विष्णुस्तुतिः (पराशरमुनिप्रोक्ता विष्णुपुराणान्तर्गता यस्मिन्न्यस्तमतिर्न याति नरकं स्वर्गोऽपि यच्चिन्तने) Parasharamuniprokta Vishnu Stuti

पराशर उवाच ।यस्मिन्न्यस्तमतिर्न याति नरकं स्वर्गोऽपि यच्चिन्तनेविघ्नो यत्र निवेशितात्ममनसो ब्राह्मोऽपि लोकोऽल्पकः ।मुक्तिं चेतसि यस्स्थितोऽमलधियां पुंसां ददात्यव्ययःकिं चित्रं यदघं प्रयाति विलयं तत्राच्युते कीर्त्तिते ॥ ५७॥

parāśara uvāca |yasminnyastamatirna yāti narakaṃ svargo'pi yaccintanevighno yatra niveśitātmamanaso brāhmo'pi loko'lpakaḥ |muktiṃ cetasi yassthito'maladhiyāṃ puṃsāṃ dadātyavyayaḥkiṃ citraṃ yadaghaṃ prayāti vilayaṃ tatrācyute kīrttite || 57||

यज्ञैर्यज्ञविदो यजन्ति सततं यज्ञेश्वरं कर्मिणोयं वै ब्रह्ममयं परावरमयं ध्यायन्ति च ज्ञानिनः ।यं सञ्चिन्त्य न जायते न म्रियते नो वर्द्धते हीयतेनैवासन्न च सद्भवत्यति ततः किं वा हरेश्श्रूयताम् ॥ ५८॥

yajñairyajñavido yajanti satataṃ yajñeśvaraṃ karmiṇoyaṃ vai brahmamayaṃ parāvaramayaṃ dhyāyanti ca jñāninaḥ |yaṃ sañcintya na jāyate na mriyate no varddhate hīyatenaivāsanna ca sadbhavatyati tataḥ kiṃ vā hareśśrūyatām || 58||

कव्यं यः पितृरूपधृग्विधिहुतं हव्यं च भुङ्क्ते विभुःदेवत्वे भगवाननादिनिधनस्स्वाहास्वधासंज्ञिते ।यस्मिन्ब्रह्मणि सर्वशक्तिनिलये मानानि नो मानिनांविष्ठायै प्रभवन्ति हन्ति कलुषं श्रोत्रं स यातो हरिः ॥ ५९॥

kavyaṃ yaḥ pitṛrūpadhṛgvidhihutaṃ havyaṃ ca bhuṅkte vibhuḥdevatve bhagavānanādinidhanassvāhāsvadhāsaṃjñite |yasminbrahmaṇi sarvaśaktinilaye mānāni no mānināṃviṣṭhāyai prabhavanti hanti kaluṣaṃ śrotraṃ sa yāto hariḥ || 59||

नान्तोऽस्ति यस्य न च यस्य समुद्भवोऽस्तिवृद्धिर्न यस्य परिणामविवर्जितस्य ।नापक्षयं च समुपैत्यविकारि वस्तुयस्तं नतोऽस्मि पुरुषोत्तममीशमीड्यम् ॥ ६०॥

nānto'sti yasya na ca yasya samudbhavo'stivṛddhirna yasya pariṇāmavivarjitasya |nāpakṣayaṃ ca samupaityavikāri vastuyastaṃ nato'smi puruṣottamamīśamīḍyam || 60||

तस्यैव योऽनु गुमभुग्बहुधैक एव शुद्धोअप्यशुद्ध इव भाति हि मूर्त्तिभेदैः ।ज्ञानान्वितस्सकलसत्त्वविभूतिकर्त्तातस्मै नमोऽस्तु पुरुषाय सदाऽव्ययाय ॥ ६१॥

tasyaiva yo'nu gumabhugbahudhaika eva śuddhoapyaśuddha iva bhāti hi mūrttibhedaiḥ |jñānānvitassakalasattvavibhūtikarttātasmai namo'stu puruṣāya sadā'vyayāya || 61||

ज्ञानप्रवृत्तिनियमैक्यमयाय पुंसोभोगप्रदानपटवे त्रिगुणात्मकाय ।अव्याकृताय भवभावनकारणायवन्दे स्वरूपभवनाय सदाऽजराय ॥ ६२॥

jñānapravṛttiniyamaikyamayāya puṃsobhogapradānapaṭave triguṇātmakāya |avyākṛtāya bhavabhāvanakāraṇāyavande svarūpabhavanāya sadā'jarāya || 62||

व्योमानिलाग्निजलभूरचनामयायशब्दादिभोग्यविषयोपनयक्षमाय ।पुंसस्समस्तकरणैरुपकारकायव्यक्ताय सूक्ष्मबृहदात्मवते नतोऽस्मि ॥ ६३॥

vyomānilāgnijalabhūracanāmayāyaśabdādibhogyaviṣayopanayakṣamāya |puṃsassamastakaraṇairupakārakāyavyaktāya sūkṣmabṛhadātmavate nato'smi || 63||

इति विविधमजस्य यस्य रूपं प्रकृतिपरात्ममयं सनातनस्य ।प्रदिशतु भगवानशेषपुंसां हरिरपजन्मजरादिकां स सिद्धिम् ॥ ६४॥

iti vividhamajasya yasya rūpaṃ prakṛtiparātmamayaṃ sanātanasya |pradiśatu bhagavānaśeṣapuṃsāṃ harirapajanmajarādikāṃ sa siddhim || 64||

इति श्रीविष्णुमहापुराणे षष्ठांशे अष्टमाध्यायान्तर्गतापराशरमुनिप्रोक्ता विष्णुस्तुतिः समाप्ता ।विष्णुपुराण । अध्याय ६/८/५७६४॥विष्णुपुराण । अध्याय ६/८/५७-६४॥

iti śrīviṣṇumahāpurāṇe ṣaṣṭhāṃśe aṣṭamādhyāyāntargatāparāśaramuniproktā viṣṇustutiḥ samāptā |viṣṇupurāṇa | adhyāya 6/8/5764||viṣṇupurāṇa | adhyāya 6/8/57-64||