अर्बुदाभगवतीस्तोत्रम् Arbudabhagavati Stotram

श्यामां दिनाद्ययजनेरुणपद्मरागांदेवीं प्रदोषसमये च हिरण्यवर्णाम् ।संवित्प्रभां सकलमूर्तिषु निर्विकल्पांतामर्बुदां भगवतीं प्रणतोऽस्मि भक्त्या ॥ १॥

śyāmāṃ dinādyayajaneruṇapadmarāgāṃdevīṃ pradoṣasamaye ca hiraṇyavarṇām |saṃvitprabhāṃ sakalamūrtiṣu nirvikalpāṃtāmarbudāṃ bhagavatīṃ praṇato'smi bhaktyā || 1||

सौम्यां सदा हृदि सतां ललितस्वरूपांक्रूरां च दुष्टमनसां धृतघोररूपाम् ।शूलासिपात्रफणिपाशकरां पराम्बांतामर्बुदां भगवतीं प्रणतोऽस्मि भक्त्या ॥ २॥

saumyāṃ sadā hṛdi satāṃ lalitasvarūpāṃkrūrāṃ ca duṣṭamanasāṃ dhṛtaghorarūpām |śūlāsipātraphaṇipāśakarāṃ parāmbāṃtāmarbudāṃ bhagavatīṃ praṇato'smi bhaktyā || 2||

ब्रह्मादिपञ्चसमलङ्कृत मञ्चमध्यांज्ञानक्रियाबलवतीं जनिताण्डकोटिम् ।कैवल्यधामफलधारणकल्पवल्लींतामर्बुदां भगवतीं प्रणतोऽस्मि भक्त्या ॥ ३॥

brahmādipañcasamalaṅkṛta mañcamadhyāṃjñānakriyābalavatīṃ janitāṇḍakoṭim |kaivalyadhāmaphaladhāraṇakalpavallīṃtāmarbudāṃ bhagavatīṃ praṇato'smi bhaktyā || 3||

सिद्धां वशिष्ठभृगुगौतमसिद्धिदात्रींनित्याचलेश्वरनिरीक्षणचञ्चलाक्षीम् ।सिंहाधिरूढसुमुखीं शशिखण्डमौलिंतामर्बुदां भगवतीं प्रणतोऽस्मि भक्त्या ॥ ४॥

siddhāṃ vaśiṣṭhabhṛgugautamasiddhidātrīṃnityācaleśvaranirīkṣaṇacañcalākṣīm |siṃhādhirūḍhasumukhīṃ śaśikhaṇḍamauliṃtāmarbudāṃ bhagavatīṃ praṇato'smi bhaktyā || 4||

वात्सल्यसारपरिपूर्णविशालनेत्रांयोगीशसेवितकुलामृतवृष्टिरूपाम् ।षट्पद्मकाननचरां प्रणवद्विरेफांतामर्बुदां भगवतीं प्रणतोऽस्मि भक्त्या ॥ ५॥

vātsalyasāraparipūrṇaviśālanetrāṃyogīśasevitakulāmṛtavṛṣṭirūpām |ṣaṭpadmakānanacarāṃ praṇavadvirephāṃtāmarbudāṃ bhagavatīṃ praṇato'smi bhaktyā || 5||

श्रीमद् यतीन्द्रपरिभावितब्रह्मरूपांगुह्योपदेशकुशलां गिरिगर्भविष्टाम् ।श्रुत्यन्तगीतविभवां विरतिप्रहृष्टांतामर्बुदां भगवतीं प्रणतोऽस्मि भक्त्या ॥ ६॥

śrīmad yatīndraparibhāvitabrahmarūpāṃguhyopadeśakuśalāṃ girigarbhaviṣṭām |śrutyantagītavibhavāṃ viratiprahṛṣṭāṃtāmarbudāṃ bhagavatīṃ praṇato'smi bhaktyā || 6||

अर्बुदाम्बां पदाम्भोजं यः स्मरेन् नियमान्वितः ।अनेन श्लोकषट्केन भवेद्देवीप्रसादभाग् ॥इति श्रीईश्वरानन्दगिरिविरचितं अर्बुदाभगवतीस्तोत्रं सम्पूर्णम् ।

arbudāmbāṃ padāmbhojaṃ yaḥ smaren niyamānvitaḥ |anena ślokaṣaṭkena bhaveddevīprasādabhāg ||iti śrīīśvarānandagiriviracitaṃ arbudābhagavatīstotraṃ sampūrṇam |