New: Bhagavad Gītā 2.47 deep study with word-by-word grammar Open the verse

शिवमन्त्रप्राप्त्याग्रहः गायत्रीकृत Gayatrikrita Shivamantrapraptyagrahah

śivamantraprāptyāgrahaḥ gāyatrīkṛta

Gayatrikrita Shivamantrapraptyagrahah (शिवमन्त्रप्राप्त्याग्रहः गायत्रीकृत): mantras to Śiva. 26 verses in Sanskrit with Devanagari and IAST.

शिवमन्त्रप्राप्त्याग्रहः गायत्रीकृत

1 / 26

Verse 1

भगवन् देवदेवेश भर्ग संसारभर्जक ।प्रसीद करुणा सिन्धो वरं देहि ममेप्सितम् ॥ १॥

bhagavan devadeveśa bharga saṃsārabharjaka |prasīda karuṇā sindho varaṃ dehi mamepsitam || 1||

Verse 2

मन्त्रः शिवपदाभावे जपायोग्य इति श्रुतिः ।प्रसिद्धा सा श्रुतिस्तावत् मान्या धन्यस्य केवलम् ॥ २॥

mantraḥ śivapadābhāve japāyogya iti śrutiḥ |prasiddhā sā śrutistāvat mānyā dhanyasya kevalam || 2||

Verse 3

मन्त्रे शिवपदं यत्र तेन सिद्धिः प्रजायते ।अतो मुनीश्वराः सर्वे शिवमन्त्रजपोत्सुकाः ॥ ३॥

mantre śivapadaṃ yatra tena siddhiḥ prajāyate |ato munīśvarāḥ sarve śivamantrajapotsukāḥ || 3||

Verse 4

शिवमन्त्रे विद्यमाने सर्वविद्याप्रकाशके ।अविद्यानाशके तस्मिन् अन्यो मन्त्रो न विद्यते ॥ ४॥ (जप्यते, जायते)

śivamantre vidyamāne sarvavidyāprakāśake |avidyānāśake tasmin anyo mantro na vidyate || 4|| (japyate, jāyate)

Verse 5

व्यर्थायासप्रदा मन्त्राः शिवशब्दविवर्जिताः ।अतस्तैर्बहुधा जप्तैः अल्पं वा न फलं ध्रुवम् ॥ ५॥

vyarthāyāsapradā mantrāḥ śivaśabdavivarjitāḥ |atastairbahudhā japtaiḥ alpaṃ vā na phalaṃ dhruvam || 5||

Verse 6

नीरसैस्तरुभिः पुष्पं न फलं वा यथा तथा ।शिवमन्त्रान्यमन्त्रेण प्रजप्तेनापि किं फलम् ॥ ६॥

nīrasaistarubhiḥ puṣpaṃ na phalaṃ vā yathā tathā |śivamantrānyamantreṇa prajaptenāpi kiṃ phalam || 6||

Verse 7

किं वन्ध्या जरठा पुत्रं सूते विद्याविशारदम् ।तथा मन्त्रास्तु ते वन्ध्याः शिवनामविवर्जिताः ॥ ७॥

kiṃ vandhyā jaraṭhā putraṃ sūte vidyāviśāradam |tathā mantrāstu te vandhyāḥ śivanāmavivarjitāḥ || 7||

Verse 8

शिवनामस्वरूपेण दोहदेन महेश्वर ।फलं भक्तितरुः सूते भक्तिसिक्तः पुनः पुनः ॥ ८॥

śivanāmasvarūpeṇa dohadena maheśvara |phalaṃ bhaktitaruḥ sūte bhaktisiktaḥ punaḥ punaḥ || 8||

Verse 9

शिवनामप्रवेशेन मन्त्रो भाति यथा रविः ।उदयाचलमासाद्य सहस्रकिरणोऽपि सन् ॥ ९॥

śivanāmapraveśena mantro bhāti yathā raviḥ |udayācalamāsādya sahasrakiraṇo'pi san || 9||

Verse 10

शिवमन्त्राभावबद्धो न फलायोपयुज्यते ।मन्त्राकारं दिनं भानुमपेक्ष्यासाद्य भासते ॥ १०॥

śivamantrābhāvabaddho na phalāyopayujyate |mantrākāraṃ dinaṃ bhānumapekṣyāsādya bhāsate || 10||

Verse 11

मन्त्ररूपदिनस्यायं भर्गशब्दस्तु भास्करः ।दिनं न भास्कराभावे दिनत्वमपि यास्यति ॥ ११॥

mantrarūpadinasyāyaṃ bhargaśabdastu bhāskaraḥ |dinaṃ na bhāskarābhāve dinatvamapi yāsyati || 11||

Verse 12

यथा तथा मन्त्रताऽपि मन्त्रे तेन विना तु न ।सृष्टं शिवपदं पूर्वं त्वया तावन्महात्मना ॥ १२॥

yathā tathā mantratā'pi mantre tena vinā tu na |sṛṣṭaṃ śivapadaṃ pūrvaṃ tvayā tāvanmahātmanā || 12||

Verse 13

तद्यत्र मन्त्रे न भवेत् स मन्त्रो जप्य एव न ।कण्ठे मङ्गलसूत्रं चेन्न नारी मङ्गलावहा ॥ १३॥

tadyatra mantre na bhavet sa mantro japya eva na |kaṇṭhe maṅgalasūtraṃ cenna nārī maṅgalāvahā || 13||

Verse 14

तथैव मन्त्रविद्याऽपि मङ्गलाय न तं विना ।शिवमन्त्रस्तु मन्त्राणां तावन्मङ्गलसूत्रवत् ॥ १४॥

tathaiva mantravidyā'pi maṅgalāya na taṃ vinā |śivamantrastu mantrāṇāṃ tāvanmaṅgalasūtravat || 14||

Verse 15

जातो मङ्गलदानाय किमन्यैः साधनैरपि ।रत्नभूषणयुक्तापि न रण्डा भाति सर्वथा ॥ १५॥

jāto maṅgaladānāya kimanyaiḥ sādhanairapi |ratnabhūṣaṇayuktāpi na raṇḍā bhāti sarvathā || 15||

Verse 16

विना मङ्गलसूत्रेण तथा मन्त्रो न तं विना ।किं तया क्रियते धेन्वा न दोग्ध्री न च गर्भिणी ॥ १६॥

vinā maṅgalasūtreṇa tathā mantro na taṃ vinā |kiṃ tayā kriyate dhenvā na dogdhrī na ca garbhiṇī || 16||

Verse 17

शिवमन्त्रविहीनेन जप्तेन मनुनाऽपि किम् ।या गौः सगर्भा सा पोष्या साधनैर्विविधैस्तथा ॥ १७॥

śivamantravihīnena japtena manunā'pi kim |yā gauḥ sagarbhā sā poṣyā sādhanairvividhaistathā || 17||

Verse 18

शिवमन्त्रेण संयुक्तो मनुर्जप्यो मनीषिभिः ।शिवमन्त्रात्मकं रत्नं मन्त्रः प्राप्य विराजते ॥ १८॥

śivamantreṇa saṃyukto manurjapyo manīṣibhiḥ |śivamantrātmakaṃ ratnaṃ mantraḥ prāpya virājate || 18||

Verse 19

यथा धरा रत्नगर्भा फलं सूते मनोहरम् ।पतिव्रताऽपि या नारी पुत्रहीना न राजते ॥ १९॥

yathā dharā ratnagarbhā phalaṃ sūte manoharam |pativratā'pi yā nārī putrahīnā na rājate || 19||

Verse 20

तथा शिवपदाभावे मन्त्रविद्या न राजते ।मन्त्रो मन्त्रत्वमाप्नोति शिवमन्त्रप्रवेशनात् ॥ २०॥

tathā śivapadābhāve mantravidyā na rājate |mantro mantratvamāpnoti śivamantrapraveśanāt || 20||

Verse 21

तदभावे स मन्त्रः स्यादमन्त्रः केवलः शिवः ।महिमा शिवशब्दानां न ज्ञातुं शक्यते मया ॥ २१॥

tadabhāve sa mantraḥ syādamantraḥ kevalaḥ śivaḥ |mahimā śivaśabdānāṃ na jñātuṃ śakyate mayā || 21||

Verse 22

वेदैरपि न विज्ञातो मुनिभिश्च सुरैरपि ।मन्मन्त्रे जपयोग्यत्वं नास्तीति मुनिभिः प्रभो ॥ २२॥

vedairapi na vijñāto munibhiśca surairapi |manmantre japayogyatvaṃ nāstīti munibhiḥ prabho || 22||

Verse 23

न जपाय प्रयुक्तोऽयं मनो दुःखमिदं मम ।एतद्दुःखविनाशस्तु त्वत्प्रसादं विना कथम् ॥ २३॥

na japāya prayukto'yaṃ mano duḥkhamidaṃ mama |etadduḥkhavināśastu tvatprasādaṃ vinā katham || 23||

Verse 24

त्वयि प्रसन्ने भगवन् अप्राप्यमपि किं प्रभो ।यन्न वेदैरपि ज्ञातं तव रूपं महेश्वर ॥ २४॥

tvayi prasanne bhagavan aprāpyamapi kiṃ prabho |yanna vedairapi jñātaṃ tava rūpaṃ maheśvara || 24||

Verse 3356

॥ इति शिवरहस्यान्तर्गते गायत्रीकृतशिवमन्त्रप्राप्त्याग्रहः सम्पूर्णः ॥॥ श्रीशिवरहस्यम् । हराख्यः तृतीयांशः । पूर्वार्धम् । अध्यायः २। ३३५६ ॥

|| iti śivarahasyāntargate gāyatrīkṛtaśivamantraprāptyāgrahaḥ sampūrṇaḥ |||| śrīśivarahasyam | harākhyaḥ tṛtīyāṃśaḥ | pūrvārdham | adhyāyaḥ 2| 3356 ||

Verse 26

– ॥ श्रीशिवरहस्यम् ।हराख्यः तृतीयांशः ।पूर्वार्धम् ।अध्यायः २। ३३-५६ ॥

– || śrīśivarahasyam |harākhyaḥ tṛtīyāṃśaḥ |pūrvārdham |adhyāyaḥ 2| 33-56 ||

॥ इति शिवमन्त्रप्राप्त्याग्रहः गायत्रीकृत सम्पूर्णम् ॥

Recitation complete

Read inside the frame. The rest of the page opens when you reach the end.

How many verses are in Gayatrikrita Shivamantrapraptyagrahah?

Gayatrikrita Shivamantrapraptyagrahah has 26 verses on this page, each shown with its number, Devanagari text and transliteration, and meaning where available.

Can I read Gayatrikrita Shivamantrapraptyagrahah in Telugu, Kannada or Tamil?

Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.

Is there a PDF of Gayatrikrita Shivamantrapraptyagrahah?

You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.

Learn Sanskrit

About Gayatrikrita Shivamantrapraptyagrahah

Gayatrikrita Shivamantrapraptyagrahah is a mantra, in Sanskrit (in Devanagari: शिवमन्त्रप्राप्त्याग्रहः गायत्रीकृत (śivamantraprāptyāgrahaḥ gāyatrīkṛta)). Source: Mantra.

Gayatrikrita Shivamantrapraptyagrahah (शिवमन्त्रप्राप्त्याग्रहः गायत्रीकृत): mantras to Śiva. 26 verses in Sanskrit with Devanagari and IAST.

What you will find on this page

This page gives the original text in Devanagari and IAST transliteration.

Related

More mantras

A verse in your inbox, every morning

One verse, its meaning, and one word to learn. Two minutes a day.