त्रिपुरसुन्दरीसान्निध्यस्तवः Shritripurasundari Sannidhyastavah

॥ क॥कल्पभानु समानभास्वरधामलोचनगोचरम्किं किमित्यतिविस्मिते मयि पश्यतीह समागताम् ।कालकुन्तलभारनिर्जितनीलमेघकुलां पुरःचक्रराजनिवासिनीं त्रिपुरेश्वरीमवलोकये ॥ १॥

|| ka||kalpabhānu samānabhāsvaradhāmalocanagocaramkiṃ kimityativismite mayi paśyatīha samāgatām |kālakuntalabhāranirjitanīlameghakulāṃ puraḥcakrarājanivāsinīṃ tripureśvarīmavalokaye || 1||

॥ ए॥एकदन्तषडाननादिभिरावृतां जगदीश्वरीम्एनसां परिपन्थिनिमहमेकभक्तिमदर्चिताम् ।एकहीनशतेषु जन्मसु सञ्चितात् सुकृतादिमाम्चक्रराजनिवासिनीं त्रिपुरेश्वरीमवलोकये ॥ २॥

|| e||ekadantaṣaḍānanādibhirāvṛtāṃ jagadīśvarīmenasāṃ paripanthinimahamekabhaktimadarcitām |ekahīnaśateṣu janmasu sañcitāt sukṛtādimāmcakrarājanivāsinīṃ tripureśvarīmavalokaye || 2||

॥ ई॥ईदृशीति च वेदकुन्तलवाग्भिरप्य निरूपिताम्ईशपङ्जजनाभसृष्टिकृदादिवन्द्यपदाम्बुजाम् ।ईक्षणान्तनिरीक्षणेन मदिष्टदां पुरतोऽधुनाचक्रराजनिवासिनीं त्रिपुरेश्वरीमवलोकये ॥ ३॥

|| ī||īdṛśīti ca vedakuntalavāgbhirapya nirūpitāmīśapaṅjajanābhasṛṣṭikṛdādivandyapadāmbujām |īkṣaṇāntanirīkṣaṇena madiṣṭadāṃ purato'dhunācakrarājanivāsinīṃ tripureśvarīmavalokaye || 3||

॥ ल॥लक्षणोज्जवलहारशोभिपयोधरद्वयकैतवात्लीलयैव दयारसस्रवदुज्ज्वलत्कलशान्विताम् ।लाक्षयाङ्कितपादपातिमिलिन्दसन्ततिमग्रतः,चक्रराजनिवासिनीं त्रिपुरेश्वरीमवलोकये ॥ ४॥

|| la||lakṣaṇojjavalahāraśobhipayodharadvayakaitavātlīlayaiva dayārasasravadujjvalatkalaśānvitām |lākṣayāṅkitapādapātimilindasantatimagrataḥ,cakrarājanivāsinīṃ tripureśvarīmavalokaye || 4||

॥ ह्रीं॥ह्रीमिति प्रतिवासरं जपसुस्थिरोऽहमुदारयायोगिमार्गनिरूढयैक्यसुभावनां गतया धिया ।वत्स ! हर्षमवाप्तवत्यहमित्युदारगिरं पुरःचक्रराजनिवासिनीं त्रिपुरेश्वरीमवलोकये ॥ ५॥

|| hrīṃ||hrīmiti prativāsaraṃ japasusthiro'hamudārayāyogimārganirūḍhayaikyasubhāvanāṃ gatayā dhiyā |vatsa ! harṣamavāptavatyahamityudāragiraṃ puraḥcakrarājanivāsinīṃ tripureśvarīmavalokaye || 5||

॥ ह॥हंसवृन्दमलक्तकारुणपादपङ्कजनुपुरक्वाणमोहितमादरादनुधावितं मृदु शृण्वतीम् ।हंसमन्त्रमहार्थतत्त्वमयीं पुरो मम भाग्यतःचक्रराजनिवासिनीं त्रिपुरेश्वरीमवलोकये ॥ ६॥

|| ha||haṃsavṛndamalaktakāruṇapādapaṅkajanupurakvāṇamohitamādarādanudhāvitaṃ mṛdu śṛṇvatīm |haṃsamantramahārthatattvamayīṃ puro mama bhāgyataḥcakrarājanivāsinīṃ tripureśvarīmavalokaye || 6||

॥ स॥सङ्गतं जलमभ्रवृन्दसमुद्भवं धरणी धराद्धारया वहदञ्जसा भ्रममाप्य सैकतनिर्गतम् ।एवमादिमहेन्द्रजालसुकोविदां पुरतोऽधुनाचक्रराजनिवासिनीं त्रिपुरेश्वरीमवलोकये ॥ ७॥

|| sa||saṅgataṃ jalamabhravṛndasamudbhavaṃ dharaṇī dharāddhārayā vahadañjasā bhramamāpya saikatanirgatam |evamādimahendrajālasukovidāṃ purato'dhunācakrarājanivāsinīṃ tripureśvarīmavalokaye || 7||

॥ क॥कम्बु सुन्दरकन्धरां कचवृन्दनिर्जितवारिदाम्कण्ठदेशलसत् सुमङ्गलहेमसूत्रविराजिताम् ।कादिमन्त्रमुपासतां सकलेष्टदां मम सन्निधौ,चक्रराजनिवासिनीं त्रिपुरेश्वरीमहमाश्रये ॥ ८॥

|| ka||kambu sundarakandharāṃ kacavṛndanirjitavāridāmkaṇṭhadeśalasat sumaṅgalahemasūtravirājitām |kādimantramupāsatāṃ sakaleṣṭadāṃ mama sannidhau,cakrarājanivāsinīṃ tripureśvarīmahamāśraye || 8||

॥ ह॥हस्तपद्मलसत्त्रिखण्डसमुद्रिकामहमद्रिजाम्हस्तिकृत्तिपरीतकार्मुकवल्लरीसमचिल्लिकाम् ।हर्यजस्तुतवैभवां भवकामिनीं मम भाग्यतःचक्रराजनिवासिनीं त्रिपुरेश्वरीमहमाश्रये ॥ ९॥

|| ha||hastapadmalasattrikhaṇḍasamudrikāmahamadrijāmhastikṛttiparītakārmukavallarīsamacillikām |haryajastutavaibhavāṃ bhavakāminīṃ mama bhāgyataḥcakrarājanivāsinīṃ tripureśvarīmahamāśraye || 9||

॥ ल॥लक्षणोल्लसदङ्गकान्तिझरीनिराकृतविद्युतम्लास्यलोलसुवर्णकुण्डलमण्डितां जगदम्बिकाम् ।लीलयाऽखिलसृष्टिपालनकर्षणादिवितन्वतीम्चक्रराजनिवासिनीं त्रिपुरेश्वरीमहमाश्रये ॥ १०॥

|| la||lakṣaṇollasadaṅgakāntijharīnirākṛtavidyutamlāsyalolasuvarṇakuṇḍalamaṇḍitāṃ jagadambikām |līlayā'khilasṛṣṭipālanakarṣaṇādivitanvatīmcakrarājanivāsinīṃ tripureśvarīmahamāśraye || 10||

॥ ह्रीं॥ह्रींमिति त्रिपुरामनुस्थिरचेतसा बहुधाऽर्चिताम्हादिमन्त्रमहाम्बुजातविराजमानसुहंसिकाम् ।हेमकुम्भघनस्तनां चललोलमौक्तिकभूषणाम्चक्रराजनिवासिनीं त्रिपुरेश्वरीमहमाश्रये ॥ ११॥

|| hrīṃ||hrīṃmiti tripurāmanusthiracetasā bahudhā'rcitāmhādimantramahāmbujātavirājamānasuhaṃsikām |hemakumbhaghanastanāṃ calalolamauktikabhūṣaṇāmcakrarājanivāsinīṃ tripureśvarīmahamāśraye || 11||

॥ स॥सर्वलोकनमस्कृतां जितशर्वरीरमणाननाम्शरवदेवमनः प्रियां नवयौवनोन्मदगर्विताम् ।सर्वमङ्गलविग्रहां मम पूर्वजन्मतपोबलात्चक्रराजनिवासिनीं त्रिपुरेश्वरीमहमाश्रये ॥ १२॥

|| sa||sarvalokanamaskṛtāṃ jitaśarvarīramaṇānanāmśaravadevamanaḥ priyāṃ navayauvanonmadagarvitām |sarvamaṅgalavigrahāṃ mama pūrvajanmatapobalātcakrarājanivāsinīṃ tripureśvarīmahamāśraye || 12||

॥ क॥कन्दमूलफलाशिभिर्बहुयोगिभिश्च गवेषिताम्कुन्दसुन्दरदन्तपंक्तिविराजितामपराजिताम् ।कन्दमागमवीरूधां सुरसुन्दरीभिरिहागताम्चक्रराजनिवासिनीं त्रिपुरेश्वरीमहमाश्रये ॥ १३॥

|| ka||kandamūlaphalāśibhirbahuyogibhiśca gaveṣitāmkundasundaradantapaṃktivirājitāmaparājitām |kandamāgamavīrūdhāṃ surasundarībhirihāgatāmcakrarājanivāsinīṃ tripureśvarīmahamāśraye || 13||

॥ ल॥लत्रयाङ्कितमन्त्रराट्समलंकृतां जगदम्बिकाम्लोलनीलसुकुन्तलावलिनिर्जितालिकदम्बकाम् ।लोभमोहविदारणीं करुणामयीमरुणां शिवाम्चक्रराजनिवासिनीं त्रिपुरेश्वरीमहमाश्रये ॥ १४॥

|| la||latrayāṅkitamantrarāṭsamalaṃkṛtāṃ jagadambikāmlolanīlasukuntalāvalinirjitālikadambakām |lobhamohavidāraṇīṃ karuṇāmayīmaruṇāṃ śivāmcakrarājanivāsinīṃ tripureśvarīmahamāśraye || 14||

॥ ह्रीं॥ह्रींपराख्यमहामनोरधिदेवतां भुवनेश्वरीम्हृत्सरोजनिवासिनीं हरवल्लभां बहुरूपिणीम् ।हारकुण्डलनूपुरादिभिरन्वितां पुरतोऽधुनाचक्रराजनिवासिनीं त्रिपुरेश्वरीमहमाश्रये ॥ १५॥

|| hrīṃ||hrīṃparākhyamahāmanoradhidevatāṃ bhuvaneśvarīmhṛtsarojanivāsinīṃ haravallabhāṃ bahurūpiṇīm |hārakuṇḍalanūpurādibhiranvitāṃ purato'dhunācakrarājanivāsinīṃ tripureśvarīmahamāśraye || 15||

॥ श्रीं॥श्रीं सुपञ्चदशाक्षरीमपि षोडशाक्षररूपिणीम्श्रीसुधार्णवमध्यशोभिसरोजकाननचन्द्निकाम् ।श्रीगुहस्तुतवैभवां परदेवतां मम सन्निधौचक्रराजनिवासिनीं त्रिपुरेश्वरीमहमाश्रये ॥ १६॥

|| śrīṃ||śrīṃ supañcadaśākṣarīmapi ṣoḍaśākṣararūpiṇīmśrīsudhārṇavamadhyaśobhisarojakānanacandnikām |śrīguhastutavaibhavāṃ paradevatāṃ mama sannidhaucakrarājanivāsinīṃ tripureśvarīmahamāśraye || 16||

॥ इति श्रीत्रिपुरसुन्दरी सान्निध्यस्तव सम्पूर्णा ॥

|| iti śrītripurasundarī sānnidhyastava sampūrṇā ||