धूमावतीहृदयम् Shri dhumavati Hridayam

श्रीगणेशाय नमः ॥श्रीउमामहेश्वराभ्यां नमः ॥श्रीधूमावत्यै नमः ॥ॐ अस्य श्रीधूमावतीहृदयस्तोत्रमन्त्रस्य पिप्पलाद ऋषिः ।अनुष्टुप्छन्दः । श्रीधूमावती देवता । धूं बीजम् । ह्रीं शक्तिः ।क्लीं कीलकम् । सर्वशत्रुसंहरणे पाठे विनियोगः ॥अथ हृदयादि षडङ्गन्यासः ।ॐ धां हृदयाय नमः ।ॐ धीं शिरसे स्वाहा ।ॐ धूं शिखायै वषट् ।ॐ धैं कवचाय हुम् ।ॐ धौं नेत्रत्रयाय वौषट् ।ॐ धः अस्त्राय फट् ।इति हृदयादि षडङ्गन्यासः ॥अथ करन्यासः ।ॐ धां अङ्गुष्ठाभ्यां नमः ।ॐ धीं तर्जनीभ्यां नमः ।ॐ धूं मध्यमाभ्यां नमः ।ॐ धैं अनामिकाभ्यां नमः ।ॐ धौं कनिष्ठिकाभ्यां नमः ।ॐ धः करतलकरपृष्ठाभ्यां नमः ।इति करन्यासः ॥अथ ध्यानम् ।ॐ धूम्राभां धूम्रवस्त्रां प्रकटितदशनां मुक्तवालाम्बराढ्यांकाकाङ्कस्यन्दनस्थां धवलकरयुगां शूर्पहस्तातिरूक्षाम् ।नित्यं क्षुत्क्षान्तदेहां मुहुरतिकुटिलां वारिवाञ्छाविचित्रांध्यायेद्धूमावतीं वामनयनयुगलां भीतिदां भीषणास्याम् ॥ १॥

śrīgaṇeśāya namaḥ ||śrīumāmaheśvarābhyāṃ namaḥ ||śrīdhūmāvatyai namaḥ ||oṃ asya śrīdhūmāvatīhṛdayastotramantrasya pippalāda ṛṣiḥ |anuṣṭupchandaḥ | śrīdhūmāvatī devatā | dhūṃ bījam | hrīṃ śaktiḥ |klīṃ kīlakam | sarvaśatrusaṃharaṇe pāṭhe viniyogaḥ ||atha hṛdayādi ṣaḍaṅganyāsaḥ |oṃ dhāṃ hṛdayāya namaḥ |oṃ dhīṃ śirase svāhā |oṃ dhūṃ śikhāyai vaṣaṭ |oṃ dhaiṃ kavacāya hum |oṃ dhauṃ netratrayāya vauṣaṭ |oṃ dhaḥ astrāya phaṭ |iti hṛdayādi ṣaḍaṅganyāsaḥ ||atha karanyāsaḥ |oṃ dhāṃ aṅguṣṭhābhyāṃ namaḥ |oṃ dhīṃ tarjanībhyāṃ namaḥ |oṃ dhūṃ madhyamābhyāṃ namaḥ |oṃ dhaiṃ anāmikābhyāṃ namaḥ |oṃ dhauṃ kaniṣṭhikābhyāṃ namaḥ |oṃ dhaḥ karatalakarapṛṣṭhābhyāṃ namaḥ |iti karanyāsaḥ ||atha dhyānam |oṃ dhūmrābhāṃ dhūmravastrāṃ prakaṭitadaśanāṃ muktavālāmbarāḍhyāṃkākāṅkasyandanasthāṃ dhavalakarayugāṃ śūrpahastātirūkṣām |nityaṃ kṣutkṣāntadehāṃ muhuratikuṭilāṃ vārivāñchāvicitrāṃdhyāyeddhūmāvatīṃ vāmanayanayugalāṃ bhītidāṃ bhīṣaṇāsyām || 1||

इति ध्यानम् ।कल्पादौ या कालिकाद्याऽचीकलन्मधुकैटभौ ।कल्पान्ते त्रिजगत्सर्वं धूमावतीं भजामि ताम् ॥ २॥

iti dhyānam |kalpādau yā kālikādyā'cīkalanmadhukaiṭabhau |kalpānte trijagatsarvaṃ dhūmāvatīṃ bhajāmi tām || 2||

गुणागाराऽगम्यगुणा या गुणा गुणवर्द्धिनी ।गीतावेदार्थतत्त्वज्ञैर्धूमावतीं भजामि ताम् ॥ ३॥

guṇāgārā'gamyaguṇā yā guṇā guṇavarddhinī |gītāvedārthatattvajñairdhūmāvatīṃ bhajāmi tām || 3||

खट्वाङ्गधारिणी खर्वा खण्डिनी खलरक्षसाम् ।धारिणी खेटकस्यापि धूमावतीं भजामि ताम् ॥ ४॥

khaṭvāṅgadhāriṇī kharvā khaṇḍinī khalarakṣasām |dhāriṇī kheṭakasyāpi dhūmāvatīṃ bhajāmi tām || 4||

घूर्णा घूर्णकरा घोरा घूर्णिताक्षी घनस्वना ।घातिनी घातकानां या धूमावतीं भजामि ताम् ॥ ५॥

ghūrṇā ghūrṇakarā ghorā ghūrṇitākṣī ghanasvanā |ghātinī ghātakānāṃ yā dhūmāvatīṃ bhajāmi tām || 5||

चर्वन्तीमस्थिखण्डानां चण्डमुण्डविदारिणीम् ।चण्डाट्टहासिनीं देवीं भजे धूमावतीमहम् ॥ ६॥

carvantīmasthikhaṇḍānāṃ caṇḍamuṇḍavidāriṇīm |caṇḍāṭṭahāsinīṃ devīṃ bhaje dhūmāvatīmaham || 6||

छिन्नग्रीवां क्षताच्छन्नां छिन्नमस्तास्वरूपिणीम् ।छेदिनीं दुष्टसङ्घानां भजे धूमावतीमहम् ॥ ७॥

chinnagrīvāṃ kṣatācchannāṃ chinnamastāsvarūpiṇīm |chedinīṃ duṣṭasaṅghānāṃ bhaje dhūmāvatīmaham || 7||

जाता या याचिता देवैरसुरणां विघातिनी ।जल्पन्ती बहु गर्जन्ती भजे तां धूम्ररूपिणीम् ॥ ८॥

jātā yā yācitā devairasuraṇāṃ vighātinī |jalpantī bahu garjantī bhaje tāṃ dhūmrarūpiṇīm || 8||

झङ्कारकारिणीं झञ्झां झञ्झमाझमवादिनीम् ।झटित्याकर्षिणीं देवीं भजे धूमावतीमहम् ॥ ९॥

jhaṅkārakāriṇīṃ jhañjhāṃ jhañjhamājhamavādinīm |jhaṭityākarṣiṇīṃ devīṃ bhaje dhūmāvatīmaham || 9||

टीपटङ्कारसंयुक्तां धनुष्टङ्कारकारिणीम् ।घोरां घनघटाटोपां वन्दे धूमावतीमहम् ॥ १०॥

ṭīpaṭaṅkārasaṃyuktāṃ dhanuṣṭaṅkārakāriṇīm |ghorāṃ ghanaghaṭāṭopāṃ vande dhūmāvatīmaham || 10||

ठं ठं ठं ठं मनुप्रीतिं ठः ठः मन्त्रस्वरूपिणीम् ।ठमकाह्वगतिप्रीतां भजे धूमावतीमहम् ॥ ११॥

ṭhaṃ ṭhaṃ ṭhaṃ ṭhaṃ manuprītiṃ ṭhaḥ ṭhaḥ mantrasvarūpiṇīm |ṭhamakāhvagatiprītāṃ bhaje dhūmāvatīmaham || 11||

डमरूडिण्डिमारावां डाकिनीगणमण्डिताम् ।डाकिनीभोगसन्तुष्टां भजे धूमावतीमहम् ॥ १२॥

ḍamarūḍiṇḍimārāvāṃ ḍākinīgaṇamaṇḍitām |ḍākinībhogasantuṣṭāṃ bhaje dhūmāvatīmaham || 12||

ढक्कानादेन सन्तुष्टां ढक्कावादकसिद्धिदाम् ।ढक्कावादचलच्चित्तां भजे धूमावतीमहम् ॥ १३॥

ḍhakkānādena santuṣṭāṃ ḍhakkāvādakasiddhidām |ḍhakkāvādacalaccittāṃ bhaje dhūmāvatīmaham || 13||

तत्त्ववार्त्ताप्रियप्राणां भवपाथोधितारिणीम् ।तारस्वरूपिणीं तारां भजे धूमावतीमहम् ॥ १४॥

tattvavārttāpriyaprāṇāṃ bhavapāthodhitāriṇīm |tārasvarūpiṇīṃ tārāṃ bhaje dhūmāvatīmaham || 14||

थां थीं थूं थें मन्त्ररूपां थैं थौं थं थः स्वरूपिणीम् ।थकारवर्णसर्वस्वां भजे धूमावतीमहम् ॥ १५॥

thāṃ thīṃ thūṃ theṃ mantrarūpāṃ thaiṃ thauṃ thaṃ thaḥ svarūpiṇīm |thakāravarṇasarvasvāṃ bhaje dhūmāvatīmaham || 15||

दूर्गास्वरूपिणीं देवीं दुष्टदानवदारिणीम् ।देवदैत्यकृतध्वंसां वन्दे धूमावतीमहम् ॥ १६॥

dūrgāsvarūpiṇīṃ devīṃ duṣṭadānavadāriṇīm |devadaityakṛtadhvaṃsāṃ vande dhūmāvatīmaham || 16||

ध्वान्ताकारान्धकध्वंसां मुक्तधम्मिल्लधारिणीम् ।धूमधाराप्रभां धीरां भजे धूमावतीमहम् ॥ १७॥

dhvāntākārāndhakadhvaṃsāṃ muktadhammilladhāriṇīm |dhūmadhārāprabhāṃ dhīrāṃ bhaje dhūmāvatīmaham || 17||

नर्त्तकीनटनप्रीतां नाट्यकर्मविवर्द्धिनीम् ।नारसिंहीन्नराराध्यां नौमि धूमावतीमहम् ॥ १८॥

narttakīnaṭanaprītāṃ nāṭyakarmavivarddhinīm |nārasiṃhīnnarārādhyāṃ naumi dhūmāvatīmaham || 18||

पार्वतीपतिसम्पूज्यां पर्वतोपरिवासिनीम् ।पद्मारूपां पद्मपूज्यां नौमि धूमावतीमहम् ॥ १९॥

pārvatīpatisampūjyāṃ parvatoparivāsinīm |padmārūpāṃ padmapūjyāṃ naumi dhūmāvatīmaham || 19||

फूत्कारसहितश्वासां फट् मन्त्रफलदायिनीम् ।फेत्कारिगणसंसेव्यां सेवे धूमावतीमहम् ॥ २०॥

phūtkārasahitaśvāsāṃ phaṭ mantraphaladāyinīm |phetkārigaṇasaṃsevyāṃ seve dhūmāvatīmaham || 20||

बलिपूज्यां बलाराध्यां बगलारूपिणीं वराम् ।ब्रह्मादिवन्दितां विद्यां वन्दे धूमावतीमहम् ॥ २१॥

balipūjyāṃ balārādhyāṃ bagalārūpiṇīṃ varām |brahmādivanditāṃ vidyāṃ vande dhūmāvatīmaham || 21||

भव्यरूपां भवाराध्यां भुवनेशीस्वरूपिणीम् ।भक्तभव्यप्रदान्देवीं भजे धूमावतीमहम् ॥ २२॥

bhavyarūpāṃ bhavārādhyāṃ bhuvaneśīsvarūpiṇīm |bhaktabhavyapradāndevīṃ bhaje dhūmāvatīmaham || 22||

मायां मधुमतीं मान्यां मकरध्वजमानिताम् ।मत्स्यमांसमदास्वादां मन्ये धूमावतीमहम् ॥ २३॥

māyāṃ madhumatīṃ mānyāṃ makaradhvajamānitām |matsyamāṃsamadāsvādāṃ manye dhūmāvatīmaham || 23||

योगयज्ञप्रसन्नास्यां योगिनीपरिसेविताम् ।यशोदां यज्ञफलदां यजे धूमावतीमहम् ॥ २४॥

yogayajñaprasannāsyāṃ yoginīparisevitām |yaśodāṃ yajñaphaladāṃ yaje dhūmāvatīmaham || 24||

रामाराध्यपदद्वन्द्वां रावणध्वंसकारिणीम् ।रमेशरमणीं पूज्यामहं धूमावतीं श्रये ॥ २५॥

rāmārādhyapadadvandvāṃ rāvaṇadhvaṃsakāriṇīm |rameśaramaṇīṃ pūjyāmahaṃ dhūmāvatīṃ śraye || 25||

लक्षलीलाकलालक्ष्यां लोकवन्द्यपदाम्बुजाम् ।लम्बितां बीजकोशाढ्यां वन्दे धूमावतीमहम् ॥ २६॥

lakṣalīlākalālakṣyāṃ lokavandyapadāmbujām |lambitāṃ bījakośāḍhyāṃ vande dhūmāvatīmaham || 26||

बकपूज्यपदाम्भोजां बकध्यानपरायणाम् ।बालां बकारिसन्ध्येयां वन्दे धूमावतीमहम् ॥ २७॥

bakapūjyapadāmbhojāṃ bakadhyānaparāyaṇām |bālāṃ bakārisandhyeyāṃ vande dhūmāvatīmaham || 27||

शाङ्करीं शङ्करप्राणां सङ्कटध्वंसकारिणीम् ।शत्रुसंहारिणीं शुद्धां श्रये धूमावतीमहम् ॥ २८॥

śāṅkarīṃ śaṅkaraprāṇāṃ saṅkaṭadhvaṃsakāriṇīm |śatrusaṃhāriṇīṃ śuddhāṃ śraye dhūmāvatīmaham || 28||

षडाननारिसंहन्त्रीं षोडशीरूपधारिणीम् ।षड्रसास्वादिनीं सौम्यां सेवे धूमावतीमहम् ॥ २९॥

ṣaḍānanārisaṃhantrīṃ ṣoḍaśīrūpadhāriṇīm |ṣaḍrasāsvādinīṃ saumyāṃ seve dhūmāvatīmaham || 29||

सुरसेवितपादाब्जां सुरसौख्यप्रदायिनीम् ।सुन्दरीगणसंसेव्यां सेवे धूमावतीमहम् ॥ ३०॥

surasevitapādābjāṃ surasaukhyapradāyinīm |sundarīgaṇasaṃsevyāṃ seve dhūmāvatīmaham || 30||

हेरम्बजननीं योग्यां हास्यलास्यविहारिणीम् ।हारिणीं शत्रुसङ्घानां सेवे धूमावतीमहम् ॥ ३१॥

herambajananīṃ yogyāṃ hāsyalāsyavihāriṇīm |hāriṇīṃ śatrusaṅghānāṃ seve dhūmāvatīmaham || 31||

क्षीरोदतीरसंवासां क्षीरपानप्रहर्षिताम् ।क्षणदेशेज्यपादाब्जां सेवे धूमावतीमहम् ॥ ३२॥

kṣīrodatīrasaṃvāsāṃ kṣīrapānapraharṣitām |kṣaṇadeśejyapādābjāṃ seve dhūmāvatīmaham || 32||

चतुस्त्रिंशद्वर्णकानां प्रतिवर्णादिनामभिः ।कृतं तु हृदयस्तोत्रं धूमावत्यां सुसिद्धिदम् ॥ ३३॥

catustriṃśadvarṇakānāṃ prativarṇādināmabhiḥ |kṛtaṃ tu hṛdayastotraṃ dhūmāvatyāṃ susiddhidam || 33||

य इदं पठति स्तोत्रं पवित्रं पापनाशनम् ।स प्राप्नोति परां सिद्धिं धूमावत्याः प्रसादतः ॥ ३४॥

ya idaṃ paṭhati stotraṃ pavitraṃ pāpanāśanam |sa prāpnoti parāṃ siddhiṃ dhūmāvatyāḥ prasādataḥ || 34||

पठन्नेकाग्रचित्तो यो यद्यदिच्छति मानवः ।तत्सर्वं समवाप्नोति सत्यं सत्यं वदाम्यहम् ॥ ३५॥

paṭhannekāgracitto yo yadyadicchati mānavaḥ |tatsarvaṃ samavāpnoti satyaṃ satyaṃ vadāmyaham || 35||

इति धूमावतीहृदयं समाप्तम् ॥

iti dhūmāvatīhṛdayaṃ samāptam ||