शिवषडक्षरमन्त्रमाहात्म्यम् Ishvaraproktam Shivashadaksharamantramahatmyam
śivaṣaḍakṣaramantramāhātmyam
Ishvaraproktam Shivashadaksharamantramahatmyam (शिवषडक्षरमन्त्रमाहात्म्यम्): mantras to Śiva. 39 verses in Sanskrit with Devanagari and IAST.
- Mantra
- Mantra
- Śiva
- Mantra
शिवषडक्षरमन्त्रमाहात्म्यम्
1 / 39
(शिवरहस्यान्तर्गते ईश्वराख्ये)शिवपार्वतीसंवादेईश्वर उवाच ।पञ्चाक्षरस्य माहात्म्यं कल्पकोटिशतैरपि ।न शक्यं विस्तराद्वक्तुं तस्मात्सङ्क्षेपतः शृणु ॥ ६॥
(śivarahasyāntargate īśvarākhye)śivapārvatīsaṃvādeīśvara uvāca |pañcākṣarasya māhātmyaṃ kalpakoṭiśatairapi |na śakyaṃ vistarādvaktuṃ tasmātsaṅkṣepataḥ śṛṇu || 6||
वेदे शिवागमे चायं उभयत्र षडक्षरः ।मन्त्रस्थितः सदा मुख्यो लोके पञ्चाक्षरः स्मृतः ॥ ७॥
vede śivāgame cāyaṃ ubhayatra ṣaḍakṣaraḥ |mantrasthitaḥ sadā mukhyo loke pañcākṣaraḥ smṛtaḥ || 7||
सर्वमन्त्राधिकश्चायमोङ्काराद्यः षडक्षरः ।सर्वेषां शिवभक्तानामशेषार्थप्रसाधकः ॥ ८॥
sarvamantrādhikaścāyamoṅkārādyaḥ ṣaḍakṣaraḥ |sarveṣāṃ śivabhaktānāmaśeṣārthaprasādhakaḥ || 8||
तदल्पाक्षरमर्थाढ्यं वेदसारं विमुक्तिदम् ।आज्ञासिद्धमसन्दिग्धं वाक्यमेतच्छिवात्मकम् ॥ ९॥
tadalpākṣaramarthāḍhyaṃ vedasāraṃ vimuktidam |ājñāsiddhamasandigdhaṃ vākyametacchivātmakam || 9||
नानासिद्धियुतं दिव्यं लोकचित्तानुञ्जनम् ।सुनिश्चितार्थगम्भीरं वाक्यं तत्पारमेश्वरम् ॥ १०॥
nānāsiddhiyutaṃ divyaṃ lokacittānuñjanam |suniścitārthagambhīraṃ vākyaṃ tatpārameśvaram || 10||
मन्त्रं सुखमुखोच्चार्यमशेषार्थप्रसिद्धये ।प्राहोन्नमः शिवायेति सर्वज्ञः सर्वदेहिनाम् ॥ ११॥
mantraṃ sukhamukhoccāryamaśeṣārthaprasiddhaye |prāhonnamaḥ śivāyeti sarvajñaḥ sarvadehinām || 11||
तद्बीजं सर्वविद्यानां मन्त्रमाद्यं षडक्षरम् ।अतिसूक्ष्ममहार्थं च ज्ञेयं तद्वटबीजवत् ॥ १२॥
tadbījaṃ sarvavidyānāṃ mantramādyaṃ ṣaḍakṣaram |atisūkṣmamahārthaṃ ca jñeyaṃ tadvaṭabījavat || 12||
देवो गुणत्रयातीतः सर्वज्ञः सर्वकृत् प्रभुः ।ओमित्येकाक्षरे मन्त्रे स्थितः सर्वगतः शिवः ॥ १३॥
devo guṇatrayātītaḥ sarvajñaḥ sarvakṛt prabhuḥ |omityekākṣare mantre sthitaḥ sarvagataḥ śivaḥ || 13||
ईशानाद्यानि सूक्ष्माणि ब्रह्माण्येकाक्षरेण च ।मन्त्रे ॐ नमः शिवायेति सुस्थितो नियतः क्रमः ॥ १४॥
īśānādyāni sūkṣmāṇi brahmāṇyekākṣareṇa ca |mantre oṃ namaḥ śivāyeti susthito niyataḥ kramaḥ || 14||
मन्त्रे षडक्षरे सूक्ष्मः पञ्चब्रह्मतनुः शिवः ।वाच्यवाचकभावेन स्थितः साक्षात्स्वभावतः ॥ १५॥
mantre ṣaḍakṣare sūkṣmaḥ pañcabrahmatanuḥ śivaḥ |vācyavācakabhāvena sthitaḥ sākṣātsvabhāvataḥ || 15||
वाच्यः शिवः प्रमेयः स्यात् मन्त्रस्तद्वाचकः स्मृतः ।वाच्यवाचकभावोऽयमनादिः सुस्थितस्तयोः ॥ १६॥
vācyaḥ śivaḥ prameyaḥ syāt mantrastadvācakaḥ smṛtaḥ |vācyavācakabhāvo'yamanādiḥ susthitastayoḥ || 16||
यथानादिप्रवृत्तोऽयं घोरः संसारसागरः ।शिवोऽपि हि तथाऽनादिः संसारान्मोचकः स्थितः ॥ १७॥
yathānādipravṛtto'yaṃ ghoraḥ saṃsārasāgaraḥ |śivo'pi hi tathā'nādiḥ saṃsārānmocakaḥ sthitaḥ || 17||
व्याधीनां भेषजं यद्वत् प्रतिपक्षस्वभावतः ।तद्वत्संसारदोषाणां प्रतिपक्षः स्थितः शिवः ॥ १८॥
vyādhīnāṃ bheṣajaṃ yadvat pratipakṣasvabhāvataḥ |tadvatsaṃsāradoṣāṇāṃ pratipakṣaḥ sthitaḥ śivaḥ || 18||
असत्यस्मिन् जगन्नाथे तमोभूतमिदं भवेत् ।आदित्येन यथा हीनं निरालोकमिदं जगत् ॥ १९॥
asatyasmin jagannāthe tamobhūtamidaṃ bhavet |ādityena yathā hīnaṃ nirālokamidaṃ jagat || 19||
अभावे हीश्वरस्येयं जगत्सृष्टिः कथं भवेत् ।अचेतनत्वात्प्रकृतेरज्ञत्वादीश्वरस्य च ॥ २०॥
abhāve hīśvarasyeyaṃ jagatsṛṣṭiḥ kathaṃ bhavet |acetanatvātprakṛterajñatvādīśvarasya ca || 20||
प्रधानपरमाण्वादि यावत्किञ्चिदचेतनम् ।मत्कर्तृत्वं स्वयं दृष्टं बुद्धिमत्करणं विना ॥ २१॥
pradhānaparamāṇvādi yāvatkiñcidacetanam |matkartṛtvaṃ svayaṃ dṛṣṭaṃ buddhimatkaraṇaṃ vinā || 21||
धर्माधर्मोपदेशश्च बन्धमोक्षविचारणा ।न सार्वज्ञ्यं विना पुंसां आदिसर्गे प्रसिध्यति ॥ २२॥
dharmādharmopadeśaśca bandhamokṣavicāraṇā |na sārvajñyaṃ vinā puṃsāṃ ādisarge prasidhyati || 22||
वैद्यं विना निरानन्दाः क्लिश्यन्ते रोगिणो यथा ।शिवं विना निरानन्दं क्लिश्यते हि जगत्तथा ॥ २३॥
vaidyaṃ vinā nirānandāḥ kliśyante rogiṇo yathā |śivaṃ vinā nirānandaṃ kliśyate hi jagattathā || 23||
तस्मादनादिः सर्वज्ञः परिपूर्णः सदाशिवः ।अस्ति नाथः परित्राता पुंसां संसारसागरात् ॥ २४॥
tasmādanādiḥ sarvajñaḥ paripūrṇaḥ sadāśivaḥ |asti nāthaḥ paritrātā puṃsāṃ saṃsārasāgarāt || 24||
आदिमध्यान्तनिर्मुक्तः स्वभावविमलः प्रभुः ।सर्वज्ञः परिपूर्णश्च शिवो ज्ञेयः शिवागमे ॥ २५॥
ādimadhyāntanirmuktaḥ svabhāvavimalaḥ prabhuḥ |sarvajñaḥ paripūrṇaśca śivo jñeyaḥ śivāgame || 25||
तस्याभिधानमन्त्रोऽयमभिधेयः ततः स्मृतः ।अभिधानाभिधेयत्वान्मन्त्रार्थः परमः शिवः ॥ २६॥
tasyābhidhānamantro'yamabhidheyaḥ tataḥ smṛtaḥ |abhidhānābhidheyatvānmantrārthaḥ paramaḥ śivaḥ || 26||
एतावद्धि शिवज्ञानं एतावद्धि परं पदम् ।तदोन्नमः शिवायेति शिववाक्यं षडक्षरम् ॥ २७॥
etāvaddhi śivajñānaṃ etāvaddhi paraṃ padam |tadonnamaḥ śivāyeti śivavākyaṃ ṣaḍakṣaram || 27||
विधिवाक्यमिदं शैवं नार्थवादः शिवात्मकम् ।यः सर्वज्ञः सुसम्पूर्णः स्वभावविमलः शिवः ॥ २८॥
vidhivākyamidaṃ śaivaṃ nārthavādaḥ śivātmakam |yaḥ sarvajñaḥ susampūrṇaḥ svabhāvavimalaḥ śivaḥ || 28||
लोकानुग्रहकर्ता यः स मृषार्थः कथं भवेत् ।यद्यथाऽवस्थितं वस्तु गुणदोषैःस्वभावतः ॥ २९॥
lokānugrahakartā yaḥ sa mṛṣārthaḥ kathaṃ bhavet |yadyathā'vasthitaṃ vastu guṇadoṣaiḥsvabhāvataḥ || 29||
यावत्फलं च यत्पुण्यं सर्वज्ञत्वं तथा भवेत् ।राजा गानादिभिर्दोषैर्ग्रस्तत्वादनृतं वदेत् ॥ ३०॥
yāvatphalaṃ ca yatpuṇyaṃ sarvajñatvaṃ tathā bhavet |rājā gānādibhirdoṣairgrastatvādanṛtaṃ vadet || 30||
ते चेश्वरे न विद्यन्ते ब्रूयात्स कथमन्यथा ।अजाताशेषदोषेण सर्वज्ञेन शिवेन यत् ॥ ३१॥
te ceśvare na vidyante brūyātsa kathamanyathā |ajātāśeṣadoṣeṇa sarvajñena śivena yat || 31||
प्रणीतममलं वाक्यं तत्प्रमाणं न संशयः ।तस्मादीश्वरवाक्यानि श्रद्धेयानि विपश्चिता ॥ ३२॥
praṇītamamalaṃ vākyaṃ tatpramāṇaṃ na saṃśayaḥ |tasmādīśvaravākyāni śraddheyāni vipaścitā || 32||
यथार्थं पुण्यपापेषु तदश्रद्धो व्रजत्यधः ।स्वर्गापवर्गसिद्ध्यर्थं भाषितं यत्सुशोभनम् ॥ ३३॥
yathārthaṃ puṇyapāpeṣu tadaśraddho vrajatyadhaḥ |svargāpavargasiddhyarthaṃ bhāṣitaṃ yatsuśobhanam || 33||
वाक्यं मुनिवरैः शान्तैस्तद्विज्ञेयं सुभाषितम् ।रागद्वेषात्मकक्रोधकामतृष्णानुसारि यत् ॥ ३४॥
vākyaṃ munivaraiḥ śāntaistadvijñeyaṃ subhāṣitam |rāgadveṣātmakakrodhakāmatṛṣṇānusāri yat || 34||
वाक्यं निरयहेतुत्वात् तद्दुर्भाषितमुच्यते ।संस्कृतेनापि किं तेन मृदुना ललितेन वा ॥ ३५॥
vākyaṃ nirayahetutvāt taddurbhāṣitamucyate |saṃskṛtenāpi kiṃ tena mṛdunā lalitena vā || 35||
अविद्यारागवाक्येन संसारक्लेशहेतुना ।यच्छ्रुत्वा जायते श्रद्धा रागादीनां च सङ्क्षयः ॥ ३६॥
avidyārāgavākyena saṃsārakleśahetunā |yacchrutvā jāyate śraddhā rāgādīnāṃ ca saṅkṣayaḥ || 36||
विरूपमपि तद्वाक्यं विज्ञेयमतिशोभनम् ।बहुत्वेनापि मन्त्राणां सर्वज्ञेन शिवेन यत् ॥ ३७॥
virūpamapi tadvākyaṃ vijñeyamatiśobhanam |bahutvenāpi mantrāṇāṃ sarvajñena śivena yat || 37||
प्रणीतममलं मन्त्रं न तेन सदृशं क्वचित् ।सप्तकोटिमहामन्त्रैरुपमन्त्रैरनेकधा ॥ ३८॥
praṇītamamalaṃ mantraṃ na tena sadṛśaṃ kvacit |saptakoṭimahāmantrairupamantrairanekadhā || 38||
मन्त्रः षडक्षरो भिन्नः सूत्रवृत्यात्मना यथा ।शिवज्ञानानि यावन्ति विद्यास्थानानि यानि च ॥ ३९॥
mantraḥ ṣaḍakṣaro bhinnaḥ sūtravṛtyātmanā yathā |śivajñānāni yāvanti vidyāsthānāni yāni ca || 39||
षडक्षरस्य सूत्रस्य तानि भाष्यं समासतः ।किं तस्य बहुभिर्मन्त्रैःशास्त्रैर्वा बहुविस्तरैः ॥ ४०॥
ṣaḍakṣarasya sūtrasya tāni bhāṣyaṃ samāsataḥ |kiṃ tasya bahubhirmantraiḥśāstrairvā bahuvistaraiḥ || 40||
यस्यों नमःशिवायेति मन्त्रोऽयं हृदि सुस्थिरः ।तेनाधीतं श्रुतं तेन तेन सर्वमनुष्ठितम् ॥ ४१॥
yasyoṃ namaḥśivāyeti mantro'yaṃ hṛdi susthiraḥ |tenādhītaṃ śrutaṃ tena tena sarvamanuṣṭhitam || 41||
येनोन्नमः शिवायेति मन्त्राभ्यासःस्थिरीकृतः ।नमस्कारादिसंयुक्तं शिवायेत्यक्षरत्रयम् ॥ ४२॥
yenonnamaḥ śivāyeti mantrābhyāsaḥsthirīkṛtaḥ |namaskārādisaṃyuktaṃ śivāyetyakṣaratrayam || 42||
जिह्वाग्रे वर्तते यस्य सफलं तस्य जीवितम् ।अन्त्यजो वाऽधमो वापि मूर्खो वा पण्डितोऽपि वा ॥ ४३॥
jihvāgre vartate yasya saphalaṃ tasya jīvitam |antyajo vā'dhamo vāpi mūrkho vā paṇḍito'pi vā || 43||
पञ्चाक्षरजपे निष्ठो मुच्यते पापबन्धनात् । ४४\।१॥ इति शिवरहस्यान्तर्गते ईश्वरप्रोक्तं शिवषडक्षरमन्त्रमाहात्म्यं सम्पूर्णम् ॥॥ श्रीशिवरहस्यम् । ईश्वराख्यः दशमांशः । अध्यायः ३४ । ६४४\।१॥– ॥ श्रीशिवरहस्यम् । ईश्वराख्यः दशमांशः । अध्यायः ३४ । ६-४४।१॥
pañcākṣarajape niṣṭho mucyate pāpabandhanāt | 44\|1|| iti śivarahasyāntargate īśvaraproktaṃ śivaṣaḍakṣaramantramāhātmyaṃ sampūrṇam |||| śrīśivarahasyam | īśvarākhyaḥ daśamāṃśaḥ | adhyāyaḥ 34 | 644\|1||– || śrīśivarahasyam | īśvarākhyaḥ daśamāṃśaḥ | adhyāyaḥ 34 | 6-44|1||
॥ इति शिवषडक्षरमन्त्रमाहात्म्यम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Ishvaraproktam Shivashadaksharamantramahatmyam?
Ishvaraproktam Shivashadaksharamantramahatmyam has 39 verses on this page, each shown with its number, Devanagari text and transliteration, and meaning where available.
Can I read Ishvaraproktam Shivashadaksharamantramahatmyam in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Ishvaraproktam Shivashadaksharamantramahatmyam?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
