त्रिपुरसुन्दरी सुप्रभातम् Shritripurasundari-suprabhatam

श्रीसेव्यपादकमले श्रितचन्द्रमौलेश्रीचन्द्रशेखरयतीश्वरपूज्यमाने।श्रीखण्डकन्दुककृतस्वशिरोवतंसेश्रीमन्महात्रिपुरसुन्दरि सुप्रभातम् ॥ १॥उत्तिष्ठ तुङ्गकुलपर्वत\राजकन्ये उत्तिष्ठभक्तजनदुःखविनाशदक्षे ।उत्तिष्ठ सर्वजगतीजननि प्रसन्ने उत्तिष्ठ हे त्रिपुरसुन्दरिसुप्रभातम् ॥ २॥उत्तिष्ठ राजतगिरिद्विषतो रथात् त्वं उत्तिष्ठरत्नखचितत् ज्वलिताच्च पीठात्।उत्तिष्ठ बन्धनसुखं परिधूय शंभोः उत्तिष्ठविघ्निततिरस्करिणीं विपाट्य ॥ ३॥यत्पृष्ठभागमवलम्ब्य विभाति लक्ष्मीःयस्या वसन्ति निखिला अमराश्च देहे ।स्नात्वा विशुद्धहृदया कपिला सवत्सासिद्धा प्रदर्शयितुमिह नस्तव विश्वरूपम् ॥ ४॥आकर्ण्यतेऽद्य मदमत्तगजेन्द्रनादःत्वं बोध्यसे प्रतिदिनं मधुरेण येन ।भूपालरागमुखरा मुखवाद्यवीणाभेरीध्वनिश्च कुरुते भवतीं प्रबुद्धाम् ॥ ५॥

śrīsevyapādakamale śritacandramauleśrīcandraśekharayatīśvarapūjyamāne|śrīkhaṇḍakandukakṛtasvaśirovataṃseśrīmanmahātripurasundari suprabhātam || 1||uttiṣṭha tuṅgakulaparvata\rājakanye uttiṣṭhabhaktajanaduḥkhavināśadakṣe |uttiṣṭha sarvajagatījanani prasanne uttiṣṭha he tripurasundarisuprabhātam || 2||uttiṣṭha rājatagiridviṣato rathāt tvaṃ uttiṣṭharatnakhacitat jvalitācca pīṭhāt|uttiṣṭha bandhanasukhaṃ paridhūya śaṃbhoḥ uttiṣṭhavighnitatiraskariṇīṃ vipāṭya || 3||yatpṛṣṭhabhāgamavalambya vibhāti lakṣmīḥyasyā vasanti nikhilā amarāśca dehe |snātvā viśuddhahṛdayā kapilā savatsāsiddhā pradarśayitumiha nastava viśvarūpam || 4||ākarṇyate'dya madamattagajendranādaḥtvaṃ bodhyase pratidinaṃ madhureṇa yena |bhūpālarāgamukharā mukhavādyavīṇābherīdhvaniśca kurute bhavatīṃ prabuddhām || 5||

त्वां सेवितुं विविधरत्नसुवर्णरूप्यखाद्यम्बरैः कुसुमपत्रफलैश्च भक्ताः ।श्रद्धान्विताः जननि विस्मृतगृह्यबन्धाःआयान्ति भारतनिवासिजनाः सवेगम् ॥ ६॥जीवातवः सुकृतिनः श्रुतिरूपमातुःविप्राः प्रसन्नमनसो जपितार्कमन्त्राः ।श्रीसूक्तरुद्रचमकाद्यवधारणायसिद्धाः महेशदयिते तव सुप्रभातम् ॥ ७॥फालप्रकासितिलकाङ्कसुवासिनीनांकर्पूरभद्रशिखया तव दृष्टिदोषम् ।गोष्ठी विभाति परिहर्तुमनन्यभावाहे देवि पङ्क्तिश इयं तव सुप्रभातम् ॥ ८॥उग्रः सहस्रकिरणोऽपि करं समर्प्य त्वत्तेजसः पुरत एषविलज्जितः सन् ।रक्तस्तनावुदयमेत्यगपृष्ठलीनः पद्मं त्वदास्यसहजं कुरुतेप्रसन्नम् ॥ ९॥नृत्यन्ति बर्हनिवहं शिखिनः प्रसार्यगायन्ति पञ्चमगतेन पिकाः स्वरेण।आस्ते तरङ्गततिवाद्यमृदङ्गनादःतौर्यत्रिकं शुभमकृत्रिममस्तु तुभ्यम् ॥ १०॥

tvāṃ sevituṃ vividharatnasuvarṇarūpyakhādyambaraiḥ kusumapatraphalaiśca bhaktāḥ |śraddhānvitāḥ janani vismṛtagṛhyabandhāḥāyānti bhāratanivāsijanāḥ savegam || 6||jīvātavaḥ sukṛtinaḥ śrutirūpamātuḥviprāḥ prasannamanaso japitārkamantrāḥ |śrīsūktarudracamakādyavadhāraṇāyasiddhāḥ maheśadayite tava suprabhātam || 7||phālaprakāsitilakāṅkasuvāsinīnāṃkarpūrabhadraśikhayā tava dṛṣṭidoṣam |goṣṭhī vibhāti parihartumananyabhāvāhe devi paṅktiśa iyaṃ tava suprabhātam || 8||ugraḥ sahasrakiraṇo'pi karaṃ samarpya tvattejasaḥ purata eṣavilajjitaḥ san |raktastanāvudayametyagapṛṣṭhalīnaḥ padmaṃ tvadāsyasahajaṃ kuruteprasannam || 9||nṛtyanti barhanivahaṃ śikhinaḥ prasāryagāyanti pañcamagatena pikāḥ svareṇa|āste taraṅgatativādyamṛdaṅganādaḥtauryatrikaṃ śubhamakṛtrimamastu tubhyam || 10||

संतापपापहरणे त्वयि दीक्षितायांसंतापहारिशशिपापहरापगाभ्याम् ।कुत्रापि धूर्जटिजटाविपिने निलीनंछिन्ना सरित् क्षयमुपैति विधुश्च वक्रः ॥ ११॥भुक्त्वा कुचेलपृतुकं ननु गोपबालःआकर्ण्य ते व्यरचयत् सुहृदं कुबेरम् ।व्याजस्य नास्ति तव रिक्तजनादपेक्षानिर्व्याजमेव करुणां नमते तनोषि ॥ १२॥प्राप्नोति वृद्धिमतुलां पुरुषः कटाक्षैः द्वन्द्वी ध्रुवंक्षयमुपैति न चात्र शङ्का।मित्रस्तवोषसि पदं परिसेव्य वृद्धःचन्द्रस्त्वदीयमुखशत्रुतया विनष्टः ॥ १३॥सृष्टिस्थितिप्रलयसाक्षिणि विश्वमातःस्वर्गापवर्गफलदायनि शंभुकान्ते ।श्रुत्यन्तखेलिनि विपक्षकठोरवज्रे भद्रे प्रसन्नहृदयेतव सुप्रभातम् ॥ १४॥मातः स्वरूपमनिशं हृदि पश्यतां तेको वा न सिद्ध्यति मनश्चिरकांक्षितार्थः ।सिद्ध्यन्ति हन्त धरणीधनधान्यधामधीधेनुधैर्यधृतयः सकलाः पुमार्थाः ॥ १५॥

saṃtāpapāpaharaṇe tvayi dīkṣitāyāṃsaṃtāpahāriśaśipāpaharāpagābhyām |kutrāpi dhūrjaṭijaṭāvipine nilīnaṃchinnā sarit kṣayamupaiti vidhuśca vakraḥ || 11||bhuktvā kucelapṛtukaṃ nanu gopabālaḥākarṇya te vyaracayat suhṛdaṃ kuberam |vyājasya nāsti tava riktajanādapekṣānirvyājameva karuṇāṃ namate tanoṣi || 12||prāpnoti vṛddhimatulāṃ puruṣaḥ kaṭākṣaiḥ dvandvī dhruvaṃkṣayamupaiti na cātra śaṅkā|mitrastavoṣasi padaṃ parisevya vṛddhaḥcandrastvadīyamukhaśatrutayā vinaṣṭaḥ || 13||sṛṣṭisthitipralayasākṣiṇi viśvamātaḥsvargāpavargaphaladāyani śaṃbhukānte |śrutyantakhelini vipakṣakaṭhoravajre bhadre prasannahṛdayetava suprabhātam || 14||mātaḥ svarūpamaniśaṃ hṛdi paśyatāṃ teko vā na siddhyati manaścirakāṃkṣitārthaḥ |siddhyanti hanta dharaṇīdhanadhānyadhāmadhīdhenudhairyadhṛtayaḥ sakalāḥ pumārthāḥ || 15||