मुक्तिपुरस्थदेवीस्तोत्रम् Muktipurasthadevi Stotram

निखिलनिगमवेद्यं तावकानं चरित्रंनिगदितुमसमर्थस्तत्त्वबोधस्वरूपे ।भगवति तदपि त्वां भक्तिभाराकुलोऽहंकथमपि जगदीशे स्तोमि मुक्तिस्थलस्थे ॥ १॥

nikhilanigamavedyaṃ tāvakānaṃ caritraṃnigaditumasamarthastattvabodhasvarūpe |bhagavati tadapi tvāṃ bhaktibhārākulo'haṃkathamapi jagadīśe stomi muktisthalasthe || 1||

सततविनतभक्तव्रातचिताम्बुजार्तिप्रशमनकुशलोद्यद्रागपादारविन्दे ।अगतिरगसुतेऽहं त्वत्प्रसादाभिलाषीभगवति नियतं त्वां नौमि मुक्तिस्थलस्थे ॥ २॥

satatavinatabhaktavrātacitāmbujārtipraśamanakuśalodyadrāgapādāravinde |agatiragasute'haṃ tvatprasādābhilāṣībhagavati niyataṃ tvāṃ naumi muktisthalasthe || 2||

जननमरणघोरक्ष्वेलवाराकरान्तःपतन विवशलोकत्राणदक्षान् कटाक्षान् ।जननि तव दयार्द्रान् निन्दितेन्दीवराभाननुदिनमाय मह्यं देहि मुक्तिस्थलस्थे ॥ ३॥

jananamaraṇaghorakṣvelavārākarāntaḥpatana vivaśalokatrāṇadakṣān kaṭākṣān |janani tava dayārdrān ninditendīvarābhānanudinamāya mahyaṃ dehi muktisthalasthe || 3||

विशिष्टपदपङ्कजस्रुतमरन्दससवनप्रहृष्टधरणीसुरभ्रमरसञ्चयैरञ्चिते ।त्रिविष्टपसमे गुणैर्महति मुक्तिगह स्थितामभिष्टुतकथामुमामनिशमाश्रये शाश्वतीम् ॥ ४॥

viśiṣṭapadapaṅkajasrutamarandasasavanaprahṛṣṭadharaṇīsurabhramarasañcayairañcite |triviṣṭapasame guṇairmahati muktigaha sthitāmabhiṣṭutakathāmumāmaniśamāśraye śāśvatīm || 4||

अतित्वरमुदित्वरप्रणयपेशलालोकनप्रवृद्धकुतुकाकुलस्मरहराङ्गसङ्गोत्सुके ।जगत्त्रितयभूषणं जननि मुक्तिगेहस्थितेपदद्वितयमन्वहं मयि निधेहि शलात्मजे ॥ ५॥

atitvaramuditvarapraṇayapeśalālokanapravṛddhakutukākulasmaraharāṅgasaṅgotsuke |jagattritayabhūṣaṇaṃ janani muktigehasthitepadadvitayamanvahaṃ mayi nidhehi śalātmaje || 5||

सरोजदळलोचनां सततलिप्तगोरोचनांविनोदितगजाननां विमलपूर्णचन्द्राननाम् ।नमामि गिरिनन्दनां नतविरिञ्चसङ्क्रन्दनांविवेकिकृतभावनां विहितमुक्तिगेहावनाम् ॥ ६॥

sarojadaḷalocanāṃ satataliptagorocanāṃvinoditagajānanāṃ vimalapūrṇacandrānanām |namāmi girinandanāṃ nataviriñcasaṅkrandanāṃvivekikṛtabhāvanāṃ vihitamuktigehāvanām || 6||

सुरासुरनमस्कृते सुललिताङ्गदालङ्कृतेमुनीन्द्रनिहारते मुदितभक्तलोकावृते ।मनोहरतराकृते मदनवैरिसम्मानितेमहेश्वरि नमोऽस्तु ते महितमुक्तिसद्मास्थिते ॥ ७॥

surāsuranamaskṛte sulalitāṅgadālaṅkṛtemunīndranihārate muditabhaktalokāvṛte |manoharatarākṛte madanavairisammānitemaheśvari namo'stu te mahitamuktisadmāsthite || 7||

मनोज्ञनयनाञ्चलं मनसिजाहिते चञ्चलंकुचद्वयजिताचलं घृसृणरञ्जितोरस्स्थलम् ।महत्तमदयाकुलं मनसि मे सदा निस्तुलंमहः स्फुरतु निश्चलं महितमुक्तिगेहोज्ज्वलम् ॥ ८॥

manojñanayanāñcalaṃ manasijāhite cañcalaṃkucadvayajitācalaṃ ghṛsṛṇarañjitorassthalam |mahattamadayākulaṃ manasi me sadā nistulaṃmahaḥ sphuratu niścalaṃ mahitamuktigehojjvalam || 8||

मनोजन्मारातेर्महिषि महिषध्वंसिनि शिवेदुनोम्यापन्नोऽहं मरणमनुचिन्त्यातिभयदम् ।मनोज्ञं ते पादद्वयमरुणपाथोजसदृशंविनोदाय स्यान्मे विलासिततना मुक्तिनिलये ॥ ९॥

manojanmārātermahiṣi mahiṣadhvaṃsini śivedunomyāpanno'haṃ maraṇamanucintyātibhayadam |manojñaṃ te pādadvayamaruṇapāthojasadṛśaṃvinodāya syānme vilāsitatanā muktinilaye || 9||

भवाम्भोधिं घोरं विषयचयकल्लोलविषमंजवादुत्तीर्यार्तव्यसनशमनात्यन्तनिपुणे ।भवानि त्वन्नेत्रप्रसृतगुरुकारुण्यजलधौभवानि स्नातोऽहं दिवसमनु मुक्तिस्थलगते ॥ १०॥

bhavāmbhodhiṃ ghoraṃ viṣayacayakallolaviṣamaṃjavāduttīryārtavyasanaśamanātyantanipuṇe |bhavāni tvannetraprasṛtagurukāruṇyajaladhaubhavāni snāto'haṃ divasamanu muktisthalagate || 10||

विमोहाद्यैर्बद्धो विवशतरचित्तोऽहमनिशंप्रमादं ते लब्धं परमसुखसन्दायिनि शिवे ।रमानाथाम्भोजासन हरिहयाद्यातगुणनमामि त्वां भक्त्या मुहुरपि च मुक्यालयगते ॥ ११॥

vimohādyairbaddho vivaśataracitto'hamaniśaṃpramādaṃ te labdhaṃ paramasukhasandāyini śive |ramānāthāmbhojāsana harihayādyātaguṇanamāmi tvāṃ bhaktyā muhurapi ca mukyālayagate || 11||

दुर्गा हतरिपुवर्गां दुर्गायितमुक्तिसदनसन्निहिताम् ।भर्गाहतामुपासे सर्गावनहरणकर्तृभूतां ताम् ॥ १२॥

durgā hataripuvargāṃ durgāyitamuktisadanasannihitām |bhargāhatāmupāse sargāvanaharaṇakartṛbhūtāṃ tām || 12||

शम्बररिपुहरदयित तुम्बुरुभृगुनारदादिविनुतपदे ।अम्बुरुहाक्षि सदा मामम्ब रमे पाहि मुक्तिगेहगते ॥ १३॥

śambararipuharadayita tumburubhṛgunāradādivinutapade |amburuhākṣi sadā māmamba rame pāhi muktigehagate || 13||

स्मरशरनिकरविदारितपुरहरसुखवितरणातिनिपुणतनो ।उरुतरदुरितमशेषं परिहर मम गौरि मुक्ति पुरलसिते ॥ १४॥

smaraśaranikaravidāritapuraharasukhavitaraṇātinipuṇatano |urutaraduritamaśeṣaṃ parihara mama gauri mukti puralasite || 14||

चण्डतराहितमण्डलखण्डनचण्डे नमोऽस्तु हतमुण्डे ।कुण्डलमण्डितगण्डे चण्डहरे चण्डि मुक्तिगेहिनि ते ॥ १५॥

caṇḍatarāhitamaṇḍalakhaṇḍanacaṇḍe namo'stu hatamuṇḍe |kuṇḍalamaṇḍitagaṇḍe caṇḍahare caṇḍi muktigehini te || 15||

गिरितनये मयि रमतामरुणतरं चरणयुगलमनुदिवसम् ।हरदयिते सुरमहिते वरमयि ते मुक्तिगेहपरिलसिते ॥ १६॥

giritanaye mayi ramatāmaruṇataraṃ caraṇayugalamanudivasam |haradayite suramahite varamayi te muktigehaparilasite || 16||

अद्रीशनन्दिनि दयामृतवारिराशेविद्रावितारिनिवहे नतलोकबन्धो ।भद्रार्थदे निजपदाब्जजुषां जनानांरुद्राणि मुक्तिनिलयाधिगते नमस्ते ॥ १७॥

adrīśanandini dayāmṛtavārirāśevidrāvitārinivahe natalokabandho |bhadrārthade nijapadābjajuṣāṃ janānāṃrudrāṇi muktinilayādhigate namaste || 17||

कीनाशदण्डमनुचिन्त्य भयेन नित्यंस्नानासनादिषु च नोत्सुकमानसं माम् ।मेनाशयातिसुखदायिनि पाहि बद्धंनानाशया जननि मुक्तिपुराधिवासे ॥ १८॥

kīnāśadaṇḍamanucintya bhayena nityaṃsnānāsanādiṣu ca notsukamānasaṃ mām |menāśayātisukhadāyini pāhi baddhaṃnānāśayā janani muktipurādhivāse || 18||

सुभ्भादिघोरतरवीरसुरारिवृन्दडभ्भापहे नतजनावनलोलबुद्धे ।जभ्भारिवन्दितमुमे चरणद्वयं तेसम्भावयामि हृदि मुक्तिनिकेतनस्थे ॥ १९॥

subhbhādighorataravīrasurārivṛndaḍabhbhāpahe natajanāvanalolabuddhe |jabhbhārivanditamume caraṇadvayaṃ tesambhāvayāmi hṛdi muktiniketanasthe || 19||

हस्तालसत्त्रिशिखकृत्तलुलायशस्तमस्तातिशोभितमनोज्ञपदारविन्दे ।चित्ताम्बुजं मम पुनीहि समाश्रितानांहृत्तापहारिणि लसत्तनु मुक्तिगेहे ॥ २०॥

hastālasattriśikhakṛttalulāyaśastamastātiśobhitamanojñapadāravinde |cittāmbujaṃ mama punīhi samāśritānāṃhṛttāpahāriṇi lasattanu muktigehe || 20||

गर्वादिदोषरहिताशयसाधुलोकनिर्वाणदाननिपुणे करुणापयोधे ।सर्वापराधमयि मे सततं क्षमस्वशर्वाणि मुक्तिपुरवासिनि शलकन्ये ॥ २१॥

garvādidoṣarahitāśayasādhulokanirvāṇadānanipuṇe karuṇāpayodhe |sarvāparādhamayi me satataṃ kṣamasvaśarvāṇi muktipuravāsini śalakanye || 21||

शरणागतस्य करुणानिधे शिवेहर सारसाक्षि तरसा ममामयम् ।चरणं त्वदीयमरुण हृदम्बुजेकलयामि मुक्तिनिलयाधिवासिनि ॥ २२॥

śaraṇāgatasya karuṇānidhe śivehara sārasākṣi tarasā mamāmayam |caraṇaṃ tvadīyamaruṇa hṛdambujekalayāmi muktinilayādhivāsini || 22||

उरुमेहरोगपरिमोहितः शिवेकरवै किमद्य पुरवैरिवल्लभे ।विधिना हतं त्वमधुना सदैव मांपरिपाहि मुक्तिपुरवासलालसे ॥ २३॥

urumeharogaparimohitaḥ śivekaravai kimadya puravairivallabhe |vidhinā hataṃ tvamadhunā sadaiva māṃparipāhi muktipuravāsalālase || 23||

चरितानि देवि दुरितापहानि तेपरिकीर्तयानि सुरकीर्तितान्यहम् ।अयि त महेशदयिते दया भवेदवनाय मुक्तिभवनाधिवासिनि ॥ २४॥

caritāni devi duritāpahāni teparikīrtayāni surakīrtitānyaham |ayi ta maheśadayite dayā bhavedavanāya muktibhavanādhivāsini || 24||

सजलाम्बुदनीलबालभारे निजलावण्य विमोहिताङ्गजारे ।अचलाधिपनन्दने मतिः स्यादचला मे त्वयि मुक्तिगेहवासे ॥ २५॥

sajalāmbudanīlabālabhāre nijalāvaṇya vimohitāṅgajāre |acalādhipanandane matiḥ syādacalā me tvayi muktigehavāse || 25||

मदनान्तकवल्लभे शिवे ते वदनाम्भोरुहमेव सर्वदा मे ।वितनोतु सुखं समन्दहासं सुतनो मुक्तिनिकेतनाधिवासे ॥ २६॥

madanāntakavallabhe śive te vadanāmbhoruhameva sarvadā me |vitanotu sukhaṃ samandahāsaṃ sutano muktiniketanādhivāse || 26||

गळसीमनि लम्बमानशुम्भत्तुळसीदामलसद्भुजान्तराळम् ।कळभाषिणि भासतां मदन्तः कळभामोदिनि मुक्तिगेहगे ते ॥ २७॥

gaḷasīmani lambamānaśumbhattuḷasīdāmalasadbhujāntarāḷam |kaḷabhāṣiṇi bhāsatāṃ madantaḥ kaḷabhāmodini muktigehage te || 27||

गजकुम्भमदापहं त्वदाय कुचकुम्भद्वयमम्ब मानसे मे ।रथडभ्भहरं नितम्बबिम्बं सततं भातु च मुक्तिसद्मसंस्थे ॥ २८॥

gajakumbhamadāpahaṃ tvadāya kucakumbhadvayamamba mānase me |rathaḍabhbhaharaṃ nitambabimbaṃ satataṃ bhātu ca muktisadmasaṃsthe || 28||

गजराजकरादृतोरु मोदादजराराधितपादपङ्कजे त्वम् ।रुचिराङ्गि शिवे भवान्धकूपादचिरादुद्धर मुक्तिगेहगे माम् ॥ २९॥

gajarājakarādṛtoru modādajarārādhitapādapaṅkaje tvam |rucirāṅgi śive bhavāndhakūpādacirāduddhara muktigehage mām || 29||

शरणागतलोकपारिजातावरुणावाजिविधावपारिजाता ।मरणाधिहरौ शिवे त्वदीयौ चरणौ मुक्तिपुरस्थिते भजेयम् ॥ ३०॥

śaraṇāgatalokapārijātāvaruṇāvājividhāvapārijātā |maraṇādhiharau śive tvadīyau caraṇau muktipurasthite bhajeyam || 30||

ललितां पदशोभिनूपुरोद्यत्कळनादामृतशीतळीकृताशाम् ।कळहंससमादृतां गतिं ते कलये चेतसि मुक्तिगेहगेऽहम् ॥ ३१॥

lalitāṃ padaśobhinūpurodyatkaḷanādāmṛtaśītaḷīkṛtāśām |kaḷahaṃsasamādṛtāṃ gatiṃ te kalaye cetasi muktigehage'ham || 31||

मुखचन्द्रविनिर्गतां स्मितार्द्रामघहन्त्रीममृतोपमां गिरं ते ।सुखदां शृणवान्यहं विहातुं निखिलार्तिं लसिताङ्गि मुक्तिगेहे ॥ ३२॥

mukhacandravinirgatāṃ smitārdrāmaghahantrīmamṛtopamāṃ giraṃ te |sukhadāṃ śṛṇavānyahaṃ vihātuṃ nikhilārtiṃ lasitāṅgi muktigehe || 32||

नतमोहतमोपहे निजानां हितदे हे हतदेववैरिदेहे ।अतिशोभितगात्रि मुक्तिगेहे सदयं मामवलोकयानुवेलम् ॥ ३३॥

natamohatamopahe nijānāṃ hitade he hatadevavairidehe |atiśobhitagātri muktigehe sadayaṃ māmavalokayānuvelam || 33||

चिकुरादिपदान्तमम्ब चेतोमुकुरान्तः सततं दिदृक्षुमनम् ।अगराजसुते शिवे त्वमापन्निकरान्मामव मुक्तिगेहसंस्थे ॥ ३४॥

cikurādipadāntamamba cetomukurāntaḥ satataṃ didṛkṣumanam |agarājasute śive tvamāpannikarānmāmava muktigehasaṃsthe || 34||

मन्मथारिदयिते दयानिधे सन्मनःकुमुदवृन्दचन्द्रिका ।कल्मषावलिमुमे हराशु मे चिन्मयि त्वमयि मुक्तिगेहगे ॥ ३५॥

manmathāridayite dayānidhe sanmanaḥkumudavṛndacandrikā |kalmaṣāvalimume harāśu me cinmayi tvamayi muktigehage || 35||

मुक्ति मन्दिरगते त्मजे भक्तलोककमनीयविग्रहे ।मुक्तिदायिनि भवानि देहि मे भक्तिमेव तत्र पादपद्मयोः ॥ ३६॥

mukti mandiragate tmaje bhaktalokakamanīyavigrahe |muktidāyini bhavāni dehi me bhaktimeva tatra pādapadmayoḥ || 36||

मृत्युतापहरणामृतं नृणामत्युदारमयि ते पदाम्बुजम् ।नृत्यतादिह मदीयमानसे नित्यदा जननि मुक्तिगेहगे ॥ ३७॥

mṛtyutāpaharaṇāmṛtaṃ nṛṇāmatyudāramayi te padāmbujam |nṛtyatādiha madīyamānase nityadā janani muktigehage || 37||

भुवनमङ्गलदीपसमुज्ज्वले भवावषानलदग्धाममं जनम् ।तव कृपामृतवृष्टिभिरञ्जसा भवति जीवय मुक्तिपुरस्थिते ॥ ३८॥

bhuvanamaṅgaladīpasamujjvale bhavāvaṣānaladagdhāmamaṃ janam |tava kṛpāmṛtavṛṣṭibhirañjasā bhavati jīvaya muktipurasthite || 38||

गदसमूहमपोहितमम्ब त पदसरोजरजोनिचय मुदा ।वितर मुक्तिनिकेतगते जवादितरदद्य न मे शरणं शिवे ॥ ३९॥

gadasamūhamapohitamamba ta padasarojarajonicaya mudā |vitara muktiniketagate javāditaradadya na me śaraṇaṃ śive || 39||

दुरितवारिधिसन्तरणाय ते चरितकीर्तनपोतमुपाश्रितम् ।स्फुरितमुक्तिनिकेतनसङ्गते त्वरितमेनमुमे परिपाहि माम् ॥ ४०॥

duritavāridhisantaraṇāya te caritakīrtanapotamupāśritam |sphuritamuktiniketanasaṅgate tvaritamenamume paripāhi mām || 40||

मलयजालसितं शुभदं त्विषां निलयमम्ब तवाननपङ्कजम् ।सुललितं नियतं हृदि भावये विलसिते वरमुक्तिनिकेतने ॥ ४१॥

malayajālasitaṃ śubhadaṃ tviṣāṃ nilayamamba tavānanapaṅkajam |sulalitaṃ niyataṃ hṛdi bhāvaye vilasite varamuktiniketane || 41||

जनिमृत्युविनाशिनि पादजुषां मुनिसत्तमसन्नुतसच्चरिते ।मनसः स्थितिरस्तु ममाविरतं जननि त्वयि मुक्तिनिकेतगते ॥ ४२॥

janimṛtyuvināśini pādajuṣāṃ munisattamasannutasaccarite |manasaḥ sthitirastu mamāvirataṃ janani tvayi muktiniketagate || 42||

उररीकृतभक्तजने शिवद गिरिराजसुते मम गारि शिवेकुरु रोगविनाशनमाशु शिवे गुरुरागिणि मुक्तिनिकेतगते ॥ ४३॥

urarīkṛtabhaktajane śivada girirājasute mama gāri śivekuru rogavināśanamāśu śive gururāgiṇi muktiniketagate || 43||

वरमाल्यसमुज्ज्वलमुक्तिपुरे सुरमानवमानितपादयुगे ।हरमानसमानसमाधिहरे हर मामकमामयमाशु शिवे ॥ ४४॥

varamālyasamujjvalamuktipure suramānavamānitapādayuge |haramānasamānasamādhihare hara māmakamāmayamāśu śive || 44||

इभगामिनि कामिनि कामरिपोः शुभदायिनि दानवनाशिनि माम् ।परिपाहि कृपामृतवारिनिधे परमेश्वरि मुक्तिनिकेतगते ॥ ४५॥

ibhagāmini kāmini kāmaripoḥ śubhadāyini dānavanāśini mām |paripāhi kṛpāmṛtavārinidhe parameśvari muktiniketagate || 45||

उदाररूपे हितदानशीले पदारविन्दे परचिन्मये ते ।मुदा रमेणाङ्कधरानुरक्ते सदा रमे मुक्तिपुराधिनाथे ॥ ४६॥

udārarūpe hitadānaśīle padāravinde paracinmaye te |mudā rameṇāṅkadharānurakte sadā rame muktipurādhināthe || 46||

सरागयोस्ते पदयोर्महाजना निरागसः सन्ति परागसेवया ।सरोगमेनं परिपाहि मां शिवे सुरागवन्मुक्तिपुरे विराजिते ॥ ४७॥

sarāgayoste padayormahājanā nirāgasaḥ santi parāgasevayā |sarogamenaṃ paripāhi māṃ śive surāgavanmuktipure virājite || 47||

सुखावहं नित्यमघापहं शुभं मुखाम्बुजं देवि पदाम्बुजञ्च ते ।सुखेषु दुःखेषु मदीयमानसे चकास्तु मुक्तिस्थलसंस्थिते शिवे ॥ ४८॥

sukhāvahaṃ nityamaghāpahaṃ śubhaṃ mukhāmbujaṃ devi padāmbujañca te |sukheṣu duḥkheṣu madīyamānase cakāstu muktisthalasaṃsthite śive || 48||

प्रसीद विश्वेशि रमेशमाये प्रसीद शश्वत् परमेशजाये ।प्रसीद भक्तप्रियदानशीले प्रसीद मुक्तिस्थलवासलोले ॥ ४९॥

prasīda viśveśi rameśamāye prasīda śaśvat parameśajāye |prasīda bhaktapriyadānaśīle prasīda muktisthalavāsalole || 49||

नमोऽस्तु कारुण्यपयोनिधे ते नमोऽस्तु तारुण्यमनोहरे ते ।नमोऽस्तु मृत्युञ्जयवल्लभे ते नमोऽस्तु मुक्तिस्थलसङ्गते ते ॥ ५०॥

namo'stu kāruṇyapayonidhe te namo'stu tāruṇyamanohare te |namo'stu mṛtyuñjayavallabhe te namo'stu muktisthalasaṅgate te || 50||

नमो नमः पर्वतकन्यकायै नमो नमः शर्ववरप्रियायै ।नमो नमो मुक्तिसुखप्रदायै नमो नमो मुक्तिपुरस्थितायै ॥ ५१॥

namo namaḥ parvatakanyakāyai namo namaḥ śarvavarapriyāyai |namo namo muktisukhapradāyai namo namo muktipurasthitāyai || 51||

मातः स्तवं पठति मङ्गलदं य एतंप्रातः प्रबुद्धय भवतीमनुचिन्त्य नित्यम् ।प्रीतः स मुक्तिपुरवासिनि भक्तियुक्तोयाति क्षणेन तव पादसरोजमेव ॥ ५२॥

mātaḥ stavaṃ paṭhati maṅgaladaṃ ya etaṃprātaḥ prabuddhaya bhavatīmanucintya nityam |prītaḥ sa muktipuravāsini bhaktiyuktoyāti kṣaṇena tava pādasarojameva || 52||

तेम्प्ले इन् ंअलबर्।)इति मुक्तिपुरस्थदेवीस्तोत्रं सम्पूर्णम् ।

temple in ṃalabar|)iti muktipurasthadevīstotraṃ sampūrṇam |