कमलाकवचम् Shri Kamala Kavacham

श्रीगणेशाय नमः ।ॐ अस्याश्चतुरक्षराविष्णुवनितायाःकवचस्य श्रीभगवान् शिव ऋषीः ।अनुष्टुप्छन्दः । वाग्भवा देवता ।वाग्भवं बीजम् । लज्जा शक्तिः ।रमा कीलकम् । कामबीजात्मकं कवचम् ।मम सुकवित्वपाण्डित्यसमृद्धिसिद्धये पाठे विनियोगः ।ऐङ्कारो मस्तके पातु वाग्भवां सर्वसिद्धिदा ।ह्रीं पातु चक्षुषोर्मध्ये चक्षुर्युग्मे च शाङ्करी ॥ १॥

śrīgaṇeśāya namaḥ |oṃ asyāścaturakṣarāviṣṇuvanitāyāḥkavacasya śrībhagavān śiva ṛṣīḥ |anuṣṭupchandaḥ | vāgbhavā devatā |vāgbhavaṃ bījam | lajjā śaktiḥ |ramā kīlakam | kāmabījātmakaṃ kavacam |mama sukavitvapāṇḍityasamṛddhisiddhaye pāṭhe viniyogaḥ |aiṅkāro mastake pātu vāgbhavāṃ sarvasiddhidā |hrīṃ pātu cakṣuṣormadhye cakṣuryugme ca śāṅkarī || 1||

जिह्वायां मुखवृत्ते च कर्णयोर्दन्तयोर्नसि ।ओष्ठाधारे दन्तपङ्क्तौ तालुमूले हनौ पुनः ॥ २॥

jihvāyāṃ mukhavṛtte ca karṇayordantayornasi |oṣṭhādhāre dantapaṅktau tālumūle hanau punaḥ || 2||

पातु मां विष्णुवनिता लक्ष्मीः श्रीवर्णरूपिणी ॥कर्णयुग्मे भुजद्वन्द्वे स्तनद्वन्द्वे च पार्वती ॥ ३॥

pātu māṃ viṣṇuvanitā lakṣmīḥ śrīvarṇarūpiṇī ||karṇayugme bhujadvandve stanadvandve ca pārvatī || 3||

हृदये मणिबन्धे च ग्रीवायां पार्श्वर्योद्वयोः ।पृष्ठदेशे तथा गुह्ये वामे च दक्षिणे तथा ॥ ४॥

hṛdaye maṇibandhe ca grīvāyāṃ pārśvaryodvayoḥ |pṛṣṭhadeśe tathā guhye vāme ca dakṣiṇe tathā || 4||

उपस्थे च नितम्बे च नाभौ जंघाद्वये पुनः ।जानुचक्रे पदद्वन्द्वे घुटिकेऽङ्गुलिमूलके ॥ ५॥

upasthe ca nitambe ca nābhau jaṃghādvaye punaḥ |jānucakre padadvandve ghuṭike'ṅgulimūlake || 5||

स्वधा तु प्राणशक्त्यां वा सीमन्यां मस्तके तथा ।सर्वाङ्गे पातु कामेशी महादेवी समुन्नतिः ॥ ६॥

svadhā tu prāṇaśaktyāṃ vā sīmanyāṃ mastake tathā |sarvāṅge pātu kāmeśī mahādevī samunnatiḥ || 6||

पुष्टिः पातु महामाया उत्कृष्टिः सर्वदाऽवतु ।ऋद्धिः पातु सदा देवी सर्वत्र शम्भुवल्लभा ॥ ७॥

puṣṭiḥ pātu mahāmāyā utkṛṣṭiḥ sarvadā'vatu |ṛddhiḥ pātu sadā devī sarvatra śambhuvallabhā || 7||

वाग्भवा सर्वदा पातु पातु मां हरगेहिनी ।रमा पातु महादेवी पातु माया स्वराट् स्वयम् ॥ ८॥

vāgbhavā sarvadā pātu pātu māṃ haragehinī |ramā pātu mahādevī pātu māyā svarāṭ svayam || 8||

सर्वाङ्गे पातु मां लक्ष्मीर्विष्णुमाया सुरेश्वरी ।विजया पातु भवने जया पातु सदा मम ॥ ९॥

sarvāṅge pātu māṃ lakṣmīrviṣṇumāyā sureśvarī |vijayā pātu bhavane jayā pātu sadā mama || 9||

शिवदूती सदा पातु सुन्दरी पातु सर्वदा ।भैरवी पातु सर्वत्र भेरुण्डा सर्वदाऽवतु ॥ १०॥

śivadūtī sadā pātu sundarī pātu sarvadā |bhairavī pātu sarvatra bheruṇḍā sarvadā'vatu || 10||

त्वरिता पातु मां नित्यमुग्रतारा सदाऽवतु ।पातु मां कालिका नित्यं कालरात्रिः सदाऽवतु ॥ ११॥

tvaritā pātu māṃ nityamugratārā sadā'vatu |pātu māṃ kālikā nityaṃ kālarātriḥ sadā'vatu || 11||

नवदुर्गाः सदा पातु कामाख्या सर्वदाऽवतु ।योगिन्यः सर्वदा पातु मुद्राः पातु सदा सम ॥ १२॥

navadurgāḥ sadā pātu kāmākhyā sarvadā'vatu |yoginyaḥ sarvadā pātu mudrāḥ pātu sadā sama || 12||

मात्राः पातु सदा देव्यश्चक्रस्था योगिनी गणाः ।सर्वत्र सर्वकार्येषु सर्वकर्मसु सर्वदा ॥ १३॥

mātrāḥ pātu sadā devyaścakrasthā yoginī gaṇāḥ |sarvatra sarvakāryeṣu sarvakarmasu sarvadā || 13||

पातु मां देवदेवी च लक्ष्मीः सर्वसमृद्धिदा ॥॥ इति विश्वसारतन्त्रे श्रीकमलाकवचं सम्पूर्णम् ॥

pātu māṃ devadevī ca lakṣmīḥ sarvasamṛddhidā |||| iti viśvasāratantre śrīkamalākavacaṃ sampūrṇam ||