कालीमेधादीक्षितोपनिषत् Kalimedhadikshita Upanishad

अथाह वै देवानां पत्नीं भजते । तस्योपासकोऽन्यां गच्छन् ॐअथैनां मेधादीक्षितरूपिणीं भावयेत् । स शिवो भवेत् । स कालीरूपोभवेत् । सोऽयं मेधास्पर्शमणिकालीं दीक्षयेत् । ततश्चिन्तामणिकालींदीक्षयेत् । ततः सिद्धकाल्यधिकारी भवेत् । ततो विद्याराज्ञीं जपेत् ।ततः कामकलाकालीं परारूपिणीं जपेत् । ततश्चरणदीक्षारूपिणींहंसकालीं यजेत् । रक्तशुक्लमिश्रनिर्वाणरूपिणीं यजेत् ।सर्वनिर्वाणदीक्षितो भवेत् । ततः शाम्भवादीक्षितो भवेत् ।गुह्यकाल्यधिष्ठितो भवेत् । शिवो भवेत् । स परारूपो भवेत् ।परात् पररूपो भवेत् । परात् परातीतरूपो भवेत् । चित्परारूपोभवेत् । चित्परात् परारूपो भवेत् । चित्परात् परातीतरूपो भवेत् ।ब्रह्मविष्णुरुद्रेश्वरसदाशिवमहाकालचित्पराम्बारूपो भवेत् ।स ब्रह्मत्वं गच्छति । मेधादीक्षां लभेत् । मेधादीक्षातः परा दीक्षान विद्यत इत्याह भगवान् शिवः । स्पर्शविद्यया देहशुद्धिर्भवेत् ।ततश्चिन्तामाणिविद्याधिकारी विद्याराज्ञीं लभेत् । विद्याराज्यधिकारी तुषोढां जपेत् । तुर्याषोढाधिकारी कामकलां जपेत् । कामकलाधिकारीचरणरूपिणीं जपेत् । हंसदीक्षितो भवेत् । चरणाधिकारीषट्छाम्भवसम्पन्नो भवेत् । गुह्यकाल्यधिष्ठितो भवेत् । ततोमेधां चरेत् । जीवको हि भूङ्गत्वं गच्छति । भूरङ्गीभूत्वा षट्चक्राणि निर्भिन्द्यात् । ततः परागभुग्भवेत् । परकायप्रवेशवानवयस्स्थैर्यं चरेत् । कामरूपत्वं गच्छति । षष्टिसिद्धीश्वरोभवेदिति शिवप्रोक्तं वेद ॥(शाक्तौपनिषदः)

athāha vai devānāṃ patnīṃ bhajate | tasyopāsako'nyāṃ gacchan oṃathaināṃ medhādīkṣitarūpiṇīṃ bhāvayet | sa śivo bhavet | sa kālīrūpobhavet | so'yaṃ medhāsparśamaṇikālīṃ dīkṣayet | tataścintāmaṇikālīṃdīkṣayet | tataḥ siddhakālyadhikārī bhavet | tato vidyārājñīṃ japet |tataḥ kāmakalākālīṃ parārūpiṇīṃ japet | tataścaraṇadīkṣārūpiṇīṃhaṃsakālīṃ yajet | raktaśuklamiśranirvāṇarūpiṇīṃ yajet |sarvanirvāṇadīkṣito bhavet | tataḥ śāmbhavādīkṣito bhavet |guhyakālyadhiṣṭhito bhavet | śivo bhavet | sa parārūpo bhavet |parāt pararūpo bhavet | parāt parātītarūpo bhavet | citparārūpobhavet | citparāt parārūpo bhavet | citparāt parātītarūpo bhavet |brahmaviṣṇurudreśvarasadāśivamahākālacitparāmbārūpo bhavet |sa brahmatvaṃ gacchati | medhādīkṣāṃ labhet | medhādīkṣātaḥ parā dīkṣāna vidyata ityāha bhagavān śivaḥ | sparśavidyayā dehaśuddhirbhavet |tataścintāmāṇividyādhikārī vidyārājñīṃ labhet | vidyārājyadhikārī tuṣoḍhāṃ japet | turyāṣoḍhādhikārī kāmakalāṃ japet | kāmakalādhikārīcaraṇarūpiṇīṃ japet | haṃsadīkṣito bhavet | caraṇādhikārīṣaṭchāmbhavasampanno bhavet | guhyakālyadhiṣṭhito bhavet | tatomedhāṃ caret | jīvako hi bhūṅgatvaṃ gacchati | bhūraṅgībhūtvā ṣaṭcakrāṇi nirbhindyāt | tataḥ parāgabhugbhavet | parakāyapraveśavānavayassthairyaṃ caret | kāmarūpatvaṃ gacchati | ṣaṣṭisiddhīśvarobhavediti śivaproktaṃ veda ||(śāktaupaniṣadaḥ)

इत्याथर्वणे सौभाग्यकाण्डे कालीमेधादीक्षितोपनिषत् समाप्ता ।

ityātharvaṇe saubhāgyakāṇḍe kālīmedhādīkṣitopaniṣat samāptā |