श्रीनिवासस्तोत्रम् (2) Shrinivasastotram

अथ विबुधविलासिनीषु विष्वङ्।ह्मुनिमभितः परिवार्य तस्थुषीषु ।मदविहृतिविकत्थनप्रलापास्ववमतिनिर्मितनैजचापलासु ॥ १॥

atha vibudhavilāsinīṣu viṣvaṅ|hmunimabhitaḥ parivārya tasthuṣīṣu |madavihṛtivikatthanapralāpāsvavamatinirmitanaijacāpalāsu || 1||

त्रिभुवनमुदमुद्यतासु कर्तुं मधुसहसागतिसर्वनिर्वहासु ।मधुरसभरिताखिलात्मभावास्वगणितभीतिषु शापतश्शुकस्य ॥ २॥

tribhuvanamudamudyatāsu kartuṃ madhusahasāgatisarvanirvahāsu |madhurasabharitākhilātmabhāvāsvagaṇitabhītiṣu śāpataśśukasya || 2||

अतिविमलमतिर्महानुभावो मुनिरपि शान्तमना निजात्मगुप्त्यै ।अखिलभुवनरक्षकस्य विष्णोः स्तुतिमथ कर्तुमना मनाग्बभूव ॥ ३॥

ativimalamatirmahānubhāvo munirapi śāntamanā nijātmaguptyai |akhilabhuvanarakṣakasya viṣṇoḥ stutimatha kartumanā manāgbabhūva || 3||

श्रियःश्रियं षङ्।ह्गुणपूरपूर्णं श्रीवत्सचिह्नं पुरुषं पुराणम् ।श्रीकण्ठपूर्वामरवृन्दवन्द्यं श्रियःपतिं तं शरणं प्रपद्ये ॥ ४॥

śriyaḥśriyaṃ ṣaṅ|hguṇapūrapūrṇaṃ śrīvatsacihnaṃ puruṣaṃ purāṇam |śrīkaṇṭhapūrvāmaravṛndavandyaṃ śriyaḥpatiṃ taṃ śaraṇaṃ prapadye || 4||

विभुं हृदि स्वं भुवनेशमीड्यं नीळाश्रयं निर्मलचित्तचिन्त्यम् ।परात्परं पामरपारमेनमुपेन्द्रमूर्तिं शरणं प्रपद्ये ॥ ५॥

vibhuṃ hṛdi svaṃ bhuvaneśamīḍyaṃ nīḷāśrayaṃ nirmalacittacintyam |parātparaṃ pāmarapāramenamupendramūrtiṃ śaraṇaṃ prapadye || 5||

स्मेरातसीसूनसमानकान्तिं सुरक्तपद्मप्रभपादहस्तम् ।उन्निद्रपङ्केरुहचारुनेत्रं पवित्रपाणिं शरणं प्रपद्ये ॥ ६॥

smerātasīsūnasamānakāntiṃ suraktapadmaprabhapādahastam |unnidrapaṅkeruhacārunetraṃ pavitrapāṇiṃ śaraṇaṃ prapadye || 6||

सहस्रभानुप्रतिमोपलौघस्फुरत्किरीटप्रवरोत्तमाङ्गम् ।प्रवालमुक्तानवरत्नहारतारं हरिं तं शरणं प्रपद्ये ॥ ७॥

sahasrabhānupratimopalaughasphuratkirīṭapravarottamāṅgam |pravālamuktānavaratnahāratāraṃ hariṃ taṃ śaraṇaṃ prapadye || 7||

पुरा रजोदुष्टधियो विधातुरपाहृतान् यो मधुकैटभाभ्याम् ।वेदानुपादाय ददौ च तस्मै तं मत्स्यरूपं शरणं प्रपद्ये ॥ ८॥

purā rajoduṣṭadhiyo vidhāturapāhṛtān yo madhukaiṭabhābhyām |vedānupādāya dadau ca tasmai taṃ matsyarūpaṃ śaraṇaṃ prapadye || 8||

पयोधिमध्येऽपि च मन्दराद्रिं धर्तुं च यः कूर्मवपुर्बभूव ।सुधां सुराणामवनार्थमिच्छंस्तमादिदेवं शरणं प्रपद्ये ॥ ९॥

payodhimadhye'pi ca mandarādriṃ dhartuṃ ca yaḥ kūrmavapurbabhūva |sudhāṃ surāṇāmavanārthamicchaṃstamādidevaṃ śaraṇaṃ prapadye || 9||

वसुन्धरामन्तरदैत्यपीडां (?) रसातलान्तर्विवशाभिविष्टाम् ।उद्धारणार्थं च वराह आसीच्चतुर्भुजं तं शरणं प्रपद्ये ॥ १०॥

vasundharāmantaradaityapīḍāṃ (?) rasātalāntarvivaśābhiviṣṭām |uddhāraṇārthaṃ ca varāha āsīccaturbhujaṃ taṃ śaraṇaṃ prapadye || 10||

नखैर्वरैस्तीक्ष्णमुखैर्हिरण्यमरातिमामर्दितसर्वसत्त्वम् ।विदारयामास च यो नृसिंहो हिरण्यगर्भं शरणं प्रपद्ये ॥ ११॥

nakhairvaraistīkṣṇamukhairhiraṇyamarātimāmarditasarvasattvam |vidārayāmāsa ca yo nṛsiṃho hiraṇyagarbhaṃ śaraṇaṃ prapadye || 11||

महन्म हत्वेन्द्रियपञ्चभूततन्मात्रमात्रप्रकृतिः पुराणी ।यतः प्रसूता पुरुषास्तदात्मा तमात्मनाथं शरणं प्रपद्ये ॥ १२॥

mahanma hatvendriyapañcabhūtatanmātramātraprakṛtiḥ purāṇī |yataḥ prasūtā puruṣāstadātmā tamātmanāthaṃ śaraṇaṃ prapadye || 12||

पुरा य एतस्तकलं बभूव येनापि तद्यत्र च लीनमेतत् ।आस्तां यतोऽनुग्रहनिग्रहौ च तं श्रीनिवासं शरणं प्रपद्ये ॥ १३॥

purā ya etastakalaṃ babhūva yenāpi tadyatra ca līnametat |āstāṃ yato'nugrahanigrahau ca taṃ śrīnivāsaṃ śaraṇaṃ prapadye || 13||

निरामयं निश्चलनीरराशिनीकाशसद्रूपमयं महस्तत् ।नियन्तु निर्भातृ निहन्तु नित्यं निद्रान्तमेनं शरणं प्रपद्ये ॥ १४॥

nirāmayaṃ niścalanīrarāśinīkāśasadrūpamayaṃ mahastat |niyantu nirbhātṛ nihantu nityaṃ nidrāntamenaṃ śaraṇaṃ prapadye || 14||

जगन्ति यः स्थावरजङ्गमानि संहृत्य सर्वाण्युदरेशयानि ।एकार्णवान्तर्वटपत्रतल्पे स्वपित्यनन्तं शरणं प्रपद्ये ॥ १५॥

jaganti yaḥ sthāvarajaṅgamāni saṃhṛtya sarvāṇyudareśayāni |ekārṇavāntarvaṭapatratalpe svapityanantaṃ śaraṇaṃ prapadye || 15||

निरस्तदुःखौघमतीन्द्रियं तं निष्कारणं निष्कलमप्रमेयम् ।अणोरणीयांसमनन्तमन्तरात्मानुभावं शरणं प्रपद्ये ॥ १६॥

nirastaduḥkhaughamatīndriyaṃ taṃ niṣkāraṇaṃ niṣkalamaprameyam |aṇoraṇīyāṃsamanantamantarātmānubhāvaṃ śaraṇaṃ prapadye || 16||

सप्ताम्बुजीरञ्जकराजहासं सप्तार्णवीसंसृतिकर्णधारम् ।सप्ताश्वबिम्बाश्वहिरण्मयं तं सप्तार्चिरङ्गं शरणं प्रपद्ये ॥ १७॥

saptāmbujīrañjakarājahāsaṃ saptārṇavīsaṃsṛtikarṇadhāram |saptāśvabimbāśvahiraṇmayaṃ taṃ saptārciraṅgaṃ śaraṇaṃ prapadye || 17||

निरागसं निर्मलपूर्णबिम्बं निशीथिनीनाथनिभाननाभम् ।निर्णीतनिद्रं निगमान्तनित्यं निःश्रेयसं तं शरणं प्रपद्ये ॥ १८॥

nirāgasaṃ nirmalapūrṇabimbaṃ niśīthinīnāthanibhānanābham |nirṇītanidraṃ nigamāntanityaṃ niḥśreyasaṃ taṃ śaraṇaṃ prapadye || 18||

निरामयं निर्मलमप्रमेयं निजान्तरारोपितविश्वबिम्बम् ।निस्सीमकल्याणगुणात्मभूतिं निधिं निधीनां शरणं प्रपद्ये ॥ १९॥

nirāmayaṃ nirmalamaprameyaṃ nijāntarāropitaviśvabimbam |nissīmakalyāṇaguṇātmabhūtiṃ nidhiṃ nidhīnāṃ śaraṇaṃ prapadye || 19||

त्वक्।ह्चर्ममांसास्थ्यसृगश्रुमूत्रश्लेष्मान्त्रविट्।ह्च्छुक्लसमुच्चयेषु ।देहेष्वसारेषु न मे स्पृहैषा ध्रुवं ध्रुवं त्वं भगवन् प्रसीद ॥ २०॥

tvak|hcarmamāṃsāsthyasṛgaśrumūtraśleṣmāntraviṭ|hcchuklasamuccayeṣu |deheṣvasāreṣu na me spṛhaiṣā dhruvaṃ dhruvaṃ tvaṃ bhagavan prasīda || 20||

गोविन्द केशव जनार्दन वासुदेव विश्वेश विश्व मधुसूदन विश्वरूपश्रीपद्मनाभ पुरुषोत्तम पुष्कराक्ष नारायणाच्युत नृसिंह नमो नमस्ते ॥ २१॥

govinda keśava janārdana vāsudeva viśveśa viśva madhusūdana viśvarūpaśrīpadmanābha puruṣottama puṣkarākṣa nārāyaṇācyuta nṛsiṃha namo namaste || 21||

देवाः समस्तामरयोगिमुख्याः गन्धर्वविद्याधरकिन्नराश्च ।यत्पादमूलं सततं नमन्ति तं नारसिंहं शरणं प्रपद्ये ॥ २२॥

devāḥ samastāmarayogimukhyāḥ gandharvavidyādharakinnarāśca |yatpādamūlaṃ satataṃ namanti taṃ nārasiṃhaṃ śaraṇaṃ prapadye || 22||

वेदान् समस्तान् खलु शास्त्रगर्भान् आयुः स्थिरं कीर्तिमतीव लक्ष्मीम् ।यस्य प्रसादात् पुरुषा लभन्ते तं नारसिंहं शरणं प्रपद्ये ॥ २३॥

vedān samastān khalu śāstragarbhān āyuḥ sthiraṃ kīrtimatīva lakṣmīm |yasya prasādāt puruṣā labhante taṃ nārasiṃhaṃ śaraṇaṃ prapadye || 23||

ब्रह्मा शिवस्त्वं पुरुषोत्तमश्च नारायणोऽसौ मरुताम्पतिश्च ।चन्दार्कवाव्यग्निमरुद्गणाश्च त्वमेव नान्यत् सततं नतोऽस्मि ॥ २४॥

brahmā śivastvaṃ puruṣottamaśca nārāyaṇo'sau marutāmpatiśca |candārkavāvyagnimarudgaṇāśca tvameva nānyat satataṃ nato'smi || 24||

स्रष्टा च नित्यं जगतामधीशः त्राता च हन्ता विभुरप्रमेयःएकस्त्वमेव त्रिविधा विभिन्नः त्वां सिंहमूर्तिं सततं नतोऽस्मि ॥ २५॥

sraṣṭā ca nityaṃ jagatāmadhīśaḥ trātā ca hantā vibhuraprameyaḥekastvameva trividhā vibhinnaḥ tvāṃ siṃhamūrtiṃ satataṃ nato'smi || 25||

॥ हरिः ॐ शुभमस्तु ॥॥ इति श्रीनिवासस्तोत्रं सम्पूर्णम् ॥

|| hariḥ oṃ śubhamastu |||| iti śrīnivāsastotraṃ sampūrṇam ||