वामनस्तोत्रम् (भागवतपुराणान्तर्गतम् अज्ञेश यज्ञपुरुषाच्युत तीर्थपाद) Vamanastotram

श्री गणेशाय नमः ।श्रीअदितिरुवाच ।यज्ञेश यज्ञपुरुषाच्युत तीर्थपादतीर्थश्रवः श्रवणमङ्गलनामधेय ।आपन्नलोकवृजिनोपशमोदयाऽऽद्यशं नः कृधीश भगवन्नसि दीननाथः ॥ १॥

śrī gaṇeśāya namaḥ |śrīaditiruvāca |yajñeśa yajñapuruṣācyuta tīrthapādatīrthaśravaḥ śravaṇamaṅgalanāmadheya |āpannalokavṛjinopaśamodayā''dyaśaṃ naḥ kṛdhīśa bhagavannasi dīnanāthaḥ || 1||

विश्वाय विश्वभवनस्थितिसंयमायस्वैरं गृहीतपुरुशक्तिगुणाय भूम्ने ।स्वस्थाय शश्वदुपबृंहितपूर्णबोधव्यापादितात्मतमसे हरये नमस्ते ॥ २॥

viśvāya viśvabhavanasthitisaṃyamāyasvairaṃ gṛhītapuruśaktiguṇāya bhūmne |svasthāya śaśvadupabṛṃhitapūrṇabodhavyāpāditātmatamase haraye namaste || 2||

आयुः परं वपुरभीष्टमतुल्यलक्ष्मीर्द्यौभूरसाः सकलयोगगुणास्त्रिवर्गः ।ज्ञानं च केवलमनन्त भवन्ति तुष्टात्त्वत्तो नृणां किमु सपत्नजयादिराशीः ॥ ३॥

āyuḥ paraṃ vapurabhīṣṭamatulyalakṣmīrdyaubhūrasāḥ sakalayogaguṇāstrivargaḥ |jñānaṃ ca kevalamananta bhavanti tuṣṭāttvatto nṛṇāṃ kimu sapatnajayādirāśīḥ || 3||

इति श्रीमद्भागवतपुराणान्तर्गतं वामनस्तोत्रं सम्पूर्णम् ॥

iti śrīmadbhāgavatapurāṇāntargataṃ vāmanastotraṃ sampūrṇam ||