कालीशतनामस्तोत्रम् २ दक्षिणकालिकाशतनामस्तवः Shri Kali Shatanama Stotram

भैरव उवाचशतनाम प्रवक्ष्यामि कालिकाया वरानने ।यस्य प्रपठनाद्वाग्मी सर्वत्र विजयी भवेत् ॥ १॥

bhairava uvācaśatanāma pravakṣyāmi kālikāyā varānane |yasya prapaṭhanādvāgmī sarvatra vijayī bhavet || 1||

ॐ काली कपालिनी कान्ता कामदा कामसुन्दरी ।कालरात्रिः कालिका च कालभैरवपूजिता ॥ २॥

oṃ kālī kapālinī kāntā kāmadā kāmasundarī |kālarātriḥ kālikā ca kālabhairavapūjitā || 2||

कुरुकुल्ला कामिनी च कमनीयस्वभाविनी ।कुलीना कुलकर्त्री च कुलवर्त्मप्रकाशिनी ॥ ३॥

kurukullā kāminī ca kamanīyasvabhāvinī |kulīnā kulakartrī ca kulavartmaprakāśinī || 3||

कस्तूरीरसनीला च काम्या कामस्वरूपिणी ।ककारवर्णनिलया कामधेनुः करालिका ॥ ४॥

kastūrīrasanīlā ca kāmyā kāmasvarūpiṇī |kakāravarṇanilayā kāmadhenuḥ karālikā || 4||

कुलकान्ता करालास्या कामार्ता च कलावती ।कृशोदरी च कामाख्या कौमारी कुलपालिनी ॥ ५॥

kulakāntā karālāsyā kāmārtā ca kalāvatī |kṛśodarī ca kāmākhyā kaumārī kulapālinī || 5||

कुलजा कुलकन्या च कुलहा कुलपूजिता ।कामेश्वरी कामकान्ता कुञ्जरेश्वरगामिनी ॥ ६॥

kulajā kulakanyā ca kulahā kulapūjitā |kāmeśvarī kāmakāntā kuñjareśvaragāminī || 6||

कामदात्री कामहर्त्री कृष्णा चैव कपर्दिनी ।कुमुदा कृष्णदेहा च कालिन्दी कुलपूजिता ॥ ७॥

kāmadātrī kāmahartrī kṛṣṇā caiva kapardinī |kumudā kṛṣṇadehā ca kālindī kulapūjitā || 7||

काश्यपी कृष्णमाता च कुलिशाङ्गी कला तथा ।क्रींरूपा कुलगम्या च कमला कृष्णपूजिता ॥ ८॥

kāśyapī kṛṣṇamātā ca kuliśāṅgī kalā tathā |krīṃrūpā kulagamyā ca kamalā kṛṣṇapūjitā || 8||

कृशाङ्गी किन्नरी कर्त्री कलकण्ठी च कार्तिकी ।कम्बुकण्ठी कौलिनी च कुमुदा कामजीविनी ॥ ९॥

kṛśāṅgī kinnarī kartrī kalakaṇṭhī ca kārtikī |kambukaṇṭhī kaulinī ca kumudā kāmajīvinī || 9||

कुलस्त्री कीर्त्तिका कृत्या कीर्तिश्च कुलपालिका ।कामदेवकला कल्पलता कामाङ्गवर्धिनी ॥ १०॥

kulastrī kīrttikā kṛtyā kīrtiśca kulapālikā |kāmadevakalā kalpalatā kāmāṅgavardhinī || 10||

कुन्ता च कुमुदप्रीता कदम्बकुसुमोत्सुका ।कादम्बिनी कमलिनी कृष्णानन्दप्रदायिनी ॥ ११॥

kuntā ca kumudaprītā kadambakusumotsukā |kādambinī kamalinī kṛṣṇānandapradāyinī || 11||

कुमारीपूजनरता कुमारीगणशोभिता ।कुमारीरञ्जनरता कुमारीव्रतधारिणी ॥ १२॥

kumārīpūjanaratā kumārīgaṇaśobhitā |kumārīrañjanaratā kumārīvratadhāriṇī || 12||

कङ्काली कमनीया च कामशास्त्रविशारदा ।कपालखट्वाङ्गधरा कालभैरवरूपिणी ॥ १३॥

kaṅkālī kamanīyā ca kāmaśāstraviśāradā |kapālakhaṭvāṅgadharā kālabhairavarūpiṇī || 13||

कोटरी कोटराक्षी च काशी कैलासवासिनी ।कात्यायनी कार्यकरी काव्यशास्त्रप्रमोदिनी ॥ १४॥

koṭarī koṭarākṣī ca kāśī kailāsavāsinī |kātyāyanī kāryakarī kāvyaśāstrapramodinī || 14||

कामाकर्षणरूपा च कामपीठनिवासिनी ।कङ्किनी काकिनी क्रीडा कुत्सिता कलहप्रिया ॥ १५॥

kāmākarṣaṇarūpā ca kāmapīṭhanivāsinī |kaṅkinī kākinī krīḍā kutsitā kalahapriyā || 15||

कुण्डगोलोद्भवप्राणा कौशिकी कीर्तिवर्धिनी ।कुम्भस्तनी कटाक्षा च काव्या कोकनदप्रिया ॥ १६॥

kuṇḍagolodbhavaprāṇā kauśikī kīrtivardhinī |kumbhastanī kaṭākṣā ca kāvyā kokanadapriyā || 16||

कान्तारवासिनी कान्तिः कठिना कृष्णवल्लभा ।इति ते कथितं देवि गुह्याद्गुह्यतरं परम् ॥ १७॥

kāntāravāsinī kāntiḥ kaṭhinā kṛṣṇavallabhā |iti te kathitaṃ devi guhyādguhyataraṃ param || 17||

प्रपठेद्य इदं नित्यं कालीनामशताष्टकम् ।त्रिषु लोकेषु देवेशि तस्यासाध्यं न विद्यते ॥ १८॥

prapaṭhedya idaṃ nityaṃ kālīnāmaśatāṣṭakam |triṣu lokeṣu deveśi tasyāsādhyaṃ na vidyate || 18||

प्रातःकाले च मध्याह्ने सायाह्ने च सदा निशि ।यः पठेत्परया भक्त्या कालीनामशताष्टकम् ॥ १९॥

prātaḥkāle ca madhyāhne sāyāhne ca sadā niśi |yaḥ paṭhetparayā bhaktyā kālīnāmaśatāṣṭakam || 19||

कालिका तस्य गेहे च संस्थानं कुरुते सदा ।शून्यागारे श्मशाने वा प्रान्तरे जलमध्यतः ॥ २०॥

kālikā tasya gehe ca saṃsthānaṃ kurute sadā |śūnyāgāre śmaśāne vā prāntare jalamadhyataḥ || 20||

वह्निमध्ये च सङ्ग्रामे तथा प्राणस्य संशये ।शताष्टकं जपन्मन्त्री लभते क्षेममुत्तमम् ॥ २१॥

vahnimadhye ca saṅgrāme tathā prāṇasya saṃśaye |śatāṣṭakaṃ japanmantrī labhate kṣemamuttamam || 21||

कालीं संस्थाप्य विधिवत् स्तुत्वा नामशताष्टकैः ।साधकस्सिद्धिमाप्नोति कालिकायाः प्रसादतः ॥ २२॥

kālīṃ saṃsthāpya vidhivat stutvā nāmaśatāṣṭakaiḥ |sādhakassiddhimāpnoti kālikāyāḥ prasādataḥ || 22||

इति श्रीकालीशतनामस्तोत्रं सम्पूर्णम् ॥दक्षिणकालिकाशतनामस्तवः

iti śrīkālīśatanāmastotraṃ sampūrṇam ||dakṣiṇakālikāśatanāmastavaḥ