दशावतार वकारादि वामनाष्टोत्तरशतनामस्तोत्रम् Vakaradi Shri Vamanashtottarashatanamastotram

श्री हयग्रीवाय नमः ।हरिः ॐवामनो वारिजाताक्षो वर्णी वासवसोदरः ।वासुदेवो वावदूको वालखिल्यसमो वरः ॥ १॥

śrī hayagrīvāya namaḥ |hariḥ oṃvāmano vārijātākṣo varṇī vāsavasodaraḥ |vāsudevo vāvadūko vālakhilyasamo varaḥ || 1||

वेदवादी विद्युदाभो वृतदण्डो वृषाकपिः ।वारिवाहसितच्छत्रो वारिपूर्णकमण्डलुः ॥ २॥

vedavādī vidyudābho vṛtadaṇḍo vṛṣākapiḥ |vārivāhasitacchatro vāripūrṇakamaṇḍaluḥ || 2||

वलक्षयज्ञोपवीतो वरकौपीनधारकः ।विशुद्धमौञ्जीरशनो विधृतस्फाटिकस्रजः ॥ ३॥

valakṣayajñopavīto varakaupīnadhārakaḥ |viśuddhamauñjīraśano vidhṛtasphāṭikasrajaḥ || 3||

वृतकृष्णाजिनकुशो विभूतिच्छन्नविग्रहः ।वरभिक्षापात्रकक्षो वारिजारिमुखो वशी ॥ ४॥

vṛtakṛṣṇājinakuśo vibhūticchannavigrahaḥ |varabhikṣāpātrakakṣo vārijārimukho vaśī || 4||

वारिजाङ्घ्रिर्वृद्धसेवी वदनस्मितचन्द्रिकः ।वल्गुभाषी विश्वचित्तधनस्तेयी विशिष्टधीः ॥ ५॥

vārijāṅghrirvṛddhasevī vadanasmitacandrikaḥ |valgubhāṣī viśvacittadhanasteyī viśiṣṭadhīḥ || 5||

वसन्तसदृशो वह्नि शुद्धाङ्गो विपुलप्रभः ।विशारदो वेदमयो विद्वदर्धिजनावृतः ॥ ६॥

vasantasadṛśo vahni śuddhāṅgo vipulaprabhaḥ |viśārado vedamayo vidvadardhijanāvṛtaḥ || 6||

वितानपावनो विश्वविस्मयो विनयान्वितः ।वन्दारुजनमन्दारो वैष्णवर्क्षविभूषणः ॥ ७॥

vitānapāvano viśvavismayo vinayānvitaḥ |vandārujanamandāro vaiṣṇavarkṣavibhūṣaṇaḥ || 7||

वामाक्षीमदनो विद्वन्नयनाम्बुजभास्करः ।वारिजासनगौरीशवयस्यो वासवप्रियः ॥ ८॥

vāmākṣīmadano vidvannayanāmbujabhāskaraḥ |vārijāsanagaurīśavayasyo vāsavapriyaḥ || 8||

वैरोचनिमखालङ्कृद्वैरोचनिवनीवकः ।वैरोचनियशस्सिन्धुचन्द्रमा वैरिबाडबः ॥ ९॥

vairocanimakhālaṅkṛdvairocanivanīvakaḥ |vairocaniyaśassindhucandramā vairibāḍabaḥ || 9||

वासवार्थस्वीकृतार्थिभावो वासितकैतवः ।वैरोचनिकराम्भोजरससिक्तपदाम्बुजः ॥ १०॥

vāsavārthasvīkṛtārthibhāvo vāsitakaitavaḥ |vairocanikarāmbhojarasasiktapadāmbujaḥ || 10||

वैरोचनिकराब्धारापूरिताञ्जलिपङ्कजः ।वियत्पतितमन्दारो विन्ध्यावलिकृतोत्सवः ॥ ११॥

vairocanikarābdhārāpūritāñjalipaṅkajaḥ |viyatpatitamandāro vindhyāvalikṛtotsavaḥ || 11||

वैषम्यनैर्घृण्यहीनो वैरोचनिकृतप्रियः ।विदारितैककाव्याक्षो वांछिताज्ङ्घ्रित्रयक्षितिः ॥ १२॥

vaiṣamyanairghṛṇyahīno vairocanikṛtapriyaḥ |vidāritaikakāvyākṣo vāṃchitājṅghritrayakṣitiḥ || 12||

वैरोचनिमहाभाग्य परिणामो विषादहृत् ।वियद्दुन्दुभिनिर्घृष्टबलिवाक्यप्रहर्षितः ॥ १३॥

vairocanimahābhāgya pariṇāmo viṣādahṛt |viyaddundubhinirghṛṣṭabalivākyapraharṣitaḥ || 13||

वैरोचनिमहापुण्याहार्यतुल्यविवर्धनः ।विबुधद्वेषिसन्त्रासतुल्यवृद्धवपुर्विभुः ॥ १४॥

vairocanimahāpuṇyāhāryatulyavivardhanaḥ |vibudhadveṣisantrāsatulyavṛddhavapurvibhuḥ || 14||

विश्वात्मा विक्रमक्रान्तलोको विबुधरञ्जनः ।वसुधामण्डलव्यापिदिव्यैकचरणाम्बुजः ॥ १५॥

viśvātmā vikramakrāntaloko vibudharañjanaḥ |vasudhāmaṇḍalavyāpidivyaikacaraṇāmbujaḥ || 15||

विधात्रण्डविनिर्भेदिद्वितीयचरणाम्बुजः ।विग्रहस्थितलोकौघो वियद्गङ्गोदयाङ्घ्रिकः ॥ १६॥

vidhātraṇḍavinirbhedidvitīyacaraṇāmbujaḥ |vigrahasthitalokaugho viyadgaṅgodayāṅghrikaḥ || 16||

वरायुधधरो वन्द्यो विलसद्भूरिभूषणः ।विष्वक्सेनाद्युपवृतो विश्वमोहाब्जनिस्स्वनः ॥ १७॥

varāyudhadharo vandyo vilasadbhūribhūṣaṇaḥ |viṣvaksenādyupavṛto viśvamohābjanissvanaḥ || 17||

वास्तोष्पत्यादिदिक्पालबाहुर्विधुमयाशयः ।विरोचनाक्षो वह्न्यास्यो विश्वहेत्वर्षिगुह्यकः ॥ १८॥

vāstoṣpatyādidikpālabāhurvidhumayāśayaḥ |virocanākṣo vahnyāsyo viśvahetvarṣiguhyakaḥ || 18||

वार्धिकुक्षिर्वारिवाहकेशो वक्षस्थ्सलेन्दिरः ।वायुनासो वेदकण्ठो वाक्छन्दा विधिचेतनः ॥ १९॥

vārdhikukṣirvārivāhakeśo vakṣasthsalendiraḥ |vāyunāso vedakaṇṭho vākchandā vidhicetanaḥ || 19||

वरुणस्थानरसनो विग्रहस्थचराचरः ।विबुधर्षिगणप्राणो विबुधारिकटिस्थलः ॥ २०॥

varuṇasthānarasano vigrahasthacarācaraḥ |vibudharṣigaṇaprāṇo vibudhārikaṭisthalaḥ || 20||

विधिरुद्रादिविनुतो विरोचनसुतानन्दनः ।वारितासुरसन्दोहो वार्धिगम्भीरमानसः ॥ २१॥

vidhirudrādivinuto virocanasutānandanaḥ |vāritāsurasandoho vārdhigambhīramānasaḥ || 21||

विरोचनपितृस्तोत्रकृतशान्तिर्वृषप्रियः ।विन्ध्यावलिप्राणनाध भिक्षादायी वरप्रदः ॥ २२॥

virocanapitṛstotrakṛtaśāntirvṛṣapriyaḥ |vindhyāvaliprāṇanādha bhikṣādāyī varapradaḥ || 22||

वासवत्राकृतस्वर्गो वैरोचनिकृतातलः ।वासवश्रीलतोपघ्नो वैरोचनिकृतादरः ॥ २३॥

vāsavatrākṛtasvargo vairocanikṛtātalaḥ |vāsavaśrīlatopaghno vairocanikṛtādaraḥ || 23||

विबुधद्रुसुमापाङ्गवारिताश्रितकश्मलः ।वारिवाहोपमो वाणीभूषणोऽवतु वाक्पतिः ॥ २४॥

vibudhadrusumāpāṅgavāritāśritakaśmalaḥ |vārivāhopamo vāṇībhūṣaṇo'vatu vākpatiḥ || 24||

॥ इति वकारादि श्री वामनावताराष्टोत्तरशतम् पराभवश्रावण बहुल प्रतिपदि लिखितं रामेण समर्पितं चश्री हयग्रीवायदेवाय ॥

|| iti vakārādi śrī vāmanāvatārāṣṭottaraśatam parābhavaśrāvaṇa bahula pratipadi likhitaṃ rāmeṇa samarpitaṃ caśrī hayagrīvāyadevāya ||