त्रैलोक्यमोहनकालीकवचम् दक्षिणाकालिकाकवचम् Shri Dakshinakalikayah Trailokyamohanakavacham

श्रीगणेशाय नमः ।श्रीदेव्युवाच ।देवदेव! महादेव! संसारप्रीतिकारक ।सर्वविद्येश्वरीविद्याकवचं कथयध्रुवम् ॥ १॥ (कथयाद्भुताम्)

śrīgaṇeśāya namaḥ |śrīdevyuvāca |devadeva! mahādeva! saṃsāraprītikāraka |sarvavidyeśvarīvidyākavacaṃ kathayadhruvam || 1|| (kathayādbhutām)

श्रीशिव उवाच ।शृणु देवि महाविद्यां सर्वविद्योत्तमोत्तमाम् ।सर्वेश्वरीं महाविद्यां सर्वदेवप्रपूजिताम् ॥ २॥

śrīśiva uvāca |śṛṇu devi mahāvidyāṃ sarvavidyottamottamām |sarveśvarīṃ mahāvidyāṃ sarvadevaprapūjitām || 2||

यस्याः कटाक्षमात्रेण त्रैलोक्यविजयी हरः ।बभूव कमलानाथो विष्णुर्ब्रह्मा प्रजापतिः ॥ ३॥ (विभुर्ब्रह्मा)

yasyāḥ kaṭākṣamātreṇa trailokyavijayī haraḥ |babhūva kamalānātho viṣṇurbrahmā prajāpatiḥ || 3|| (vibhurbrahmā)

शचीस्वामी देवनाथो यमोऽपि धर्मनायकः । (यमनायकः)त्रैलोक्यपावनी गङ्गा कमला श्रीर्हरिप्रिया ॥ ४॥

śacīsvāmī devanātho yamo'pi dharmanāyakaḥ | (yamanāyakaḥ)trailokyapāvanī gaṅgā kamalā śrīrharipriyā || 4||

दिनस्वामी रविश्चन्द्रो निशापतिर्ग्रहेश्वरः ।जलाधिपश्च वरुणो कुबेरोऽपि धनेश्वरः ॥ ५॥

dinasvāmī raviścandro niśāpatirgraheśvaraḥ |jalādhipaśca varuṇo kubero'pi dhaneśvaraḥ || 5||

अव्याहतगतिर्वायुर्गजास्यो विघ्ननाशकः । (विघ्ननायकः)वागीश्वरः सुराचार्यो दैत्याचार्यो गुरुः कविः ॥ ६॥ (महाकविः)

avyāhatagatirvāyurgajāsyo vighnanāśakaḥ | (vighnanāyakaḥ)vāgīśvaraḥ surācāryo daityācāryo guruḥ kaviḥ || 6|| (mahākaviḥ)

एवं हि सर्वदेवाश्च सर्वसिद्धिश्वराः प्रिये ।तस्यास्तु कवचं दिव्यं मन्त्ररूपं विभावय ॥ ७॥

evaṃ hi sarvadevāśca sarvasiddhiśvarāḥ priye |tasyāstu kavacaṃ divyaṃ mantrarūpaṃ vibhāvaya || 7||

ॐ अस्य श्रीदक्षिणकालीकवचमन्त्रस्य भैरव ऋषिः,अनुष्टुप् छन्दः, श्मशानकाली देवता,धर्मार्थकाममोक्षार्थे जपे विनियोगः ।(ऋष्यादि न्यासः ।श्रीमहाकालभैरवाय नमः शिरसि ।अनुष्टुप्छन्दसे नमः मुखे ।श्रीदक्षिकालिकादेवतायै नमः हृदि ।धर्मार्थकाममोक्षार्थे पाठे विनियोगाय नमः अञ्जलौ ।)ललाटं पातु च क्रीं मे हरेणाराधिता सदा ।नेत्रे मे रक्षतु क्रीं क्रीं विष्णुना सेविता पुरा ॥ ८॥

oṃ asya śrīdakṣiṇakālīkavacamantrasya bhairava ṛṣiḥ,anuṣṭup chandaḥ, śmaśānakālī devatā,dharmārthakāmamokṣārthe jape viniyogaḥ |(ṛṣyādi nyāsaḥ |śrīmahākālabhairavāya namaḥ śirasi |anuṣṭupchandase namaḥ mukhe |śrīdakṣikālikādevatāyai namaḥ hṛdi |dharmārthakāmamokṣārthe pāṭhe viniyogāya namaḥ añjalau |)lalāṭaṃ pātu ca krīṃ me hareṇārādhitā sadā |netre me rakṣatu krīṃ krīṃ viṣṇunā sevitā purā || 8||

क्रीं हूँ ह्रीं नासिकां पातु ब्रह्मणा सेविता पुरा ।क्रीं क्रीं क्रीं वदनं पातु शक्रेणाराधिता सदा ॥ ९॥

krīṃ hūm̐ hrīṃ nāsikāṃ pātu brahmaṇā sevitā purā |krīṃ krīṃ krīṃ vadanaṃ pātu śakreṇārādhitā sadā || 9||

क्रीं स्वाहा श्रवणं पातु यमेनैव प्रपूजिता ।क्रीं हूँ ह्रीं स्वाहा रसनां गङ्गया सेविताऽवतु ॥ १०॥

krīṃ svāhā śravaṇaṃ pātu yamenaiva prapūjitā |krīṃ hūm̐ hrīṃ svāhā rasanāṃ gaṅgayā sevitā'vatu || 10||

दन्तपङ्क्तिं सदा पातु ॐ क्रीं हूँ ह्रीं स्वाहा मम ।भुक्तिमुक्तिप्रदा काली श्रिया नित्यं सुसेविता ॥ ११॥

dantapaṅktiṃ sadā pātu oṃ krīṃ hūm̐ hrīṃ svāhā mama |bhuktimuktipradā kālī śriyā nityaṃ susevitā || 11||

ओष्ठाधरं सदा पातु क्रीं क्रीं हूँ हूँ ह्रीं ह्रीं ममसूर्येणाराधिता विद्या सर्वसिद्धिप्रदायिका ॥ १२॥

oṣṭhādharaṃ sadā pātu krīṃ krīṃ hūm̐ hūm̐ hrīṃ hrīṃ mamasūryeṇārādhitā vidyā sarvasiddhipradāyikā || 12||

कण्ठं पातु महाकाली ॐ क्रीं ह्रीं में स्वाहा मम ।चन्द्रेणाराधिता विद्या चतुर्वर्गफलप्रदा ॥ १३॥

kaṇṭhaṃ pātu mahākālī oṃ krīṃ hrīṃ meṃ svāhā mama |candreṇārādhitā vidyā caturvargaphalapradā || 13||

हस्तयुग्मं सदा पातु क्रीं क्रीं हूँ हूँ ह्रीं ह्रीं स्वाहा ।सौख्यदा मोक्षदा काली वरुणेनैव सेविता ॥ १४॥

hastayugmaṃ sadā pātu krīṃ krīṃ hūm̐ hūm̐ hrīṃ hrīṃ svāhā |saukhyadā mokṣadā kālī varuṇenaiva sevitā || 14||

ॐ क्रीं क्रीं हूँ ह्रीं फट् स्वाहा, हृदयं पातु सर्वदा ।सर्वसम्पत्प्रदा काली कुबेरेणोपसेविता ॥ १५॥

oṃ krīṃ krīṃ hūm̐ hrīṃ phaṭ svāhā, hṛdayaṃ pātu sarvadā |sarvasampatpradā kālī kubereṇopasevitā || 15||

ऐं ह्रीं ॐ ऐं हूँ फट् स्वाहा स्तनद्वन्द्वं सदावतु ।वायुनोपासिता काली यशोबलसुखप्रदा ॥ १६॥

aiṃ hrīṃ oṃ aiṃ hūm̐ phaṭ svāhā stanadvandvaṃ sadāvatu |vāyunopāsitā kālī yaśobalasukhapradā || 16||

क्रीं क्रीं हूँ हूँ ह्रीं ह्रीं फट् च सा पातु जठरं मम ।सर्वसिद्धिप्रदा काली गणनाथेन सेविता ॥ १७॥

krīṃ krīṃ hūm̐ hūm̐ hrīṃ hrīṃ phaṭ ca sā pātu jaṭharaṃ mama |sarvasiddhipradā kālī gaṇanāthena sevitā || 17||

क्रीं दक्षिणे कालिके ह्रीं स्वाहा नाभिं ममाऽवतु ।सिद्धिबुद्धिकरी काली गुरुणा सेविता पुरा ॥ १८॥

krīṃ dakṣiṇe kālike hrīṃ svāhā nābhiṃ mamā'vatu |siddhibuddhikarī kālī guruṇā sevitā purā || 18||

लिङ्गं पातु सदा हूँ हूँ दक्षिणे कालिके ह्रीं ह्रीं ।शुक्रेणाराधिता काली त्रैलोक्यजयदायिनी ॥ १९॥

liṅgaṃ pātu sadā hūm̐ hūm̐ dakṣiṇe kālike hrīṃ hrīṃ |śukreṇārādhitā kālī trailokyajayadāyinī || 19||

पात्वण्डकोशं फट् क्रीं क्रीं ,दक्षिणे कालिके स्वाहा ।धरया सेविता विद्या सर्वरत्नप्रदायिनी ॥ २०॥

pātvaṇḍakośaṃ phaṭ krīṃ krīṃ ,dakṣiṇe kālike svāhā |dharayā sevitā vidyā sarvaratnapradāyinī || 20||

पातु गुदं क्रीं क्रीं दक्षिणे कालिके ह्रीं ह्रीं स्वाहा ।द्वादशी च महाविद्या राघवेणार्चिता सदा ॥ २१॥

pātu gudaṃ krīṃ krīṃ dakṣiṇe kālike hrīṃ hrīṃ svāhā |dvādaśī ca mahāvidyā rāghaveṇārcitā sadā || 21||

जानुनी पातु ॐ क्रीं क्रीं दक्षिणे कालिके स्वाहा ।एकादशी महाविद्या मेघनादेन सेविता ॥ २२॥

jānunī pātu oṃ krīṃ krīṃ dakṣiṇe kālike svāhā |ekādaśī mahāvidyā meghanādena sevitā || 22||

क्रीं क्रीं दक्षिणे कालिके ह्रीं ह्रीं स्वाहा जङ्घेऽवतुद्वादशी च महाविद्या प्रह्लादेन च सेविता ॥ २३॥

krīṃ krīṃ dakṣiṇe kālike hrīṃ hrīṃ svāhā jaṅghe'vatudvādaśī ca mahāvidyā prahlādena ca sevitā || 23||

क्रीं हूँ ह्रीं दक्षिणे कालिके क्रीं हूँ ह्रीं स्वाहाऽवतु ।चतुर्दशी पादयुग्मं गुरुदेवेन सेविता ॥ २४॥

krīṃ hūm̐ hrīṃ dakṣiṇe kālike krīṃ hūm̐ hrīṃ svāhā'vatu |caturdaśī pādayugmaṃ gurudevena sevitā || 24||

क्रीं हूँ ह्रीं दक्षिणे कालिके क्रीं हूँ ह्रीं तथाऽङ्गुलीः ।पातु मे द्वादशी काली क्षेत्रपालेन सेविता ॥ २५॥

krīṃ hūm̐ hrīṃ dakṣiṇe kālike krīṃ hūm̐ hrīṃ tathā'ṅgulīḥ |pātu me dvādaśī kālī kṣetrapālena sevitā || 25||

ॐ क्रीं हूँ ह्रीं दक्षिणे कालिके क्रीं हूँ ह्रीं स्वाहा च ।नखान्सर्वान्सदा पातु पञ्चदशी ग्रहेश्वरी ॥ २६॥

oṃ krīṃ hūm̐ hrīṃ dakṣiṇe kālike krīṃ hūm̐ hrīṃ svāhā ca |nakhānsarvānsadā pātu pañcadaśī graheśvarī || 26||

क्रीं क्रीं क्रीं हूँ हूँ ह्रीं ह्रीं दक्षिणे कालिके क्रीं क्रीं क्रीं ।मम पृष्ठे सदा पातु षोडशी परमेश्वरी ॥ २७॥

krīṃ krīṃ krīṃ hūm̐ hūm̐ hrīṃ hrīṃ dakṣiṇe kālike krīṃ krīṃ krīṃ |mama pṛṣṭhe sadā pātu ṣoḍaśī parameśvarī || 27||

क्रीं क्रीं क्रीं पातु रोमाणि हूँ हूँ रक्षतु वर्मणि ।मांसं पातु सदा ह्रीं ह्रीं रक्तं दक्षिणकालिका ॥ २८॥

krīṃ krīṃ krīṃ pātu romāṇi hūm̐ hūm̐ rakṣatu varmaṇi |māṃsaṃ pātu sadā hrīṃ hrīṃ raktaṃ dakṣiṇakālikā || 28||

क्रीं क्रीं क्रीं पातु मे चास्थि मज्जां हूँ हूँ सदाऽवतु ।ह्रीं ह्रीं शुक्रं सदा पातु रंध्रं स्वाहा ममाऽवतु ॥ २९॥

krīṃ krīṃ krīṃ pātu me cāsthi majjāṃ hūm̐ hūm̐ sadā'vatu |hrīṃ hrīṃ śukraṃ sadā pātu raṃdhraṃ svāhā mamā'vatu || 29||

द्वाविंशत्यक्षरी विद्या सर्वलोकेषु दुर्लभा ।महाविद्येश्वरी विद्या सर्वतन्त्रेषु गोपिता ॥ ३०॥

dvāviṃśatyakṣarī vidyā sarvalokeṣu durlabhā |mahāvidyeśvarī vidyā sarvatantreṣu gopitā || 30||

सूर्यवंशेन सोमेन रामेण जमदग्निना ।जयन्तेन सुनन्देन बलिना नारदेन च ॥ ३१॥

sūryavaṃśena somena rāmeṇa jamadagninā |jayantena sunandena balinā nāradena ca || 31||

विभीषणेन बाणेन भृगुणा कश्यपेन च ।कपिलेन वसिष्ठेन धौम्येन त्रिपुरेण च ॥ ३२॥

vibhīṣaṇena bāṇena bhṛguṇā kaśyapena ca |kapilena vasiṣṭhena dhaumyena tripureṇa ca || 32||

मार्कण्डयेन ध्रुवेणैव द्रोणेन सत्यभामया ।ऋष्यशृङ्गेन कर्णेन भारद्वाजेन संयुता ॥ ३३॥

mārkaṇḍayena dhruveṇaiva droṇena satyabhāmayā |ṛṣyaśṛṅgena karṇena bhāradvājena saṃyutā || 33||

सर्वैराराधिता विद्या जरामृत्युविनाशिनी ।पूर्णविद्या महाकाली विद्याराज्ञी प्रकीर्तिता ॥ ३४॥

sarvairārādhitā vidyā jarāmṛtyuvināśinī |pūrṇavidyā mahākālī vidyārājñī prakīrtitā || 34||

काली कपालिनी कुल्ला कुरुकुल्ला विरोधिनी ।विप्रचित्ता तथोग्रोग्रप्रभा दीप्ता घनत्विषा ॥ ३५॥

kālī kapālinī kullā kurukullā virodhinī |vipracittā tathogrograprabhā dīptā ghanatviṣā || 35||

नीला घना बलाका च मात्रा मुद्रा मिताऽपि च ।एताः सर्वा खड्गधरा मुण्डमालाविभूषणा ॥ ३६॥

nīlā ghanā balākā ca mātrā mudrā mitā'pi ca |etāḥ sarvā khaḍgadharā muṇḍamālāvibhūṣaṇā || 36||

हूँ हूँकाराट्टहासेन सर्वत्र पातु मां सदा ।ब्रह्माणी पातु मां पूर्वे चाग्नेय्यां वैष्णवी तथा ॥ ३७॥

hūm̐ hūm̐kārāṭṭahāsena sarvatra pātu māṃ sadā |brahmāṇī pātu māṃ pūrve cāgneyyāṃ vaiṣṇavī tathā || 37||

माहेश्वरी पातु याम्ये चामुण्डा नैरृते सदा ।कौमारी वारुणे पातु वायव्ये चाऽपराजिता ॥ ३८॥

māheśvarī pātu yāmye cāmuṇḍā nairṛte sadā |kaumārī vāruṇe pātu vāyavye cā'parājitā || 38||

वाराही चोत्तरे पातु चेशान्यां नारसिंहिका ।अध ऊर्ध्वे पातु काली पार्श्वे पृष्ठे च कालिका ॥ ३९॥

vārāhī cottare pātu ceśānyāṃ nārasiṃhikā |adha ūrdhve pātu kālī pārśve pṛṣṭhe ca kālikā || 39||

जले स्थले च पाताले शयने भोजने गृहेराजस्थाने कानने च विवादे मरणे रणे ॥ ४०॥

jale sthale ca pātāle śayane bhojane gṛherājasthāne kānane ca vivāde maraṇe raṇe || 40||

पर्वते प्रान्तरे शून्ये पातु मां कालिका सदा ।शवासने श्मशाने वा शून्यागारे चतुष्पथे ॥ ४१॥

parvate prāntare śūnye pātu māṃ kālikā sadā |śavāsane śmaśāne vā śūnyāgāre catuṣpathe || 41||

यत्र यत्र भयप्राप्तिः सर्वत्र पातु कालिका ।नक्षत्रतिथिवारेषु योगकरणयोरपि ॥ ४२॥

yatra yatra bhayaprāptiḥ sarvatra pātu kālikā |nakṣatratithivāreṣu yogakaraṇayorapi || 42||

मासे पक्षे वत्सरे च दण्डे यामे निमेषके ।दिवारात्रौ सदा पातु सन्ध्ययोः पातु कालिका ॥ ४३॥

māse pakṣe vatsare ca daṇḍe yāme nimeṣake |divārātrau sadā pātu sandhyayoḥ pātu kālikā || 43||

सर्वत्र कालिका पातु कालिका पातु सर्वदा ।सकृद्यः शृणुयान्नित्यं कवचं शिवनिर्मितम् ॥ ४४॥

sarvatra kālikā pātu kālikā pātu sarvadā |sakṛdyaḥ śṛṇuyānnityaṃ kavacaṃ śivanirmitam || 44||

सर्वपापं परित्यज्य गच्छेच्छिवस्य चालयम् ।त्रैलोक्यमोहनं दिव्यं देवतानां सुदुर्लभम् ॥ ४५॥

sarvapāpaṃ parityajya gacchecchivasya cālayam |trailokyamohanaṃ divyaṃ devatānāṃ sudurlabham || 45||

यः पठेत्साधकाधीशः सर्वकर्मजयान्वितः ।सर्वधर्मे भवेद्धर्मी सर्वविद्येश्वरेश्वरः ॥ ४६॥

yaḥ paṭhetsādhakādhīśaḥ sarvakarmajayānvitaḥ |sarvadharme bhaveddharmī sarvavidyeśvareśvaraḥ || 46||

कुबेर इव वित्ताढ्यः सुवाणी कोकिलस्वरः ।कवित्वे व्याससदृशो गणेशवच्छ्रुतिधरः ॥ ४७॥

kubera iva vittāḍhyaḥ suvāṇī kokilasvaraḥ |kavitve vyāsasadṛśo gaṇeśavacchrutidharaḥ || 47||

कामदेवसमो रूपे वायुतुल्यः पराक्रमे ।महेश इव योगीन्द्र ऐश्वर्ये सुरनायकः ॥ ४८॥

kāmadevasamo rūpe vāyutulyaḥ parākrame |maheśa iva yogīndra aiśvarye suranāyakaḥ || 48||

बृहस्पतिसमो धीमान् जरामृत्युविवर्जितः ।सर्वज्ञः सर्वदर्शी च निष्पापः सकलप्रियः ॥ ४९॥

bṛhaspatisamo dhīmān jarāmṛtyuvivarjitaḥ |sarvajñaḥ sarvadarśī ca niṣpāpaḥ sakalapriyaḥ || 49||

अव्याहतगतिः शान्तो भार्यापुत्रसमन्वितः ।यो देहे कुरुते नित्यं कवचं देवदुर्लभम् ॥ ५०॥

avyāhatagatiḥ śānto bhāryāputrasamanvitaḥ |yo dehe kurute nityaṃ kavacaṃ devadurlabham || 50||

न शोको न भयं क्लेशो न रोगो न पराजयः ।धनहानिर्विषादोऽपि परव्याधिर्भवेन्नहि ॥ ५१॥

na śoko na bhayaṃ kleśo na rogo na parājayaḥ |dhanahānirviṣādo'pi paravyādhirbhavennahi || 51||

सङ्ग्रामेषु जयेच्छत्रून् यथा वह्निर्दहेद्वनम् ।ब्रह्मास्त्रास्त्रान्यशस्त्राणि पशवः कण्टकादयः ॥ ५२॥

saṅgrāmeṣu jayecchatrūn yathā vahnirdahedvanam |brahmāstrāstrānyaśastrāṇi paśavaḥ kaṇṭakādayaḥ || 52||

तस्य देहं न भिनत्ति वज्राधिकं भवेद्वपुः ।ग्रहभूतपिशाश्च यक्ष राक्षस किन्नराः ॥ ५३॥

tasya dehaṃ na bhinatti vajrādhikaṃ bhavedvapuḥ |grahabhūtapiśāśca yakṣa rākṣasa kinnarāḥ || 53||

सर्वे दूरात्पलायन्ते हिंसको नश्यति ध्रुवम् ।तद्देहं न दहेदग्निर्न तापयति भास्करः ॥ ५४॥

sarve dūrātpalāyante hiṃsako naśyati dhruvam |taddehaṃ na dahedagnirna tāpayati bhāskaraḥ || 54||

न शोषयति वातोऽपि न क्लेदं कुरुते पयः ।पुत्रवत्पाल्यते काल्या न हिमं कुरु ते शशी ॥ ५५॥

na śoṣayati vāto'pi na kledaṃ kurute payaḥ |putravatpālyate kālyā na himaṃ kuru te śaśī || 55||

जलसूर्येन्दुवातानां स्तम्भके नात्र संशयः ।बहु किं कथयिष्यामि सर्वसिद्धिमुपालभेत् ॥ ५६॥

jalasūryenduvātānāṃ stambhake nātra saṃśayaḥ |bahu kiṃ kathayiṣyāmi sarvasiddhimupālabhet || 56||

राज्यं भोगं सुखं लब्ध्वा स्वेच्छयापि शिवो भवेत् ।मोहनस्तम्भनाकर्षमारणोच्चाटनं भवेत् ॥ ५७॥

rājyaṃ bhogaṃ sukhaṃ labdhvā svecchayāpi śivo bhavet |mohanastambhanākarṣamāraṇoccāṭanaṃ bhavet || 57||

काकवन्ध्या च या नारी वन्ध्या वा मृतपुत्रिका ।कण्ठे वा दक्षिणे बाहौ लिखित्वा धारयेद्यदि ॥ ५८॥

kākavandhyā ca yā nārī vandhyā vā mṛtaputrikā |kaṇṭhe vā dakṣiṇe bāhau likhitvā dhārayedyadi || 58||

तदा पुत्रो भवेत्सत्यं चिरायुः पण्डितः शुचिः ।स्वामिनो वल्लभा सापि धनधान्यसुतान्विता ॥ ५९॥

tadā putro bhavetsatyaṃ cirāyuḥ paṇḍitaḥ śuciḥ |svāmino vallabhā sāpi dhanadhānyasutānvitā || 59||

इदं कवचमज्ञात्वा यो जपेत्कालिकामनुम् ।ध्यानेन कोटिजप्तेन तस्य विद्या न सिद्ध्यति ॥ ६०॥

idaṃ kavacamajñātvā yo japetkālikāmanum |dhyānena koṭijaptena tasya vidyā na siddhyati || 60||

पदे पदे भवेद्दुखं लोकानां निन्दितो ध्रुवम् ।इहलोके भवेद्दुःखी परे च नरकं व्रजेत् ॥ ६१॥

pade pade bhaveddukhaṃ lokānāṃ nindito dhruvam |ihaloke bhavedduḥkhī pare ca narakaṃ vrajet || 61||

गुरुं मनुं समं ज्ञात्वा यः पठेत्कवचोत्तमम् ।तस्य विद्या भवेत्सिद्धा सत्यं सत्यं वरानने ॥ ६२॥

guruṃ manuṃ samaṃ jñātvā yaḥ paṭhetkavacottamam |tasya vidyā bhavetsiddhā satyaṃ satyaṃ varānane || 62||

य इदं कवचं दिव्यं प्रकाश्य सिद्धिहा भवेत् ।भक्ताय श्रेष्ठपुत्राय साधकाय प्रकाशयेत् ॥ ६३॥

ya idaṃ kavacaṃ divyaṃ prakāśya siddhihā bhavet |bhaktāya śreṣṭhaputrāya sādhakāya prakāśayet || 63||

॥ इति श्रीरुद्रयामले देवीशङ्कर संवादेत्रैलोक्यमोहनं नाम कवचं अथवा दक्षिणाकालिकाकवचं सम्पूर्णम् ॥

|| iti śrīrudrayāmale devīśaṅkara saṃvādetrailokyamohanaṃ nāma kavacaṃ athavā dakṣiṇākālikākavacaṃ sampūrṇam ||