शिवषडक्षरमन्त्रजपविध्युपदेशम् Ishvaraproktam Shivashadaksharamantrajapavidhyupadesham
śivaṣaḍakṣaramantrajapavidhyupadeśam
Ishvaraproktam Shivashadaksharamantrajapavidhyupadesham (शिवषडक्षरमन्त्रजपविध्युपदेशम्): mantras to Śiva. 40 verses in Sanskrit with Devanagari and IAST.
- Mantra
- Mantra
- Śiva
- Mantra
शिवषडक्षरमन्त्रजपविध्युपदेशम्
1 / 40
(शिवरहस्यान्तर्गते ईश्वराख्ये)शिवगौरीसंवादेईश्वर उवाच ।षडक्षरं प्रवक्ष्यामि समासेन गिरीन्द्रजे ।सद्यः संसारदुःखानि विनष्टानि जपाच्छिवे ॥ २॥
(śivarahasyāntargate īśvarākhye)śivagaurīsaṃvādeīśvara uvāca |ṣaḍakṣaraṃ pravakṣyāmi samāsena girīndraje |sadyaḥ saṃsāraduḥkhāni vinaṣṭāni japācchive || 2||
ऋषिर्ब्रह्मास्य मन्त्रस्य गायत्री छन्द उच्यते ।देवतास्य शिवः साक्षादहमेव महेश्वरः ॥ ३॥
ṛṣirbrahmāsya mantrasya gāyatrī chanda ucyate |devatāsya śivaḥ sākṣādahameva maheśvaraḥ || 3||
शक्तिर्महेश्वरी त्वं च भुवनेशाक्षरी भवेः ।बीजं मायात्मकं प्रोक्तं रुद्रः सङ्कल्पविग्रहः ॥ ४॥
śaktirmaheśvarī tvaṃ ca bhuvaneśākṣarī bhaveḥ |bījaṃ māyātmakaṃ proktaṃ rudraḥ saṅkalpavigrahaḥ || 4||
सोऽहं तन्मय एव स्यां मन्त्रमध्यस्थितः सदा ।अङ्गुष्ठादिकनिष्ठान्तं विन्यसेदक्षरं क्रमात् ॥ ५॥
so'haṃ tanmaya eva syāṃ mantramadhyasthitaḥ sadā |aṅguṣṭhādikaniṣṭhāntaṃ vinyasedakṣaraṃ kramāt || 5||
मस्तके च ललाटे च हृदि नाभौ पदद्वये ।पुनः पञ्चाक्षरेणैव न्यसेत्स्वस्य तनुं पराम् ॥ ६॥
mastake ca lalāṭe ca hṛdi nābhau padadvaye |punaḥ pañcākṣareṇaiva nyasetsvasya tanuṃ parām || 6||
प्रणवं प्रथमं विद्यान् द्वितीयं तु नकारकम् ।मकारं तत्परं देवि शिकारं तु ततःपरम् ॥ ७॥
praṇavaṃ prathamaṃ vidyān dvitīyaṃ tu nakārakam |makāraṃ tatparaṃ devi śikāraṃ tu tataḥparam || 7||
वकारं पञ्चमं विद्याद्यकारं षष्ठमुच्यते ।एवं पञ्चाक्षरं देवि श्रीरुद्रपदमध्यगम् ॥ ८॥
vakāraṃ pañcamaṃ vidyādyakāraṃ ṣaṣṭhamucyate |evaṃ pañcākṣaraṃ devi śrīrudrapadamadhyagam || 8||
देशकालविशेषोऽत्र कथ्यते गिरिजेऽधुना ।अष्टम्यां च चतुर्दश्यां पर्वणोरुभयोरपि ॥ २१॥
deśakālaviśeṣo'tra kathyate girije'dhunā |aṣṭamyāṃ ca caturdaśyāṃ parvaṇorubhayorapi || 21||
ग्रहणे सोमसूर्योत्थविषुवायनयोरपि ।सोमवारे प्रदोषे च सायं प्रातः पराणयोः ॥ २२॥
grahaṇe somasūryotthaviṣuvāyanayorapi |somavāre pradoṣe ca sāyaṃ prātaḥ parāṇayoḥ || 22||
नित्यादप्यधिकं कुर्याज्जपं पञ्चाक्षरस्य च ।फलं शतगुणं तत्र प्रोक्तमीशे मया धुना ॥ २३॥
nityādapyadhikaṃ kuryājjapaṃ pañcākṣarasya ca |phalaṃ śataguṇaṃ tatra proktamīśe mayā dhunā || 23||
मनोरथो तथा मेऽद्य नमो युक्तो विशेषतः ।अहं वाच्यो महादेवस्तन्मन्त्रस्य सनातनः ॥ २४॥
manoratho tathā me'dya namo yukto viśeṣataḥ |ahaṃ vācyo mahādevastanmantrasya sanātanaḥ || 24||
ध्यानाङ्गन्यास भेदाश्च बहवोऽस्य मनोःशिवे ।निगमागमभेदेन वदन्ति मुनयोऽद्रिजे ॥ २५॥
dhyānāṅganyāsa bhedāśca bahavo'sya manoḥśive |nigamāgamabhedena vadanti munayo'drije || 25||
मन्त्रार्थः कथितः कृत्स्नः (?) पुरश्चर्यां शृणुष्व मे ।आचार्यमुखतो मन्त्रं जपेत्सार्थं समाहितः (?) ॥ २६॥
mantrārthaḥ kathitaḥ kṛtsnaḥ (?) puraścaryāṃ śṛṇuṣva me |ācāryamukhato mantraṃ japetsārthaṃ samāhitaḥ (?) || 26||
(आचार्यमुखतो मन्त्रं गृहीत्वा सुसमाहितः) ॥ २६॥
(ācāryamukhato mantraṃ gṛhītvā susamāhitaḥ) || 26||
यथाशक्ति धनं तस्मै प्रदत्वा(?) तदनुज्ञया ।स्नानं त्रिषवणं कृत्वा भस्मना(?) शाकभोजनः ॥ २७॥
yathāśakti dhanaṃ tasmai pradatvā(?) tadanujñayā |snānaṃ triṣavaṇaṃ kṛtvā bhasmanā(?) śākabhojanaḥ || 27||
फलमूलाशनो वापि हविष्याशी यथाबलम् ।पर्वताग्रे नदीतीरे सागरान्ते शिवालये ॥ २८॥
phalamūlāśano vāpi haviṣyāśī yathābalam |parvatāgre nadītīre sāgarānte śivālaye || 28||
वने वा निर्भये शुद्धे प्राङ्मुखोदङ्मुखः शुचिः ।बिल्वमूले गृहे गोष्ठे भस्मच्छन्नासनो भवेत् ॥ २९॥
vane vā nirbhaye śuddhe prāṅmukhodaṅmukhaḥ śuciḥ |bilvamūle gṛhe goṣṭhe bhasmacchannāsano bhavet || 29||
प्राणायामत्रयं कृत्वा छन्दर्षिज्ञोऽस्य दैववित् ।शक्तिं बीजं देवतां च ध्यात्वा मन्त्राङ्गकैः क्रमात् ॥ ३०॥
prāṇāyāmatrayaṃ kṛtvā chandarṣijño'sya daivavit |śaktiṃ bījaṃ devatāṃ ca dhyātvā mantrāṅgakaiḥ kramāt || 30||
करन्यासं पुनः कृत्वा तथाङ्गन्यासमेव च ।पञ्चाङ्गमपि विन्यस्य गुरुं मामभिवीक्ष्य च ॥ ३१॥
karanyāsaṃ punaḥ kṛtvā tathāṅganyāsameva ca |pañcāṅgamapi vinyasya guruṃ māmabhivīkṣya ca || 31||
लिङ्गे वा सुस्थले देशे सोमसूर्याग्निमण्डले ।विद्युल्लेखेव कल्याणं ज्वलन्तं विश्वरूपिणम् ॥ ३२॥
liṅge vā susthale deśe somasūryāgnimaṇḍale |vidyullekheva kalyāṇaṃ jvalantaṃ viśvarūpiṇam || 32||
शिवं ध्यात्वा जपेन्मन्त्रं लक्षाणां पञ्चकं शिवे ॥ ३३॥
śivaṃ dhyātvā japenmantraṃ lakṣāṇāṃ pañcakaṃ śive || 33||
वन्दे हरं वरदशूलकपालहस्तंसाभीतिमद्रिसुतयोज्ज्वलदेहकान्तिम् ।वामोरुपीठगतया निजवामहस्तन्यस्तारुणोत्पलयुजा परिणद्धदेहम् ॥ ३४॥
vande haraṃ varadaśūlakapālahastaṃsābhītimadrisutayojjvaladehakāntim |vāmorupīṭhagatayā nijavāmahastanyastāruṇotpalayujā pariṇaddhadeham || 34||
शान्तं पद्मासनस्थं शशधरमकुटं पञ्चवक्त्रं त्रिणेत्रंशूलं वज्रं च खङ्गं परशुमभयदं दक्षभागे वहन्तम् ।नागं पाशं च घण्टां प्रलयहुतवहं चाङ्कुशं वामभागेनानालङ्कारदीप्तस्फटिकमणिनिभं पार्वतीशं नमामि ॥ ३५॥
śāntaṃ padmāsanasthaṃ śaśadharamakuṭaṃ pañcavaktraṃ triṇetraṃśūlaṃ vajraṃ ca khaṅgaṃ paraśumabhayadaṃ dakṣabhāge vahantam |nāgaṃ pāśaṃ ca ghaṇṭāṃ pralayahutavahaṃ cāṅkuśaṃ vāmabhāgenānālaṅkāradīptasphaṭikamaṇinibhaṃ pārvatīśaṃ namāmi || 35||
मङ्गलायतनं देवं युवानमतिसुन्दरम् ।ध्यायेत्कल्पतरोर्मूले समासीनं सहोमया ॥ ३६॥
maṅgalāyatanaṃ devaṃ yuvānamatisundaram |dhyāyetkalpatarormūle samāsīnaṃ sahomayā || 36||
एवं ध्यात्वा जपेन्मन्त्रं पञ्चाक्षरमतन्द्रितः ।तर्पयेल्लक्षमेकं तु जुहुयाल्लक्षमेव च ॥ ३७॥
evaṃ dhyātvā japenmantraṃ pañcākṣaramatandritaḥ |tarpayellakṣamekaṃ tu juhuyāllakṣameva ca || 37||
आज्येन पायसेनापि पलाशकुसुमेन वा ।ततः सिध्यति मन्त्रोऽयं भुक्तिमुक्तिफलप्रदः ॥ ३८॥
ājyena pāyasenāpi palāśakusumena vā |tataḥ sidhyati mantro'yaṃ bhuktimuktiphalapradaḥ || 38||
तैलेन चाभिचारेषु अर्काणां समिधो हुनेत् ।वश्ये कौसुम्भ कुसुमैर्बिल्वपत्रैर्धनाप्तये ॥ ३९॥
tailena cābhicāreṣu arkāṇāṃ samidho hunet |vaśye kausumbha kusumairbilvapatrairdhanāptaye || 39||
ज्वररोगादिशान्त्यर्थमश्वत्थसमिधो हुनेत् ।विद्वेषणे मारणे च वैभीतककरञ्जकौ ॥ ४०॥
jvararogādiśāntyarthamaśvatthasamidho hunet |vidveṣaṇe māraṇe ca vaibhītakakarañjakau || 40||
उच्चाटने च शत्रूणामपामार्गैर्हुनेत्तदा ।प्रत्येकमष्टसाहस्रं जपेद्भक्त्या समाहितः ॥ ४१॥
uccāṭane ca śatrūṇāmapāmārgairhunettadā |pratyekamaṣṭasāhasraṃ japedbhaktyā samāhitaḥ || 41||
सम्यग्ज्ञानं समासाद्य मयि लीनो भविष्यति ।लक्षपञ्चशतं जप्त्वा वृत्रारेः पदमाप्नुयात् ॥ ४२॥
samyagjñānaṃ samāsādya mayi līno bhaviṣyati |lakṣapañcaśataṃ japtvā vṛtrāreḥ padamāpnuyāt || 42||
षष्टिलक्षजपेनैव लभते ब्रह्मणः पदम् ।अशीतिलक्षं जप्त्वा तु नरो विष्णुत्वमाप्नुयात् ॥ ४३॥
ṣaṣṭilakṣajapenaiva labhate brahmaṇaḥ padam |aśītilakṣaṃ japtvā tu naro viṣṇutvamāpnuyāt || 43||
लक्षाणां तु शतं जप्त्वा साक्षाद्रुद्रत्वमाप्नुयात् ।लक्षं जप्त्वा तथायुष्यं द्विलक्षं जपतः सुतान् ॥ ४४॥
lakṣāṇāṃ tu śataṃ japtvā sākṣādrudratvamāpnuyāt |lakṣaṃ japtvā tathāyuṣyaṃ dvilakṣaṃ japataḥ sutān || 44||
निष्कामो लक्षदशकं जप्त्वाप्येताऽविमुक्तकम् ।विनियोगः समाख्यातः तज्जापे लक्षणं शृणु ॥ ४५॥
niṣkāmo lakṣadaśakaṃ japtvāpyetā'vimuktakam |viniyogaḥ samākhyātaḥ tajjāpe lakṣaṇaṃ śṛṇu || 45||
विधिनोक्तेन मार्गेण मन्त्राभ्यासो जपः स्मृतः ।जपस्तु त्रिविधः प्रोक्तो वाचिकोपांशुमानसः ॥ ४६॥
vidhinoktena mārgeṇa mantrābhyāso japaḥ smṛtaḥ |japastu trividhaḥ prokto vācikopāṃśumānasaḥ || 46||
वाचिकोपांशुरुच्चैश्च द्विविधः परिकीर्तितः ।मानसो मननध्यानभेदाद् द्वैविध्यमास्थितः ॥ ४७॥
vācikopāṃśuruccaiśca dvividhaḥ parikīrtitaḥ |mānaso mananadhyānabhedād dvaividhyamāsthitaḥ || 47||
उच्चैर्जपादुपांशुश्च सहस्रगुण उच्यते ।मानसश्च तथोपांशोः सहस्रगुण उच्यते ॥ ४८॥
uccairjapādupāṃśuśca sahasraguṇa ucyate |mānasaśca tathopāṃśoḥ sahasraguṇa ucyate || 48||
मानसाच्च तथा ध्यानमनन्तगुणमुच्यते ।उमासहायं मां देवं नीलग्रीवं त्रिलोचनम् ॥ ४९॥
mānasācca tathā dhyānamanantaguṇamucyate |umāsahāyaṃ māṃ devaṃ nīlagrīvaṃ trilocanam || 49||
ध्यात्वा जपेत्तथा मन्त्रं स चानन्तफलः स्मृतः ।अथवा प्राकृतं भावं स्वीयमुत्सृज्य देहकम् ॥ ५०॥
dhyātvā japettathā mantraṃ sa cānantaphalaḥ smṛtaḥ |athavā prākṛtaṃ bhāvaṃ svīyamutsṛjya dehakam || 50||
शिवोऽहमिति सञ्चिन्त्य साधयेदिदमुत्तमम् ।उच्चैर्जपस्तु सर्वेषां यथोक्तफलदो नृणाम् ॥ ५१॥
śivo'hamiti sañcintya sādhayedidamuttamam |uccairjapastu sarveṣāṃ yathoktaphalado nṛṇām || 51||
॥ इति शिवरहस्यान्तर्गते ईश्वरप्रोक्तं शिवषडक्षरमन्त्रजपविध्युपदेशं सम्पूर्णम् ॥॥ श्रीशिवरहस्यम् । ईश्वराख्यः दशमांशः । अध्यायः ३५ । वावृत्तश्लोकाः ॥– ॥ श्रीशिवरहस्यम् । ईश्वराख्यः दशमांशः । अध्यायः ३५ । वावृत्तश्लोकाः ॥
|| iti śivarahasyāntargate īśvaraproktaṃ śivaṣaḍakṣaramantrajapavidhyupadeśaṃ sampūrṇam |||| śrīśivarahasyam | īśvarākhyaḥ daśamāṃśaḥ | adhyāyaḥ 35 | vāvṛttaślokāḥ ||– || śrīśivarahasyam | īśvarākhyaḥ daśamāṃśaḥ | adhyāyaḥ 35 | vāvṛttaślokāḥ ||
॥ इति शिवषडक्षरमन्त्रजपविध्युपदेशम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Ishvaraproktam Shivashadaksharamantrajapavidhyupadesham?
Ishvaraproktam Shivashadaksharamantrajapavidhyupadesham has 40 verses on this page, each shown with its number, Devanagari text and transliteration, and meaning where available.
Can I read Ishvaraproktam Shivashadaksharamantrajapavidhyupadesham in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Ishvaraproktam Shivashadaksharamantrajapavidhyupadesham?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
