कामकलाकालीसहस्रनामस्तोत्रम् Shri Kamakalakali Sahasranamastotram

देव्युवाच ।त्वत्तः श्रुतं मया नाथ देव देव जगत्पते ।देव्याः कामकलाकाल्या विधानं सिद्धिदायकम् ॥ १॥

devyuvāca |tvattaḥ śrutaṃ mayā nātha deva deva jagatpate |devyāḥ kāmakalākālyā vidhānaṃ siddhidāyakam || 1||

त्रैलोक्यविजयस्यापि विशेषेण श्रुतो मया ।तत्प्रसङ्गेन चान्यासां मन्त्रध्याने तथा श्रुते ॥ २॥

trailokyavijayasyāpi viśeṣeṇa śruto mayā |tatprasaṅgena cānyāsāṃ mantradhyāne tathā śrute || 2||

इदानीं जायते नाथ शुश्रुषा मम भूयसी ।नाम्नां सहस्रे त्रिविधमहापापौघहारिणि ॥ ३॥

idānīṃ jāyate nātha śuśruṣā mama bhūyasī |nāmnāṃ sahasre trividhamahāpāpaughahāriṇi || 3||

श्रुतेन येन देवेश धन्या स्यां भाग्यवत्यपि ।श्रीमहाकाल उवाच ।भाग्यवत्यसि धन्यासि सन्देहो नात्र भाविनि ॥ ४॥

śrutena yena deveśa dhanyā syāṃ bhāgyavatyapi |śrīmahākāla uvāca |bhāgyavatyasi dhanyāsi sandeho nātra bhāvini || 4||

सहस्रनामश्रवणे यस्मात्ते निश्चितं मनः ।तस्या नाम्नान्तु लक्षाणि विद्यन्ते चाथ कोटयः ॥ ५॥

sahasranāmaśravaṇe yasmātte niścitaṃ manaḥ |tasyā nāmnāntu lakṣāṇi vidyante cātha koṭayaḥ || 5||

तान्यल्पायुर्मतित्वेन नृभिर्द्धारयितुं सदा ।अशक्यानि वरारोहे पठितुं च दिने दिने ॥ ६॥

tānyalpāyurmatitvena nṛbhirddhārayituṃ sadā |aśakyāni varārohe paṭhituṃ ca dine dine || 6||

तेभ्यो नामसहस्राणि साराण्युद्धृत्य शम्भुना ।अमृतानीव दुग्धाव्धेर्भूदेवेभ्यः समर्पितम् ॥ ७॥

tebhyo nāmasahasrāṇi sārāṇyuddhṛtya śambhunā |amṛtānīva dugdhāvdherbhūdevebhyaḥ samarpitam || 7||

कानिचित्तत्र गौणानि गदितानि शुचिस्मिते ।रूढाण्याकारहीनत्वाद् गौणानि गुणयोगतः ॥ ८॥

kānicittatra gauṇāni gaditāni śucismite |rūḍhāṇyākārahīnatvād gauṇāni guṇayogataḥ || 8||

राहित्याद्रूढिगुणयोस्तानि साङ्केतकान्यपि ।त्रिविधान्यपि नामानि पठितानि दिने दिने ॥ ९॥

rāhityādrūḍhiguṇayostāni sāṅketakānyapi |trividhānyapi nāmāni paṭhitāni dine dine || 9||

राधयन्नीक्षितानर्थान्ददत्यमृतमत्ययम् ।क्षपयत्यपमृत्युं च मारयन्ति द्विपोऽखिलान् ॥ १०॥

rādhayannīkṣitānarthāndadatyamṛtamatyayam |kṣapayatyapamṛtyuṃ ca mārayanti dvipo'khilān || 10||

घ्नन्ति रोगानथोत्पातान्मङ्गलं कुर्वतेन्वहम् ।किमुतान्यत् सदा सन्निधापयत्यऽर्थिकामपि ॥ ११॥

ghnanti rogānathotpātānmaṅgalaṃ kurvatenvaham |kimutānyat sadā sannidhāpayatya'rthikāmapi || 11||

त्रिपुरघ्नोऽप्यदोनामसहस्रं पठति प्रिये ।तदाज्ञयाप्यहमपि कीर्तयामि दिनेदिने । १२॥

tripuraghno'pyadonāmasahasraṃ paṭhati priye |tadājñayāpyahamapi kīrtayāmi dinedine | 12||

भवत्यपीदमस्मत्तः शिक्षित्वा तु पठिष्यति ।भविष्यति च निर्णीतं चतुर्वर्गस्य भाजनम् ॥ १३॥

bhavatyapīdamasmattaḥ śikṣitvā tu paṭhiṣyati |bhaviṣyati ca nirṇītaṃ caturvargasya bhājanam || 13||

मनोन्यतो निराकृत्य सावधाना निशामय ।नाम्नां कामकलाकाल्याः सहस्रं मुक्तिदायकम् ॥ १४॥

manonyato nirākṛtya sāvadhānā niśāmaya |nāmnāṃ kāmakalākālyāḥ sahasraṃ muktidāyakam || 14||

ॐ अस्य कामकलाकालीसहस्रनामस्तोत्रस्य श्रीत्रिपुरघ्नऋषिः ।अनुष्टुप् छन्दः । त्रिजगन्मयरूपिणी भगवती श्रीकामकलाकाली देवता ।क्लीं बीजम् । स्फ्रों शक्तिः । हुं कीलकं । क्ष्रौं तत्त्वं ।श्रीकामकलाकालीसहस्रनामस्तोत्रपाठे जपे विनियोगः । ॐ तत्सत् ॥ॐ क्लीं कामकलाकाली कालरात्रिः कपालिनी ।कात्यायनी च कल्याणी कालाकारा करालिनी ॥ १५॥

oṃ asya kāmakalākālīsahasranāmastotrasya śrītripuraghnaṛṣiḥ |anuṣṭup chandaḥ | trijaganmayarūpiṇī bhagavatī śrīkāmakalākālī devatā |klīṃ bījam | sphroṃ śaktiḥ | huṃ kīlakaṃ | kṣrauṃ tattvaṃ |śrīkāmakalākālīsahasranāmastotrapāṭhe jape viniyogaḥ | oṃ tatsat ||oṃ klīṃ kāmakalākālī kālarātriḥ kapālinī |kātyāyanī ca kalyāṇī kālākārā karālinī || 15||

उग्रमूर्तिर्महाभीमा घोररावा भयङ्करा ।भूतिदामयहन्त्री च भवबन्धविमोचनी ॥ १६॥

ugramūrtirmahābhīmā ghorarāvā bhayaṅkarā |bhūtidāmayahantrī ca bhavabandhavimocanī || 16||

भव्या भवानी भोगाढ्या भुजङ्गपतिभूषणा ।महामाया जगद्धात्री पावनी परमेश्वरी ॥ १७॥

bhavyā bhavānī bhogāḍhyā bhujaṅgapatibhūṣaṇā |mahāmāyā jagaddhātrī pāvanī parameśvarī || 17||

योगमाता योगगम्या योगिनी योगिपूजिता ।गौरी दुर्गा कालिका च महाकल्पान्तनर्तकी ॥ १८॥

yogamātā yogagamyā yoginī yogipūjitā |gaurī durgā kālikā ca mahākalpāntanartakī || 18||

अव्यया जगदादिश्च विधात्री कालमर्द्दिनी ।नित्या वरेण्या विमला देवाराध्यामितप्रभा ॥ १९॥

avyayā jagadādiśca vidhātrī kālamarddinī |nityā vareṇyā vimalā devārādhyāmitaprabhā || 19||

भारुण्डा कोटरी शुद्धा चञ्चला चारुहासिनी ।अग्राह्यातीन्द्रियागोत्रा चर्चरोर्द्ध्वशिरोरुहा ॥ २०॥

bhāruṇḍā koṭarī śuddhā cañcalā cāruhāsinī |agrāhyātīndriyāgotrā carcarorddhvaśiroruhā || 20||

कामुकी कमनीया च श्रीकण्ठमहिषी शिवा ।मनोहरा माननीया मतिदा मणिभूषणा ॥ २१॥

kāmukī kamanīyā ca śrīkaṇṭhamahiṣī śivā |manoharā mānanīyā matidā maṇibhūṣaṇā || 21||

श्मशाननिलया रौद्रा मुक्तकेश्यट्टहासिनी ।चामुण्डा चण्डिका चण्डी चार्वङ्गी चरितोज्ज्वला ॥ २२॥

śmaśānanilayā raudrā muktakeśyaṭṭahāsinī |cāmuṇḍā caṇḍikā caṇḍī cārvaṅgī caritojjvalā || 22||

घोरानना धूम्रशिखा कंपना कंपितानना ।वेपमानतनुर्भीदा निर्भया बाहुशालिनी ॥ २३॥

ghorānanā dhūmraśikhā kaṃpanā kaṃpitānanā |vepamānatanurbhīdā nirbhayā bāhuśālinī || 23||

उल्मुकाक्षी सर्पकर्णी विशोका गिरिनन्दिनी ।ज्योत्स्नामुखी हास्यपरा लिङ्गालिङ्गधरा सती ॥ २४॥

ulmukākṣī sarpakarṇī viśokā girinandinī |jyotsnāmukhī hāsyaparā liṅgāliṅgadharā satī || 24||

अविकारा महाचित्रा चन्द्रवक्त्रा मनोजवा ।अदर्शना पापहरा श्यामला मुण्डमेखला ॥ २५॥

avikārā mahācitrā candravaktrā manojavā |adarśanā pāpaharā śyāmalā muṇḍamekhalā || 25||

मुण्डावतंसिनी नीला प्रपन्नानन्ददायिनी ।लघुस्तनी लम्वकुचा धूर्णमाना हराङ्गना ॥ २६॥

muṇḍāvataṃsinī nīlā prapannānandadāyinī |laghustanī lamvakucā dhūrṇamānā harāṅganā || 26||

विश्वावासा शान्तिकरी दीर्घकेश्यरिखण्डिनी ।रुचिरा सुन्दरी कम्रा मदोन्मत्ता मदोत्कटा ॥ २७॥

viśvāvāsā śāntikarī dīrghakeśyarikhaṇḍinī |rucirā sundarī kamrā madonmattā madotkaṭā || 27||

अयोमुखी वह्निमुखी क्रोधनाऽभयदेश्वरी ।कुडम्बिका साहसिनी खड्गकी रक्तलेहिनी ॥ २८॥

ayomukhī vahnimukhī krodhanā'bhayadeśvarī |kuḍambikā sāhasinī khaḍgakī raktalehinī || 28||

विदारिणी पानरता रुद्राणी मुण्डमालिनी ।अनादिनिधना देवी दुर्न्निरीक्ष्या दिगम्बरा ॥ २९॥

vidāriṇī pānaratā rudrāṇī muṇḍamālinī |anādinidhanā devī durnnirīkṣyā digambarā || 29||

विद्युज्जिह्वा महादंष्ट्रा वज्रतीक्ष्णा महास्वना ।उदयार्कसमानाक्षी विन्ध्यशैलसमाकृतिः ॥ ३०॥

vidyujjihvā mahādaṃṣṭrā vajratīkṣṇā mahāsvanā |udayārkasamānākṣī vindhyaśailasamākṛtiḥ || 30||

नीलोत्पलदलश्यामा नागेन्द्राष्टकभूषिता ।अग्निज्वालकृतावासा फेत्कारिण्यहिकुण्डला ॥ ३१॥

nīlotpaladalaśyāmā nāgendrāṣṭakabhūṣitā |agnijvālakṛtāvāsā phetkāriṇyahikuṇḍalā || 31||

पापघ्नी पालिनी पद्मा पूण्या पुण्यप्रदा परा ।कल्पान्ताम्भोदनिर्घोषा सहस्रार्कसमप्रभा ॥ ३२॥

pāpaghnī pālinī padmā pūṇyā puṇyapradā parā |kalpāntāmbhodanirghoṣā sahasrārkasamaprabhā || 32||

सहस्रप्रेतराट् क्रोधा सहस्रेशपराक्रमा ।सहस्रधनदैश्वर्या सहस्राङ्घ्रिकराम्बिका ॥ ३३॥

sahasrapretarāṭ krodhā sahasreśaparākramā |sahasradhanadaiśvaryā sahasrāṅghrikarāmbikā || 33||

सहस्रकालदुष्प्रेक्ष्या सहस्रेन्द्रियसञ्चया ।सहस्रभूमिसदना सहस्राकाशविग्रहा ॥ ३४॥

sahasrakāladuṣprekṣyā sahasrendriyasañcayā |sahasrabhūmisadanā sahasrākāśavigrahā || 34||

सहस्रचन्द्रप्रतिमा सहस्रग्रहचारिणी ।सहस्ररुद्रतेजस्का सहस्रब्रह्मसृष्टिकृत् ॥ ३५॥

sahasracandrapratimā sahasragrahacāriṇī |sahasrarudratejaskā sahasrabrahmasṛṣṭikṛt || 35||

सहस्रवायुवेगा च सहस्रफणकुण्डला ।सहस्रयत्रमथिनी सहस्रोदधिसुस्थिरा ॥ ३६॥

sahasravāyuvegā ca sahasraphaṇakuṇḍalā |sahasrayatramathinī sahasrodadhisusthirā || 36||

सहस्रबुद्धकरुणा महाभागा तपस्विनी ।त्रैलोक्यमोहिनी सर्वभूतदेववशङ्करी ॥ ३७॥

sahasrabuddhakaruṇā mahābhāgā tapasvinī |trailokyamohinī sarvabhūtadevavaśaṅkarī || 37||

सुस्निग्धहृदया घण्टाकर्णा च व्योमचारिणी ।शङ्खिनी चित्रिणीशानी कालसंकर्पिणी जया ॥ ३८॥

susnigdhahṛdayā ghaṇṭākarṇā ca vyomacāriṇī |śaṅkhinī citriṇīśānī kālasaṃkarpiṇī jayā || 38||

अपराजिता च विजया कमला कमलाप्रदा ।जनयित्री जगद्योनिर्हेतुरूपा चिदात्मिका ॥ ३९॥

aparājitā ca vijayā kamalā kamalāpradā |janayitrī jagadyonirheturūpā cidātmikā || 39||

अप्रमेया दुराधर्षा ध्येया स्वच्छन्दचारिणी ।शातोदरी शाम्भविनी पूज्या मानोन्नताऽमला ॥ ४०॥

aprameyā durādharṣā dhyeyā svacchandacāriṇī |śātodarī śāmbhavinī pūjyā mānonnatā'malā || 40||

ओंकाररूपिणी ताम्रा बालार्कसमतारका ।चलज्जिह्वा च भीमाक्षी महाभैरवनादिनी ॥ ४१॥

oṃkārarūpiṇī tāmrā bālārkasamatārakā |calajjihvā ca bhīmākṣī mahābhairavanādinī || 41||

सात्विकी राजसी चैव तामसी घर्घराऽचला ।माहेश्वरी तथा ब्राह्मी कौमारी मानिनीश्वरा ॥ ४२॥

sātvikī rājasī caiva tāmasī ghargharā'calā |māheśvarī tathā brāhmī kaumārī māninīśvarā || 42||

सौपर्णी वायवी चैन्द्री सावित्री नैरृती कला ।वारुणी शिवदूती च सौरी सौम्या प्रभावती ॥ ४३॥

sauparṇī vāyavī caindrī sāvitrī nairṛtī kalā |vāruṇī śivadūtī ca saurī saumyā prabhāvatī || 43||

वाराही नारसिंही च वैष्णवी ललिता स्वरा ।मैत्र्यार्यम्नी च पौष्णी च त्वाष्ट्रीवासव्युमारतिः ॥ ४४॥

vārāhī nārasiṃhī ca vaiṣṇavī lalitā svarā |maitryāryamnī ca pauṣṇī ca tvāṣṭrīvāsavyumāratiḥ || 44||

राक्षसी पावनी रौद्री दास्री रोदस्युदुम्बरी ।सुभगा दुर्भगा दीना चञ्चुरीका यशस्विनी ॥ ४५॥

rākṣasī pāvanī raudrī dāsrī rodasyudumbarī |subhagā durbhagā dīnā cañcurīkā yaśasvinī || 45||

महानन्दा भगानन्दा पिछिला भगमालिनी ।अरुणा रेवती रक्ता शकुनी श्येनतुण्डिका ॥ ४६॥

mahānandā bhagānandā pichilā bhagamālinī |aruṇā revatī raktā śakunī śyenatuṇḍikā || 46||

सुरभी नन्दिनी भद्रा वला चातिवलामला ।उलुपी लम्बिका खेटा लेलिहानान्त्रमालिनी ॥ ४७॥

surabhī nandinī bhadrā valā cātivalāmalā |ulupī lambikā kheṭā lelihānāntramālinī || 47||

वैनायिकी च वेताली त्रिजटा भृकुटी मती ।कुमारी युवती प्रौढा विदग्धा घस्मरा तथा ॥ ४८॥

vaināyikī ca vetālī trijaṭā bhṛkuṭī matī |kumārī yuvatī prauḍhā vidagdhā ghasmarā tathā || 48||

जरती रोचना भीमा दोलमाला पिचिण्डिला ।अलम्बाक्षी कुम्भकर्णी कालकर्णी महासुरी ॥ ४९॥

jaratī rocanā bhīmā dolamālā piciṇḍilā |alambākṣī kumbhakarṇī kālakarṇī mahāsurī || 49||

घण्टारवाथ गोकर्णा काकजङ्घा च मूषिका ।महाहनुर्महाग्रीवा लोहिता लोहिताशनी ॥ ५०।

ghaṇṭāravātha gokarṇā kākajaṅghā ca mūṣikā |mahāhanurmahāgrīvā lohitā lohitāśanī || 50|