सुब्रह्मण्यमूलमन्त्रस्तवः Shrisubrahmanyamulamantrastavah

ॐ श्रीगणेशाय नमः ।अथातः सम्प्रवक्ष्यामि मूलमन्त्रस्तवं शिवम् ।जपतां शृण्वतां नॄणां भक्तिमुक्तिप्रदायकम् ॥ १॥

oṃ śrīgaṇeśāya namaḥ |athātaḥ sampravakṣyāmi mūlamantrastavaṃ śivam |japatāṃ śṛṇvatāṃ nṝṇāṃ bhaktimuktipradāyakam || 1||

सर्वशत्रुक्षयकरं सर्वरोगनिवारणम् ।अष्टैश्वर्यप्रदं नित्यं सर्वलोकैकपावनम् ॥ २॥

sarvaśatrukṣayakaraṃ sarvaroganivāraṇam |aṣṭaiśvaryapradaṃ nityaṃ sarvalokaikapāvanam || 2||

शरारण्योद्भवं स्कन्दं शरणागतपालकम् ।शरणं त्वां प्रपन्नस्य देहि मे विपुलां श्रियम् ॥ ३॥

śarāraṇyodbhavaṃ skandaṃ śaraṇāgatapālakam |śaraṇaṃ tvāṃ prapannasya dehi me vipulāṃ śriyam || 3||

राजराजसखोद्भूत राजीवायतलोचन ।रतीशकोटिसौन्दर्य देहि मे विपुलां श्रियम् ॥ ४॥

rājarājasakhodbhūta rājīvāyatalocana |ratīśakoṭisaundarya dehi me vipulāṃ śriyam || 4||

वलारिप्रमुखैर्वन्द्य वल्लीन्द्राणीसुतापते ।वरदाश्रितलोकानां देहि मे विपुलां श्रियम् ॥ ५॥

valāripramukhairvandya vallīndrāṇīsutāpate |varadāśritalokānāṃ dehi me vipulāṃ śriyam || 5||

नारदादिमहायोगिसिद्धगन्धर्वसेवित ।नववीरैः पूजिताङ्घ्रे देहि मे विपुलां श्रियम् ॥ ६॥

nāradādimahāyogisiddhagandharvasevita |navavīraiḥ pūjitāṅghre dehi me vipulāṃ śriyam || 6||

भगवन् पार्वतीसूनो स्वामिन्भक्तार्तिभञ्जन ।भवत्पदाब्जयोर्भक्तिं देहि मे विपुलां श्रियम् ॥ ७॥

bhagavan pārvatīsūno svāminbhaktārtibhañjana |bhavatpadābjayorbhaktiṃ dehi me vipulāṃ śriyam || 7||

वसु धान्यं यशः कीर्तिं अविच्छेदं च सन्ततेः ।शत्रुनाशनमद्याशु देहि मे विपुलां श्रियम् ॥ ८॥

vasu dhānyaṃ yaśaḥ kīrtiṃ avicchedaṃ ca santateḥ |śatrunāśanamadyāśu dehi me vipulāṃ śriyam || 8||

इदं षडक्षरं स्तोत्रं सुब्रह्मण्यस्य सन्ततम् ।यः पठेत्तस्य सिद्ध्यन्ति सम्पदश्चिन्तिताधिकाः ॥ ९॥

idaṃ ṣaḍakṣaraṃ stotraṃ subrahmaṇyasya santatam |yaḥ paṭhettasya siddhyanti sampadaścintitādhikāḥ || 9||

हृदब्जे भक्तितो नित्यं सुब्रह्मण्यं स्मरन्बुधः ।यो जपेत्प्रातरुत्थाय सर्वान्कामानवाप्नुयात् ॥ १०॥

hṛdabje bhaktito nityaṃ subrahmaṇyaṃ smaranbudhaḥ |yo japetprātarutthāya sarvānkāmānavāpnuyāt || 10||

इति कुमारतन्त्रार्गतं श्रीसुब्रह्मण्यमूलमन्त्रस्तवः सम्पूर्णः ।

iti kumāratantrārgataṃ śrīsubrahmaṇyamūlamantrastavaḥ sampūrṇaḥ |