दुर्गतिनाशिनीकवचम् Narayanaproktam Durgatinashini Kavacham

नारायण उवाच ।शृणु नारद वक्ष्यामि दुर्गायाः कवचं शुभम् ।श्रीकृष्णेनैव यद्दत्तं गोलोके ब्रह्मणे पुरा ॥ ३॥

nārāyaṇa uvāca |śṛṇu nārada vakṣyāmi durgāyāḥ kavacaṃ śubham |śrīkṛṣṇenaiva yaddattaṃ goloke brahmaṇe purā || 3||

ब्रह्मा त्रिपुरसङ्ग्रामे शङ्कराय ददौ पुरा ।जघान त्रिपुरं रुद्रो यद्धृत्वा भक्तिपूर्वकम् ॥ ४॥

brahmā tripurasaṅgrāme śaṅkarāya dadau purā |jaghāna tripuraṃ rudro yaddhṛtvā bhaktipūrvakam || 4||

हरो ददौ गौतमाय पद्माक्षाय च गौतमः ।यतो बभूव पद्माक्षः सप्तद्वीपेश्वरो जयी ॥ ५॥

haro dadau gautamāya padmākṣāya ca gautamaḥ |yato babhūva padmākṣaḥ saptadvīpeśvaro jayī || 5||

यद्धृत्वा पठनाद्ब्रह्मा ज्ञानवाञ्छक्तिमान्भुवि ।शिवो बभूव सर्वज्ञो योगिनां च गुरुर्यतः ।शिवतुल्यो गौतमश्च बभूव मुनिसत्तमः ॥ ६॥

yaddhṛtvā paṭhanādbrahmā jñānavāñchaktimānbhuvi |śivo babhūva sarvajño yogināṃ ca gururyataḥ |śivatulyo gautamaśca babhūva munisattamaḥ || 6||

ब्रह्माण्डविजयस्यास्य कवचस्य प्रजापतिः ।ऋषिश्छन्दश्च गायत्री देवी दुर्गतिनाशिनी ॥ ७॥

brahmāṇḍavijayasyāsya kavacasya prajāpatiḥ |ṛṣiśchandaśca gāyatrī devī durgatināśinī || 7||

ब्रह्माण्डविजये चैव विनियोगः प्रकीर्त्तितः ।पुण्यतीर्थं च महतां कवचं परमाद्भुतम् ॥ ८॥

brahmāṇḍavijaye caiva viniyogaḥ prakīrttitaḥ |puṇyatīrthaṃ ca mahatāṃ kavacaṃ paramādbhutam || 8||

ॐ ह्रीं दुर्गतिनाशिन्यै स्वाहा मे पातु मस्तकम् ।ॐ ह्रीं मे पातु कपालं चाप्यों ह्रीं श्रीं पातु लोचने ॥ ९॥

oṃ hrīṃ durgatināśinyai svāhā me pātu mastakam |oṃ hrīṃ me pātu kapālaṃ cāpyoṃ hrīṃ śrīṃ pātu locane || 9||

पातु मे कर्णयुग्मं चाप्यों दुर्गायै नमः सदा ।ॐ ह्रीं श्रीमिति नासां मे सदा पातु च सर्वतः ॥ १०॥

pātu me karṇayugmaṃ cāpyoṃ durgāyai namaḥ sadā |oṃ hrīṃ śrīmiti nāsāṃ me sadā pātu ca sarvataḥ || 10||

ह्रीं श्रीं क्रूमिति दन्तांश्च पातु क्लीमोष्ठयुग्मकम् ।क्लीं क्लीं क्लीं पातु कण्ठं च दुर्गे रक्षतु गण्डके ॥ ११॥

hrīṃ śrīṃ krūmiti dantāṃśca pātu klīmoṣṭhayugmakam |klīṃ klīṃ klīṃ pātu kaṇṭhaṃ ca durge rakṣatu gaṇḍake || 11||

स्कन्धं महाकालि दुर्गे स्वाहा पातु निरन्तरम् ।वक्षो विपद्विनाशिन्यै स्वाहा मे पातु सर्वतः ॥ १२॥

skandhaṃ mahākāli durge svāhā pātu nirantaram |vakṣo vipadvināśinyai svāhā me pātu sarvataḥ || 12||

दुर्गे दुर्गे रक्ष पार्श्वौ स्वाहा नाभिं सदाऽवतु ।दुर्गे दुर्गे देहि रक्षां पृष्ठं मे पातु सर्वतः ॥ १३॥

durge durge rakṣa pārśvau svāhā nābhiṃ sadā'vatu |durge durge dehi rakṣāṃ pṛṣṭhaṃ me pātu sarvataḥ || 13||

ॐ ह्रीं दुर्गायै स्वाहा च हस्तौ पादौ सदाऽवतु ।ॐ ह्रीं दुर्गायै स्वाहा च सर्वाङ्गं मे सदाऽवतु ॥ १४॥

oṃ hrīṃ durgāyai svāhā ca hastau pādau sadā'vatu |oṃ hrīṃ durgāyai svāhā ca sarvāṅgaṃ me sadā'vatu || 14||

प्राच्यां पातु महामाया चाग्नेय्यां पातु कालिका ।दक्षिणे दक्षकन्या च नैरृत्यां शिवसुन्दरी ॥ १५॥

prācyāṃ pātu mahāmāyā cāgneyyāṃ pātu kālikā |dakṣiṇe dakṣakanyā ca nairṛtyāṃ śivasundarī || 15||

पश्चिमे पार्वती पातु वाराही वारुणे सदा ।कुबेरमाता कौबेर्य्यामैशान्यामीश्वरी सदा ॥ १६॥

paścime pārvatī pātu vārāhī vāruṇe sadā |kuberamātā kauberyyāmaiśānyāmīśvarī sadā || 16||

ऊर्ध्वं नारायणी पातु त्वम्बिकाऽधः सदाऽवतु ।ज्ञानं ज्ञानप्रदा पातु स्वप्ने निद्रा सदाऽवतु ॥ १७॥

ūrdhvaṃ nārāyaṇī pātu tvambikā'dhaḥ sadā'vatu |jñānaṃ jñānapradā pātu svapne nidrā sadā'vatu || 17||

इति ते कथितं वत्स सर्वमन्त्रौघविग्रहम् ।ब्रह्माण्डविजयं नाम कवचं परमाद्भुतम् ॥ १८॥

iti te kathitaṃ vatsa sarvamantraughavigraham |brahmāṇḍavijayaṃ nāma kavacaṃ paramādbhutam || 18||

सुस्नातः सर्वतीर्थेषु सर्वयज्ञेषु यत्फलम् ।सर्वव्रतोपवासे च तत्फलं लभते नरः ॥ १९॥

susnātaḥ sarvatīrtheṣu sarvayajñeṣu yatphalam |sarvavratopavāse ca tatphalaṃ labhate naraḥ || 19||

गुरुमभ्यर्च्य विधिवद्वस्त्रालङ्कारचन्दनैः ।कण्ठे वा दक्षिणे बाहौ कवचं धारयेत्तु यः ॥ २०॥

gurumabhyarcya vidhivadvastrālaṅkāracandanaiḥ |kaṇṭhe vā dakṣiṇe bāhau kavacaṃ dhārayettu yaḥ || 20||

स च त्रैलोक्यविजयी सर्वशत्रुप्रमर्दकः ।इदं कवचमज्ञात्वा भजेद्दुर्गतिनाशिनीम् ॥ २१॥

sa ca trailokyavijayī sarvaśatrupramardakaḥ |idaṃ kavacamajñātvā bhajeddurgatināśinīm || 21||

शतलक्षं प्रजप्तोऽपि न मन्त्रः सिद्धिदायकः ॥ २२॥

śatalakṣaṃ prajapto'pi na mantraḥ siddhidāyakaḥ || 22||

कवचं काण्वशाखोक्तमुक्तं नारद सिद्धिदम् ।यस्मै कस्मै न दातव्यं गोपनीयं सुदुर्लभम् ॥ २३॥

kavacaṃ kāṇvaśākhoktamuktaṃ nārada siddhidam |yasmai kasmai na dātavyaṃ gopanīyaṃ sudurlabham || 23||

इति श्रीब्रह्मवैवर्तपुराणे गणपतिखण्डेएकोनचत्वारिंशाध्यायान्तर्गतं दुर्गतिनाशिनीकवचंसमाप्तम् ।ब्रह्मवैवर्तपुराण । गणपतिखण्ड । अध्याय ३९/३२३॥ब्रह्मवैवर्तपुराण । गणपतिखण्ड । अध्याय ३९/३-२३॥

iti śrībrahmavaivartapurāṇe gaṇapatikhaṇḍeekonacatvāriṃśādhyāyāntargataṃ durgatināśinīkavacaṃsamāptam |brahmavaivartapurāṇa | gaṇapatikhaṇḍa | adhyāya 39/323||brahmavaivartapurāṇa | gaṇapatikhaṇḍa | adhyāya 39/3-23||