भगवत्भक्तिपद्यम् १ Bhagavatbhaktipadyam 1

पद्यम् (चाल जमका अजब तडाका)भगवन् भक्तिरसं देहि स्याद्धन्यो येन तु देही ॥ ध्रु ॥सकामधर्मं हृदापि नेच्छोऽनर्थकरेऽस्मिन् तुच्छे ।निरास्पदेऽनिलहतनार्वीव स्वार्थं को वाऽन्विच्छेत् ॥ १॥

padyam (cāla jamakā ajaba taḍākā)bhagavan bhaktirasaṃ dehi syāddhanyo yena tu dehī || dhru ||sakāmadharmaṃ hṛdāpi neccho'narthakare'smin tucche |nirāspade'nilahatanārvīva svārthaṃ ko vā'nvicchet || 1||

अखण्डभगवद्भजनविघ्नकृन्नियते कर्मण्यपि मे ।सदानादरस्त्वद्भजनादरः परास्तु नाऽन्येच्छा मे ॥ २॥

akhaṇḍabhagavadbhajanavighnakṛnniyate karmaṇyapi me |sadānādarastvadbhajanādaraḥ parāstu nā'nyecchā me || 2||

ननु स्वधर्मत्यागे भजतां कृतार्थता चेद्दिष्ट्या ।येन यदि वाऽतो भ्रश्येद्वाऽपक्वः किं स न साधुः ॥ ३॥

nanu svadharmatyāge bhajatāṃ kṛtārthatā ceddiṣṭyā |yena yadi vā'to bhraśyedvā'pakvaḥ kiṃ sa na sādhuḥ || 3||

न भक्तिरसिकोऽनर्थं याति क्वापि समर्थः ।भक्तिवासनासद्भाग्यान्नो हीनोऽपि भजेत्स्वार्थम् ॥ ४॥

na bhaktirasiko'narthaṃ yāti kvāpi samarthaḥ |bhaktivāsanāsadbhāgyānno hīno'pi bhajetsvārtham || 4||

भजतो जन्मान्तरेऽप्यभद्रं नीचगतो लभेत्कि ।स्वधर्मनिरतो चेद्भक्तो भद्रं क्वापि लभेत्किम् ॥ ५॥

bhajato janmāntare'pyabhadraṃ nīcagato labhetki |svadharmanirato cedbhakto bhadraṃ kvāpi labhetkim || 5||

यद्यपि धर्मादुपरि सुखं स्यात्तदर्थयत्नो व्यर्थः ।सुखानि दैवाद् दुःखानीवाऽऽयान्ति क्वापि समर्थ ॥ ६॥

yadyapi dharmādupari sukhaṃ syāttadarthayatno vyarthaḥ |sukhāni daivād duḥkhānīvā''yānti kvāpi samartha || 6||

यदधोलभ्यं चोर्ध्वमलभ्यं तदेव देव प्रेष्ठ ।त्वत्पदभजनं जनिमृतिभञ्जनं मे देह्यमरश्रेष्ठ ॥ ७॥

yadadholabhyaṃ cordhvamalabhyaṃ tadeva deva preṣṭha |tvatpadabhajanaṃ janimṛtibhañjanaṃ me dehyamaraśreṣṭha || 7||

इति श्रीवासुदेवानन्दसरस्वतीविरचितं भगवत्भक्तिपद्यं सम्पूर्णम् ।

iti śrīvāsudevānandasarasvatīviracitaṃ bhagavatbhaktipadyaṃ sampūrṇam |