New: Bhagavad Gītā 2.47 deep study with word-by-word grammar Open the verse

रुद्रमन्त्रजपोपदेशम् Muniproktam Rudramantrajapopadesham

rudramantrajapopadeśam

Muniproktam Rudramantrajapopadesham (रुद्रमन्त्रजपोपदेशम्): mantras to Śiva. 45 verses in Sanskrit with Devanagari and IAST.

रुद्रमन्त्रजपोपदेशम्

1 / 45

Verse 1

(शिवरहस्यान्तर्गते भीमाख्ये)मुनिरुवाच ।श्रीरुद्रमन्त्रान्प्रजपन्नियतं भस्मधार्यपि ।रुद्रमन्त्रान् जपन्विप्रो धयायेद्देवमुमापतिम् ॥ १॥

(śivarahasyāntargate bhīmākhye)muniruvāca |śrīrudramantrānprajapanniyataṃ bhasmadhāryapi |rudramantrān japanvipro dhayāyeddevamumāpatim || 1||

Verse 2

वेदानां मध्यगं(गः) साक्षाद्यजुषां मध्यगं(गः) परम्(रः) ।शतशाखातं(स्)त्वेतद्रुद्रमन्त्रः शिवप्रियः ॥ २॥

vedānāṃ madhyagaṃ(gaḥ) sākṣādyajuṣāṃ madhyagaṃ(gaḥ) param(raḥ) |śataśākhātaṃ(s)tvetadrudramantraḥ śivapriyaḥ || 2||

Verse 3

रुद्रप्रियकरं(रः) साक्षाद्रुद्रमन्त्रं(त्रः) श्रुतिःश्रुतम् ।रुद्राध्यायार्थविज्ञानी पदार्थज्ञानवान्नरः ॥ ३॥

rudrapriyakaraṃ(raḥ) sākṣādrudramantraṃ(traḥ) śrutiḥśrutam |rudrādhyāyārthavijñānī padārthajñānavānnaraḥ || 3||

Verse 4

नमोऽन्तेन शिवं ध्यायन्सर्वपापैः प्रमुच्यते ।नमोऽन्तेन च तद्रूपधारी शिवाय एव हि ॥ ४॥

namo'ntena śivaṃ dhyāyansarvapāpaiḥ pramucyate |namo'ntena ca tadrūpadhārī śivāya eva hi || 4||

Verse 5

ध्यायन्महेशं तद्रूपं पतीनां परमेश्वरम् (पतिमीश्वरम्) ।सर्वेषामप्युमाकान्तं नितान्तं शान्तमव्ययम् ॥ ५॥

dhyāyanmaheśaṃ tadrūpaṃ patīnāṃ parameśvaram (patimīśvaram) |sarveṣāmapyumākāntaṃ nitāntaṃ śāntamavyayam || 5||

Verse 6

रुद्राध्यायगतैर्मन्त्रैर्नमोऽन्तैरुभयैरपि ।एकद्वित्रिनमस्कारैर्ध्यायेद्देवं पिनाकिनम् ॥ ६॥

rudrādhyāyagatairmantrairnamo'ntairubhayairapi |ekadvitrinamaskārairdhyāyeddevaṃ pinākinam || 6||

Verse 7

सर्वदेवाधिदेवेशं विश्वेशं रुद्रसूक्ततः ।ध्यायन्मन्त्राञ्जपेद्रुद्रांस्तत्तदर्थावबोधतः ॥ ७॥

sarvadevādhideveśaṃ viśveśaṃ rudrasūktataḥ |dhyāyanmantrāñjapedrudrāṃstattadarthāvabodhataḥ || 7||

Verse 8

श्रीरुद्रमन्त्रं प्रजपेद्भस्मधारणपूर्वकम् ।भस्मधार्यधिकारी च तथा रुद्राक्षधार्यपि ॥ ८॥

śrīrudramantraṃ prajapedbhasmadhāraṇapūrvakam |bhasmadhāryadhikārī ca tathā rudrākṣadhāryapi || 8||

Verse 9

रुद्राध्यायजपे योग्यास्त एव भुवने द्विजाः ।नान्यपुण्ड्रधराः सर्वे नाधिकारिण एव हि ॥ ९॥

rudrādhyāyajape yogyāsta eva bhuvane dvijāḥ |nānyapuṇḍradharāḥ sarve nādhikāriṇa eva hi || 9||

Verse 10

प्रत्युतो रुद्रमन्त्रांश्च प्रजपन् पापभाग्भवेत् ।(प्रत्युत प्रजपन्नुद्रमन्त्रांश्च पापभाग्भवेत्) ।यस्तु रुद्राञ्जपेन्नित्यं ध्यायमानो महेश्वरम् ॥ १०॥

pratyuto rudramantrāṃśca prajapan pāpabhāgbhavet |(pratyuta prajapannudramantrāṃśca pāpabhāgbhavet) |yastu rudrāñjapennityaṃ dhyāyamāno maheśvaram || 10||

Verse 11

सर्वपापविशुद्धात्मा शिवत्वमुपगच्छति ॥ ११॥

sarvapāpaviśuddhātmā śivatvamupagacchati || 11||

Verse 12

स्तेयं कृत्वा ब्रह्महत्यां च कृत्वामद्यं पीत्वा गुरुदारांश्च गत्वा ।भस्मछन्नो भस्मशय्यां शयानोरुद्रध्यायी मुच्यते सर्वपापैः ॥ १२॥

steyaṃ kṛtvā brahmahatyāṃ ca kṛtvāmadyaṃ pītvā gurudārāṃśca gatvā |bhasmachanno bhasmaśayyāṃ śayānorudradhyāyī mucyate sarvapāpaiḥ || 12||

Verse 13

एकवारं जपन् रुद्रं पापैर्मुक्तो भविष्यति ।द्विवारं च प्रजप्यैव रुद्रं ध्यायन्महेश्वरम् ॥ १३॥

ekavāraṃ japan rudraṃ pāpairmukto bhaviṣyati |dvivāraṃ ca prajapyaiva rudraṃ dhyāyanmaheśvaram || 13||

Verse 14

गाणपत्यमवाप्नोति शिवस्य परमात्मनः ।तृतीयवारं प्रपञ्छिवे संलीयते सदा ॥ १४॥

gāṇapatyamavāpnoti śivasya paramātmanaḥ |tṛtīyavāraṃ prapañchive saṃlīyate sadā || 14||

Verse 15

एकादशानुवारं यो रुद्रमन्त्रं जपेद्बुधः (द्विजः) ।शं च मे इत्यादि च जपन् क्रमादेकादशावृतम् ॥ १५॥

ekādaśānuvāraṃ yo rudramantraṃ japedbudhaḥ (dvijaḥ) |śaṃ ca me ityādi ca japan kramādekādaśāvṛtam || 15||

Verse 16

जपाल्लिङ्गेऽभिषेको(कात्) वै शम्भोः प्रियतमो मतः ।वस्त्रपूतेन तोयेन अविच्छिन्नां प्रकल्पयेत् ॥ १६॥

japālliṅge'bhiṣeko(kāt) vai śambhoḥ priyatamo mataḥ |vastrapūtena toyena avicchinnāṃ prakalpayet || 16||

Verse 17

धारां प्रीत्या प्रकल्पेत शिवलिङ्गे द्विजोत्तमः ।जपादप्युत्तमः सेकः श्रीरुद्राध्यायपूर्वकः ॥ १७॥

dhārāṃ prītyā prakalpeta śivaliṅge dvijottamaḥ |japādapyuttamaḥ sekaḥ śrīrudrādhyāyapūrvakaḥ || 17||

Verse 18

जपाद्दशगुणः प्रोक्तो ह्यभिषेको महेशितुः ।चन्दनैर्बिल्वपत्रैश्च पूजयेदिन्दुशेखरम् ॥ १८॥

japāddaśaguṇaḥ prokto hyabhiṣeko maheśituḥ |candanairbilvapatraiśca pūjayedinduśekharam || 18||

Verse 19

रुद्रैः स्तुवीत देवेशं साम्बं संसारभेषजम् ।स्तुत्वा रुद्रैर्महादेव सन्निधौ गणपो भवेत् ॥ १९॥

rudraiḥ stuvīta deveśaṃ sāmbaṃ saṃsārabheṣajam |stutvā rudrairmahādeva sannidhau gaṇapo bhavet || 19||

Verse 20

रुद्रैर्होमं प्रकुर्वीत चरुणामधुसर्पिषा ।नामभिर्देवदेवस्य स्वाहान्तैश्च पृथक् पृथक् ॥ २०॥

rudrairhomaṃ prakurvīta caruṇāmadhusarpiṣā |nāmabhirdevadevasya svāhāntaiśca pṛthak pṛthak || 20||

Verse 21

ग्रहारिष्टे समुत्पन्ने उत्पाते क्ष्मादिकम्पने ।देशोपसर्गे दुर्भुक्षे राजचोराद्युपद्रवे ॥ २१॥

grahāriṣṭe samutpanne utpāte kṣmādikampane |deśopasarge durbhukṣe rājacorādyupadrave || 21||

Verse 22

प्रजापशुमृतौ चापि जपहोमार्चनं चरेत् ।रुद्रैर्मन्त्रैरयुतशो ध्यायन्देवं पिनाकिनम् ॥ २२॥

prajāpaśumṛtau cāpi japahomārcanaṃ caret |rudrairmantrairayutaśo dhyāyandevaṃ pinākinam || 22||

Verse 23

ब्राह्मणैः शाम्भवैरेव भस्मरुद्राक्षधारिभिः ।कारयेद्विधिवद्राजा धनाढ्यो वापि कश्चन ॥ २३॥

brāhmaṇaiḥ śāmbhavaireva bhasmarudrākṣadhāribhiḥ |kārayedvidhivadrājā dhanāḍhyo vāpi kaścana || 23||

Verse 24

गावो भूमिर्हिरण्याद्याः प्रदेयाः शक्तिसारतः ।शाम्भवेभ्यः सदा रोगतापपापैः प्रमुच्यते ॥ २४॥

gāvo bhūmirhiraṇyādyāḥ pradeyāḥ śaktisārataḥ |śāmbhavebhyaḥ sadā rogatāpapāpaiḥ pramucyate || 24||

Verse 25

रुद्रमन्त्रजपे योग्याः शाम्भवा एव केवलम् ।अतिरुद्रविधानं वा महारुद्रमथापि वा ॥ २५॥

rudramantrajape yogyāḥ śāmbhavā eva kevalam |atirudravidhānaṃ vā mahārudramathāpi vā || 25||

Verse 26

कुर्यात्सर्वोपसर्गेभ्यो न भयं जायते क्वचित् ।घृतधारां पातयेताविच्छिन्नां रुद्रमन्त्रतः ॥ २६॥

kuryātsarvopasargebhyo na bhayaṃ jāyate kvacit |ghṛtadhārāṃ pātayetāvicchinnāṃ rudramantrataḥ || 26||

Verse 27

वह्नौ कुण्डे शिवं ध्यात्वा शाम्भवाष्टोत्तरैः शतैः ।एकादशानुवृत्त्यैवं मण्डलं धनधान्यवान् ॥ २७॥

vahnau kuṇḍe śivaṃ dhyātvā śāmbhavāṣṭottaraiḥ śataiḥ |ekādaśānuvṛttyaivaṃ maṇḍalaṃ dhanadhānyavān || 27||

Verse 28

मुक्तः शिवमयो भूयादकामः कामवान् यदि ।सर्वकामानवाप्नोति वत्सरान्ते न संशयः ॥ २८॥

muktaḥ śivamayo bhūyādakāmaḥ kāmavān yadi |sarvakāmānavāpnoti vatsarānte na saṃśayaḥ || 28||

Verse 29

गोष्ठे वापि नदीरीते रुद्रक्षेत्रे शतोत्तरम् ।जप्यैव कर्म कृत्वापि फलं विन्देद्दशोत्तरम् ॥ २९॥

goṣṭhe vāpi nadīrīte rudrakṣetre śatottaram |japyaiva karma kṛtvāpi phalaṃ vindeddaśottaram || 29||

Verse 30

क्षीराभिषेकं लिङ्गे तु रुद्रमन्त्रैः समाचरेत् ।न भूयस्स्तन्यपो मातुर्भविष्यति न संशयः ॥ ३०॥

kṣīrābhiṣekaṃ liṅge tu rudramantraiḥ samācaret |na bhūyasstanyapo māturbhaviṣyati na saṃśayaḥ || 30||

Verse 31

यो रुद्रे वा नमस्कारं प्रदक्षिणमथापि वा ।कुर्याच्छिवालये शम्भोः सन्निधौ स तु मुक्तिभाक् ॥ ३१॥

yo rudre vā namaskāraṃ pradakṣiṇamathāpi vā |kuryācchivālaye śambhoḥ sannidhau sa tu muktibhāk || 31||

Verse 32

रुद्रमन्त्रैः शूलिनं यः स्तुवन्नर्तनमाचरेत् ।स शम्भोर्गणपो भूयाद्वत्सरेण न संशयः ॥ ३२॥

rudramantraiḥ śūlinaṃ yaḥ stuvannartanamācaret |sa śambhorgaṇapo bhūyādvatsareṇa na saṃśayaḥ || 32||

Verse 33

अविमुक्ते शिवक्षेत्रेष्वन्येष्वपि यथा बलम् ।रुद्रं जपन्प्रमुच्येत पापेभ्यो नात्र संशयः ॥ ३३॥

avimukte śivakṣetreṣvanyeṣvapi yathā balam |rudraṃ japanpramucyeta pāpebhyo nātra saṃśayaḥ || 33||

Verse 34

यो बिल्वमूले रुद्रांश्च जपेद्ध्यायन्महेश्वरम् ।स कोटिरुद्रसाम्यस्य फलं लब्ध्वा विमुच्यते ॥ ३४॥

yo bilvamūle rudrāṃśca japeddhyāyanmaheśvaram |sa koṭirudrasāmyasya phalaṃ labdhvā vimucyate || 34||

Verse 35

जाबाला आमनन्त्येव महिमां रुद्रजापिनः ।किं जप्येनामृतमिति रुद्रैरेवेति सा श्रुतिः ॥ ३५॥

jābālā āmanantyeva mahimāṃ rudrajāpinaḥ |kiṃ japyenāmṛtamiti rudraireveti sā śrutiḥ || 35||

Verse 36

यतिश्च प्रजपेन्नित्यं वने वर्णी गृही तथा ।यावन्नमोऽन्तं तु यतेरन्ये तु गृहमेधिनः ॥ ३६॥

yatiśca prajapennityaṃ vane varṇī gṛhī tathā |yāvannamo'ntaṃ tu yateranye tu gṛhamedhinaḥ || 36||

Verse 37

यत्र स्थितो रुद्रजापी तत्र शम्भुः स्थितः सदा ।तस्मै दत्तं शाम्भवाय दत्तं तच्छम्भवे सदा ॥ ३७॥

yatra sthito rudrajāpī tatra śambhuḥ sthitaḥ sadā |tasmai dattaṃ śāmbhavāya dattaṃ tacchambhave sadā || 37||

Verse 38

गां भूमिमथ वासो वा धनं धान्यं हिरण्यकम् ।दत्वा शिवप्रसादस्य पात्रं श्रीरुद्रजापिने ॥ ३८॥

gāṃ bhūmimatha vāso vā dhanaṃ dhānyaṃ hiraṇyakam |datvā śivaprasādasya pātraṃ śrīrudrajāpine || 38||

Verse 39

एकवारं जपन्रुद्रं तद्ग्रामे शान्तिमृच्छति ।ग्रामे अस्मिन्ननातुरमिति मन्त्रार्थपारगः ॥ ३९॥

ekavāraṃ japanrudraṃ tadgrāme śāntimṛcchati |grāme asminnanāturamiti mantrārthapāragaḥ || 39||

Verse 40

शतवारं तु नगरे पुरेऽयुतजपाद्भवेत् ।तत्रस्थानां शुभं भूयाद्यत्र रुद्रजपो भवेत् ॥ ४०॥

śatavāraṃ tu nagare pure'yutajapādbhavet |tatrasthānāṃ śubhaṃ bhūyādyatra rudrajapo bhavet || 40||

Verse 41

कुम्भं संस्पृश्य यो रुद्रं सोदकं प्रजपन् द्विजः ।स्नापयेच्चापि रोगार्त्तं रोगी रोगैः प्रमुच्यते ॥ ४१॥

kumbhaṃ saṃspṛśya yo rudraṃ sodakaṃ prajapan dvijaḥ |snāpayeccāpi rogārttaṃ rogī rogaiḥ pramucyate || 41||

Verse 43

वन्ध्या कुमारं सूते चातीव प्रेमास्पदं स्थिरम् ।एवं रहस्यमनघं शतरुद्रमन्त्रजाप्याभिषेकनियमैः शिवपूजनेन ।तस्मै प्रसीदति सदा शशिखण्डमौलिराखण्डलाजहरिवन्दितपादपीठः ॥ ४३॥

vandhyā kumāraṃ sūte cātīva premāspadaṃ sthiram |evaṃ rahasyamanaghaṃ śatarudramantrajāpyābhiṣekaniyamaiḥ śivapūjanena |tasmai prasīdati sadā śaśikhaṇḍamaulirākhaṇḍalājaharivanditapādapīṭhaḥ || 43||

Verse 44

रुद्राध्यायजपानुरक्तहृदया रुद्राक्षभस्मादराजप्त्वा वाप्यषिच्य वा शशिमहाचूडोरुलिङ्गं सदा ।मूढो वाप्यथपण्डितो यतिवरो भूयाच्छिवाग्रेसरोविष्णुब्रह्ममरुद्गणार्चितपदो नन्दीशतुल्यो गणः ॥ ४४॥

rudrādhyāyajapānuraktahṛdayā rudrākṣabhasmādarājaptvā vāpyaṣicya vā śaśimahācūḍoruliṅgaṃ sadā |mūḍho vāpyathapaṇḍito yativaro bhūyācchivāgresaroviṣṇubrahmamarudgaṇārcitapado nandīśatulyo gaṇaḥ || 44||

Verse 144

॥ इति शिवरहस्यान्तर्गते ऋषिकश्यपप्रोक्तं रुद्राक्षमहिमावर्णनं सम्पूर्णम् ॥॥ श्रीशिवरहस्यम् । भीमाख्यः अष्टमांशः । अध्यायः १२ । १४४॥

|| iti śivarahasyāntargate ṛṣikaśyapaproktaṃ rudrākṣamahimāvarṇanaṃ sampūrṇam |||| śrīśivarahasyam | bhīmākhyaḥ aṣṭamāṃśaḥ | adhyāyaḥ 12 | 144||

Verse 45

– ॥ श्रीशिवरहस्यम् ।भीमाख्यः अष्टमांशः ।अध्यायः १२ ।१-४४॥

– || śrīśivarahasyam |bhīmākhyaḥ aṣṭamāṃśaḥ |adhyāyaḥ 12 | 1-44||

॥ इति रुद्रमन्त्रजपोपदेशम् सम्पूर्णम् ॥

Recitation complete

Read inside the frame. The rest of the page opens when you reach the end.

How many verses are in Muniproktam Rudramantrajapopadesham?

Muniproktam Rudramantrajapopadesham has 45 verses on this page, each shown with its number, Devanagari text and transliteration, and meaning where available.

Can I read Muniproktam Rudramantrajapopadesham in Telugu, Kannada or Tamil?

Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.

Is there a PDF of Muniproktam Rudramantrajapopadesham?

You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.

Learn Sanskrit

About Muniproktam Rudramantrajapopadesham

Muniproktam Rudramantrajapopadesham is a mantra, in Sanskrit (in Devanagari: रुद्रमन्त्रजपोपदेशम् (rudramantrajapopadeśam)). Source: Mantra.

Muniproktam Rudramantrajapopadesham (रुद्रमन्त्रजपोपदेशम्): mantras to Śiva. 45 verses in Sanskrit with Devanagari and IAST.

What you will find on this page

This page gives the original text in Devanagari and IAST transliteration.

Related

More mantras

A verse in your inbox, every morning

One verse, its meaning, and one word to learn. Two minutes a day.