स्वयम्भूस्तोत्रम् २ Svayambhu Stotram 2

जगत्कृते स्वयम्भुवमनादिलीनमव्ययम् ।तनोर्विपज्जरात्मकृत्स्वयम्भुवं नमाम्यहम् ॥ १॥

jagatkṛte svayambhuvamanādilīnamavyayam |tanorvipajjarātmakṛtsvayambhuvaṃ namāmyaham || 1||

सहस्रपत्रपङ्कजं लसत्सुकर्णिकोद्भवम् ।समस्तकामनाप्रदं स्वयम्भुवं नमाम्यहम् ॥ २॥

sahasrapatrapaṅkajaṃ lasatsukarṇikodbhavam |samastakāmanāpradaṃ svayambhuvaṃ namāmyaham || 2||

सहस्रभानुरञ्जनं नियुतचन्द्रनन्दनम् ।सुरादिलोकवन्दनं स्वयम्भुवं नमाम्यहम् ॥ ३॥

sahasrabhānurañjanaṃ niyutacandranandanam |surādilokavandanaṃ svayambhuvaṃ namāmyaham || 3||

त्वमेव राजसे गुणैर्भुवि स्थितो विराजसे ।त्रिधातुक विभावसे स्वयम्भुवं नमाम्यहम् ॥ ४॥

tvameva rājase guṇairbhuvi sthito virājase |tridhātuka vibhāvase svayambhuvaṃ namāmyaham || 4||

अयं क इत्ययं हृदा मीमांसितुं न शक्तवान् ।प्रघासमात्रमीक्षितः स्वयम्भुवं नमाम्यहम् ॥ ५॥

ayaṃ ka ityayaṃ hṛdā mīmāṃsituṃ na śaktavān |praghāsamātramīkṣitaḥ svayambhuvaṃ namāmyaham || 5||

पठन्ति ये नरा मुदा स्वयम्भुवः स्तुतिं सदा ।त्रिवर्गसिद्धिमाप्य ते लभन्ति मुक्तिमेव ताम् ॥ ६॥

paṭhanti ye narā mudā svayambhuvaḥ stutiṃ sadā |trivargasiddhimāpya te labhanti muktimeva tām || 6||

इति श्रीबृहत्स्वयम्भूपुराणोद्धृतं शिखिनिर्मितंस्वयम्भूस्तोत्रं सम्पूर्णम् ॥

iti śrībṛhatsvayambhūpurāṇoddhṛtaṃ śikhinirmitaṃsvayambhūstotraṃ sampūrṇam ||