रुद्रमन्त्रहोममुपदेशम् Skandaproktam Rudramantrahomamupadesham
rudramantrahomamupadeśam
Skandaproktam Rudramantrahomamupadesham (रुद्रमन्त्रहोममुपदेशम्): mantras to Śiva. 66 verses in Sanskrit with Devanagari and IAST.
- Mantra
- Mantra
- Śiva
- Mantra
रुद्रमन्त्रहोममुपदेशम्
1 / 66
(शिवरहस्यान्तर्गते ईश्वराख्ये)स्कन्द उवाचहोमेऽपि शं च मे सूक्तमा(सूक्तेना) दावेकाहुतिं चरेत् ।नमस्ते प्रथमो मन्त्रो द्वितीयो यात इत्यथ ॥ १॥
(śivarahasyāntargate īśvarākhye)skanda uvācahome'pi śaṃ ca me sūktamā(sūktenā) dāvekāhutiṃ caret |namaste prathamo mantro dvitīyo yāta ityatha || 1||
याते रुद्रेति विद्या स्याद्यमिषुं गिरिशं तथा ।शिवेन वचसा त्वेति ह्यध्यवोचदथापरा ॥ २॥
yāte rudreti vidyā syādyamiṣuṃ giriśaṃ tathā |śivena vacasā tveti hyadhyavocadathāparā || 2||
असौ यस्ताम्र इत्यन्या तथासौयो विसर्पति ।नमो अस्त्विति मन्त्रोऽन्यः प्रमुञ्चेति परोमनुः ॥ ३॥
asau yastāmra ityanyā tathāsauyo visarpati |namo astviti mantro'nyaḥ pramuñceti paromanuḥ || 3||
अवतत्येति मन्त्रोऽन्यो विज्यं धनुरथापरः ।याते हेतिस्तथा विद्या नमस्ते अस्त्वा तथा परः ।परिते धन्वन इति नमो हिरण्यबाहवे ॥ ४॥
avatatyeti mantro'nyo vijyaṃ dhanurathāparaḥ |yāte hetistathā vidyā namaste astvā tathā paraḥ |parite dhanvana iti namo hiraṇyabāhave || 4||
नमोवृक्षेभ्य इत्यन्यो नमस्सस्पिञ्जराय च ।सा नमो बभ्लुशायेति नमो हरिकेशाय इत्यपि ॥ ५॥
namovṛkṣebhya ityanyo namassaspiñjarāya ca |sā namo babhluśāyeti namo harikeśāya ityapi || 5||
नमो भवस्य हेत्यै सा नमो रुद्राय मन्त्रकः ।नमः सूताय विद्यान्या नमो रोहिताय इत्यथ ॥ ६॥
namo bhavasya hetyai sā namo rudrāya mantrakaḥ |namaḥ sūtāya vidyānyā namo rohitāya ityatha || 6||
सा नो मन्त्रिणे विद्या नमो भुवन्तये परः ।नम उच्चैस्तथा विद्या सा नमः कृत्स्न इत्यपि ॥ ७॥
sā no mantriṇe vidyā namo bhuvantaye paraḥ |nama uccaistathā vidyā sā namaḥ kṛtsna ityapi || 7||
सा नमः सहमानाय नमः ककुभाय चाप्यथ ।नमो निषङ्गिणे विद्या नमो वञ्चत इत्यथ ॥ ८॥
sā namaḥ sahamānāya namaḥ kakubhāya cāpyatha |namo niṣaṅgiṇe vidyā namo vañcata ityatha || 8||
नमो निचेरवे विद्या नमः सृकाविभ्य इत्यथ ।नमोऽसिमद्भ्य इत्यन्या नम उष्णीषिणे तथा ॥ ९॥
namo nicerave vidyā namaḥ sṛkāvibhya ityatha |namo'simadbhya ityanyā nama uṣṇīṣiṇe tathā || 9||
नम इषुमद्भ्य इत्यन्या नम आतन्वानेभ्य एव च ।नम आयच्छदित्यन्या नमोऽस्यद्भ्यः परो मनुः ॥ १०॥
nama iṣumadbhya ityanyā nama ātanvānebhya eva ca |nama āyacchadityanyā namo'syadbhyaḥ paro manuḥ || 10||
नम आसीन इत्यन्या नमः स्वपद्भ्य इत्यपि ।नमस्तिष्ठद्भ्य इत्यन्या नमः सभाभ्य इत्यथ ॥ ११॥
nama āsīna ityanyā namaḥ svapadbhya ityapi |namastiṣṭhadbhya ityanyā namaḥ sabhābhya ityatha || 11||
नम अश्वेभ्य इत्यन्या नम आव्याधिनीत्यपि ।नम उगणाभ्य इत्यन्या नमो गृत्सेभ्य इत्यथ ॥ १२॥
nama aśvebhya ityanyā nama āvyādhinītyapi |nama ugaṇābhya ityanyā namo gṛtsebhya ityatha || 12||
नमो व्रातेभ्य इत्यन्या नमो गणेभ्य इत्यथ ।नमस्तक्षभ्य इत्यन्या नमः कुलालेभ्य इत्यथ ॥ १३॥
namo vrātebhya ityanyā namo gaṇebhya ityatha |namastakṣabhya ityanyā namaḥ kulālebhya ityatha || 13||
(अत्र मन्त्रगणनं लेखकदोषेण विच्छिन्नमित्यतःसाङ्कृत्याय एवं लिख्यतेनमो विरूपेभ्य इत्यन्या नमो महद्भ्य इत्यपि ।नमो रथिभ्य इत्यन्या नमो रथेभ्य इत्यथ ।नमः सेनाभ्य इत्यन्या नमः क्षत्तृभ्य इत्यथ ॥ इति ।)नमः पुञ्जिष्ट इत्यन्या नम इषुकृद्भ्य इत्यथ ।नमो मृगयुमन्त्रोऽन्यो नमः श्वभ्यः परो मनुः ॥ १४॥
(atra mantragaṇanaṃ lekhakadoṣeṇa vicchinnamityataḥsāṅkṛtyāya evaṃ likhyatenamo virūpebhya ityanyā namo mahadbhya ityapi |namo rathibhya ityanyā namo rathebhya ityatha |namaḥ senābhya ityanyā namaḥ kṣattṛbhya ityatha || iti |)namaḥ puñjiṣṭa ityanyā nama iṣukṛdbhya ityatha |namo mṛgayumantro'nyo namaḥ śvabhyaḥ paro manuḥ || 14||
नमो भवायेत्यपरो नमः शर्वाय इत्यथ ।नमो नीति मन्त्रोऽन्यो नमः कपर्दिनेत्यथ ॥ १५॥
namo bhavāyetyaparo namaḥ śarvāya ityatha |namo nīti mantro'nyo namaḥ kapardinetyatha || 15||
नमः सहस्राक्षायेति नमो गिरिश इत्यथ ।नमो मीढुष्टमायेति नमो ह्रस्वाय चेत्यथ ॥ १६॥
namaḥ sahasrākṣāyeti namo giriśa ityatha |namo mīḍhuṣṭamāyeti namo hrasvāya cetyatha || 16||
नमो बृहत इत्यन्यो नमो वृद्धाय चेत्यथ ।नमो अग्रियायचेति नम आशव इत्यथ ॥ १७॥
namo bṛhata ityanyo namo vṛddhāya cetyatha |namo agriyāyaceti nama āśava ityatha || 17||
नमः शीघ्रयाय मन्त्रो नम ऊर्म्याय इत्यथ ।नमः स्रोतस्यायेति नमो ज्येष्ठाय चेत्यथ ॥ १८॥
namaḥ śīghrayāya mantro nama ūrmyāya ityatha |namaḥ srotasyāyeti namo jyeṣṭhāya cetyatha || 18||
नमः कनिष्ठ इति च पूर्वजो(जः) परजो मनुः ।नमो मध्यमाय चापगल्भ इत्यथ ॥ १९॥
namaḥ kaniṣṭha iti ca pūrvajo(jaḥ) parajo manuḥ |namo madhyamāya cāpagalbha ityatha || 19||
नमो जघन्याय इति नमः सोभ्याय चेत्यथ ।नमो याम्याय चेत्यन्यो नम उर्वर्याय इत्यथ ॥ २०॥
namo jaghanyāya iti namaḥ sobhyāya cetyatha |namo yāmyāya cetyanyo nama urvaryāya ityatha || 20||
नमः श्लोक्याय चेत्यन्यो नमोवन्याय चेत्यथ ।नमः श्रवाय चेत्यन्यो नमः प्रतिश्रवोऽपरः ॥ २१॥
namaḥ ślokyāya cetyanyo namovanyāya cetyatha |namaḥ śravāya cetyanyo namaḥ pratiśravo'paraḥ || 21||
नम आशुषेणाय च परो मन्त्रो द्विजोत्तमाः ।नमः शूराय चेत्यन्यो नमो वर्मिण इत्यथ ॥ २२॥
nama āśuṣeṇāya ca paro mantro dvijottamāḥ |namaḥ śūrāya cetyanyo namo varmiṇa ityatha || 22||
नमो बिल्मिन इत्यन्यो नमः श्रुताय चेत्यथ ।नमो दुन्दुभ्य इत्यन्यो नम आहनन्य इत्यपि ॥ २३॥
namo bilmina ityanyo namaḥ śrutāya cetyatha |namo dundubhya ityanyo nama āhananya ityapi || 23||
नमो धृष्णव इत्यन्यः प्रमृशेत्यन्य ईरितः ।नमो दूताय चे त्यन्यो ह्यन्योऽत्रैव निषङ्गिणे ॥ २४॥
namo dhṛṣṇava ityanyaḥ pramṛśetyanya īritaḥ |namo dūtāya ce tyanyo hyanyo'traiva niṣaṅgiṇe || 24||
नमस्तीक्ष्णेषवेह्यन्यो नमः स्वायुधोऽपरः ।नमः स्रुत्याय चेत्यन्यो नमः काट्याय चेत्यथ ॥ २५॥
namastīkṣṇeṣavehyanyo namaḥ svāyudho'paraḥ |namaḥ srutyāya cetyanyo namaḥ kāṭyāya cetyatha || 25||
नमः सूद्याय चाप्येवं सरस्यायेति चाप्यथ ।नमो नाद्याय चेत्यन्यो वैशन्तायेत्यथापरः ॥ २६॥
namaḥ sūdyāya cāpyevaṃ sarasyāyeti cāpyatha |namo nādyāya cetyanyo vaiśantāyetyathāparaḥ || 26||
नमः कूप्याय चाप्यन्यो नम आवट्य इत्यपि ।नमो वर्ष्याय इत्यन्यो ह्यवर्ष्यायेत्यथापरः ॥ २७॥
namaḥ kūpyāya cāpyanyo nama āvaṭya ityapi |namo varṣyāya ityanyo hyavarṣyāyetyathāparaḥ || 27||
नमो मेध्याय इत्यन्यो विद्युत्यायेत्यथापरः ।नम ईध्रिय इत्यन्यो ह्यातप्य इतरो मनुः ॥ २८॥
namo medhyāya ityanyo vidyutyāyetyathāparaḥ |nama īdhriya ityanyo hyātapya itaro manuḥ || 28||
नमो वात्याय चेत्यन्यो नमो वास्त्वित्यथापरः ।नमः सोमाय मन्त्रोऽन्यो नमस्ताम्राय चेत्यथ ॥ २९॥
namo vātyāya cetyanyo namo vāstvityathāparaḥ |namaḥ somāya mantro'nyo namastāmrāya cetyatha || 29||
नमः शङ्गाय मन्त्रोऽन्यो नम उग्राय चेत्यथ ।नमो अग्रेवधायेति नमो हन्त्रेत्यथापरः ॥ ३०॥
namaḥ śaṅgāya mantro'nyo nama ugrāya cetyatha |namo agrevadhāyeti namo hantretyathāparaḥ || 30||
नमो वृक्षेभ्य इत्यन्यो नमस्ताराय इत्यथ ।अथचेतः परं मन्त्रो नमः शम्भव इत्यपि ॥ ३१॥
namo vṛkṣebhya ityanyo namastārāya ityatha |athacetaḥ paraṃ mantro namaḥ śambhava ityapi || 31||
मयोभवेत्यथान्योयं शङ्करोऽन्यो मयस्करः ।नमः शिवाय मन्त्रोऽन्यः सर्वमन्त्रशिरोमणिः ॥ ३२॥
mayobhavetyathānyoyaṃ śaṅkaro'nyo mayaskaraḥ |namaḥ śivāya mantro'nyaḥ sarvamantraśiromaṇiḥ || 32||
तथा शिवतरश्चान्यो मन्त्रोऽयं शिवबोधकृत् ।नमस्तीर्थ्याय चाप्यन्यो नमः पार्याय चेत्यथ ॥ ३३॥
tathā śivataraścānyo mantro'yaṃ śivabodhakṛt |namastīrthyāya cāpyanyo namaḥ pāryāya cetyatha || 33||
नमः प्रतरणायेति नमश्चोत्तरणाय च ।नम आतार्याय मन्त्रो नमः शष्याय चेत्यथ ॥ ३४॥
namaḥ prataraṇāyeti namaścottaraṇāya ca |nama ātāryāya mantro namaḥ śaṣyāya cetyatha || 34||
नमः सिकत्याय चान्यो नम इरिण्याय चेत्यथ ।नमः कि+शिलायेति नमः कपर्दिन इत्यथ ॥ ३५॥
namaḥ sikatyāya cānyo nama iriṇyāya cetyatha |namaḥ ki+śilāyeti namaḥ kapardina ityatha || 35||
नमो गोष्ठ्याय चाप्यन्यो नमस्तल्प्याय इत्यथ ।नमः काट्याय चाप्यन्यो नमो ह्रदय्य इत्यथ ॥ ३६॥
namo goṣṭhyāya cāpyanyo namastalpyāya ityatha |namaḥ kāṭyāya cāpyanyo namo hradayya ityatha || 36||
नमः पा+सव्यमन्त्रो नमोरजस्य इत्यथ ।नमः शुष्क्याय च तथा हरित्यायापरो मनुः ॥ ३७॥
namaḥ pā+savyamantro namorajasya ityatha |namaḥ śuṣkyāya ca tathā harityāyāparo manuḥ || 37||
नमो लोप्याथ चेत्यन्यो नम उलप्य इत्यथ ।नमो ऊर्व्याय चाप्यन्यो नम पर्याय चाप्यथ ॥ ३८॥
namo lopyātha cetyanyo nama ulapya ityatha |namo ūrvyāya cāpyanyo nama paryāya cāpyatha || 38||
नमोऽपगुरमाणेति तथाभिघ्नत इत्यथ ।नम आक्खितदते नमो वः किरिको मनुः ॥ ३९॥
namo'paguramāṇeti tathābhighnata ityatha |nama ākkhitadate namo vaḥ kiriko manuḥ || 39||
नमो देवादिहृदयं नमो विक्षीणकं परम् ।नमो विचिन्वत्केभ्यश्च नम आनिर्हते परम् ॥ ४०॥
namo devādihṛdayaṃ namo vikṣīṇakaṃ param |namo vicinvatkebhyaśca nama ānirhate param || 40||
नम आमीवन्मनुश्च प्रोच्चरेत्सिद्धविद्यकः ।द्रापे अन्धस इत्यन्यो याते रुद्र शिवेत्यथ ॥ ४१॥
nama āmīvanmanuśca proccaretsiddhavidyakaḥ |drāpe andhasa ityanyo yāte rudra śivetyatha || 41||
इमा रुद्राय विद्यान्या मृडानो रुद्रमन्त्रकः ।मानो महान्तमित्यन्यो मानस्तोके मनुस्तथा ॥ ४२॥
imā rudrāya vidyānyā mṛḍāno rudramantrakaḥ |māno mahāntamityanyo mānastoke manustathā || 42||
आरात्ते गाघ्न इत्यन्योह्यस्मिन् इत्यपरो मनुः ।नीलग्रीवा इति ह्यन्यो नीलग्रीवा इतीरिताः ॥ ४३॥
ārātte gāghna ityanyohyasmin ityaparo manuḥ |nīlagrīvā iti hyanyo nīlagrīvā itīritāḥ || 43||
ये वृक्षेषु मन्त्रोऽन्यो ये भूतानामथापरः ।ये अन्नेषु इत्यन्यो ये पथां पथि मन्त्रकः ॥ ४४॥
ye vṛkṣeṣu mantro'nyo ye bhūtānāmathāparaḥ |ye anneṣu ityanyo ye pathāṃ pathi mantrakaḥ || 44||
येतीर्थानि मन्त्रोऽन्यो य एतान्तश्च इत्यपि ।नमोरुद्रेभ्य इत्यन्य तं वे जम्भेति च त्रिभिः ॥ ४५॥
yetīrthāni mantro'nyo ya etāntaśca ityapi |namorudrebhya ityanya taṃ ve jambheti ca tribhiḥ || 45||
एवं शतं ते मन्त्राः स्युः शतरुद्राः समीरिताः ।अष्टपञ्चाशदधिकाः शतं मन्त्राः प्रकीर्तिताः ॥ ४६॥
evaṃ śataṃ te mantrāḥ syuḥ śatarudrāḥ samīritāḥ |aṣṭapañcāśadadhikāḥ śataṃ mantrāḥ prakīrtitāḥ || 46||
येतेऽमृताख्या मन्त्राःस्युरमृतत्वप्रदायकाः ।श्रीरुद्रायेदं न ममेत्युच्चार्यं ब्राह्मणोत्तमैः ॥ ४७॥
yete'mṛtākhyā mantrāḥsyuramṛtatvapradāyakāḥ |śrīrudrāyedaṃ na mametyuccāryaṃ brāhmaṇottamaiḥ || 47||
अष्ट पञ्चाशदधिकशतमन्त्रैः फलप्रदैः ।हुत्वा पश्चाद्वसोर्धारामेकोनाहुतिमाचरेत् ॥ ४८॥
aṣṭa pañcāśadadhikaśatamantraiḥ phalapradaiḥ |hutvā paścādvasordhārāmekonāhutimācaret || 48||
एवमेकादशावृत्त्या रुद्रैकादशिनी स्मृता ।श्रद्धया नमकान्तस्थैर्मन्त्रैर्हुत्वाज्यमादरात् ॥ ४९॥
evamekādaśāvṛttyā rudraikādaśinī smṛtā |śraddhayā namakāntasthairmantrairhutvājyamādarāt || 49||
वसोर्धारां जपन्नन्ते कुर्वन्नेवाहुतिं बुधः ।रुद्रैकादशिनीहोमं रुद्रावृत्त्या समाचरेत् ॥ ५०॥
vasordhārāṃ japannante kurvannevāhutiṃ budhaḥ |rudraikādaśinīhomaṃ rudrāvṛttyā samācaret || 50||
महारुद्राङ्गहोमोऽयं सर्वाघौघविनाशनः ।अतिरुद्रैस्तथा कुर्युः शतमेकादशोत्तरम् ॥ ५१॥
mahārudrāṅgahomo'yaṃ sarvāghaughavināśanaḥ |atirudraistathā kuryuḥ śatamekādaśottaram || 51||
नमकेनानुवाकेन होमं कृत्वा विचक्षणः ।चमकेनानुवाकेन होमं कुर्युस्ततो द्विजाः ॥ ५२॥
namakenānuvākena homaṃ kṛtvā vicakṣaṇaḥ |camakenānuvākena homaṃ kuryustato dvijāḥ || 52||
पुनः समग्रनमकं जप्त्वान्ते वह्निवल्लभाम् ।एकामेकाहुतिं कुर्यात्समग्रनमकं ततः ॥ ५३॥
punaḥ samagranamakaṃ japtvānte vahnivallabhām |ekāmekāhutiṃ kuryātsamagranamakaṃ tataḥ || 53||
जप्त्वाऽन्ते वह्निदयितामुच्चार्यैकाहुतिं चरेत् ।इति वारत्रयं कुर्यात्पूर्णाहुतिमतः परम् ॥ ५४॥
japtvā'nte vahnidayitāmuccāryaikāhutiṃ caret |iti vāratrayaṃ kuryātpūrṇāhutimataḥ param || 54||
अतिरुद्राङ्ग होमोऽयं सर्वप्रत्यूहनाशनः ।एतच्च द्विगुणं प्रोक्तं महारुद्रजपो(पा)हवम् ॥ ५५॥
atirudrāṅga homo'yaṃ sarvapratyūhanāśanaḥ |etacca dviguṇaṃ proktaṃ mahārudrajapo(pā)havam || 55||
एतद्दशगुणं कुर्वञ्जपहोमद्विजार्चनम् ।कोटिरुद्रमिति प्रोक्तं शिवप्रीतिकरं मुने ॥ ५६॥
etaddaśaguṇaṃ kurvañjapahomadvijārcanam |koṭirudramiti proktaṃ śivaprītikaraṃ mune || 56||
अश्वमेधसहस्रस्य फलं प्राप्नोति साधकः ।पुत्रपौत्रानवाप्नोति विद्यायुःश्रीसमन्वितान् ॥ ५७॥
aśvamedhasahasrasya phalaṃ prāpnoti sādhakaḥ |putrapautrānavāpnoti vidyāyuḥśrīsamanvitān || 57||
अणिमादिगुणैश्वर्यं दिव्यान् भोगांश्च दुर्लभान् ।आसाद्य शिवसायुज्यमाप्नोत्यन्ते न संशयः ॥ ५८॥
aṇimādiguṇaiśvaryaṃ divyān bhogāṃśca durlabhān |āsādya śivasāyujyamāpnotyante na saṃśayaḥ || 58||
यावद्विश्वम्भरा शैलद्वीपकाननसंयुताअतिरुद्रे कृते तावत्कालं भूमण्डले द्विजाः ॥ ५९॥
yāvadviśvambharā śailadvīpakānanasaṃyutāatirudre kṛte tāvatkālaṃ bhūmaṇḍale dvijāḥ || 59||
विद्यायुःश्रीसमायुक्ता सन्ततिर्वसति ध्रुवम् ।अतिरुद्रसमो धर्मो न भूतो न भविष्यति ॥ ६०॥
vidyāyuḥśrīsamāyuktā santatirvasati dhruvam |atirudrasamo dharmo na bhūto na bhaviṣyati || 60||
यदिहास्ति तदन्यत्र यन्नेहास्ति न तत्क्वचित् ।एतद्वः शतरुद्रीयमाहात्म्यं पापनाशनम् ॥ ६१॥
yadihāsti tadanyatra yannehāsti na tatkvacit |etadvaḥ śatarudrīyamāhātmyaṃ pāpanāśanam || 61||
उदीरितं मया प्रीत्या किम्पुनः श्रोतुमिच्छथ ॥ ६२॥
udīritaṃ mayā prītyā kimpunaḥ śrotumicchatha || 62||
(फलम्)यस्मिन् ग्रामे पुरेवा द्विजकुलतिलक्रो भस्मरुद्राक्षधृक्सन्श्रीरुद्रप्रजपादरोऽभिनिवसेत् तत्क्षेत्रवर्यं मम ।क्रोशं तत्र मृतेऽपि कीटकनरो ग्राम्योऽपि चान्योऽपि वाभूयादेकश्रुतीरितोऽयमगजे कल्पेत मुक्तिश्रियै ॥ ६३॥
(phalam)yasmin grāme purevā dvijakulatilakro bhasmarudrākṣadhṛksanśrīrudraprajapādaro'bhinivaset tatkṣetravaryaṃ mama |krośaṃ tatra mṛte'pi kīṭakanaro grāmyo'pi cānyo'pi vābhūyādekaśrutīrito'yamagaje kalpeta muktiśriyai || 63||
किं जप्येनामृतत्वं भवति च जगति इत्युपक्रम्य वेदेपृष्टो वर्णिगणैर्गणेन्द्रपददं प्राहारुणिर्मे परम् ।पुण्यं मे शतरुद्रजापनविधिः प्रोद्धूलिताङ्गो मुदारुद्राक्षाभरणे त्रिपुण्ड्रललिते भालप्रभामण्डले ॥ ६४॥
kiṃ japyenāmṛtatvaṃ bhavati ca jagati ityupakramya vedepṛṣṭo varṇigaṇairgaṇendrapadadaṃ prāhāruṇirme param |puṇyaṃ me śatarudrajāpanavidhiḥ proddhūlitāṅgo mudārudrākṣābharaṇe tripuṇḍralalite bhālaprabhāmaṇḍale || 64||
॥ इति शिवरहस्यान्तर्गते स्कन्दप्रोक्तं रुद्रमन्त्रहोममुपदेशं सम्पूर्णम् ॥॥ श्रीशिवरहस्यम् । ईश्वराख्यः दशमांशः । अध्यायः ३१ । १६४॥
|| iti śivarahasyāntargate skandaproktaṃ rudramantrahomamupadeśaṃ sampūrṇam |||| śrīśivarahasyam | īśvarākhyaḥ daśamāṃśaḥ | adhyāyaḥ 31 | 164||
– ॥ श्रीशिवरहस्यम् ।ईश्वराख्यः दशमांशः ।अध्यायः ३१ ।१-६४॥
– || śrīśivarahasyam |īśvarākhyaḥ daśamāṃśaḥ |adhyāyaḥ 31 | 1-64||
॥ इति रुद्रमन्त्रहोममुपदेशम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Skandaproktam Rudramantrahomamupadesham?
Skandaproktam Rudramantrahomamupadesham has 66 verses on this page, each shown with its number, Devanagari text and transliteration, and meaning where available.
Can I read Skandaproktam Rudramantrahomamupadesham in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Skandaproktam Rudramantrahomamupadesham?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
