चरममन्त्ररामायणं Charamamantraramayanam
caramamantrarāmāyaṇaṃ
Charamamantraramayanam (चरममन्त्ररामायणं): mantras to Rāma, from the caramamantrarāmāyaṇaṃ, by Haryanandacharya. 34 verses in Sanskrit with Devanagari and IAST.
- Mantra
- Mantra
- Rāma
- caramamantrarāmāyaṇaṃ
चरममन्त्ररामायणं
1 / 34
श्रियानन्दं गुरुं नत्त्वा रामं बोधायनं तथा ।कुर्वे श्रीचरममन्त्ररामायणं हि मुक्तिदम् ।सर्वज्ञः सर्वशक्तिश्च सर्वेशः सर्वकारणम् ।रामः सर्वावतारी हि कौशल्यानन्दनोऽभवत् ॥ १॥
śriyānandaṃ guruṃ nattvā rāmaṃ bodhāyanaṃ tathā |kurve śrīcaramamantrarāmāyaṇaṃ hi muktidam |sarvajñaḥ sarvaśaktiśca sarveśaḥ sarvakāraṇam |rāmaḥ sarvāvatārī hi kauśalyānandano'bhavat || 1||
कृतं सर्वं जगद् येन स्वेक्षणाच्च स्वदेहतः ।तद् ब्रह्मधर्मरक्षार्थमयोध्यायामजायत ॥ २॥
kṛtaṃ sarvaṃ jagad yena svekṣaṇācca svadehataḥ |tad brahmadharmarakṣārthamayodhyāyāmajāyata || 2||
देवप्रार्थनया रामो दाशरथिर्बभूव हि ।बाललीला कृता रम्या रामेण सर्वसौख्यदा ॥ ३॥
devaprārthanayā rāmo dāśarathirbabhūva hi |bālalīlā kṛtā ramyā rāmeṇa sarvasaukhyadā || 3||
वशिष्ठात् पठिताः सर्वा विद्या रामेण धीमता ।रामोऽथ यज्ञरक्षायै विश्वामित्रेण याचितः ॥ ४॥
vaśiṣṭhāt paṭhitāḥ sarvā vidyā rāmeṇa dhīmatā |rāmo'tha yajñarakṣāyai viśvāmitreṇa yācitaḥ || 4||
प्रभावाच्च महान् रामो बालोऽपि ताटकामहन् ।हत्त्वा राक्षससङ्घांश्च मुनेर्यज्ञं ररक्ष हि ॥ ५॥
prabhāvācca mahān rāmo bālo'pi tāṭakāmahan |hattvā rākṣasasaṅghāṃśca muneryajñaṃ rarakṣa hi || 5||
पत्या शिला कृताऽहिल्या पादधूल्या हि रामतः ।चैतन्यं प्रापिता रामं तुष्टाव श्रद्धया भृशम् ॥ ६॥
patyā śilā kṛtā'hilyā pādadhūlyā hi rāmataḥ |caitanyaṃ prāpitā rāmaṃ tuṣṭāva śraddhayā bhṛśam || 6||
नाथश्च सर्वलोकानां श्रीरामो मैथिले पुरे ।भङ्क्त्वा माहेश्वरं चापमुदूहे मैथिलीं शुभाम् ॥ ७॥
nāthaśca sarvalokānāṃ śrīrāmo maithile pure |bhaṅktvā māheśvaraṃ cāpamudūhe maithilīṃ śubhām || 7||
यतः स्वस्य धनुः कृष्टं दृष्ट्वा च विस्मयं गतः ।संस्तुत्य भार्गवो रामं स्वेष्टदेशं जगाम तत् ॥ ८॥
yataḥ svasya dhanuḥ kṛṣṭaṃ dṛṣṭvā ca vismayaṃ gataḥ |saṃstutya bhārgavo rāmaṃ sveṣṭadeśaṃ jagāma tat || 8||
तस्मै हि स्वपदं दातुमियेष कोशलेश्वरः ।गतो रामो वनं किन्तु कैकेयीवरयाञ्चया ॥ ९॥
tasmai hi svapadaṃ dātumiyeṣa kośaleśvaraḥ |gato rāmo vanaṃ kintu kaikeyīvarayāñcayā || 9||
वासं वन्यं गते रामे राजा स्वर्ग जगाम हि ।नैच्छत्तु भरतो राज्यमाज्ञप्तो गुरुणापि च ॥ १९॥
vāsaṃ vanyaṃ gate rāme rājā svarga jagāma hi |naicchattu bharato rājyamājñapto guruṇāpi ca || 19||
इति रामोऽनुनीतोऽपि भरतेन महात्मना ।नैच्छद् राज्यं ददौ किन्तु पादुके भरताय हि ॥ १२॥
iti rāmo'nunīto'pi bharatena mahātmanā |naicchad rājyaṃ dadau kintu pāduke bharatāya hi || 12||
चक्रे च भरतेनापि पादुकाराधनं शुभम् ।पादुकाधीनतां गत्वा रामराज्यं ररक्ष सः ॥ १३॥
cakre ca bharatenāpi pādukārādhanaṃ śubham |pādukādhīnatāṃ gatvā rāmarājyaṃ rarakṣa saḥ || 13||
यातश्च दण्डकारण्यं चित्रकूटाद्धि राघवः ।रक्षितुं ऋषिसङ्घं च रामेण राक्षसा हताः ॥ १४॥
yātaśca daṇḍakāraṇyaṃ citrakūṭāddhi rāghavaḥ |rakṣituṃ ṛṣisaṅghaṃ ca rāmeṇa rākṣasā hatāḥ || 14||
चकार पञ्चवट्यां हि वासं गोदावरीतटे ।रामेच्छ्याऽनुजेनाथ शूर्पणखाविरूपिता ॥ १५॥
cakāra pañcavaṭyāṃ hi vāsaṃ godāvarītaṭe |rāmecchyā'nujenātha śūrpaṇakhāvirūpitā || 15||
तेनागताँश्च युद्धाय खरादिकान् हि राक्षसान् ।निजघान रणे रामो दारुणान् ऋषिमक्षकान् ॥ १६॥
tenāgatām̐śca yuddhāya kharādikān hi rākṣasān |nijaghāna raṇe rāmo dāruṇān ṛṣimakṣakān || 16||
अथ जगाम मारीचं रावणो राक्षसाधिपः ।हैमं मृगं च तं कृत्वा स्वयं सीतामपाहरत् ॥ १७॥
atha jagāma mārīcaṃ rāvaṇo rākṣasādhipaḥ |haimaṃ mṛgaṃ ca taṃ kṛtvā svayaṃ sītāmapāharat || 17||
भयात् पलायितं रामो हतवान् काञ्चनं मृगम् ।सलक्ष्मणः कुटीं गत्वा सीतार्थं विललाप च ॥ १८॥
bhayāt palāyitaṃ rāmo hatavān kāñcanaṃ mṛgam |salakṣmaṇaḥ kuṭīṃ gatvā sītārthaṃ vilalāpa ca || 18||
यं विदित्वा गुरोर्लोकास्तरन्ति शोकसागरम् ।स एव भगवान् रामः शुशोच नरलीलया ॥ १९॥
yaṃ viditvā gurorlokāstaranti śokasāgaram |sa eva bhagavān rāmaḥ śuśoca naralīlayā || 19||
यं विदित्वा गुरोर्लोकास्तरन्ति शोकसागरम् ।स एव भगवान् रामः शुशोच नरलीलया ॥ १९॥
yaṃ viditvā gurorlokāstaranti śokasāgaram |sa eva bhagavān rāmaḥ śuśoca naralīlayā || 19||
सर्वथाऽऽत्मार्पकं गृध्रं मुक्ति दत्त्वा च राघवः ।सानुजो वायुपुत्रेण सुग्रीवं चाथ सङ्गतः ॥ २०॥
sarvathā''tmārpakaṃ gṛdhraṃ mukti dattvā ca rāghavaḥ |sānujo vāyuputreṇa sugrīvaṃ cātha saṅgataḥ || 20||
सर्वथाऽऽत्मार्पकं गृध्रं मुक्ति दत्त्वा च राघवः ।सानुजो वायुपुत्रेण सुग्रीवं चाथ सङ्गतः ॥ २०॥
sarvathā''tmārpakaṃ gṛdhraṃ mukti dattvā ca rāghavaḥ |sānujo vāyuputreṇa sugrīvaṃ cātha saṅgataḥ || 20||
वह्निं च साक्षिणं कृत्वा सुकण्ठमित्रतां गतः ।हत्वा च वालिनं रामो सुग्रीवं कृतवान् नृपम् ॥ २१॥
vahniṃ ca sākṣiṇaṃ kṛtvā sukaṇṭhamitratāṃ gataḥ |hatvā ca vālinaṃ rāmo sugrīvaṃ kṛtavān nṛpam || 21||
भूमिजान्वेषणायाथ प्रेषिता ऋक्षवानराः ।लङ्कायां सा हि दृष्टाथ लङ्का दग्धा हनूमता ॥ २२॥
bhūmijānveṣaṇāyātha preṣitā ṛkṣavānarāḥ |laṅkāyāṃ sā hi dṛṣṭātha laṅkā dagdhā hanūmatā || 22||
तेभ्यः सहागतेभ्यश्च दत्त्वाऽऽनन्दं च मारुतिः ।सन्देशं भूमिजायाश्च श्रीरामाय न्यवेदयत् ॥ २३॥
tebhyaḥ sahāgatebhyaśca dattvā''nandaṃ ca mārutiḥ |sandeśaṃ bhūmijāyāśca śrīrāmāya nyavedayat || 23||
यो राघवो भवाब्धेश्च तारको विश्रुतः श्रुतौ ।अश्मसेतुं स एवाब्धौ कृतवान् विस्मयावहम् ॥ २४॥
yo rāghavo bhavābdheśca tārako viśrutaḥ śrutau |aśmasetuṃ sa evābdhau kṛtavān vismayāvaham || 24||
ददौ विभीषणाय स्वं श्रिताय राघवोऽभयम् ।सर्वेभ्यश्चाभयं रामो दत्ते सकृत् प्रपत्तितः ॥ २५॥
dadau vibhīṣaṇāya svaṃ śritāya rāghavo'bhayam |sarvebhyaścābhayaṃ rāmo datte sakṛt prapattitaḥ || 25||
दाम्भिकं रक्षसां नाथं रावणं राघवोऽवधीत् ।लङ्केशं कृतवान् रामो स्वप्रपन्नं विभीषणम् ॥ २६॥
dāmbhikaṃ rakṣasāṃ nāthaṃ rāvaṇaṃ rāghavo'vadhīt |laṅkeśaṃ kṛtavān rāmo svaprapannaṃ vibhīṣaṇam || 26||
ये मृतास्तांश्च सञ्जीव्य सुरैर्ब्रह्मादिभिः स्तुतः ।स्वजनैः पुष्पकेनाथ रामोऽयोध्यामगात् पुनः ॥ २७॥
ye mṛtāstāṃśca sañjīvya surairbrahmādibhiḥ stutaḥ |svajanaiḥ puṣpakenātha rāmo'yodhyāmagāt punaḥ || 27||
तद् रामागमनं प्रोक्तं भरतं श्रीहनूमता ।श्रुत्वा समागतान् सर्वानाश्लिक्षद् राघवः प्रभुः ॥ २८॥
tad rāmāgamanaṃ proktaṃ bharataṃ śrīhanūmatā |śrutvā samāgatān sarvānāślikṣad rāghavaḥ prabhuḥ || 28||
व्रतं स्वजनकाज्ञप्तं पूर्णं कृत्वा हि राघवः ।उररीकृतवान् राज्यं सर्वनेत्रमहोत्सवम् ॥ २९॥
vrataṃ svajanakājñaptaṃ pūrṇaṃ kṛtvā hi rāghavaḥ |urarīkṛtavān rājyaṃ sarvanetramahotsavam || 29||
ततं दृष्ट्वा पुष्पवृष्टिर्हि कृता हर्षात् सुरैः शुभा ।रामराज्ये प्रजा सर्वा लोकत्रयं मुमोद च ॥ ३०॥
tataṃ dṛṣṭvā puṣpavṛṣṭirhi kṛtā harṣāt suraiḥ śubhā |rāmarājye prajā sarvā lokatrayaṃ mumoda ca || 30||
महतश्च महीयान् यश्चाणीयानणुतोऽपि यः ।वन्दे तं राघवं ब्रह्म व्यापकं श्रितमुक्तिदम् ॥ ३१॥
mahataśca mahīyān yaścāṇīyānaṇuto'pi yaḥ |vande taṃ rāghavaṃ brahma vyāpakaṃ śritamuktidam || 31||
महोदधिर्गुणानां यो निर्दोषः सुषमाकरः ।अमोघार्चास्तवं वन्दे तं रामं वेदवेदितम् ॥ ३२॥
mahodadhirguṇānāṃ yo nirdoṣaḥ suṣamākaraḥ |amoghārcāstavaṃ vande taṃ rāmaṃ vedaveditam || 32||
श्रियानन्दार्यशिष्येण हर्यानन्देन निर्मितम् ।भवताच्चरममन्त्ररामायणं सुखप्रदम् ॥इति प्रतिपक्षिभयङ्कर जगद्गुरु श्रीहर्यानन्दाचार्यसिद्धशिरोमणि प्रणीतं चरममन्त्ररामायणं सम्पूर्णम् ।
śriyānandāryaśiṣyeṇa haryānandena nirmitam |bhavatāccaramamantrarāmāyaṇaṃ sukhapradam ||iti pratipakṣibhayaṅkara jagadguru śrīharyānandācāryasiddhaśiromaṇi praṇītaṃ caramamantrarāmāyaṇaṃ sampūrṇam |
॥ इति चरममन्त्ररामायणं सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Charamamantraramayanam?
Charamamantraramayanam has 34 verses on this page, each shown with its number, Devanagari text and transliteration, and meaning where available.
Can I read Charamamantraramayanam in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Charamamantraramayanam?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
Who composed Charamamantraramayanam?
Haryanandacharya.
