कालीताण्डवस्तोत्रम् Shri Kali Tandava Stotram

हुंहुंकारे शवारूढे नीलनीरजलोचने ।त्रैलोक्यैकमुखे दिव्ये कालिकायै नमोऽस्तुते ॥ १॥

huṃhuṃkāre śavārūḍhe nīlanīrajalocane |trailokyaikamukhe divye kālikāyai namo'stute || 1||

प्रत्यालीढपदे घोरे मुण्डमालाप्रलम्बिते ।खर्वे लम्बोदरे भीमे कालिकायै नमोऽस्तुते ॥ २॥

pratyālīḍhapade ghore muṇḍamālāpralambite |kharve lambodare bhīme kālikāyai namo'stute || 2||

नवयौवनसम्पन्ने गजकुम्भोपमस्तनी ।वागीश्वरी शिवे शान्ते कालिकायै नमोऽस्तुते ॥ ३॥

navayauvanasampanne gajakumbhopamastanī |vāgīśvarī śive śānte kālikāyai namo'stute || 3||

लोलजिह्वे दुरारोहे नेत्रत्रयविभूषिते । वर् लोलजिह्वे हरालोकेघोरहास्यत्करे देवी कालिकायै नमोऽस्तुते ॥ ४॥ वर् घोरहास्यत्कटा कारे

lolajihve durārohe netratrayavibhūṣite | var lolajihve harālokeghorahāsyatkare devī kālikāyai namo'stute || 4|| var ghorahāsyatkaṭā kāre

व्याघ्रचर्म्माम्बरधरे खड्गकर्त्तृकरे धरे ।कपालेन्दीवरे वामे कालिकायै नमोऽस्तुते ॥ ५॥

vyāghracarmmāmbaradhare khaḍgakarttṛkare dhare |kapālendīvare vāme kālikāyai namo'stute || 5||

नीलोत्पलजटाभारे सिन्दुरेन्दुमुखोदरे ।स्फुरद्वक्त्रोष्टदशने कालिकायै नमोऽस्तुते ॥ ६॥

nīlotpalajaṭābhāre sindurendumukhodare |sphuradvaktroṣṭadaśane kālikāyai namo'stute || 6||

प्रलयानलधूम्राभे चन्द्रसूर्याग्निलोचने ।शैलवासे शुभे मातः कालिकायै नमोऽस्तुते ॥ ७॥

pralayānaladhūmrābhe candrasūryāgnilocane |śailavāse śubhe mātaḥ kālikāyai namo'stute || 7||

ब्रह्मशम्भुजलौघे च शवमध्ये प्रसंस्थिते ।प्रेतकोटिसमायुक्ते कालिकायै नमोऽस्तुते ॥ ८॥

brahmaśambhujalaughe ca śavamadhye prasaṃsthite |pretakoṭisamāyukte kālikāyai namo'stute || 8||

कृपामयि हरे मातः सर्वाशापरिपूरिते ।वरदे भोगदे मोक्षे कालिकायै नमोऽस्तुते ॥ ९॥

kṛpāmayi hare mātaḥ sarvāśāparipūrite |varade bhogade mokṣe kālikāyai namo'stute || 9||

इत्युत्तरतन्त्रार्गतमं श्रीकालीताण्डवस्तोत्रं सम्पूर्णम् ॥

ityuttaratantrārgatamaṃ śrīkālītāṇḍavastotraṃ sampūrṇam ||