छिन्नमस्ताष्टोत्तरशतनामस्तोत्रम् Shri Chinnamastashtottarashatanama stotram

श्रीपार्वत्युवाचनाम्नां सहस्रमं परमं छिन्नमस्ताप्रियं शुभम् ।कथितं भवता शम्भो सद्यः शत्रुनिकृन्तनम् ॥ १॥

śrīpārvatyuvācanāmnāṃ sahasramaṃ paramaṃ chinnamastāpriyaṃ śubham |kathitaṃ bhavatā śambho sadyaḥ śatrunikṛntanam || 1||

पुनः पृच्छाम्यहं देव कृपां कुरु ममोपरि ।सहस्रनामपाठे च अशक्तो यः पुमान् भवेत् ॥ २॥

punaḥ pṛcchāmyahaṃ deva kṛpāṃ kuru mamopari |sahasranāmapāṭhe ca aśakto yaḥ pumān bhavet || 2||

तेन किं पठ्यते नाथ तन्मे ब्रूहि कृपामय ।श्री सदाशिव उवाचअष्टोत्तरशतं नाम्नां पठ्यते तेन सर्वदा ॥ ३॥

tena kiṃ paṭhyate nātha tanme brūhi kṛpāmaya |śrī sadāśiva uvācaaṣṭottaraśataṃ nāmnāṃ paṭhyate tena sarvadā || 3||

सहस्र्नामपाठस्य फलं प्राप्नोति निश्चितम् ।ॐ अस्य श्रीछिन्नमस्ताष्टोत्तरशतनामस्तोत्रस्य सदाशिवऋषिरनुष्टुप् छन्दः श्रीछिन्नमस्ता देवताममसकलसिद्धिप्राप्तये जपे विनियोगः ॥ॐ छिन्नमस्ता महाविद्या महाभीमा महोदरी ।चण्डेश्वरी चण्डमाता चण्डमुण्ड्प्रभञ्जिनी ॥ ४॥

sahasrnāmapāṭhasya phalaṃ prāpnoti niścitam |oṃ asya śrīchinnamastāṣṭottaraśatanāmastotrasya sadāśivaṛṣiranuṣṭup chandaḥ śrīchinnamastā devatāmamasakalasiddhiprāptaye jape viniyogaḥ ||oṃ chinnamastā mahāvidyā mahābhīmā mahodarī |caṇḍeśvarī caṇḍamātā caṇḍamuṇḍprabhañjinī || 4||

महाचण्डा चण्डरूपा चण्डिका चण्डखण्डिनी ।क्रोधिनी क्रोधजननी क्रोधरूपा कुहू कला ॥ ५॥

mahācaṇḍā caṇḍarūpā caṇḍikā caṇḍakhaṇḍinī |krodhinī krodhajananī krodharūpā kuhū kalā || 5||

कोपातुरा कोपयुता जोपसंहारकारिणी ।वज्रवैरोचनी वज्रा वज्रकल्पा च डाकिनी ॥ ६॥

kopāturā kopayutā jopasaṃhārakāriṇī |vajravairocanī vajrā vajrakalpā ca ḍākinī || 6||

डाकिनी कर्मनिरता डाकिनी कर्मपूजिता ।डाकिनी सङ्गनिरता डाकिनी प्रेमपूरिता ॥ ७॥

ḍākinī karmaniratā ḍākinī karmapūjitā |ḍākinī saṅganiratā ḍākinī premapūritā || 7||

खट्वाङ्गधारिणी खर्वा खड्गखप्परधारिणी ।प्रेतासना प्रेतयुता प्रेतसङ्गविहारिणी ॥ ८॥

khaṭvāṅgadhāriṇī kharvā khaḍgakhapparadhāriṇī |pretāsanā pretayutā pretasaṅgavihāriṇī || 8||

छिन्नमुण्डधरा छिन्नचण्डविद्या च चित्रिणी ।घोररूपा घोरदृष्टर्घोररावा घनोवरी ॥ ९॥

chinnamuṇḍadharā chinnacaṇḍavidyā ca citriṇī |ghorarūpā ghoradṛṣṭarghorarāvā ghanovarī || 9||

योगिनी योगनिरता जपयज्ञपरायणा ।योनिचक्रमयी योनिर्योनिचक्रप्रवर्तिनी ॥ १०॥

yoginī yoganiratā japayajñaparāyaṇā |yonicakramayī yoniryonicakrapravartinī || 10||

योनिमुद्रायोनिगम्या योनियन्त्रनिवासिनी ।यन्त्ररूपा यन्त्रमयी यन्त्रेशी यन्त्रपूजिता ॥ ११॥

yonimudrāyonigamyā yoniyantranivāsinī |yantrarūpā yantramayī yantreśī yantrapūjitā || 11||

कीर्त्या कर्पादनी काली कङ्काली कलकारिणी ।आरक्ता रक्तनयना रक्तपानपरायणा ॥ १२॥

kīrtyā karpādanī kālī kaṅkālī kalakāriṇī |āraktā raktanayanā raktapānaparāyaṇā || 12||

भवानी भूतिदा भूतिर्भूतिदात्री च भैरवी ।भैरवाचारनिरता भूतभैरवसेविता ॥ १३॥

bhavānī bhūtidā bhūtirbhūtidātrī ca bhairavī |bhairavācāraniratā bhūtabhairavasevitā || 13||

भीमा भीमेश्वरी देवी भीमनादपरायणा ।भवाराध्या भवनुता भवसागरतारिणी ॥ १४॥

bhīmā bhīmeśvarī devī bhīmanādaparāyaṇā |bhavārādhyā bhavanutā bhavasāgaratāriṇī || 14||

भद्रकाली भद्रतनुर्भद्ररूपा च भद्रिका ।भद्ररूपा महाभद्रा सुभद्रा भद्रपालिनी ॥ १५॥

bhadrakālī bhadratanurbhadrarūpā ca bhadrikā |bhadrarūpā mahābhadrā subhadrā bhadrapālinī || 15||

सुभव्या भव्यवदना सुमुखी सिद्धसेविता ।सिद्धिदा सिद्धिनिवहा सिद्धासिद्धनिषेविता ॥ १६॥

subhavyā bhavyavadanā sumukhī siddhasevitā |siddhidā siddhinivahā siddhāsiddhaniṣevitā || 16||

शुभदा शुभफ़्गा शुद्धा शुद्धसत्वाशुभावहा ।श्रेष्ठा दृष्ठिमयी देवी दृष्ठिसंहारकारिणी ॥ १७॥

śubhadā śubhaफ़gā śuddhā śuddhasatvāśubhāvahā |śreṣṭhā dṛṣṭhimayī devī dṛṣṭhisaṃhārakāriṇī || 17||

शर्वाणी सर्वगा सर्वा सर्वमङ्गलकारिणी ।शिवा शान्ता शान्तिरूपा मृडानी मदानतुरा ॥ १८॥

śarvāṇī sarvagā sarvā sarvamaṅgalakāriṇī |śivā śāntā śāntirūpā mṛḍānī madānaturā || 18||

इति ते कथितं देवि स्तोत्रं परमदुर्लभमं ।गुह्याद्।ह्गुह्यतरं गोप्यं गोपनियं प्रयत्नतः ॥ १९॥

iti te kathitaṃ devi stotraṃ paramadurlabhamaṃ |guhyād|hguhyataraṃ gopyaṃ gopaniyaṃ prayatnataḥ || 19||

किमत्र बहुनोक्तेन त्वदग्रं प्राणवल्लभे ।मारणं मोहनं देवि ह्युच्चाटनमतः परमम् ॥ २०॥

kimatra bahunoktena tvadagraṃ prāṇavallabhe |māraṇaṃ mohanaṃ devi hyuccāṭanamataḥ paramam || 20||

स्तम्भनादिककर्माणि ऋद्धयः सिद्धयोऽपि च ।त्रिकालपठनादस्य सर्वे सिध्यन्त्यसंशयः ॥ २१॥

stambhanādikakarmāṇi ṛddhayaḥ siddhayo'pi ca |trikālapaṭhanādasya sarve sidhyantyasaṃśayaḥ || 21||

महोत्तमं स्तोत्रमिदं वरानने मयेरितं नित्य मनन्यबुद्धयः ।पठन्ति ये भक्तियुता नरोत्तमा भवेन्न तेषां रिपुभिः पराजयः ॥ २२॥

mahottamaṃ stotramidaṃ varānane mayeritaṃ nitya mananyabuddhayaḥ |paṭhanti ye bhaktiyutā narottamā bhavenna teṣāṃ ripubhiḥ parājayaḥ || 22||

॥ इति श्रीछिन्नमस्ताष्टोत्तरशतनाम स्तोत्रम् ॥

|| iti śrīchinnamastāṣṭottaraśatanāma stotram ||