhararaktakundavadanāṃ svārasya sambhāṣiṇīṃśrīśailabhramarāmbikāṃ śivayutāṃ cinmātramūrtiṃ bhaje || 5||

नक्षत्राधिकनासिकामणिधरां नव्यारविन्देक्षणांमुक्तालङ्कृतकर्णभूषणयुगां मुग्धप्रतापान्विताम् ।आदर्शामलगण्डमण्डलधरामानन्दपूर्णान्तरांश्रीशैलभ्रमराम्बिकां शिवयुतां चिन्मात्रमूर्तिं भजे ॥ ६॥

nakṣatrādhikanāsikāmaṇidharāṃ navyāravindekṣaṇāṃmuktālaṅkṛtakarṇabhūṣaṇayugāṃ mugdhapratāpānvitām |ādarśāmalagaṇḍamaṇḍaladharāmānandapūrṇāntarāṃśrīśailabhramarāmbikāṃ śivayutāṃ cinmātramūrtiṃ bhaje || 6||

श्रीबालां च सुगन्धिगन्धतिलकां नव्यद्विरेपालकांसीमन्तायुतनद्दमौक्तकसरां शृङ्गाररङ्गत्कचाम् ।गाङ्गेयाचितरत्नकङ्कणझणत्काराग्रहस्तद्वयांश्रीशैलभ्रमराम्बिकां शिवयुतां चिन्मात्रमूर्तिं भजे ॥ ७॥

śrībālāṃ ca sugandhigandhatilakāṃ navyadvirepālakāṃsīmantāyutanaddamauktakasarāṃ śṛṅgāraraṅgatkacām |gāṅgeyācitaratnakaṅkaṇajhaṇatkārāgrahastadvayāṃśrīśailabhramarāmbikāṃ śivayutāṃ cinmātramūrtiṃ bhaje || 7||

सर्वाङ्गाभरणां प्रसन्नवदनां सर्वेश्वरीं सर्वदांसर्वज्ञां सजलाभ्रविभ्रमतनुं भक्तप्रियामम्बिकाम् ।मौलिस्थापितचन्द्रशेखरवरां माल्यार्पिताङ्गां शिवांश्रीशैलभ्रमराम्बिकां शिवयुतां चिन्मात्रमूर्तिं भजे ॥ ८॥

sarvāṅgābharaṇāṃ prasannavadanāṃ sarveśvarīṃ sarvadāṃsarvajñāṃ sajalābhravibhramatanuṃ bhaktapriyāmambikām |maulisthāpitacandraśekharavarāṃ mālyārpitāṅgāṃ śivāṃśrīśailabhramarāmbikāṃ śivayutāṃ cinmātramūrtiṃ bhaje || 8||

कल्याणीं कमलासनस्थचरणां गौरीं घनश्यामलाग्रैवेयाकृतहारनूपुरधरां कञ्जातप्राय्तेक्षणाम् ।गङ्गातुङ्गतरङ्गभासवदनां गन्धर्वगानप्रियांश्रीशैलभ्रमराम्बिकां शिवयुतां चिन्मात्रमूर्तिं भजे ॥ ९॥

kalyāṇīṃ kamalāsanasthacaraṇāṃ gaurīṃ ghanaśyāmalāgraiveyākṛtahāranūpuradharāṃ kañjātaprāytekṣaṇām |gaṅgātuṅgataraṅgabhāsavadanāṃ gandharvagānapriyāṃśrīśailabhramarāmbikāṃ śivayutāṃ cinmātramūrtiṃ bhaje || 9||

श्रीशैलभ्रमराम्बिकाष्टकमिदं श्रेयस्करं शाश्वतंचैन्द्रश्रीकरमप्रमेयमतुलं हर्षप्रदं बुद्धिदम् ।प्रभाते नियमात्पठेद्यदि पुमान् भक्त्यन्तरात्मशुचिःशौक्लींशान्तिमवाप्नुयात्रिजगतां सर्वेश्वरत्वं जयम् ॥ १०॥

śrīśailabhramarāmbikāṣṭakamidaṃ śreyaskaraṃ śāśvataṃcaindraśrīkaramaprameyamatulaṃ harṣapradaṃ buddhidam |prabhāte niyamātpaṭhedyadi pumān bhaktyantarātmaśuciḥśauklīṃśāntimavāpnuyātrijagatāṃ sarveśvaratvaṃ jayam || 10||

इति श्रीभ्रमराम्बाष्टकं समाप्तम् ।

iti śrībhramarāmbāṣṭakaṃ samāptam |