दत्तात्रेयप्रार्थनास्तोत्रम् वा घोरकष्टोद्धारणस्तोत्रम् Shridattatreyaprarthanastotram Evam Ghorakashtoddharana Stotra

श्रीपाद श्रीवल्लभ त्वं सदैव । श्रीदत्तास्मान्पाहि देवाधिदेव ॥भावग्राह्य क्लेशहारिन्सुकीर्ते । घोरात्कष्टादुद्धरास्मान्नमस्ते ॥ १॥

śrīpāda śrīvallabha tvaṃ sadaiva | śrīdattāsmānpāhi devādhideva ||bhāvagrāhya kleśahārinsukīrte | ghorātkaṣṭāduddharāsmānnamaste || 1||

त्वं नो माता त्वं पिताप्तोऽधिपस्त्वम् । त्राता योगक्षेमकृत्सद्गुरुस्त्वम् ॥त्वं सर्वस्वं नोऽप्रभो विश्वमूर्ते । घोरात्कष्टादुद्धरास्मान्नमस्ते ॥ २॥

tvaṃ no mātā tvaṃ pitāpto'dhipastvam | trātā yogakṣemakṛtsadgurustvam ||tvaṃ sarvasvaṃ no'prabho viśvamūrte | ghorātkaṣṭāduddharāsmānnamaste || 2||

पापं तापं व्याधिमाधिं च दैन्यम् । भीतिं क्लेशं त्वं हराशु त्वदन्यम् ॥त्रातारं नो वीक्ष्य ईशास्तजूर्ते । घोरात्कष्टादुद्धरास्मान्नमस्ते ॥ ३॥

pāpaṃ tāpaṃ vyādhimādhiṃ ca dainyam | bhītiṃ kleśaṃ tvaṃ harāśu tvadanyam ||trātāraṃ no vīkṣya īśāstajūrte | ghorātkaṣṭāduddharāsmānnamaste || 3||

नान्यस्त्राता नापि दाता न भर्ता । त्वत्तो देव त्वं शरण्योऽकहर्ता ॥कुर्वात्रेयानुग्रहं पूर्णराते । घोरात्कष्टादुद्धरास्मान्नमस्ते ॥ ४॥

nānyastrātā nāpi dātā na bhartā | tvatto deva tvaṃ śaraṇyo'kahartā ||kurvātreyānugrahaṃ pūrṇarāte | ghorātkaṣṭāduddharāsmānnamaste || 4||

धर्मे प्रीतिं सन्मतिं देवभक्तिम् । सत्संगाप्तिं देहि भुक्तिं च मुक्तिम् ।भावासक्तिं चाखिलानंदमूर्ते । घोरात्कष्टादुद्धरास्मान्नमस्ते ॥ ५॥

dharme prītiṃ sanmatiṃ devabhaktim | satsaṃgāptiṃ dehi bhuktiṃ ca muktim |bhāvāsaktiṃ cākhilānaṃdamūrte | ghorātkaṣṭāduddharāsmānnamaste || 5||

श्लोकपंचकमेततद्यो लोकमङ्गलवर्धनम् ।प्रपठेन्नियतो भक्त्या स श्रीदत्तप्रियो भवेत् ॥इति श्रीवासुदेवानन्दसरस्वतीविरचितंश्रीदत्तात्रेयप्रार्थनास्तोत्रं सम्पूर्णम् ॥

ślokapaṃcakametatadyo lokamaṅgalavardhanam |prapaṭhenniyato bhaktyā sa śrīdattapriyo bhavet ||iti śrīvāsudevānandasarasvatīviracitaṃśrīdattātreyaprārthanāstotraṃ sampūrṇam ||