काशीमन्त्रमहिमावर्णनम् शिवप्रोक्तं Shivaproktam Kashimantramahimavarnanam
kāśīmantramahimāvarṇanam śivaproktaṃ
Shivaproktam Kashimantramahimavarnanam (काशीमन्त्रमहिमावर्णनम् शिवप्रोक्तं): mantras to Śiva. 22 verses in Sanskrit with Devanagari and IAST.
- Mantra
- Mantra
- Śiva
- Mantra
काशीमन्त्रमहिमावर्णनम् शिवप्रोक्तं
1 / 22
(शिवरहस्यान्तर्गते उग्राख्ये)श्रीशिवः (उवाच)काशीतिवर्णयुगलं निःसृतं यन्मुखाम्बुजात् ।तस्य संसारनिगला गलिता एव तत्क्षणे ॥ १७७॥
(śivarahasyāntargate ugrākhye)śrīśivaḥ (uvāca)kāśītivarṇayugalaṃ niḥsṛtaṃ yanmukhāmbujāt |tasya saṃsāranigalā galitā eva tatkṣaṇe || 177||
विवशेनापि काशीति येनैव समुदीरितम् ।स सद्यः सकलापद्भ्यो मुच्यते नात्र संशयः ॥ १७८॥
vivaśenāpi kāśīti yenaiva samudīritam |sa sadyaḥ sakalāpadbhyo mucyate nātra saṃśayaḥ || 178||
काशीति परमं मन्त्रं सर्वमन्त्राधिदैवतम् ।मुक्तिदं मुनयः सर्वे जपन्त्यनुदिनं मुदा ॥ १७९॥
kāśīti paramaṃ mantraṃ sarvamantrādhidaivatam |muktidaṃ munayaḥ sarve japantyanudinaṃ mudā || 179||
काशीत्यमृतकल्लोललोलजिह्वा मनीषिणः ।प्रयान्ति शिवसायुज्यं इज्यादानादिभिर्यमम्(र्विना) ॥ १८०॥
kāśītyamṛtakallolalolajihvā manīṣiṇaḥ |prayānti śivasāyujyaṃ ijyādānādibhiryamam(rvinā) || 180||
काशीति वर्णयुग्मस्य प्रभावं वेद शङ्करः ।काशीति वर्णद्वन्द्व यद्बहुदुःखापहारकम् ॥ १८१॥
kāśīti varṇayugmasya prabhāvaṃ veda śaṅkaraḥ |kāśīti varṇadvandva yadbahuduḥkhāpahārakam || 181||
तद्विधूय द्वन्द्वदुःखं शुद्धमद्धा ददाति च ।काशीत्युच्चरित येन परिहासेन वा यम ।तेन स्वोपार्जितानन्तपापं नश्यत्यसंशयम् ॥ १८२॥
tadvidhūya dvandvaduḥkhaṃ śuddhamaddhā dadāti ca |kāśītyuccarita yena parihāsena vā yama |tena svopārjitānantapāpaṃ naśyatyasaṃśayam || 182||
पापकानननाशाय काशीत्येष हुताशनः ।परमेशेन निर्दिष्टः शिष्टः कष्टविनाशकृत् ॥ १८३॥
pāpakānananāśāya kāśītyeṣa hutāśanaḥ |parameśena nirdiṣṭaḥ śiṣṭaḥ kaṣṭavināśakṛt || 183||
जन्ममृत्युजरादुःखमहारोगौषधं परम् ।काशीति परमो मन्त्रो सन्त्रासयति पातकम् ॥ १८४॥
janmamṛtyujarāduḥkhamahārogauṣadhaṃ param |kāśīti paramo mantro santrāsayati pātakam || 184||
संसारपापमत्तेभपञ्चाननमनामयम् ।संसारगर्तमग्नानां काशीत्येष महामनुः ॥ १८५॥
saṃsārapāpamattebhapañcānanamanāmayam |saṃsāragartamagnānāṃ kāśītyeṣa mahāmanuḥ || 185||
समाकर्षकरं स्पष्टं सर्वश्रेयस्करं तथा ।संसारसर्पदष्टेन काशीति मनुमूलिका ॥ १८६॥
samākarṣakaraṃ spaṣṭaṃ sarvaśreyaskaraṃ tathā |saṃsārasarpadaṣṭena kāśīti manumūlikā || 186||
संसारविषशान्त्यर्थं सेवनीया मुहुर्मुहुः ।मुक्तिकान्ताकर्षकोऽयं काशीति मनुरुत्तमः ॥ १८७॥
saṃsāraviṣaśāntyarthaṃ sevanīyā muhurmuhuḥ |muktikāntākarṣako'yaṃ kāśīti manuruttamaḥ || 187||
असकृद्वा सकृद्वापि काशीति मनुमुत्तमम् ।यो जपेत्स महाघेभ्यः सद्य एव विमुच्यते ॥ १८८॥
asakṛdvā sakṛdvāpi kāśīti manumuttamam |yo japetsa mahāghebhyaḥ sadya eva vimucyate || 188||
यम काशीति वाग्वल्ली सुवर्णद्वन्द्वपल्लवा ।स्वर्गापवर्गफलदा बलप्रमथनप्रिया ॥ १८९॥
yama kāśīti vāgvallī suvarṇadvandvapallavā |svargāpavargaphaladā balapramathanapriyā || 189||
काशी नाम सुधा धन्या वसुधातलवासिनाम् ।पिबन्ति श्रद्धया सिद्धाः शमनैतां तपोधनाः ॥ १९०॥
kāśī nāma sudhā dhanyā vasudhātalavāsinām |pibanti śraddhayā siddhāḥ śamanaitāṃ tapodhanāḥ || 190||
काशीति मन्त्रराजोऽयं पुण्यराशिसमृद्धिदः ।अनन्ताभेद्यविविधपापराशिमहाशनिः ॥ १९१॥
kāśīti mantrarājo'yaṃ puṇyarāśisamṛddhidaḥ |anantābhedyavividhapāparāśimahāśaniḥ || 191||
काशीत्वमृतमुस्कृष्टं सुराणामतिदुर्लभम् ।पिबन्ति साधवो भक्त्या भाललोचनपूजकाः ॥ १९२॥
kāśītvamṛtamuskṛṣṭaṃ surāṇāmatidurlabham |pibanti sādhavo bhaktyā bhālalocanapūjakāḥ || 192||
पीत्वाप्यमृतमाशास्य सुरा भूत्वा पुनर्नराः ।भवन्ति न तथा काशीनामामृतनिपायिनः ॥ १९३॥
pītvāpyamṛtamāśāsya surā bhūtvā punarnarāḥ |bhavanti na tathā kāśīnāmāmṛtanipāyinaḥ || 193||
काशीत्येष महामन्त्रः श्रेष्ठोऽयममृतादपि ।अमृतं नश्वरं यस्मादनश्वरमय मनुः ।(अमृतं नश्वरं यस्मान्मनुरेष ह्यनश्वरः ।)एतादृशोऽयं काशीति महामन्त्रोऽमृतात्मकः ॥ १९४॥
kāśītyeṣa mahāmantraḥ śreṣṭho'yamamṛtādapi |amṛtaṃ naśvaraṃ yasmādanaśvaramaya manuḥ |(amṛtaṃ naśvaraṃ yasmānmanureṣa hyanaśvaraḥ |)etādṛśo'yaṃ kāśīti mahāmantro'mṛtātmakaḥ || 194||
काशीति नामोच्चरणं सर्वाङ्गे भूतिधारणम् ।कस्य वा मरणेऽभ्यर्णे न निर्वाणं प्रयच्छति ॥ १९५॥
kāśīti nāmoccaraṇaṃ sarvāṅge bhūtidhāraṇam |kasya vā maraṇe'bhyarṇe na nirvāṇaṃ prayacchati || 195||
काशीप्रयाणं काशीति नाम पीयूषभक्षण(सेवन)म् ।विभूतिधारणं चेति त्रयं निर्वाणदं न किम् (दायकम्) ॥ १९६॥
kāśīprayāṇaṃ kāśīti nāma pīyūṣabhakṣaṇa(sevana)m |vibhūtidhāraṇaṃ ceti trayaṃ nirvāṇadaṃ na kim (dāyakam) || 196||
॥ इति शिवरहस्यान्तर्गते शिवप्रोक्तं काशीमन्त्रमहिमावर्णनं सम्पूर्णम् ॥॥ श्रीशिवरहस्यम् । उग्राख्यः सप्तमांशः । अध्यायः २९ शिवगौरीसंवादे काशीप्रभावकथनम् । १७७१९६॥
|| iti śivarahasyāntargate śivaproktaṃ kāśīmantramahimāvarṇanaṃ sampūrṇam |||| śrīśivarahasyam | ugrākhyaḥ saptamāṃśaḥ | adhyāyaḥ 29 śivagaurīsaṃvāde kāśīprabhāvakathanam | 177196||
– ॥ श्रीशिवरहस्यम् ।उग्राख्यः सप्तमांशः ।अध्यायः २९ शिवगौरीसंवादे काशीप्रभावकथनम् ।१७७-१९६॥
– || śrīśivarahasyam |ugrākhyaḥ saptamāṃśaḥ |adhyāyaḥ 29 śivagaurīsaṃvāde kāśīprabhāvakathanam | 177-196||
॥ इति काशीमन्त्रमहिमावर्णनम् शिवप्रोक्तं सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Shivaproktam Kashimantramahimavarnanam?
Shivaproktam Kashimantramahimavarnanam has 22 verses on this page, each shown with its number, Devanagari text and transliteration, and meaning where available.
Can I read Shivaproktam Kashimantramahimavarnanam in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Shivaproktam Kashimantramahimavarnanam?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
