देवीस्तवनगीतिका Devistavanagitika

जय जननि! भ्रमजालनिवारिणि! गीतविनोदिनि! ताललये!विविधवरोहणमूर्च्छनमोहिनि! हे परमेश्वरि! हे विजये! ।निखिलचराचरभूतविभाविनि! पिण्डसमष्टिसरूपचये!अनुपलमेव मनो मननं तव भक्तिरसस्य करोतु जये! ॥ १॥

jaya janani! bhramajālanivāriṇi! gītavinodini! tālalaye!vividhavarohaṇamūrcchanamohini! he parameśvari! he vijaye! |nikhilacarācarabhūtavibhāvini! piṇḍasamaṣṭisarūpacaye!anupalameva mano mananaṃ tava bhaktirasasya karotu jaye! || 1||

अयि मन एष भवो विभवे वरिवर्त्ति यदीयसरूपमयेवरमनुरूपमसि त्वमपि प्रभु यत्स्थितिभाति मुदा निचये ।भ्रमसि भवे भ्रमतो निजरूपनिरन्तरविस्मरणेन शयेअनुपलमेव मनो मननं तव भक्तिरसस्य करोतु जये! ॥ २॥

ayi mana eṣa bhavo vibhave varivartti yadīyasarūpamayevaramanurūpamasi tvamapi prabhu yatsthitibhāti mudā nicaye |bhramasi bhave bhramato nijarūpanirantaravismaraṇena śayeanupalameva mano mananaṃ tava bhaktirasasya karotu jaye! || 2||

पुरुषप्रधानतया जगतीगतदम्पतियुग्मविहारनयेनिरततमा नितरामति सैव विलासिनि! रासविलासकले ।अखिलनिरञ्जनसत्यसनातनरूपमयी मम सा विषये;अनुपलमेव मनो मननं तव भक्तिरसस्य करोतु जये! ॥ ३॥

puruṣapradhānatayā jagatīgatadampatiyugmavihāranayeniratatamā nitarāmati saiva vilāsini! rāsavilāsakale |akhilanirañjanasatyasanātanarūpamayī mama sā viṣaye;anupalameva mano mananaṃ tava bhaktirasasya karotu jaye! || 3||

सरभसप्रेमपयोनिधिमज्ज नलब्धरसामृतपानमयेपुलकितमानसभृङ्गयदीयसुभक्तगणो ननु भक्तिरये ।गुणगणगानपरो मुदमातनुते स्वरसप्तकतानलयेअनुपलमेव मनो मननं तव भक्तिरसस्य करोतु जये! ॥ ४॥

sarabhasapremapayonidhimajja nalabdharasāmṛtapānamayepulakitamānasabhṛṅgayadīyasubhaktagaṇo nanu bhaktiraye |guṇagaṇagānaparo mudamātanute svarasaptakatānalayeanupalameva mano mananaṃ tava bhaktirasasya karotu jaye! || 4||

परमपिता जननी जगतां भवतीह निदानमपि प्रलयेभवभवभूतिनिदानमलं भवरक्षणसाक्षिणि! कालमये ।वितथविनाशिनि! पापविमोचिनि! भीतिनिवारिणि! मातरयेअनुपलमेव मनो मननं तव भक्तिरसस्य करोतु जये! ॥ ५॥

paramapitā jananī jagatāṃ bhavatīha nidānamapi pralayebhavabhavabhūtinidānamalaṃ bhavarakṣaṇasākṣiṇi! kālamaye |vitathavināśini! pāpavimocini! bhītinivāriṇi! mātarayeanupalameva mano mananaṃ tava bhaktirasasya karotu jaye! || 5||

निखिल चराचरभूतविधायिनि! भूतमहेश्वरि! भूतधयेजनमन अन्तरप्राणसरूपिणि! योगनिरूपिणि! योगमये ।स्वजनविनोदिनि! भक्तजनस्य सदा हृदयाम्बुजकोशशये!अनुपलमेव मनो मननं तव भक्तिरसस्य करोतु जये! ॥ ६॥

nikhila carācarabhūtavidhāyini! bhūtamaheśvari! bhūtadhayejanamana antaraprāṇasarūpiṇi! yoganirūpiṇi! yogamaye |svajanavinodini! bhaktajanasya sadā hṛdayāmbujakośaśaye!anupalameva mano mananaṃ tava bhaktirasasya karotu jaye! || 6||

अखिलचराचरगामिनि! साधकसाधनसाध्यसुसिद्धिमयेसरसमनोहररूपविलासविलोकनजातललामत मे ।ऋषिमुनयस्तव दर्शनमद्भुतमाशु नयन्ति समाधिलयेअनुपलमेव मनो मननं तव भक्तिरस्रस्य करोतु जये! ॥ ७॥

akhilacarācaragāmini! sādhakasādhanasādhyasusiddhimayesarasamanohararūpavilāsavilokanajātalalāmata me |ṛṣimunayastava darśanamadbhutamāśu nayanti samādhilayeanupalameva mano mananaṃ tava bhaktirasrasya karotu jaye! || 7||

अनृतदृढं भ्रमजालमिदं मन आशु विदित्वा छिन्धि भयेन पत निरन्तरमेव विलोकय रूपवरेऽखिलविश्वमये ।बहुविधरूपविवर्जितमां परमां प्रथितां निजरूपमयेअनुपलमेव मनो मननं तव भक्तिरसस्य करोतु जये! ॥ ८॥

anṛtadṛḍhaṃ bhramajālamidaṃ mana āśu viditvā chindhi bhayena pata nirantarameva vilokaya rūpavare'khilaviśvamaye |bahuvidharūpavivarjitamāṃ paramāṃ prathitāṃ nijarūpamayeanupalameva mano mananaṃ tava bhaktirasasya karotu jaye! || 8||

इति देवीस्तवनगीतिका समाप्ता ।(प्रातः भैरवीरागेण सायं खम्माचेन त्रितालतो गीयते ।)

iti devīstavanagītikā samāptā |(prātaḥ bhairavīrāgeṇa sāyaṃ khammācena tritālato gīyate |)