New: Bhagavad Gītā 2.47 deep study with word-by-word grammar Open the verse

मन्त्रराजस्तोत्रम् अथवा शिवस्तोत्रम् Mantrarajastotra from Brahmavaivarta Purana

mantrarājastotram athavā śivastotram

Mantrarajastotra from Brahmavaivarta Purana (मन्त्रराजस्तोत्रम् अथवा शिवस्तोत्रम्): mantras to Śiva, from the brahmavaivartapurāṇa. 26 verses in Sanskrit with Devanagari and IAST.

  • Mantra
  • Mantra
  • Śiva
  • brahmavaivartapurāṇa

मन्त्रराजस्तोत्रम् अथवा शिवस्तोत्रम्

1 / 26

Verse 55

ब्रह्मवैवर्तपुराणान्तर्गतम् ।सौतिरुवाच ।इदं च कवचं प्रोक्तं स्तोत्रं च शृणु शौनक ।मन्त्रराजः कल्पतरुर्वसिष्ठो दत्तवान् पुरा ॥ ५५॥

brahmavaivartapurāṇāntargatam |sautiruvāca |idaṃ ca kavacaṃ proktaṃ stotraṃ ca śṛṇu śaunaka |mantrarājaḥ kalpatarurvasiṣṭho dattavān purā || 55||

Verse 56

ॐ नमः शिवाय ।बाणासुर उवाच ।वन्दे सुरणां सारं च सुरेशं नीललोहितम् ।योगीश्वरं योगबीजं योगिनां च गुरोर्गुरुम् ॥ ५६॥

oṃ namaḥ śivāya |bāṇāsura uvāca |vande suraṇāṃ sāraṃ ca sureśaṃ nīlalohitam |yogīśvaraṃ yogabījaṃ yogināṃ ca gurorgurum || 56||

Verse 57

ज्ञानानन्दं ज्ञानरूपं ज्ञानबीजं सनातनम् ।तपसां फलदातारं दातारं सर्वसम्पदाम् ॥ ५७॥

jñānānandaṃ jñānarūpaṃ jñānabījaṃ sanātanam |tapasāṃ phaladātāraṃ dātāraṃ sarvasampadām || 57||

Verse 58

तपोरूपं तपोबीजं तपोधनधनं वरम् ।वरं वरेण्यं वरदमीड्यं सिद्धगणैर्वरैः ॥ ५८॥

taporūpaṃ tapobījaṃ tapodhanadhanaṃ varam |varaṃ vareṇyaṃ varadamīḍyaṃ siddhagaṇairvaraiḥ || 58||

Verse 59

कारणं भुक्तिमुक्तीनां नरकार्णवतारणम् ।आशुतोषं प्रसन्नास्यं करुणामयसागरम् ॥ ५९॥

kāraṇaṃ bhuktimuktīnāṃ narakārṇavatāraṇam |āśutoṣaṃ prasannāsyaṃ karuṇāmayasāgaram || 59||

Verse 60

हिमचन्दनकुन्देन्दुकुमुदाम्भोजसन्निभम् ।ब्रह्मज्योतिस्वरूपं च भक्तानुग्रहविग्रहम् ॥ ६०॥

himacandanakundendukumudāmbhojasannibham |brahmajyotisvarūpaṃ ca bhaktānugrahavigraham || 60||

Verse 61

विषयाणां विभेदेन बिभ्रन्तं बहुरूपकम् ।जलरूपमग्निरूपमाकाशरूपमीश्वरम् ॥ ६१॥

viṣayāṇāṃ vibhedena bibhrantaṃ bahurūpakam |jalarūpamagnirūpamākāśarūpamīśvaram || 61||

Verse 62

वायुरूपं चन्द्ररूपं सूर्यरूपं महत्प्रभुम् ।आत्मनः स्वपदं दातुं समर्थमवलीलया ॥ ६२॥

vāyurūpaṃ candrarūpaṃ sūryarūpaṃ mahatprabhum |ātmanaḥ svapadaṃ dātuṃ samarthamavalīlayā || 62||

Verse 63

भक्तजीवनमीशं च भक्तानुग्रहकारकम् ।वेदा न शक्ता यं स्तोतुं किमहं स्तौमि तं प्रभुम् ॥ ६३॥

bhaktajīvanamīśaṃ ca bhaktānugrahakārakam |vedā na śaktā yaṃ stotuṃ kimahaṃ staumi taṃ prabhum || 63||

Verse 64

अपरिच्छिन्नमीशानमहो वाङ्मनसोः परम् ।व्याघ्रचर्माम्बरधरं वृषभस्थं दिगम्बरम् ॥ ६४॥

aparicchinnamīśānamaho vāṅmanasoḥ param |vyāghracarmāmbaradharaṃ vṛṣabhasthaṃ digambaram || 64||

Verse 65

त्रिशूलपट्टिशधरं सम्मितं चन्द्रशेखरम् ।इत्युक्त्वा स्तवराजेन नित्यं बाणः सुसंयतः ॥ ६५॥

triśūlapaṭṭiśadharaṃ sammitaṃ candraśekharam |ityuktvā stavarājena nityaṃ bāṇaḥ susaṃyataḥ || 65||

Verse 66

प्रणमत् शङ्करं भक्त्या दुर्वासाश्च मुनीश्वरः ।इदं दत्तं वसिष्ठेन गन्धर्वाय पुरा मुने ॥ ६६॥

praṇamat śaṅkaraṃ bhaktyā durvāsāśca munīśvaraḥ |idaṃ dattaṃ vasiṣṭhena gandharvāya purā mune || 66||

Verse 67

कथितं च महास्तोत्रं शूलिनः परमाद्भुतम् ।इदं स्तोत्रं महापुण्यं पठेद्भक्त्या च यो नरः ॥ ६७॥

kathitaṃ ca mahāstotraṃ śūlinaḥ paramādbhutam |idaṃ stotraṃ mahāpuṇyaṃ paṭhedbhaktyā ca yo naraḥ || 67||

Verse 68

स्नानस्य सर्वतीर्थानां फलमाप्नोति निश्चितम् ।अपुत्रो लभते पुत्रं वर्षमेकं शृणोति यः ॥ ६८॥

snānasya sarvatīrthānāṃ phalamāpnoti niścitam |aputro labhate putraṃ varṣamekaṃ śṛṇoti yaḥ || 68||

Verse 69

संयतश्च हविष्याशी प्रणम्य शङ्करं गुरुम् ।गलत्कुष्ठी महाशूली वर्षमेकं शृणोति यः ॥ ६९॥

saṃyataśca haviṣyāśī praṇamya śaṅkaraṃ gurum |galatkuṣṭhī mahāśūlī varṣamekaṃ śṛṇoti yaḥ || 69||

Verse 71

अवश्यं मुच्यते रोगात् व्यासवाक्यमिति श्रुतम् ।कारागारेऽपि बद्धो यो नैव प्राप्नोति निर्वृतिम् ।स्तोत्रं श्रुत्वा मासमेकं मुच्यते बन्धनात् ध्रुवम् ॥ ७१॥

avaśyaṃ mucyate rogāt vyāsavākyamiti śrutam |kārāgāre'pi baddho yo naiva prāpnoti nirvṛtim |stotraṃ śrutvā māsamekaṃ mucyate bandhanāt dhruvam || 71||

Verse 72

भ्रष्टराज्यो लभेद्राज्यं भक्त्या मासं शृणोति यः ।मासं श्रुत्वा संयतश्च लभेद्भ्रष्टधनो धनम् ॥ ७२॥

bhraṣṭarājyo labhedrājyaṃ bhaktyā māsaṃ śṛṇoti yaḥ |māsaṃ śrutvā saṃyataśca labhedbhraṣṭadhano dhanam || 72||

Verse 73

यक्ष्मग्रस्तो वर्षमेकमास्थिको यः शृणोति चेत् ।निश्चितं मुच्यते रोगात् शङ्करस्य प्रसादतः ॥ ७३॥

yakṣmagrasto varṣamekamāsthiko yaḥ śṛṇoti cet |niścitaṃ mucyate rogāt śaṅkarasya prasādataḥ || 73||

Verse 74

यः शृणोति सदा भक्त्या स्तवराजमिदं द्विज ।तस्यासाध्यं त्रिभुवने नास्ति किञ्चिच्च शौनक ॥ ७४॥

yaḥ śṛṇoti sadā bhaktyā stavarājamidaṃ dvija |tasyāsādhyaṃ tribhuvane nāsti kiñcicca śaunaka || 74||

Verse 75

कदाचिद्बन्धुविच्छेदो न भवेत् तस्य भारते ।अचलं परमैश्वर्यं लभते नात्र संशयः ॥ ७५॥

kadācidbandhuvicchedo na bhavet tasya bhārate |acalaṃ paramaiśvaryaṃ labhate nātra saṃśayaḥ || 75||

Verse 76

सुसंयतोऽतिभक्त्या च मासमेकं शृणोति यः ।अभार्यो लभते भार्यां सुविनीतां सतीं रमाम् ॥ ७६॥

susaṃyato'tibhaktyā ca māsamekaṃ śṛṇoti yaḥ |abhāryo labhate bhāryāṃ suvinītāṃ satīṃ ramām || 76||

Verse 77

महामूर्खश्च दुर्मेधा मासमेकं शृणोति यः ।बुद्धिं विद्यां च लभते गुरूपदेशमात्रतः ॥ ७७॥

mahāmūrkhaśca durmedhā māsamekaṃ śṛṇoti yaḥ |buddhiṃ vidyāṃ ca labhate gurūpadeśamātrataḥ || 77||

Verse 78

कर्मदुःखी दरिद्रश्च मासं भक्त्या शृणोति यः ।ध्रुवं वित्तं भवेत् तस्य शङ्करस्य प्रसादतः ॥ ७८॥

karmaduḥkhī daridraśca māsaṃ bhaktyā śṛṇoti yaḥ |dhruvaṃ vittaṃ bhavet tasya śaṅkarasya prasādataḥ || 78||

Verse 79

इह लोके सुखं भुक्त्वा कृत्वा कीर्तिं सुदुर्लभाम् ।नानाप्रकारधर्मं च यात्यन्ते शङ्करालयम् ॥ ७९॥

iha loke sukhaṃ bhuktvā kṛtvā kīrtiṃ sudurlabhām |nānāprakāradharmaṃ ca yātyante śaṅkarālayam || 79||

Verse 80

पार्षदप्रवरो भूत्वा सेवते तत्र शङ्करम् ।यः शृणोति त्रिसन्ध्यं च नित्यं स्तोत्रमनुत्तमम् ॥ ८०॥

pārṣadapravaro bhūtvā sevate tatra śaṅkaram |yaḥ śṛṇoti trisandhyaṃ ca nityaṃ stotramanuttamam || 80||

Verse 26

इति श्रीब्रह्मवैवर्ते महापुराणे ब्रह्मखण्डे सौतिशौनकसंवादेस्तवराजोऽयमूनविंशोऽध्यायः ॥ब्रह्मवैवर्तपुराण ब्रह्मखण्डं अध्याय १९ श्लोक ५५-८०

iti śrībrahmavaivarte mahāpurāṇe brahmakhaṇḍe sautiśaunakasaṃvādestavarājo'yamūnaviṃśo'dhyāyaḥ ||brahmavaivartapurāṇa brahmakhaṇḍaṃ adhyāya 19 śloka 55-80

॥ इति मन्त्रराजस्तोत्रम् अथवा शिवस्तोत्रम् सम्पूर्णम् ॥

Recitation complete

Read inside the frame. The rest of the page opens when you reach the end.

How many verses are in Mantrarajastotra from Brahmavaivarta Purana?

Mantrarajastotra from Brahmavaivarta Purana has 26 verses on this page, each shown with its number, Devanagari text and transliteration, and meaning where available.

Can I read Mantrarajastotra from Brahmavaivarta Purana in Telugu, Kannada or Tamil?

Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.

Is there a PDF of Mantrarajastotra from Brahmavaivarta Purana?

You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.

Learn Sanskrit

About Mantrarajastotra from Brahmavaivarta Purana

Mantrarajastotra from Brahmavaivarta Purana is a mantra, in Sanskrit (in Devanagari: मन्त्रराजस्तोत्रम् अथवा शिवस्तोत्रम् (mantrarājastotram athavā śivastotram)). Source: brahmavaivartapurāṇa.

Mantrarajastotra from Brahmavaivarta Purana (मन्त्रराजस्तोत्रम् अथवा शिवस्तोत्रम्): mantras to Śiva, from the brahmavaivartapurāṇa. 26 verses in Sanskrit with Devanagari and IAST.

What you will find on this page

This page gives the original text in Devanagari and IAST transliteration.

Related

More mantras

A verse in your inbox, every morning

One verse, its meaning, and one word to learn. Two minutes a day.