New: Bhagavad Gītā 2.47 deep study with word-by-word grammar Open the verse

मन्त्रार्णमुक्तावली Mantrarnamuktavali

mantrārṇamuktāvalī

Mantrarnamuktavali (मन्त्रार्णमुक्तावली): mantras to Śiva, by Krishnananda Saraswati. 28 verses in Sanskrit with Devanagari and IAST.

मन्त्रार्णमुक्तावली

1 / 28

Verse 1

ॐ नमो भगवते दक्षिणामूर्तये मह्यं मेधां प्रज्ञां प्रयच्छ स्वाहा ।ॐकारसन्मणिसमुद्गनिधेय नित्यनीवीमयाय निगमान्तविदां मुनीनाम् ।आनन्दबोधघनमङ्गलविग्रहाय न्यग्रोधमूलनिलयाय नमःशिवाय ॥ १॥

oṃ namo bhagavate dakṣiṇāmūrtaye mahyaṃ medhāṃ prajñāṃ prayaccha svāhā |oṃkārasanmaṇisamudganidheya nityanīvīmayāya nigamāntavidāṃ munīnām |ānandabodhaghanamaṅgalavigrahāya nyagrodhamūlanilayāya namaḥśivāya || 1||

Verse 2

नक्षत्रनाथपरिपाटलचारुगात्रं मन्दस्मिताञ्चितमुखं स्वसुखालसाक्षम् ।चिन्मुद्रिकाकलित पुस्तक चिन्हपाणिं पश्याम्यपस्मृतिहरं हरमन्तरङ्गे ॥ २॥

nakṣatranāthaparipāṭalacārugātraṃ mandasmitāñcitamukhaṃ svasukhālasākṣam |cinmudrikākalita pustaka cinhapāṇiṃ paśyāmyapasmṛtiharaṃ haramantaraṅge || 2||

Verse 3

मोक्षाय मुक्तविषयैर्मुनिभिः पुराणैः श्रीदक्षिणाननमुपास्यमपास्य मन्दाः ।मोहो महानयमहो मुषिता हृषीकैर्यद्देवतान्तरमुपासितुमारभन्ते ॥ ३॥

mokṣāya muktaviṣayairmunibhiḥ purāṇaiḥ śrīdakṣiṇānanamupāsyamapāsya mandāḥ |moho mahānayamaho muṣitā hṛṣīkairyaddevatāntaramupāsitumārabhante || 3||

Verse 4

भव्यो भवस्सरहितादिभवप्रवाहे यस्मिन् पथि त्रयगमागमखेदखिन्नाः ।दिष्ट्या महापथिक विश्रमदिव्यवृक्षं देवं वटद्रुतटमङ्गलमाश्रयन्ते ॥ ४॥

bhavyo bhavassarahitādibhavapravāhe yasmin pathi trayagamāgamakhedakhinnāḥ |diṣṭyā mahāpathika viśramadivyavṛkṣaṃ devaṃ vaṭadrutaṭamaṅgalamāśrayante || 4||

Verse 5

गम्यं गिरामनिदमादिमसम्भवानामन्तेषु सन्ततसमाधिगतान्तरङ्गैः ।पारे तमः परचितं परयोगदृष्ट्या दिव्यं वटद्रुतटवासि महः प्रपद्ये ॥ ५॥

gamyaṃ girāmanidamādimasambhavānāmanteṣu santatasamādhigatāntaraṅgaiḥ |pāre tamaḥ paracitaṃ parayogadṛṣṭyā divyaṃ vaṭadrutaṭavāsi mahaḥ prapadye || 5||

Verse 6

वस्तामभावुकभरेरजिनं मृगाणामास्तामनाथवदधो वदभूरुहस्य ।आलम्बतामपि चिताभसिताङ्गरागमन्तस्तमेव शरणं मरणेऽपि कुर्वे ॥ ६॥

vastāmabhāvukabharerajinaṃ mṛgāṇāmāstāmanāthavadadho vadabhūruhasya |ālambatāmapi citābhasitāṅgarāgamantastameva śaraṇaṃ maraṇe'pi kurve || 6||

Verse 7

ते ते समस्त जगतामभिलोभनीया भावा भवन्तु हृदि मे चिरमाविरावीः ।तेजस्तदेव परमाश्रितवृक्षमूलमालम्बते हृदयमादृतयोधमुद्रम् ॥ ७॥

te te samasta jagatāmabhilobhanīyā bhāvā bhavantu hṛdi me ciramāvirāvīḥ |tejastadeva paramāśritavṛkṣamūlamālambate hṛdayamādṛtayodhamudram || 7||

Verse 8

दत्ते स्वयं सघनदत्वमुदारभोगं वागीश्वरत्वमपि वाञ्छितमोक्षलक्ष्मीम् ।यस्य स्मृतौ सकृदपस्मृतिहारि तेजो जागर्ति हृत्तिमिरमण्डलचण्डभानुः ॥ ८॥

datte svayaṃ saghanadatvamudārabhogaṃ vāgīśvaratvamapi vāñchitamokṣalakṣmīm |yasya smṛtau sakṛdapasmṛtihāri tejo jāgarti hṛttimiramaṇḍalacaṇḍabhānuḥ || 8||

Verse 9

क्षिप्रं क्षिणोतु दुरितं मम दक्षिणास्यं क्षीणाघतापसपचेलिमभागधेयम् ।ज्योतिर्यदान्तरतमं वटवृक्षमूले क्षेमाय दीक्षितमुदीक्षितमात्तपुण्यैः ॥ ९॥

kṣipraṃ kṣiṇotu duritaṃ mama dakṣiṇāsyaṃ kṣīṇāghatāpasapacelimabhāgadheyam |jyotiryadāntaratamaṃ vaṭavṛkṣamūle kṣemāya dīkṣitamudīkṣitamāttapuṇyaiḥ || 9||

Verse 10

णाविष्टवत्प्रकृतिकार्यमिति ब्रुवाणा यन्नामवर्णगुणगन्ध्यपि पाणिनीयाः ।विद्याविशारदगणेषु गणेयरूपास्तं दक्षिणाननगुरुं गुणयामि चित्ते ॥ १०॥

ṇāviṣṭavatprakṛtikāryamiti bruvāṇā yannāmavarṇaguṇagandhyapi pāṇinīyāḥ |vidyāviśāradagaṇeṣu gaṇeyarūpāstaṃ dakṣiṇānanaguruṃ guṇayāmi citte || 10||

Verse 11

मूर्च्छाकुलस्य मुहुरेव भवाधिदावज्वालावलीसमवलीढसुधी कुलस्य ।आर्तेरपाकरणमाश्वसनीयमास्ते मूर्तं महः किमपि मूलतटे वटद्रोः ॥ ११॥

mūrcchākulasya muhureva bhavādhidāvajvālāvalīsamavalīḍhasudhī kulasya |ārterapākaraṇamāśvasanīyamāste mūrtaṃ mahaḥ kimapi mūlataṭe vaṭadroḥ || 11||

Verse 12

तप्तं तपः परमतीतभवान्तरेषु दत्तं च वित्तमभिगम्य महत्तमेभ्यः ।आराधिता गुरुजना यदधो वटद्रोरीक्षे महः किमपि मङ्गलदायि साक्षात् ॥ १२॥

taptaṃ tapaḥ paramatītabhavāntareṣu dattaṃ ca vittamabhigamya mahattamebhyaḥ |ārādhitā gurujanā yadadho vaṭadrorīkṣe mahaḥ kimapi maṅgaladāyi sākṣāt || 12||

Verse 13

ये केचिदाजनिजडा अपि चैडमूका मूकाश्च केवलममी यमनुस्मरन्तः ।चूडापदेषु विदुषामपि वावदूका दीव्यन्ति दिव्यगुरुदेशिकमेनमीडे ॥ १३॥

ye kecidājanijaḍā api caiḍamūkā mūkāśca kevalamamī yamanusmarantaḥ |cūḍāpadeṣu viduṣāmapi vāvadūkā dīvyanti divyagurudeśikamenamīḍe || 13||

Verse 14

मन्दाक्षमन्थरदृशा शिवयासिताङ्कं मन्दाकिनीपृषतमञ्जुजटाकलापम् ।चिन्मुद्रिकाक्षगुणपुस्तककुण्डिकाढ्यं श्रीदक्षिणाभिमुखमादिगुरुं भजामः ॥ १४॥

mandākṣamantharadṛśā śivayāsitāṅkaṃ mandākinīpṛṣatamañjujaṭākalāpam |cinmudrikākṣaguṇapustakakuṇḍikāḍhyaṃ śrīdakṣiṇābhimukhamādiguruṃ bhajāmaḥ || 14||

Verse 15

ह्यन्ते वसन्ति मुनयो हितदेशनार्था मौनं विभर्ति मुहुरादिमदेशिकोऽपि ।पश्यन्त्यथापि परतत्वममुन्तु मन्ये साक्षात्कृते नहि भवत्युपदेशकाङ्क्षा ॥ १५।

hyante vasanti munayo hitadeśanārthā maunaṃ vibharti muhurādimadeśiko'pi |paśyantyathāpi paratatvamamuntu manye sākṣātkṛte nahi bhavatyupadeśakāṅkṣā || 15|

Verse 16

मेधाविनोऽपि वसु मे वसनादिकं मे क्षेत्राणि मे क्षितिरियं सकलैव वेति ।मे मे गिराजसमजोपमिता वटद्रुवास्तव्यवस्तुविवशा मम शोचनीयाः ॥ १६॥

medhāvino'pi vasu me vasanādikaṃ me kṣetrāṇi me kṣitiriyaṃ sakalaiva veti |me me girājasamajopamitā vaṭadruvāstavyavastuvivaśā mama śocanīyāḥ || 16||

Verse 17

धाम्ना कदापि हृदयं सदयन्तु तस्मिन् धातास्तु वा शतमखो धनदो गुरुर्वा ।आराध्यमादिगुरुमादरते वटद्रुमूलालयं यदि न मूढमतिर्नमस्यन् ॥ १७॥

dhāmnā kadāpi hṛdayaṃ sadayantu tasmin dhātāstu vā śatamakho dhanado gururvā |ārādhyamādigurumādarate vaṭadrumūlālayaṃ yadi na mūḍhamatirnamasyan || 17||

Verse 18

प्रत्यक्षमाकलयत प्रतिभां पुरस्तादस्ताधिभिर्मुनिभिरन्तरुपासनीयाम् ।छायामयन्तिमिरमच्छतनुप्रकाशैरातन्वतीं वटतरोस्तरुतानुमेयाम् ॥ १८॥

pratyakṣamākalayata pratibhāṃ purastādastādhibhirmunibhirantarupāsanīyām |chāyāmayantimiramacchatanuprakāśairātanvatīṃ vaṭatarostarutānumeyām || 18||

Verse 19

ज्ञान्तानि कार्यकरणानि विविच्य विज्ञैर्यज्ज्ञानयोगनिरतैर्यतिभिर्विचेयम् ।ज्योतिः परं किमपि तद्वटवृक्षमूले वीक्षध्वमक्षिजडिमक्षिपमात्तदेहम् ॥ १९॥

jñāntāni kāryakaraṇāni vivicya vijñairyajjñānayoganiratairyatibhirviceyam |jyotiḥ paraṃ kimapi tadvaṭavṛkṣamūle vīkṣadhvamakṣijaḍimakṣipamāttadeham || 19||

Verse 20

प्रत्यर्चनीयकुशला मम ते शुकाद्याश्शाखासु येऽपि बहुपादुरुपादपस्य ।चाचंयमं कमपि वासितबोधमुद्रमासाद्य सत्सदसि देशिकतां भजन्ते ॥ २०॥

pratyarcanīyakuśalā mama te śukādyāśśākhāsu ye'pi bahupādurupādapasya |cācaṃyamaṃ kamapi vāsitabodhamudramāsādya satsadasi deśikatāṃ bhajante || 20||

Verse 21

यत्सम्भवो यमवतामुचितान्ववाये यच्चापि सद्गुरुपदाब्जपरागसेवा ।यच्चाप्यपस्मृतिहरस्य हरस्य विद्या सर्वं तदन्यभवसञ्चितभागधेयम् ॥ २१॥

yatsambhavo yamavatāmucitānvavāye yaccāpi sadgurupadābjaparāgasevā |yaccāpyapasmṛtiharasya harasya vidyā sarvaṃ tadanyabhavasañcitabhāgadheyam || 21||

Verse 22

छन्दो ममेति बहुपादपि सम्भवेयं यो दक्षिणाननगुरोरुपसंश्रयेण ।मौनावलम्बमतिलम्बिजटाकलापमासेवितं शुकमुखैरुपयामि साम्यम् ॥ २२॥

chando mameti bahupādapi sambhaveyaṃ yo dakṣiṇānanagurorupasaṃśrayeṇa |maunāvalambamatilambijaṭākalāpamāsevitaṃ śukamukhairupayāmi sāmyam || 22||

Verse 23

स्वाराज्यमस्तु दिवि वा दिविषन्निषेव्यं याम्या भवन्तु निरये मम यातना वा ।क्रव्यादभव्यमपि वा विपिने मृगत्वं स्मेराननं यदि मनः स्मरति स्मरारिम् ॥ २३॥

svārājyamastu divi vā diviṣanniṣevyaṃ yāmyā bhavantu niraye mama yātanā vā |kravyādabhavyamapi vā vipine mṛgatvaṃ smerānanaṃ yadi manaḥ smarati smarārim || 23||

Verse 24

हा हान्त पश्यत समेत वटद्रुमूले मोहं नुदत्किमपि वस्तु मुनीन्द्रगुह्यम् ।चक्षुः शुचं प्रशमयच्चरणाभिभूतापस्मारमस्ति बहुविस्मयनीयशीलम् ॥ २४॥

hā hānta paśyata sameta vaṭadrumūle mohaṃ nudatkimapi vastu munīndraguhyam |cakṣuḥ śucaṃ praśamayaccaraṇābhibhūtāpasmāramasti bahuvismayanīyaśīlam || 24||

Verse 25

ओङ्कारध्वनिवासनामुपनिषद्द्योसल्लतावल्लरींहार्दव्योमसमुद्यदिन्दुकलिकामन्तर्निशाहर्दशाम् ।न्यग्रोधद्रुममूलनित्यनिलयामेकामनाकालिकीमच्छाभां प्रतिभां विभावयत तामन्तर्दृगुद्दीपिनीम् ॥ २५॥

oṅkāradhvanivāsanāmupaniṣaddyosallatāvallarīṃhārdavyomasamudyadindukalikāmantarniśāhardaśām |nyagrodhadrumamūlanityanilayāmekāmanākālikīmacchābhāṃ pratibhāṃ vibhāvayata tāmantardṛguddīpinīm || 25||

Verse 26

इत्येषा विहिता विमोक्षपदवीदीक्षागुरोर्दक्षिणामूर्तेरार्तजनावनव्यसनिनो मन्त्रार्णमुक्तावली ।आकल्पं सुधियामनल्पसुषुमा कण्ठेषु कल्प्या सदाविद्यामुक्तिवधूस्वयंवरविधौ माङ्गल्यमालायिता ॥ २६॥

ityeṣā vihitā vimokṣapadavīdīkṣāgurordakṣiṇāmūrterārtajanāvanavyasanino mantrārṇamuktāvalī |ākalpaṃ sudhiyāmanalpasuṣumā kaṇṭheṣu kalpyā sadāvidyāmuktivadhūsvayaṃvaravidhau māṅgalyamālāyitā || 26||

Verse 27

श्रीरामभद्रयोगीन्द्रचरणाम्बुजरेणुना ।कृष्णानन्देन मन्त्रार्णमुक्तावलिरियं कृता ॥ २७॥

śrīrāmabhadrayogīndracaraṇāmbujareṇunā |kṛṣṇānandena mantrārṇamuktāvaliriyaṃ kṛtā || 27||

Verse 28

इति मन्त्रार्णमुक्तावली समाप्ता ॥

iti mantrārṇamuktāvalī samāptā ||

॥ इति मन्त्रार्णमुक्तावली सम्पूर्णम् ॥

Recitation complete

Read inside the frame. The rest of the page opens when you reach the end.

How many verses are in Mantrarnamuktavali?

Mantrarnamuktavali has 28 verses on this page, each shown with its number, Devanagari text and transliteration, and meaning where available.

Can I read Mantrarnamuktavali in Telugu, Kannada or Tamil?

Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.

Is there a PDF of Mantrarnamuktavali?

You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.

Who composed Mantrarnamuktavali?

Krishnananda Saraswati.

Learn Sanskrit

About Mantrarnamuktavali

Mantrarnamuktavali is a mantra, in Sanskrit (in Devanagari: मन्त्रार्णमुक्तावली (mantrārṇamuktāvalī)). Krishnananda Saraswati. Source: Mantra.

Mantrarnamuktavali (मन्त्रार्णमुक्तावली): mantras to Śiva, by Krishnananda Saraswati. 28 verses in Sanskrit with Devanagari and IAST.

What you will find on this page

This page gives the original text in Devanagari and IAST transliteration.

Related

More mantras

A verse in your inbox, every morning

One verse, its meaning, and one word to learn. Two minutes a day.