धर्मसंवर्धनीस्तोत्रम् २ Shri Dharmasamvardhani Stotram

॥ श्रीगणेशाय नमः ॥ॐ क ए ई ल ह्रीं ह स क ह ल ह्रीं स क ल ह्रीं श्रीं ।कल्याणी कमनीयतूलकबरी कल्हारमालाञ्चिताकस्तूरीतिलकाङ्कफालफलका कामेश्वरप्रेयसी ।काम्या कामकलात्मिका करलसच्चापेक्षुपाशाङ्कुशाकल्याणानि करोतु मे भगवती श्रीधर्मसंवर्धनी ॥ १॥

|| śrīgaṇeśāya namaḥ ||oṃ ka e ī la hrīṃ ha sa ka ha la hrīṃ sa ka la hrīṃ śrīṃ |kalyāṇī kamanīyatūlakabarī kalhāramālāñcitākastūrītilakāṅkaphālaphalakā kāmeśvarapreyasī |kāmyā kāmakalātmikā karalasaccāpekṣupāśāṅkuśākalyāṇāni karotu me bhagavatī śrīdharmasaṃvardhanī || 1||

एतावत्तदिति प्रमां अतिगतां एणीकिशोरेक्षणांएकान्तापचितिप्रसनहृदयां एकाधिपत्यप्रदाम् ।एवम्भूतचराचरैकजननीं एणाङ्कचूडप्रियांएधेमह्यधिकं प्रपद्य शरणं श्रीधर्मसंवर्धनीम् ॥ २॥

etāvattaditi pramāṃ atigatāṃ eṇīkiśorekṣaṇāṃekāntāpacitiprasanahṛdayāṃ ekādhipatyapradām |evambhūtacarācaraikajananīṃ eṇāṅkacūḍapriyāṃedhemahyadhikaṃ prapadya śaraṇaṃ śrīdharmasaṃvardhanīm || 2||

ईशोत्सङ्गविहारलोलहृदयां ईहाविहीनाशयांईडानाखिलवाञ्चितार्थजननीं ईशानसंसेविताम् ।ईदृग्विश्वजनिस्थितिक्षतिकरीं ईतिव्यथानाशिनींईडेऽहं परदेवतां भगवतीं श्रीधर्मसंवर्धनी ॥ ३॥

īśotsaṅgavihāralolahṛdayāṃ īhāvihīnāśayāṃīḍānākhilavāñcitārthajananīṃ īśānasaṃsevitām |īdṛgviśvajanisthitikṣatikarīṃ ītivyathānāśinīṃīḍe'haṃ paradevatāṃ bhagavatīṃ śrīdharmasaṃvardhanī || 3||

लक्ष्मीवल्लभभारतीपतिशचीपत्यादिसम्पूजितालब्धानेकजनुःसुकर्मनिचयैर्लभ्यङ्घ्रिसेवारसा ।लावण्यामृतसारसागरतनुर्लक्षागमैर्लक्षितालब्धार्था ललना लसेन्मनसि मे श्रीधर्मसंवर्धनी ॥ ४॥

lakṣmīvallabhabhāratīpatiśacīpatyādisampūjitālabdhānekajanuḥsukarmanicayairlabhyaṅghrisevārasā |lāvaṇyāmṛtasārasāgaratanurlakṣāgamairlakṣitālabdhārthā lalanā lasenmanasi me śrīdharmasaṃvardhanī || 4||

ह्रीङ्काराम्बुजकर्णिकान्तरमहासिंहासनाध्यासिनीह्रीणात्मीकृतसर्वलोकललनारत्नस्वलावण्यभा ।ह्रीश्रीभीधृतिबुद्धिसंस्मृतिरतिश्रद्धाक्षमारूपिणीह्रीन्नामा ममदुःखमाशु हरतु श्रीधर्मसंवर्धनी ॥ ५॥

hrīṅkārāmbujakarṇikāntaramahāsiṃhāsanādhyāsinīhrīṇātmīkṛtasarvalokalalanāratnasvalāvaṇyabhā |hrīśrībhīdhṛtibuddhisaṃsmṛtiratiśraddhākṣamārūpiṇīhrīnnāmā mamaduḥkhamāśu haratu śrīdharmasaṃvardhanī || 5||

हस्ताहस्तिविधायिपीवरकुचा हस्तीन्द्रकुम्भैः समंहानादानविवर्जिता हरिमणिश्यामावदातेक्षणा ।हंसाध्येययपदक्रमा हरिहयब्रह्माच्युतेशार्चिताहन्यान्मे हतकिल्बिषं हरसखी श्रीधर्मसंवर्धनी ॥ ६॥

hastāhastividhāyipīvarakucā hastīndrakumbhaiḥ samaṃhānādānavivarjitā harimaṇiśyāmāvadātekṣaṇā |haṃsādhyeyayapadakramā harihayabrahmācyuteśārcitāhanyānme hatakilbiṣaṃ harasakhī śrīdharmasaṃvardhanī || 6||

सर्वाङ्गीणविभूषणा समरसा संविन्मयी सात्विकीसाध्या सागरमेखलाधरसुता सर्वज्ञसम्मोहिनी ।सत्यानन्दचिदाकृतिः सरसवाक् सन्तुष्टचित्तास्तु मेसंसारार्णवतारणैकतरणिः श्रीधर्मसंवर्धनी ॥ ७॥

sarvāṅgīṇavibhūṣaṇā samarasā saṃvinmayī sātvikīsādhyā sāgaramekhalādharasutā sarvajñasammohinī |satyānandacidākṛtiḥ sarasavāk santuṣṭacittāstu mesaṃsārārṇavatāraṇaikataraṇiḥ śrīdharmasaṃvardhanī || 7||

कल्या काञ्चनकुण्डलाङ्गदधरा कण्ठे मणीमालिकाकटयां काञ्चनकाञ्चिदामलसिता कादम्बसञ्चारिणी ।काले कल्पितविश्वसृष्टिविलया कात्यायनी कामदाकामं मे कठिनस्तनी कलयतु श्रीधर्मसंवर्धनी ॥ ८॥

kalyā kāñcanakuṇḍalāṅgadadharā kaṇṭhe maṇīmālikākaṭayāṃ kāñcanakāñcidāmalasitā kādambasañcāriṇī |kāle kalpitaviśvasṛṣṭivilayā kātyāyanī kāmadākāmaṃ me kaṭhinastanī kalayatu śrīdharmasaṃvardhanī || 8||

हत्याद्युत्कटपापकूटदहनज्वालायमानाभिधाहस्तैर्हाटककङ्कणावलिधरा हंसावलीसेविता ।हारालीपरिशोभमानविपुलप्रोत्तुङ्गवक्षोरुहाहत्याहन्तृकला निहन्तु मदधं श्रीधर्मसंवर्धनी ॥ ९॥

hatyādyutkaṭapāpakūṭadahanajvālāyamānābhidhāhastairhāṭakakaṅkaṇāvalidharā haṃsāvalīsevitā |hārālīpariśobhamānavipulaprottuṅgavakṣoruhāhatyāhantṛkalā nihantu madadhaṃ śrīdharmasaṃvardhanī || 9||

लब्धव्यालघुलब्धभक्त्यतिशयैर्लास्यप्रिया लाकिनीलाक्षारञ्जितपादपद्मयुगला लज्जापदार्चप्रिया ।लाभालाभसमानचित्तमुदिता लङ्केशवैर्यर्चितालक्ष्यात्मा ललिता लगेन्मनसि मे श्रीधर्मसंवर्धनी ॥ १०॥

labdhavyālaghulabdhabhaktyatiśayairlāsyapriyā lākinīlākṣārañjitapādapadmayugalā lajjāpadārcapriyā |lābhālābhasamānacittamuditā laṅkeśavairyarcitālakṣyātmā lalitā lagenmanasi me śrīdharmasaṃvardhanī || 10||

ह्रीङ्कारामलदुग्धसागरसुधा ह्रीङ्कारपद्मेन्दिराह्रीङ्काराङ्कितमन्त्रजापकजनाभीष्टार्थसन्दायिनी ।ह्रीङ्कारामृतवापिका कमलिनी ह्रीङ्कारपेटीमणिःक्षिप्रं मद्विषतां कुलं ह्रसययु श्रीधर्मसंवर्धनी ॥ ११॥

hrīṅkārāmaladugdhasāgarasudhā hrīṅkārapadmendirāhrīṅkārāṅkitamantrajāpakajanābhīṣṭārthasandāyinī |hrīṅkārāmṛtavāpikā kamalinī hrīṅkārapeṭīmaṇiḥkṣipraṃ madviṣatāṃ kulaṃ hrasayayu śrīdharmasaṃvardhanī || 11||

सर्वानन्दकरी समस्तजननी सत्कर्मसन्तोषिणीसव्यासव्यपथार्चिताङ्घ्रिकमला सम्पूर्णसम्पत्करी ।साध्वी सद्गतिदायिनी सदसदाकारा समा साक्षिणीसर्वज्ञा मम सङ्क्षिणोतु दुरितं श्रीधर्मसंवर्धनी ॥ १२॥

sarvānandakarī samastajananī satkarmasantoṣiṇīsavyāsavyapathārcitāṅghrikamalā sampūrṇasampatkarī |sādhvī sadgatidāyinī sadasadākārā samā sākṣiṇīsarvajñā mama saṅkṣiṇotu duritaṃ śrīdharmasaṃvardhanī || 12||

कन्यापूजनसम्प्रहृष्टहृदया कल्पद्रुमूलासिनीकाव्यालापविनोदिनी कलिमलप्रध्वंसिनी कामिनी ।कल्याणाचलकार्मुकप्रियतमा कल्याणशैलालयाकामं कामधुगस्तु मे भगवती श्रीधर्मसंवर्धनी ॥ १२॥

kanyāpūjanasamprahṛṣṭahṛdayā kalpadrumūlāsinīkāvyālāpavinodinī kalimalapradhvaṃsinī kāminī |kalyāṇācalakārmukapriyatamā kalyāṇaśailālayākāmaṃ kāmadhugastu me bhagavatī śrīdharmasaṃvardhanī || 12||

लक्ष्या लक्षणबोधकश्रुतिशिरः सीमन्तवाक्यालिभिर्लज्जाढ्या लगदिष्टकल्पलतिका लग्नाशये योगिनाम् ।लक्ष्मीवल्लभसोदरी लवकरी लज्जापदाध्यासिनीलालित्यैकनिधिर्लगेन्मनसि मे श्रीधर्मसंवर्धनी ॥ १३॥

lakṣyā lakṣaṇabodhakaśrutiśiraḥ sīmantavākyālibhirlajjāḍhyā lagadiṣṭakalpalatikā lagnāśaye yoginām |lakṣmīvallabhasodarī lavakarī lajjāpadādhyāsinīlālityaikanidhirlagenmanasi me śrīdharmasaṃvardhanī || 13||

ह्रीङ्कारामृत भानुमण्डललसज्योत्स्नाभिरामाकृतिह्रीङ्कारोदयमेदिनीधरकठोराभीषुबिम्बप्रभा ।ह्रीङ्कारैकपरायणाभिलषिताशेषार्थचिन्तामणिर्हृष्येन्मे मधुनायकप्रणयिनी श्रीधर्मसंवर्धनी ॥ १४॥

hrīṅkārāmṛta bhānumaṇḍalalasajyotsnābhirāmākṛtihrīṅkārodayamedinīdharakaṭhorābhīṣubimbaprabhā |hrīṅkāraikaparāyaṇābhilaṣitāśeṣārthacintāmaṇirhṛṣyenme madhunāyakapraṇayinī śrīdharmasaṃvardhanī || 14||

मधुनाथमनोमोदमकरालयचन्द्रिका ।धर्मसंवर्धनी देवी धर्मे संवर्धयेन्मम ॥ १५॥

madhunāthamanomodamakarālayacandrikā |dharmasaṃvardhanī devī dharme saṃvardhayenmama || 15||

इति श्रीगोमतीदासकृतं श्रीधर्मसंवर्धनीस्तोत्रं सम्पूर्णम् ।

iti śrīgomatīdāsakṛtaṃ śrīdharmasaṃvardhanīstotraṃ sampūrṇam |