भगवत्भक्तिपद्यम् २ Bhagavatbhaktipadyam 2

पद्यम् (चाल जमका अजब तडाका॥)भगवन्निर्विकार ईश त्वमसि सदोदित विगताश ॥धृ ॥अपरोक्षस्त्वं नित्यप्राप्तः प्राप्तिस्त्वं कथमीश ।स्वयञ्ज्योतिस्त्वमतो विकृतिर्नहि तव भवदवनाश ॥ १॥

padyam (cāla jamakā ajaba taḍākā||)bhagavannirvikāra īśa tvamasi sadodita vigatāśa ||dhṛ ||aparokṣastvaṃ nityaprāptaḥ prāptistvaṃ kathamīśa |svayañjyotistvamato vikṛtirnahi tava bhavadavanāśa || 1||

मलिनो योऽसौ मलक्षालनाच्छुद्धो विकृतिं यातीश ।अज्ञानमलाऽस्पृष्टोऽस्यमलाऽतस्ते विकृतिः क्वेश ॥ २॥

malino yo'sau malakṣālanācchuddho vikṛtiṃ yātīśa |ajñānamalā'spṛṣṭo'syamalā'taste vikṛtiḥ kveśa || 2||

यो हि जायते सचोत्पत्तिना विक्रियते जगदीश ॥त्वं तु सदाऽजस्तवाधोक्षज विकार उत्पत्तित ईश ॥ ३॥

yo hi jāyate sacotpattinā vikriyate jagadīśa ||tvaṃ tu sadā'jastavādhokṣaja vikāra utpattita īśa || 3||

आगमगेयस्त्वमप्रमेयः कथं घटेत त्रीश ।ज्ञानलक्षणाऽतिशयाधानात्संस्कारस्तव धीश ॥ ४॥

āgamageyastvamaprameyaḥ kathaṃ ghaṭeta trīśa |jñānalakṣaṇā'tiśayādhānātsaṃskārastava dhīśa || 4||

त्वं देशाद्यैरपरिच्छिन्नो महानुभूति त्रीश ।अस्तित्वाद्या विकृतिरविद्या कृता न तेऽस्ति परेश ॥ ५॥

tvaṃ deśādyairaparicchinno mahānubhūti trīśa |astitvādyā vikṛtiravidyā kṛtā na te'sti pareśa || 5||

त्वमेक एवाद्वितीय एवाखिलानुभूतिः स्वेश ।विकारहेतोरभावतोऽतो न ते विकारोधीश ॥ ६॥

tvameka evādvitīya evākhilānubhūtiḥ sveśa |vikārahetorabhāvato'to na te vikārodhīśa || 6||

श्रुतिविषयस्य स्वयं प्रभावं तूक्तिविरामेधीश ।त्वदीषिता वाङ्मुखाशचरन्ति वृत्तिव्याप्तिः सुमतेश ॥ ७॥

śrutiviṣayasya svayaṃ prabhāvaṃ tūktivirāmedhīśa |tvadīṣitā vāṅmukhāśacaranti vṛttivyāptiḥ sumateśa || 7||

(अस्य श्लोकः भागवते)एष स्वयञ्ज्योतिरजोऽप्रमेयो महानुभूतिः सकलानुभूतिः ।एकोऽद्वितीयो वचसां विरामे एनेषिता वागसवश्चरन्ति ॥ १॥

(asya ślokaḥ bhāgavate)eṣa svayañjyotirajo'prameyo mahānubhūtiḥ sakalānubhūtiḥ |eko'dvitīyo vacasāṃ virāme eneṣitā vāgasavaścaranti || 1||

इति श्रीवासुदेवानन्दसरस्वतीविरचितं भगवत्भक्तिपद्यं सम्पूर्णम् ।

iti śrīvāsudevānandasarasvatīviracitaṃ bhagavatbhaktipadyaṃ sampūrṇam |