कर्पूर आरती मन्त्रः मुक्तकमङ्गलं च Karpura Arati Mantrah

श्रियः कान्ताय कल्याण निधये निधयेऽर्थिनांश्रीवेङ्कटनिवासाय श्रीनिवासाय मङ्गलम् ॥ १लक्ष्मीचरणलाक्षाङ्कसाक्षिश्रीवत्सवक्षसे ।क्षेमङ्कराय सर्वेषां श्रीरङ्गेशाय मङ्गलम् ॥ २॥

śriyaḥ kāntāya kalyāṇa nidhaye nidhaye'rthināṃśrīveṅkaṭanivāsāya śrīnivāsāya maṅgalam || 1lakṣmīcaraṇalākṣāṅkasākṣiśrīvatsavakṣase |kṣemaṅkarāya sarveṣāṃ śrīraṅgeśāya maṅgalam || 2||

समस्तजीवमोक्षाय श्रीरङ्गपुरवासिने ।कन्द्वादमुनिपूज्याय श्रीनिवासाय मङ्गलम् ॥ ३॥

samastajīvamokṣāya śrīraṅgapuravāsine |kandvādamunipūjyāya śrīnivāsāya maṅgalam || 3||

अस्तु श्रीस्तनकस्तूरीवासनावासितोरसे ।श्रीहस्तिगिरिनाथाय देवराजाय मङ्गलम् ॥ ४॥

astu śrīstanakastūrīvāsanāvāsitorase |śrīhastigirināthāya devarājāya maṅgalam || 4||

कमलाकुच कस्तूरी कर्दमाङ्गित वक्षसे ।यादवाद्रिनिवासाय सम्पत्पुत्राय मङ्गलम् ॥ ५॥

kamalākuca kastūrī kardamāṅgita vakṣase |yādavādrinivāsāya sampatputrāya maṅgalam || 5||

मङ्गलं कोसलेन्द्राय महनीयगुणाब्धये ।चक्रवर्तितनूजाय सार्वभौमाय मङ्गलम् ॥ ६॥

maṅgalaṃ kosalendrāya mahanīyaguṇābdhaye |cakravartitanūjāya sārvabhaumāya maṅgalam || 6||

श्रीमद्गोपालबालाय गोदाभीष्टप्रदायिने ।श्रीसत्यासहिताथास्तु कृष्णदेवाय मङ्गलम् ॥ ७॥

śrīmadgopālabālāya godābhīṣṭapradāyine |śrīsatyāsahitāthāstu kṛṣṇadevāya maṅgalam || 7||

नीलाचलनिवासाय नित्याय परमात्मने ।सुभद्राप्राणनाथाय जगन्नाथाय मङ्गलम् ॥ ८॥

nīlācalanivāsāya nityāya paramātmane |subhadrāprāṇanāthāya jagannāthāya maṅgalam || 8||

आजन्मनः षोडशाब्दं स्तन्याद्यनभिलाषिणे ।श्रीशानुभवपुष्टाय शठकोपाय मङ्गलम् ॥ ९॥

ājanmanaḥ ṣoḍaśābdaṃ stanyādyanabhilāṣiṇe |śrīśānubhavapuṣṭāya śaṭhakopāya maṅgalam || 9||

श्रीमत्यै विष्णुचित्तार्यमनोनन्दनहेतवे ।नन्दनन्दनसुन्दर्यै गोदायै नित्य मङ्गलम् ॥ १०॥

śrīmatyai viṣṇucittāryamanonandanahetave |nandanandanasundaryai godāyai nitya maṅgalam || 10||

श्रीमन्महाभूतपुरे श्रीमत्केशवयज्वनः ।कान्तिमत्यां प्रसूताय यतिराजाय मङ्गलम् ॥ ११॥

śrīmanmahābhūtapure śrīmatkeśavayajvanaḥ |kāntimatyāṃ prasūtāya yatirājāya maṅgalam || 11||

मङ्गलाशासन परैर्मदाचार्य पुरोगमैःसर्वैश्च पूर्वैराचार्यैः सत्कृतायास्तु मङ्गलम् ॥ १२॥

maṅgalāśāsana parairmadācārya purogamaiḥsarvaiśca pūrvairācāryaiḥ satkṛtāyāstu maṅgalam || 12||

श्रीमते रम्यजामात्रे मुनीन्द्राय महात्मनेश्रीरङ्गवासिने भूयात् नित्यश्रीर्नित्यमङ्गलम् ॥ १३॥

śrīmate ramyajāmātre munīndrāya mahātmaneśrīraṅgavāsine bhūyāt nityaśrīrnityamaṅgalam || 13||

इति कर्पूर आरती मन्त्रः ।इति मुक्तकमङ्गलं समाप्तम् ।

iti karpūra āratī mantraḥ |iti muktakamaṅgalaṃ samāptam |