श्रीमहालक्ष्मीमन्त्रस्तोत्रम् Purushottamaproktam Shri Mahalakshmimantra Stotram
śrīmahālakṣmīmantrastotram
Purushottamaproktam Shri Mahalakshmimantra Stotram (श्रीमहालक्ष्मीमन्त्रस्तोत्रम्): mantras to Lakṣmī. 25 verses in Sanskrit with Devanagari and IAST.
- Mantra
- Mantra
- Lakṣmī
- Mantra
श्रीमहालक्ष्मीमन्त्रस्तोत्रम्
1 / 25
श्रीपुरुषोत्तम उवाच ।शृणु लक्ष्मि! महालक्ष्म्या मन्त्रान्तरं वदामि ते ।यदाराधनतो भूयात्साधको भुक्तिमुक्तिमान् ॥ १॥
śrīpuruṣottama uvāca |śṛṇu lakṣmi! mahālakṣmyā mantrāntaraṃ vadāmi te |yadārādhanato bhūyātsādhako bhuktimuktimān || 1||
ॐ महालक्ष्मी महामाया महानारायण्यै कमलवासिन्यैमहाविष्णुप्रियायै नमः, ॐ श्रीं ह्रीं क्लीं णीं म्लीं ष्णींमहामात्रे पुरुषार्थवर्षिण्यै स्वाहा ॥ २॥
oṃ mahālakṣmī mahāmāyā mahānārāyaṇyai kamalavāsinyaimahāviṣṇupriyāyai namaḥ, oṃ śrīṃ hrīṃ klīṃ ṇīṃ mlīṃ ṣṇīṃmahāmātre puruṣārthavarṣiṇyai svāhā || 2||
पञ्चाशदक्षरं दिव्यं महामन्त्रं जपेत् सदा ।ऋषिर्नारायणश्चाऽहं महालक्ष्मीर्हि देवता ॥ ३॥
pañcāśadakṣaraṃ divyaṃ mahāmantraṃ japet sadā |ṛṣirnārāyaṇaścā'haṃ mahālakṣmīrhi devatā || 3||
स्वर्णचम्पकरूपाभां सर्वभूषणभूषिताम् ।कृपाहास्यप्रसन्नास्यां भक्तानुग्रहतत्पराम् ॥ ४॥
svarṇacampakarūpābhāṃ sarvabhūṣaṇabhūṣitām |kṛpāhāsyaprasannāsyāṃ bhaktānugrahatatparām || 4||
सर्वैश्वर्यादिसम्पूर्णां सर्वाम्बरविराजिताम् ।कोटिसूर्येन्दुकान्तां च रत्नहारादि बिभ्रतीम् ॥ ५॥
sarvaiśvaryādisampūrṇāṃ sarvāmbaravirājitām |koṭisūryendukāntāṃ ca ratnahārādi bibhratīm || 5||
कम्भराश्रीमहालक्ष्मीं श्रीमद्गोपालरूपिणीम् ।महाविष्णुमहाशक्तिं ध्यायेच्छ्रीमातरं रमाम् ॥ ६॥
kambharāśrīmahālakṣmīṃ śrīmadgopālarūpiṇīm |mahāviṣṇumahāśaktiṃ dhyāyecchrīmātaraṃ ramām || 6||
जपेन्मन्त्रायुतं मन्त्रलक्षं वाऽथ दशांशतः ।पायसेन हवनं च कुर्याच्छ्रीचन्दनार्चनम् ॥ ७॥
japenmantrāyutaṃ mantralakṣaṃ vā'tha daśāṃśataḥ |pāyasena havanaṃ ca kuryācchrīcandanārcanam || 7||
स्थापनं पूजनं कुर्यादारार्त्रिकं निवेदनम् ।जलं ताम्बूलकं दद्यात् क्षमापनं विसर्जनम् ॥ ८॥
sthāpanaṃ pūjanaṃ kuryādārārtrikaṃ nivedanam |jalaṃ tāmbūlakaṃ dadyāt kṣamāpanaṃ visarjanam || 8||
नवशक्तीः पूजयेच्च महालक्ष्म्याः स्वरूपिणी ।विभूतिमुन्नतिं कान्तिं सृष्टिं कीर्ति च सन्नतिम् ॥ ९॥
navaśaktīḥ pūjayecca mahālakṣmyāḥ svarūpiṇī |vibhūtimunnatiṃ kāntiṃ sṛṣṭiṃ kīrti ca sannatim || 9||
व्युष्टिमुत्कृष्टिमृद्धिं च दक्षिणे तु गजाननम् ।वामे कुसुमधन्वानं पूजयेच्चन्दनादिभिः ॥ १०॥
vyuṣṭimutkṛṣṭimṛddhiṃ ca dakṣiṇe tu gajānanam |vāme kusumadhanvānaṃ pūjayeccandanādibhiḥ || 10||
उमां श्रीं भारतीं दुर्गां धरणिं वेदमातरम् ।देवीमुषां चाष्टदिक्षु गङ्गां यमीं च पूजयेत् ॥ ११॥
umāṃ śrīṃ bhāratīṃ durgāṃ dharaṇiṃ vedamātaram |devīmuṣāṃ cāṣṭadikṣu gaṅgāṃ yamīṃ ca pūjayet || 11||
पादपद्मक्षालनायाऽऽनीता अपः प्रपूजयेत् ।शङ्खपद्मनिधी चाऽर्चेत् पार्श्वयोर्धृतचामरौ ॥ १२॥
pādapadmakṣālanāyā''nītā apaḥ prapūjayet |śaṅkhapadmanidhī cā'rcet pārśvayordhṛtacāmarau || 12||
धृतातपत्रं वरुणं पूजयेत् पश्चिमे तथा ।राशीन्नवग्रहाँश्चापि दिग्गजानर्चयेत्तथा ॥ १३॥
dhṛtātapatraṃ varuṇaṃ pūjayet paścime tathā |rāśīnnavagrahām̐ścāpi diggajānarcayettathā || 13||
लोकपालाँस्तदस्त्राणि पूजयेत्त्वनले तथा ।दूर्वाभिराज्यसिक्ताभिर्जुहुयादायुषे नरः ॥ १४॥
lokapālām̐stadastrāṇi pūjayettvanale tathā |dūrvābhirājyasiktābhirjuhuyādāyuṣe naraḥ || 14||
गुडूचीमाज्यसंसिक्तां जुहुयात् सप्तवासरान् ।अष्टोत्तरसहस्रं यः स जीवेत् पूर्णमेव ह ॥ १५॥
guḍūcīmājyasaṃsiktāṃ juhuyāt saptavāsarān |aṣṭottarasahasraṃ yaḥ sa jīvet pūrṇameva ha || 15||
हुत्वा तिलान् घृताभ्यक्तान् दीर्घमायुष्यमाप्नुयात् ।शालिभिर्जुह्वतो नित्यमष्टोत्तरसहस्रकम् ॥ १६॥
hutvā tilān ghṛtābhyaktān dīrghamāyuṣyamāpnuyāt |śālibhirjuhvato nityamaṣṭottarasahasrakam || 16||
अचिरादेव महती लक्ष्मीः सञ्जायते ध्रुवा ।नारीकेलघृताद्यैर्जुहुयात्कुबेरवद्भवेत् ॥ १७॥
acirādeva mahatī lakṣmīḥ sañjāyate dhruvā |nārīkelaghṛtādyairjuhuyātkuberavadbhavet || 17||
गुडघृताभ्यां हवनादन्नवान् सम्प्रजायते ।एवं यो भजते लक्ष्मीं कम्भरां ललितां श्रियम् ॥ १८॥
guḍaghṛtābhyāṃ havanādannavān samprajāyate |evaṃ yo bhajate lakṣmīṃ kambharāṃ lalitāṃ śriyam || 18||
सम्पदस्तस्य जानन्ते महालक्ष्मीः प्रसीदति ।देहान्ते वैष्णवं धाम लभते पारमेश्वरम् ॥ १९॥
sampadastasya jānante mahālakṣmīḥ prasīdati |dehānte vaiṣṇavaṃ dhāma labhate pārameśvaram || 19||
श्रीपुरे दिव्यलोके सा माता लक्ष्मीः परेश्वरी ।विविधान् स्वावतारान् हि त्रैलोक्यां कुरुते सदा ॥ २०॥
śrīpure divyaloke sā mātā lakṣmīḥ pareśvarī |vividhān svāvatārān hi trailokyāṃ kurute sadā || 20||
महालक्ष्मीर्महामाया मूलप्रकृतिरीश्वरी ।पारब्राह्मी चाऽक्षरी च परेशी पुरुषोत्तमी ॥ २१॥
mahālakṣmīrmahāmāyā mūlaprakṛtirīśvarī |pārabrāhmī cā'kṣarī ca pareśī puruṣottamī || 21||
राधालक्ष्मीश्च गङ्गा च विरजा च सरस्वती ।सावित्री चाथ गायत्री कमला पद्मिनी रमा ॥ २२॥
rādhālakṣmīśca gaṅgā ca virajā ca sarasvatī |sāvitrī cātha gāyatrī kamalā padminī ramā || 22||
तुलसी माधवी पद्मा चेत्येवं ख्यायते हि सा ।विष्णुकाञ्च्यां महालक्ष्मीर्ललिता वर्तते सती ॥ २३॥
tulasī mādhavī padmā cetyevaṃ khyāyate hi sā |viṣṇukāñcyāṃ mahālakṣmīrlalitā vartate satī || 23||
शिवकाञ्च्यां सैव देवी कामेश्वरी शिवप्रिया ।वर्तते परमा पूज्या नैकरूपा हि कम्भरा ॥ २४॥
śivakāñcyāṃ saiva devī kāmeśvarī śivapriyā |vartate paramā pūjyā naikarūpā hi kambharā || 24||
इति श्रीलक्ष्मीनारायणीयसंहितायाः द्वापरयुगसन्तानात्मकस्य तृतीयखण्डे१२०अध्यायान्तर्गतं पुरुषोत्तमप्रोक्तं श्रीमहालक्ष्मीमन्त्रस्तोत्रं सम्पूर्णम् ।लक्ष्मीनारायणीयसंहिता । खण्ड ३। अध्याय १२०/१२४॥लक्ष्मीनारायणीयसंहिता । खण्ड ३। अध्याय १२०/१-२४॥
iti śrīlakṣmīnārāyaṇīyasaṃhitāyāḥ dvāparayugasantānātmakasya tṛtīyakhaṇḍe120adhyāyāntargataṃ puruṣottamaproktaṃ śrīmahālakṣmīmantrastotraṃ sampūrṇam |lakṣmīnārāyaṇīyasaṃhitā | khaṇḍa 3| adhyāya 120/124||lakṣmīnārāyaṇīyasaṃhitā | khaṇḍa 3| adhyāya 120/1-24||
॥ इति श्रीमहालक्ष्मीमन्त्रस्तोत्रम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Purushottamaproktam Shri Mahalakshmimantra Stotram?
Purushottamaproktam Shri Mahalakshmimantra Stotram has 25 verses on this page, each shown with its number, Devanagari text and transliteration, and meaning where available.
Can I read Purushottamaproktam Shri Mahalakshmimantra Stotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Purushottamaproktam Shri Mahalakshmimantra Stotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
