परमस्तुतिः Parama Stutih

मौक्तिकाङ्कुरकल्पदंष्ट्रमुखाम्बुजं प्रलयाम्बुजंचक्रशङ्खवराभयच्छविमत्करं सुयशस्करम् ।रत्नराजिविराजिवृत्तशिरोधरं धरणीधरंपोत्रिरूपिणमच्युतं प्रणतोऽस्मि तं सुखदस्मितम् ॥ १॥

mauktikāṅkurakalpadaṃṣṭramukhāmbujaṃ pralayāmbujaṃcakraśaṅkhavarābhayacchavimatkaraṃ suyaśaskaram |ratnarājivirājivṛttaśirodharaṃ dharaṇīdharaṃpotrirūpiṇamacyutaṃ praṇato'smi taṃ sukhadasmitam || 1||

अङ्कहीननिशेशबिम्बसमाननं निजमाननंशङ्खमाल्यसुबोधपुस्तकधारिणं मधुवैरिणम् ।कुङ्कुमाङ्कितचन्दनोज्जवलकन्धरं श्रुतिमन्दिरंकिङ्करीकृतविश्वमश्वमुखं भजत्सुखदं भजे ॥ २॥

aṅkahīnaniśeśabimbasamānanaṃ nijamānanaṃśaṅkhamālyasubodhapustakadhāriṇaṃ madhuvairiṇam |kuṅkumāṅkitacandanojjavalakandharaṃ śrutimandiraṃkiṅkarīkṛtaviśvamaśvamukhaṃ bhajatsukhadaṃ bhaje || 2||

नीलशैलविशालवप्रलसद्भुजान्तरसद्भुजाबाल्यमानुषसक्तभूललनाश्रमघ्न जितश्रम् ।मालतीमणिमञ्जुमाल्य सरोजनेत्र गुरो जनेकोलरूप भवन्तमीश नतोऽस्मि तं सुखदस्मितम् ॥ ३॥

nīlaśailaviśālavapralasadbhujāntarasadbhujābālyamānuṣasaktabhūlalanāśramaghna jitaśram |mālatīmaṇimañjumālya sarojanetra guro janekolarūpa bhavantamīśa nato'smi taṃ sukhadasmitam || 3||

हारशोभिविशालवक्षसमीश्वरं तमनश्वरंवारिजातसुजातपत्रविलोचनं कृतसेचनम् ।शारदाम्बुदसन्निभं सकलोन्नतं सुजनैर्नतम् ।पारवर्जितशौर्यमश्वमुखं भजत्सुखदं भजे ॥ ४॥

hāraśobhiviśālavakṣasamīśvaraṃ tamanaśvaraṃvārijātasujātapatravilocanaṃ kṛtasecanam |śāradāmbudasannibhaṃ sakalonnataṃ sujanairnatam |pāravarjitaśauryamaśvamukhaṃ bhajatsukhadaṃ bhaje || 4||

जातरूपमयाग्र्यमध्यविभूषणं भवभीषणमपीतवस्त्रविषक्तसद्रशनोर्जितं मलवर्जितम् ।आततायिसुरारिसञ्चयभङ्गदं कनकाङ्गदंख्यातसूकररूपिणं प्रणतोऽस्मि तं सुखदस्मितम् ॥ ५॥

jātarūpamayāgryamadhyavibhūṣaṇaṃ bhavabhīṣaṇamapītavastraviṣaktasadraśanorjitaṃ malavarjitam |ātatāyisurārisañcayabhaṅgadaṃ kanakāṅgadaṃkhyātasūkararūpiṇaṃ praṇato'smi taṃ sukhadasmitam || 5||

पद्मरागविरागकिङ्किणिमेखलाञ्चितमेखलासाध्य बुद्धिरियं वरोदरबन्धन स्मरतां धन ।त्वाद्य चिन्तयदुद्यदर्कसमाम्बरं गतडम्बरंतद्वराय भवन्तमश्वमुखं भजत्सुखदं भजे ॥ ६॥

padmarāgavirāgakiṅkiṇimekhalāñcitamekhalāsādhya buddhiriyaṃ varodarabandhana smaratāṃ dhana |tvādya cintayadudyadarkasamāmbaraṃ gataḍambaraṃtadvarāya bhavantamaśvamukhaṃ bhajatsukhadaṃ bhaje || 6||

मृद्विभेन्द्रकरोपमाङ्कगवल्लभं सुरवल्लभंस्निग्धजानुयुगं मनोहरजङ्घमुद्धृतजङ्गमम् ।पद्मशोभिपदानखीकृतनागमान्यघनागमावेद्यमद्भुतसूकरं प्रणतोऽस्मि तं सुखदस्मितम् ॥ ७॥

mṛdvibhendrakaropamāṅkagavallabhaṃ suravallabhaṃsnigdhajānuyugaṃ manoharajaṅghamuddhṛtajaṅgamam |padmaśobhipadānakhīkṛtanāgamānyaghanāgamāvedyamadbhutasūkaraṃ praṇato'smi taṃ sukhadasmitam || 7||

वर्तुलोरुयुगं मनोरमवृत्तजानुमवृत्तजास्तुत्यकोमलपुष्टजङ्घमहीनतल्पमहीनतम् ।रक्तशारदचारुपद्मलसत्पदं निगमास्पदंदैत्यवार्धिमहौर्वश्वमुखं भजत्सुखदं भजे ॥ ८॥

vartuloruyugaṃ manoramavṛttajānumavṛttajāstutyakomalapuṣṭajaṅghamahīnatalpamahīnatam |raktaśāradacārupadmalasatpadaṃ nigamāspadaṃdaityavārdhimahaurvaśvamukhaṃ bhajatsukhadaṃ bhaje || 8||

वादिराजयतीरिता हयवक्त्रभूधरवक्त्रभूर्वेदवागिव पावनी परमस्तुतिर्गुणविस्तृतिः ।सादरं पठतां सतां हरिपादपेशलपादपेसाधुभक्तिलतां स्थिरीकुरुतेतरामवृतेतरा ॥ ९॥

vādirājayatīritā hayavaktrabhūdharavaktrabhūrvedavāgiva pāvanī paramastutirguṇavistṛtiḥ |sādaraṃ paṭhatāṃ satāṃ haripādapeśalapādapesādhubhaktilatāṃ sthirīkurutetarāmavṛtetarā || 9||

इति श्रीमद्वादिराजपूज्यचरणविरचितापरमस्तुतिः सम्पूर्णा ।भारतीरमणमुख्यप्राणान्तर्गत श्रीकृष्णार्पणमस्तु ।

iti śrīmadvādirājapūjyacaraṇaviracitāparamastutiḥ sampūrṇā |bhāratīramaṇamukhyaprāṇāntargata śrīkṛṣṇārpaṇamastu |