कालिकाकवचम् २ Shri Kalika kavacham 2

अथवा श्रीत्रैलोक्य विजय कवचम्श्रीसदाशिव उवाचकथितं परमं ब्रह्म प्रकृतेः स्तवनं महत् ।आद्यायाः श्रीकालिकायाः कवचं शृणु साम्प्रतम् ॥ १॥

athavā śrītrailokya vijaya kavacamśrīsadāśiva uvācakathitaṃ paramaṃ brahma prakṛteḥ stavanaṃ mahat |ādyāyāḥ śrīkālikāyāḥ kavacaṃ śṛṇu sāmpratam || 1||

त्रैलोक्यविजयस्यास्य कवचस्य ऋषिः शिवः ।छन्दोऽनुष्टुब्देवता च आद्या काली प्रकीर्तिता ॥ २॥

trailokyavijayasyāsya kavacasya ṛṣiḥ śivaḥ |chando'nuṣṭubdevatā ca ādyā kālī prakīrtitā || 2||

मायाबीजं बीजमिति रमा शक्त्तिरुदाहृता ।क्रीं कीलकं काम्यसिद्धौ विनियोगः प्रकीर्तितः ॥ ३॥

māyābījaṃ bījamiti ramā śakttirudāhṛtā |krīṃ kīlakaṃ kāmyasiddhau viniyogaḥ prakīrtitaḥ || 3||

ह्रीमाद्या मे शिरः पातु श्रीं काली वदनं मम ।हृदयं क्रीं परा शक्त्तिः पायात्कण्ठं परात्परा ॥ ४॥

hrīmādyā me śiraḥ pātu śrīṃ kālī vadanaṃ mama |hṛdayaṃ krīṃ parā śakttiḥ pāyātkaṇṭhaṃ parātparā || 4||

नेत्रे पातु जगद्धात्री कर्णौ रक्षतु शङ्करी ।घ्राणं पातु महामाया रसनां सर्वमङ्गला ॥ ५॥

netre pātu jagaddhātrī karṇau rakṣatu śaṅkarī |ghrāṇaṃ pātu mahāmāyā rasanāṃ sarvamaṅgalā || 5||

दन्तान् रक्षतु कौमारी कपोलौ कमलालया ।ओष्ठाधरौ क्षमा रक्षेच्चिबुकं चारुहासिनी ॥ ६॥

dantān rakṣatu kaumārī kapolau kamalālayā |oṣṭhādharau kṣamā rakṣeccibukaṃ cāruhāsinī || 6||

ग्रीवां पायात्कुलेशानी ककुत्पातु कृपामयी ।द्वौ बाहू बाहुदा रक्षेत्करौ कैवल्यदायिनी ॥ ७॥

grīvāṃ pāyātkuleśānī kakutpātu kṛpāmayī |dvau bāhū bāhudā rakṣetkarau kaivalyadāyinī || 7||

स्कन्धौ कपर्दिनी पातु पृष्ठं त्रैलोक्यतारिणी ।पार्श्वे पायादपर्णा मे कटिं मे कमठासना ॥ ८॥

skandhau kapardinī pātu pṛṣṭhaṃ trailokyatāriṇī |pārśve pāyādaparṇā me kaṭiṃ me kamaṭhāsanā || 8||

नाभौ पातु विशालाक्षी प्रजस्थानं प्रभावती ।ऊरू रक्षतु कल्याणी पादौ मे पातु पार्वती ॥ ९॥

nābhau pātu viśālākṣī prajasthānaṃ prabhāvatī |ūrū rakṣatu kalyāṇī pādau me pātu pārvatī || 9||

जयदुर्गावतु प्राणान्सर्वाङ्गं सर्वसिध्दिदा ।रक्षाहीनं तु यत्स्थानं वर्जितं कवचेन च ॥ १०॥

jayadurgāvatu prāṇānsarvāṅgaṃ sarvasidhdidā |rakṣāhīnaṃ tu yatsthānaṃ varjitaṃ kavacena ca || 10||

तत्सर्वं मे सदा रक्षेदाद्या काली सनातनी ।इति ते कथितं दिव्यं त्रैलोक्यविजयाभिधम् ॥ ११॥

tatsarvaṃ me sadā rakṣedādyā kālī sanātanī |iti te kathitaṃ divyaṃ trailokyavijayābhidham || 11||

कवचं कालिकादेव्या आद्यायाः परमाद्भुतम् ।पूजाकाले पठेत्यस्तु आद्याधिकृतमानसः ॥ १२॥

kavacaṃ kālikādevyā ādyāyāḥ paramādbhutam |pūjākāle paṭhetyastu ādyādhikṛtamānasaḥ || 12||

इति महानिर्वाणतन्त्रे सप्तम उल्लासे ५५६६ श्लोकपर्यन्तंश्रीकालिकाकवचं सम्पूर्णम् ।

iti mahānirvāṇatantre saptama ullāse 5566 ślokaparyantaṃśrīkālikākavacaṃ sampūrṇam |