दशावतार वकारादि वराहाष्टोत्तरशतनामस्तोत्रम् Vakaradi Shri Varahashtottarashatanamastotram

श्री हयग्रीवाय नमः ।हरिः ॐवराहो वरदो वन्द्यो वरेण्यो वसुदेवभाः ।वषट्कारो वसुनिधिर्वसुधोद्धरणो वसुः ॥ १॥

śrī hayagrīvāya namaḥ |hariḥ oṃvarāho varado vandyo vareṇyo vasudevabhāḥ |vaṣaṭkāro vasunidhirvasudhoddharaṇo vasuḥ || 1||

वसुदेवो वसुमतीदंष्ट्रो वसुमतीप्रियः ।वनधिस्तोमरोमान्धुर्वज्ररोमा वदावदः ॥ २॥

vasudevo vasumatīdaṃṣṭro vasumatīpriyaḥ |vanadhistomaromāndhurvajraromā vadāvadaḥ || 2||

वलक्षाङ्गो वश्यविश्वो वसुधाधरसन्निभः ।वनजोदरदुर्वारविषादध्वंसनोदयः ॥ ३॥

valakṣāṅgo vaśyaviśvo vasudhādharasannibhaḥ |vanajodaradurvāraviṣādadhvaṃsanodayaḥ || 3||

वल्गत्सटाजातवातधूतजीमूतसंहतिः ।वज्रदंष्ट्राग्रविच्छिन्न हिरण्याक्षधराधरः ॥ ४॥

valgatsaṭājātavātadhūtajīmūtasaṃhatiḥ |vajradaṃṣṭrāgravicchinna hiraṇyākṣadharādharaḥ || 4||

वशिष्टाद्यर्षिनिकरस्तूयमानो वनायनः ।वनजासनरुद्रेन्द्रप्रसादित महाशयः ॥ ५॥

vaśiṣṭādyarṣinikarastūyamāno vanāyanaḥ |vanajāsanarudrendraprasādita mahāśayaḥ || 5||

वरदानविनिर्धूतब्रह्मब्राह्मणसंशयः ।वल्लभो वसुधाहारिरक्षोबलनिषूदनः ॥ ६॥

varadānavinirdhūtabrahmabrāhmaṇasaṃśayaḥ |vallabho vasudhāhārirakṣobalaniṣūdanaḥ || 6||

वज्रसारखुराघातदलिताब्धिरसाहिवः ।वलाद्वालोत्कटाटोपध्वस्तब्रह्माण्डकर्परः ॥ ७॥

vajrasārakhurāghātadalitābdhirasāhivaḥ |valādvālotkaṭāṭopadhvastabrahmāṇḍakarparaḥ || 7||

वदनान्तर्गतायात ब्रह्माण्डश्वासपद्धतिः ।वर्चस्वी वरदंष्ट्राग्रसमुन्मीलितदिक्तटः ॥ ८॥

vadanāntargatāyāta brahmāṇḍaśvāsapaddhatiḥ |varcasvī varadaṃṣṭrāgrasamunmīlitadiktaṭaḥ || 8||

वनजासननासान्तर्हंसवाहावरोहितः ।वनजासनदृक्पद्मविकासाद्भुतभास्करः ॥ ९॥

vanajāsananāsāntarhaṃsavāhāvarohitaḥ |vanajāsanadṛkpadmavikāsādbhutabhāskaraḥ || 9||

वसुधाभ्रमरारूढदंष्ट्रापद्माग्रकेसरः ।वसुधाधूममषिका रम्यदंष्ट्राप्रदीपकः ॥ १०॥

vasudhābhramarārūḍhadaṃṣṭrāpadmāgrakesaraḥ |vasudhādhūmamaṣikā ramyadaṃṣṭrāpradīpakaḥ || 10||

वसुधासहस्रपत्रमृणालायित दंष्ट्रिकः ।वसुधेन्दीवराक्रान्तदंष्ट्राचन्द्रकलाञ्चितः ॥ ११॥

vasudhāsahasrapatramṛṇālāyita daṃṣṭrikaḥ |vasudhendīvarākrāntadaṃṣṭrācandrakalāñcitaḥ || 11||

वसुधाभाजनालम्बदंष्ट्रारजतयष्टिकः ।वसुधाभूधरावेधि दंष्ट्रासूचीकृताद्भुतः ॥ १२॥

vasudhābhājanālambadaṃṣṭrārajatayaṣṭikaḥ |vasudhābhūdharāvedhi daṃṣṭrāsūcīkṛtādbhutaḥ || 12||

वसुधासागराहार्यलोकलोकपधृद्रदः ।वसुधावसुधाहारिरक्षोधृच्छृङ्गयुग्मकः ॥ १३॥

vasudhāsāgarāhāryalokalokapadhṛdradaḥ |vasudhāvasudhāhārirakṣodhṛcchṛṅgayugmakaḥ || 13||

वसुधाधस्समालम्बिनालस्तम्भ प्रकम्पनः ।वसुधाच्छत्ररजतदण्डच्छृङ्गमनोरमः ॥ १४॥

vasudhādhassamālambinālastambha prakampanaḥ |vasudhācchatrarajatadaṇḍacchṛṅgamanoramaḥ || 14||

वतंसीकृतमन्दारो वलक्षीकृतभूतलः ।वरदीकृतवृत्तान्तो वसुधीकृतसागरः ॥ १५॥

vataṃsīkṛtamandāro valakṣīkṛtabhūtalaḥ |varadīkṛtavṛttānto vasudhīkṛtasāgaraḥ || 15||

वश्यमायो वरगुणक्रियाकारो वराभिधः ।वरुणालयवास्तव्यजन्तुविद्राविघुर्घुरः ॥ १६॥

vaśyamāyo varaguṇakriyākāro varābhidhaḥ |varuṇālayavāstavyajantuvidrāvighurghuraḥ || 16||

वरुणालयविच्छेत्ता वरुणादिदुरासदः ।वनजासनसन्तानावनजात महाकृपः ॥ १७॥

varuṇālayavicchettā varuṇādidurāsadaḥ |vanajāsanasantānāvanajāta mahākṛpaḥ || 17||

वत्सलो वह्निवदनो वराहवमयो वसुः ।वनमाली वन्दिवेदो वयस्थो वनजोदरः ॥ १८॥

vatsalo vahnivadano varāhavamayo vasuḥ |vanamālī vandivedo vayastho vanajodaraḥ || 18||

वेदत्वचे वेदविदे वेदिने वेदवादिने ।वेदवेदाङ्गतत्त्वज्ञ नमस्ते वेदमूर्तये ॥ १९॥

vedatvace vedavide vedine vedavādine |vedavedāṅgatattvajña namaste vedamūrtaye || 19||

वेदविद्वेद्य विभवो वेदेशो वेदरक्षणः ।वेदान्तसिन्धुसञ्चारी वेददूरः पुनातु माम् ॥ २०॥

vedavidvedya vibhavo vedeśo vedarakṣaṇaḥ |vedāntasindhusañcārī vedadūraḥ punātu mām || 20||

वेदान्तसिन्धुमध्यस्थाचलोद्धर्ता वितानकृत् ।वितानेशो वितानाङ्गो वितानफलदो विभुः ॥ २१॥

vedāntasindhumadhyasthācaloddhartā vitānakṛt |vitāneśo vitānāṅgo vitānaphalado vibhuḥ || 21||

वितानभावनो विश्वभावनो विश्वरूपधृत् ।विश्वदंष्ट्रो विश्वगर्भो विश्वगो विश्वसम्मतः ॥ २२॥

vitānabhāvano viśvabhāvano viśvarūpadhṛt |viśvadaṃṣṭro viśvagarbho viśvago viśvasammataḥ || 22||

वेदारण्यचरो वामदेवादिमृगसंवृतः ।विश्वातिक्रान्तमहिमा पातु मां वन्यभूपतिः ॥ २३॥

vedāraṇyacaro vāmadevādimṛgasaṃvṛtaḥ |viśvātikrāntamahimā pātu māṃ vanyabhūpatiḥ || 23||

वैकुण्ठकोलो विकुण्ठलीलो विलयसिन्धुगः ।वप्तःकबलिताजाण्डो वेगवान् विश्वपावनः ॥ २४॥

vaikuṇṭhakolo vikuṇṭhalīlo vilayasindhugaḥ |vaptaḥkabalitājāṇḍo vegavān viśvapāvanaḥ || 24||

विपश्चिदाशयारण्यपुण्यस्फूर्तिर्विशृङ्खलः ।विश्वद्रोहिक्षयकरो विश्वाधिकमहाबलः ॥ २५॥

vipaścidāśayāraṇyapuṇyasphūrtirviśṛṅkhalaḥ |viśvadrohikṣayakaro viśvādhikamahābalaḥ || 25||

वीर्यसिन्धुर्विवद्बन्धुर्वियत्सिन्धुतरङ्गितः ।व्यादत्तविद्वेषिसत्त्वमुस्तो विश्वगुणाम्बुधिः ॥ २६॥

vīryasindhurvivadbandhurviyatsindhutaraṅgitaḥ |vyādattavidveṣisattvamusto viśvaguṇāmbudhiḥ || 26||

विश्वमङ्गलकान्तार कृतलीलाविहार ते ।विश्वमङ्गलदोत्तुङ्ग करुणापाङ्ग सन्नतिः ॥ २७॥

viśvamaṅgalakāntāra kṛtalīlāvihāra te |viśvamaṅgaladottuṅga karuṇāpāṅga sannatiḥ || 27||

॥ इति वकारादि श्री वराहाष्टोत्तरशतम् पराभवश्रावणशुद्ध त्रयोदश्यां लिखितं रामेण समर्पितं चश्रीमद्धयवदन चरणारविन्दयोर्विजयतां तराम् ॥

|| iti vakārādi śrī varāhāṣṭottaraśatam parābhavaśrāvaṇaśuddha trayodaśyāṃ likhitaṃ rāmeṇa samarpitaṃ caśrīmaddhayavadana caraṇāravindayorvijayatāṃ tarām ||