मन्त्रात्मकश्लोकाः Mantratmaka Shlokas
mantrātmakaślokāḥ
Mantratmaka Shlokas (मन्त्रात्मकश्लोकाः): mantras to Dattātreya, by vAsudevAnandasarasvatI TembesvAmi. 13 verses in Sanskrit with Devanagari and IAST.
- Mantra
- Mantra
- Dattātreya
- Mantra
मन्त्रात्मकश्लोकाः
1 / 13
अनसूयात्रिसम्भूतो दत्तात्रेयो दिगम्बरः ।स्मर्तृगामी स्वभक्तानामुद्धर्ता भव सङ्कटात् ॥ १॥
anasūyātrisambhūto dattātreyo digambaraḥ |smartṛgāmī svabhaktānāmuddhartā bhava saṅkaṭāt || 1||
दरिद्रविप्रगेहे यः शाकं भुक्त्वोत्तमश्रियम् ।ददौ श्रीदत्तदेवः स दारिद्र्याच्छ्रीप्रदोऽवतु ॥ २॥
daridravipragehe yaḥ śākaṃ bhuktvottamaśriyam |dadau śrīdattadevaḥ sa dāridryācchrīprado'vatu || 2||
दूरीकृत्य पिशाचार्तिं जीवयित्वा मृतं सुतम् ।योऽभूदभीष्टदः पातु स नः सन्तानवृद्धिकृत् ॥ ३॥
dūrīkṛtya piśācārtiṃ jīvayitvā mṛtaṃ sutam |yo'bhūdabhīṣṭadaḥ pātu sa naḥ santānavṛddhikṛt || 3||
जीवयामास भर्तारं मृतं सत्या हि मृत्युहा ।मृत्युञ्जयः स योगीन्द्रः सौभाग्यं मे प्रयच्छतु ॥ ४॥
jīvayāmāsa bhartāraṃ mṛtaṃ satyā hi mṛtyuhā |mṛtyuñjayaḥ sa yogīndraḥ saubhāgyaṃ me prayacchatu || 4||
अत्रेरात्मप्रदानेन यो मुक्तो भगवानृणात् ।दत्तात्रेयं तमीशानं नमामि ऋणमुक्तये ॥ ५॥
atrerātmapradānena yo mukto bhagavānṛṇāt |dattātreyaṃ tamīśānaṃ namāmi ṛṇamuktaye || 5||
जपेच्छ्लोकमिमं देवपित्रर्षिपुन्नृणापहम् ।सोऽनृणो दत्तकृपया परम्ब्रह्माधिगच्छति ॥ ६॥
japecchlokamimaṃ devapitrarṣipunnṛṇāpaham |so'nṛṇo dattakṛpayā parambrahmādhigacchati || 6||
अत्रिपुत्रो महातेजो दत्तात्रेयो महामुनिः ।तस्य स्मरणमात्रेण सर्वपापैः प्रमुच्यते ॥ ७॥
atriputro mahātejo dattātreyo mahāmuniḥ |tasya smaraṇamātreṇa sarvapāpaiḥ pramucyate || 7||
नमस्ते भगवन्देव दत्तात्रेय जगत्प्रभो ।सर्वबाधाप्रशमनं कुरु शान्तिं प्रयच्छ मे ॥ ८॥
namaste bhagavandeva dattātreya jagatprabho |sarvabādhāpraśamanaṃ kuru śāntiṃ prayaccha me || 8||
अनसूयासुत श्रीश जनपातकनाशन ।दिगम्बरं नमो नित्यं तुभ्यं मे वरदो भव ॥ ९॥
anasūyāsuta śrīśa janapātakanāśana |digambaraṃ namo nityaṃ tubhyaṃ me varado bhava || 9||
श्रीविष्णोरवतारोऽयं दत्तात्रेयो दिगम्बरः ।मालाकमण्डलूच्छूलडमरूशङ्खचक्रधृक् ॥ १०॥
śrīviṣṇoravatāro'yaṃ dattātreyo digambaraḥ |mālākamaṇḍalūcchūlaḍamarūśaṅkhacakradhṛk || 10||
नमस्ते शारदे देवि सरस्वति मतिप्रदे ।वस त्वं मम जिह्वाग्रे सर्वविद्याप्रदा भव ॥ ११॥
namaste śārade devi sarasvati matiprade |vasa tvaṃ mama jihvāgre sarvavidyāpradā bhava || 11||
दत्तात्रेयं प्रपद्ये शरणमनुदिनं दीनबन्धुं मुकुन्दम् ॥नैर्गुण्यं सन्निविष्टं पथि परमपदं बोधयन्तं मुनीनाम् ॥भस्माभ्यङ्गं जटाभिः सुललितमुकुटं दिक्पटं दिव्यरूपंसह्याद्रौ नित्यवासं प्रमुदितममलं सद्गुरुं चारुशीलम् ॥ १२॥
dattātreyaṃ prapadye śaraṇamanudinaṃ dīnabandhuṃ mukundam ||nairguṇyaṃ sanniviṣṭaṃ pathi paramapadaṃ bodhayantaṃ munīnām ||bhasmābhyaṅgaṃ jaṭābhiḥ sulalitamukuṭaṃ dikpaṭaṃ divyarūpaṃsahyādrau nityavāsaṃ pramuditamamalaṃ sadguruṃ cāruśīlam || 12||
इति श्रीवासुदेवानन्दसरस्वतीविरचिताः मन्त्रश्लोकाः सम्पूर्णाः ।
iti śrīvāsudevānandasarasvatīviracitāḥ mantraślokāḥ sampūrṇāḥ |
॥ इति मन्त्रात्मकश्लोकाः सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Mantratmaka Shlokas?
Mantratmaka Shlokas has 13 verses on this page, each shown with its number, Devanagari text and transliteration, and meaning where available.
Can I read Mantratmaka Shlokas in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Mantratmaka Shlokas?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
Who composed Mantratmaka Shlokas?
vAsudevAnandasarasvatI TembesvAmi.
