राघवेन्द्रमन्त्रविधिवर्णनम् Shri Raghavendra Mantravidhivarnanam
rāghavendramantravidhivarṇanam
Shri Raghavendra Mantravidhivarnanam (राघवेन्द्रमन्त्रविधिवर्णनम्): mantras to Guru, by Krishna Avadhutapandita Vedavyasacharya. 42 verses in Sanskrit with Devanagari and IAST.
- Mantra
- Mantra
- Guru
- Mantra
राघवेन्द्रमन्त्रविधिवर्णनम्
1 / 42
अथ मन्त्रविधिं वक्ष्ये राघवेन्द्रार्यसद्गुरोः ।जपेन यस्य मन्त्रस्य गुरुरिष्टं प्रयच्छसि ॥ १॥
atha mantravidhiṃ vakṣye rāghavendrāryasadguroḥ |japena yasya mantrasya gururiṣṭaṃ prayacchasi || 1||
हरौ रुष्टे गुरुस्त्राता गुरौ रुष्टे न कश्चन ।गुरौ तुष्टे हरिस्तुष्टो गुरुद्वारा विमुक्तिदः ॥ २॥
harau ruṣṭe gurustrātā gurau ruṣṭe na kaścana |gurau tuṣṭe haristuṣṭo gurudvārā vimuktidaḥ || 2||
उत्तमादुत्तमा सिद्धिः धर्ममोक्षादिषु स्फुटम् ।तत्तस्मादुत्तमाचार्ये लब्धे नाऽतोऽवरं व्रजेत् ॥ ३॥
uttamāduttamā siddhiḥ dharmamokṣādiṣu sphuṭam |tattasmāduttamācārye labdhe nā'to'varaṃ vrajet || 3||
एकस्य शिष्यतां प्राप्य न तदाज्ञां विना समम् ।अवरं वा व्रजेदुच्चगुणश्चेन्नैव दुष्यति ॥ ४॥
ekasya śiṣyatāṃ prāpya na tadājñāṃ vinā samam |avaraṃ vā vrajeduccaguṇaścennaiva duṣyati || 4||
नराणां स्थूलदृष्टीनां शास्त्रज्ञानाधिकाः स्वतः ।तदनुग्रहाच्च या विद्या स्वरूपोद्धारिणी भवेत् ॥ ५॥
narāṇāṃ sthūladṛṣṭīnāṃ śāstrajñānādhikāḥ svataḥ |tadanugrahācca yā vidyā svarūpoddhāriṇī bhavet || 5||
गुरुप्रसादो बलवान् प्रसादात् श्रीहरेरपि ।अपासितोऽपि भगवान् प्रसन्नो येन मुक्तिदः ॥ ६॥
guruprasādo balavān prasādāt śrīharerapi |apāsito'pi bhagavān prasanno yena muktidaḥ || 6||
यस्तारतम्यवेत्ता स्याद्गुरूणां देवतास्वपि ।भक्तिमान् गुरदेवेषु तद्भक्तेषु च सिध्यति ॥ ७॥
yastāratamyavettā syādgurūṇāṃ devatāsvapi |bhaktimān guradeveṣu tadbhakteṣu ca sidhyati || 7||
अवज्ञाता गुरूणां च देवतानां न सिध्यति ।प्रयाति च तमो घोरमित्यादिबहुवाक्यतः ॥ ८॥
avajñātā gurūṇāṃ ca devatānāṃ na sidhyati |prayāti ca tamo ghoramityādibahuvākyataḥ || 8||
गुरोरनुग्रहं मुख्यं सम्प्राप्य सुखवान् भवेत् ।अतो भूलोकमध्येऽस्मिन् प्रत्यक्षफलदायिनः ॥ ९॥
guroranugrahaṃ mukhyaṃ samprāpya sukhavān bhavet |ato bhūlokamadhye'smin pratyakṣaphaladāyinaḥ || 9||
राघवेन्द्रगुरोः स्तोत्रं मन्त्रं कवचमुच्यते ।अप्पण्णार्येण कथितं लोकानुग्रहकाङ्क्षया ॥ १०॥
rāghavendraguroḥ stotraṃ mantraṃ kavacamucyate |appaṇṇāryeṇa kathitaṃ lokānugrahakāṅkṣayā || 10||
लक्ष्मीः सदीर्घाग्निघर्म साधरोष्ठाम्बरामृतम् ।दत्तो वायुश्च हृदयं मनुरष्टाक्षरो गुरोः ॥ ११॥
lakṣmīḥ sadīrghāgnigharma sādharoṣṭhāmbarāmṛtam |datto vāyuśca hṛdayaṃ manuraṣṭākṣaro guroḥ || 11||
षडङ्गन्यासःविना तु हृदयं षड्भिः वर्णैरङ्गमुदाहृतम् ।द्विरावृत्तैः मन्त्रपदैः षडङ्गान्यथवा विदुः ॥ १२॥
ṣaḍaṅganyāsaḥvinā tu hṛdayaṃ ṣaḍbhiḥ varṇairaṅgamudāhṛtam |dvirāvṛttaiḥ mantrapadaiḥ ṣaḍaṅgānyathavā viduḥ || 12||
तैरेव तु द्विरावृत्तैः क्रमवत्क्रमतोऽथवा ।तप्तकाञ्चनसङ्काशमक्षमालां कमण्डलुम् ॥ १३॥
taireva tu dvirāvṛttaiḥ kramavatkramato'thavā |taptakāñcanasaṅkāśamakṣamālāṃ kamaṇḍalum || 13||
दोर्ध्यां दधानं काषायवसनं राममानसम् ।योगीन्द्रतीर्थवन्द्याङ्घ्रिं तुलसीदामवक्षसम् ॥ १४॥
dordhyāṃ dadhānaṃ kāṣāyavasanaṃ rāmamānasam |yogīndratīrthavandyāṅghriṃ tulasīdāmavakṣasam || 14||
ज्ञानभक्तितपःपूर्णं ध्यायेत् सर्वार्थसिद्धये ।मन्त्रेणैव प्रकर्तव्यं दिशां बन्धश्च मोचनम् ॥ १५॥
jñānabhaktitapaḥpūrṇaṃ dhyāyet sarvārthasiddhaye |mantreṇaiva prakartavyaṃ diśāṃ bandhaśca mocanam || 15||
लक्षाण्यष्टौ द्वादश वा पुरश्चर्यापरो जपेत् ।अन्यो वाऽष्टोत्तरशतं सहस्रं प्रत्यहं जपेत् ॥ १६॥
lakṣāṇyaṣṭau dvādaśa vā puraścaryāparo japet |anyo vā'ṣṭottaraśataṃ sahasraṃ pratyahaṃ japet || 16||
कृताकृतं च होमादि परस्त्रीविमुखो भवेत् ।ब्राह्मणाराधनं मुख्यं यथाशक्ति ऋणं विना ॥ १७॥
kṛtākṛtaṃ ca homādi parastrīvimukho bhavet |brāhmaṇārādhanaṃ mukhyaṃ yathāśakti ṛṇaṃ vinā || 17||
अङ्गन्यासे द्वितीये तु ध्यानं वक्ष्यामि सद्गुरोः ।श्रीराघवेन्द्रोपरिपादकञ्जनिषेवणाल्लब्धसमस्तसम्पत् ॥ १८॥
aṅganyāse dvitīye tu dhyānaṃ vakṣyāmi sadguroḥ |śrīrāghavendroparipādakañjaniṣevaṇāllabdhasamastasampat || 18||
देवस्वभावो दिविजद्रुमोऽयमिष्टप्रदो मे सततं स भूयात् ।न्यासे तृतीये ध्यानं तु पूजापटल उच्यते ॥ १९॥
devasvabhāvo divijadrumo'yamiṣṭaprado me satataṃ sa bhūyāt |nyāse tṛtīye dhyānaṃ tu pūjāpaṭala ucyate || 19||
अग्निः सुदीर्घबिन्दुश्चेन्मनुरेकाक्षरोऽपरः ।षड्दीर्घस्वरयुक्तेन तेनैव स्यात् षडङ्गकम् ।निचृद्गायत्रीकानुष्टुप् छन्दसी एतदाद्ययोः ॥ २०॥
agniḥ sudīrghabinduścenmanurekākṣaro'paraḥ |ṣaḍdīrghasvarayuktena tenaiva syāt ṣaḍaṅgakam |nicṛdgāyatrīkānuṣṭup chandasī etadādyayoḥ || 20||
श्रीराघवेन्द्रः सकलप्रदाता स्वपादकञ्जद्वयभक्तिमद्।ह्ध्यः ।अघाद्रिसम्भेदनदृष्टिवज्रक्षमा सुरेन्द्रोऽवतु मां सदाऽयम् ॥ २१॥
śrīrāghavendraḥ sakalapradātā svapādakañjadvayabhaktimad|hdhyaḥ |aghādrisambhedanadṛṣṭivajrakṣamā surendro'vatu māṃ sadā'yam || 21||
द्वे लक्षे वाऽष्टलक्षाणि पुरश्चरा जपो मतः ।इमौ मन्त्रौ मन्त्रराजौ मुख्यमापन्निवारकौ ॥ २२॥
dve lakṣe vā'ṣṭalakṣāṇi puraścarā japo mataḥ |imau mantrau mantrarājau mukhyamāpannivārakau || 22||
जयप्रदौ च वाक्सिद्धिप्रदौ पुत्रादिकप्रदौ ।कलौ प्रत्यक्षफलदौ शीघ्रमेव धनप्रदौ ॥ २३॥
jayapradau ca vāksiddhipradau putrādikapradau |kalau pratyakṣaphaladau śīghrameva dhanapradau || 23||
ऋणापहारको राजचोरपीडादिशामकौ ।जनानुरागी लोकैश्च पूज्यो भवति जापकः ॥ २४॥
ṛṇāpahārako rājacorapīḍādiśāmakau |janānurāgī lokaiśca pūjyo bhavati jāpakaḥ || 24||
ज्ञानवान् वाक्पटुर्दैवशाली दीर्घायुरुत्तमः ।क्षेमवान् कविताशास्त्रगोष्ठीषु च विचक्षणः ॥ २५॥
jñānavān vākpaṭurdaivaśālī dīrghāyuruttamaḥ |kṣemavān kavitāśāstragoṣṭhīṣu ca vicakṣaṇaḥ || 25||
बलवान् रूपसम्पन्नो निर्मलात्मा सुभक्तिमान् ।कलत्रपुत्रबन्धूनामानुकूल्यं च विन्दति ॥ २६॥
balavān rūpasampanno nirmalātmā subhaktimān |kalatraputrabandhūnāmānukūlyaṃ ca vindati || 26||
शत्रुवश्यं भवेत्तस्य सर्वसौभाग्यवर्धनम् ।वेदान्तपारगः कीर्तिसम्पन्नः सुदयान्वितः ॥ २७॥
śatruvaśyaṃ bhavettasya sarvasaubhāgyavardhanam |vedāntapāragaḥ kīrtisampannaḥ sudayānvitaḥ || 27||
शान्तक्रोधो निर्मलात्मा सर्वदेवप्रियो भवेत् ।वैराग्यवान् महात्यागी भोगी धर्मविचक्षणः ।कन्यां लक्षणसम्पन्नां प्राप्नोति श्रियमुत्तमाम् ॥ २८॥
śāntakrodho nirmalātmā sarvadevapriyo bhavet |vairāgyavān mahātyāgī bhogī dharmavicakṣaṇaḥ |kanyāṃ lakṣaṇasampannāṃ prāpnoti śriyamuttamām || 28||
किमत्र बहुनोक्तेन गुरुराजकृपाबलात् ।स भवेत् सिद्धसङ्कल्पः सर्वरोगविवर्जितः ॥ २९॥
kimatra bahunoktena gururājakṛpābalāt |sa bhavet siddhasaṅkalpaḥ sarvarogavivarjitaḥ || 29||
भगवत् ज्ञानभक्तिभ्यां भुक्तिं मुक्तिं च विन्दति ।स्नात्वा नित्याह्निकं कृत्वा वृन्दावन गतं गुरुम् ॥ ३० ॥
bhagavat jñānabhaktibhyāṃ bhuktiṃ muktiṃ ca vindati |snātvā nityāhnikaṃ kṛtvā vṛndāvana gataṃ gurum || 30 ||
अथवा पादुकायां च यन्त्रे वाऽवाहयन् जले ।अप्पणार्यकृतस्तुत्या स्नापयित्वा शुचिः स्थिरः ॥ ३१॥
athavā pādukāyāṃ ca yantre vā'vāhayan jale |appaṇāryakṛtastutyā snāpayitvā śuciḥ sthiraḥ || 31||
जपेत् पश्चात् अप्पणार्यनाममन्त्रं जपेद्यथा ।श्री अप्पणार्याय नम इत्थमष्टाक्षरो मनुः ॥ ३२॥
japet paścāt appaṇāryanāmamantraṃ japedyathā |śrī appaṇāryāya nama itthamaṣṭākṣaro manuḥ || 32||
योगीन्द्रतीर्थवन्द्यानि तुलसीदामवक्षसम् ।ज्ञानभक्तिः तपः पूर्णं ध्यायेत् सर्वार्थसिद्धये ॥ ३३॥
yogīndratīrthavandyāni tulasīdāmavakṣasam |jñānabhaktiḥ tapaḥ pūrṇaṃ dhyāyet sarvārthasiddhaye || 33||
श्रीराघवेन्द्रगुर्वत्रिसंसक्तधिषणाग्रणीः ।अप्पण्णार्यगुरुर्भूयादस्मदिष्टार्थसिद्धये ॥ ३४॥
śrīrāghavendragurvatrisaṃsaktadhiṣaṇāgraṇīḥ |appaṇṇāryagururbhūyādasmadiṣṭārthasiddhaye || 34||
अङ्गन्यासादिनास्यास्ति शतं वा दश वा जपेत् ।मालादिगासनादीनि प्रसिद्धान्येव लोकतः ॥ ३५॥
aṅganyāsādināsyāsti śataṃ vā daśa vā japet |mālādigāsanādīni prasiddhānyeva lokataḥ || 35||
अनेन गुरुराजस्य मन्त्रः शीघ्रेण सिध्यति ।रां बीजं विलिखेत् पूर्वं त्रिकोणं त्वेकरेखया ॥ ३६॥
anena gururājasya mantraḥ śīghreṇa sidhyati |rāṃ bījaṃ vilikhet pūrvaṃ trikoṇaṃ tvekarekhayā || 36||
वर्तुलं वेष्टयित्वाऽथ पद्ममष्टदलं लिखेत् ।तद्दलेषु क्रमान्मन्त्रवर्णानि विलिखेद्बुधः ॥ ३७॥
vartulaṃ veṣṭayitvā'tha padmamaṣṭadalaṃ likhet |taddaleṣu kramānmantravarṇāni vilikhedbudhaḥ || 37||
रेखाभ्यां भूपुरं द्वाभ्यामष्टदिक्षु श्रियं लिखेत् ।त्रिभिरावरणैर्युक्तं पूजायन्त्रमिदं गुरोः ॥ ३८॥
rekhābhyāṃ bhūpuraṃ dvābhyāmaṣṭadikṣu śriyaṃ likhet |tribhirāvaraṇairyuktaṃ pūjāyantramidaṃ guroḥ || 38||
साध्यार्णान् विलिखेत् धार्ये त्रिकोणे बीजसम्पुटे ।एवं मन्त्रेण यन्त्रेण गुरुराजप्रसादजैः ॥ ३९॥
sādhyārṇān vilikhet dhārye trikoṇe bījasampuṭe |evaṃ mantreṇa yantreṇa gururājaprasādajaiḥ || 39||
मनोरथैः समृद्धः स्यादनेके सन्ति साक्षिणः ।स्वानुभूतं चाह साक्षादवधूतो गुरोः सुतः ॥ ४० ॥
manorathaiḥ samṛddhaḥ syādaneke santi sākṣiṇaḥ |svānubhūtaṃ cāha sākṣādavadhūto guroḥ sutaḥ || 40 ||
सततविमलगात्रं सद्गुणानाममन्त्रंदुरिततृणलवित्रं दुर्मतध्वान्तमित्रम् ।भज कभरबहित्रं मामकप्राणमित्रंगुरुमतुलचरित्रं नौमि मां पातु पुत्रम् ॥ ४१॥
satatavimalagātraṃ sadguṇānāmamantraṃduritatṛṇalavitraṃ durmatadhvāntamitram |bhaja kabharabahitraṃ māmakaprāṇamitraṃgurumatulacaritraṃ naumi māṃ pātu putram || 41||
इति श्रीमत्कृष्णावधूतपण्डितकृतौ श्रीराघवेन्द्रतन्त्रेश्रीराघवेन्द्रमन्त्रविधिवर्णनं नाम द्वितीयपटलः सम्पूर्णः ।
iti śrīmatkṛṣṇāvadhūtapaṇḍitakṛtau śrīrāghavendratantreśrīrāghavendramantravidhivarṇanaṃ nāma dvitīyapaṭalaḥ sampūrṇaḥ |
॥ इति राघवेन्द्रमन्त्रविधिवर्णनम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Shri Raghavendra Mantravidhivarnanam?
Shri Raghavendra Mantravidhivarnanam has 42 verses on this page, each shown with its number, Devanagari text and transliteration, and meaning where available.
Can I read Shri Raghavendra Mantravidhivarnanam in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Shri Raghavendra Mantravidhivarnanam?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
Who composed Shri Raghavendra Mantravidhivarnanam?
Krishna Avadhutapandita Vedavyasacharya.
