सुब्रह्मण्याक्षरमालिकास्तोत्रम् Shrisubrahmanyaksharamalikastotram

ॐ श्रीगणेशाय नमःशरवणभव गुह शरवणभव गुहशरवणभव गुह पाहि गुरो गुह ॥अखिलजगज्जनिपालननिलयनकारण सत्सुखचिद्घन भो गुह (शर) ॥ १॥

oṃ śrīgaṇeśāya namaḥśaravaṇabhava guha śaravaṇabhava guhaśaravaṇabhava guha pāhi guro guha ||akhilajagajjanipālananilayanakāraṇa satsukhacidghana bho guha (śara) || 1||

आगमनिगदितमङ्गळगुणगणआदिपुरुषपुरुहूत सुपूजित (शर) ॥ २॥

āgamanigaditamaṅgaḷaguṇagaṇaādipuruṣapuruhūta supūjita (śara) || 2||

इभवदनानुज शुभसमुदययुतविभवकरम्बित विभुपदजृम्भित (शर) ॥ ३॥

ibhavadanānuja śubhasamudayayutavibhavakarambita vibhupadajṛmbhita (śara) || 3||

भीतिभयापह नीतिनयावहगीतिकलाखिलरीतिविशारद (शर) ॥ ४॥

bhītibhayāpaha nītinayāvahagītikalākhilarītiviśārada (śara) || 4||

उपपतिरिव कृतवल्लीसङ्गमकुपित वनेचरपतिहृदयङ्गम (शर) ॥ ५॥

upapatiriva kṛtavallīsaṅgamakupita vanecarapatihṛdayaṅgama (śara) || 5||

ऊर्जितशासनमार्जितभूषणस्फूर्जथुघोषण धूर्जटितोषण (शर) ॥ ६॥

ūrjitaśāsanamārjitabhūṣaṇasphūrjathughoṣaṇa dhūrjaṭitoṣaṇa (śara) || 6||

ऋषिगणविगणितचरणकमलयुतऋजुसरणिचरित महदवनमहित (शर) ॥ ७॥

ṛṣigaṇavigaṇitacaraṇakamalayutaṛjusaraṇicarita mahadavanamahita (śara) || 7||

ॠकाराक्षररूप पुरातनराकाचन्द्रनिकाश षडानन (शर) ॥ ८॥

ṝkārākṣararūpa purātanarākācandranikāśa ṣaḍānana (śara) || 8||

लृकाररूपोपकारसुनिरतविकाररहितापकारसुविरत (शर) ॥ ९॥

lṛkārarūpopakārasuniratavikārarahitāpakārasuvirata (śara) || 9||

ॡकाराकृति शोकापोहनकेकारवयुत केकिविनोदन (शर) ॥ १०॥

ḹkārākṛti śokāpohanakekāravayuta kekivinodana (śara) || 10||

एडकवाहन मूढविमोहनऊढसमभुवन सोढसद्करण (शर) ॥ ११॥

eḍakavāhana mūḍhavimohanaūḍhasamabhuvana soḍhasadkaraṇa (śara) || 11||

ऐलबिलादिदिगीशबलावृतकैलासाचललीलालालस (शर) ॥ १२॥

ailabilādidigīśabalāvṛtakailāsācalalīlālālasa (śara) || 12||

ओजोरेजित तेजोराजितआजिविराजदरात्यपराजित (शर) ॥ १३॥

ojorejita tejorājitaājivirājadarātyaparājita (śara) || 13||

औपनिषदपरमात्मपदोदितऔपाधिकविग्रहतामुपगत (शर) ॥ १४॥

aupaniṣadaparamātmapadoditaaupādhikavigrahatāmupagata (śara) || 14||

अंहोनाशन रंहोगाहनब्रह्मोद्बोधन सिंहोन्मेषण (शर) ॥ १५॥

aṃhonāśana raṃhogāhanabrahmodbodhana siṃhonmeṣaṇa (śara) || 15||

अस्तविशस्तसमस्तमहासुरहस्तसततधृतशक्तिभृतामर (शर) ॥ १६॥

astaviśastasamastamahāsurahastasatatadhṛtaśaktibhṛtāmara (śara) || 16||

करुणाविग्रह कलितानुग्रहकटुमतिदुर्ग्रह पटुयतिसुग्रह (शर) ॥ १७॥

karuṇāvigraha kalitānugrahakaṭumatidurgraha paṭuyatisugraha (śara) || 17||

खण्डितचण्डमहासुरमण्डलमण्डितनिबिडश्यामळकुन्तल (शर) ॥ १८॥

khaṇḍitacaṇḍamahāsuramaṇḍalamaṇḍitanibiḍaśyāmaḷakuntala (śara) || 18||

गङ्गासम्भव गिरिशतनूभवरङ्गपुरोभव तुङ्गकुचाधव (शर) ॥ १९॥

gaṅgāsambhava giriśatanūbhavaraṅgapurobhava tuṅgakucādhava (śara) || 19||

घनवाहनमुख सुरवरवन्दितघननादोदित शिखिनटनन्दित (शर) ॥ २०॥

ghanavāhanamukha suravaravanditaghananādodita śikhinaṭanandita (śara) || 20||

ङवमानधनुमौर्वीरवरतपवमानधृतव्यजनकृतिमुदित (शर) ॥ २१॥

ṅavamānadhanumaurvīravaratapavamānadhṛtavyajanakṛtimudita (śara) || 21||

चरणायुध धर करणा वृतिहरतरुणा कृतिवर करुणासागर (शर) ॥ २२॥

caraṇāyudha dhara karaṇā vṛtiharataruṇā kṛtivara karuṇāsāgara (śara) || 22||

छेदित तारक भेदित पातकखेदित घातक वाञ्छित दायक (शर) ॥ २३॥

chedita tāraka bhedita pātakakhedita ghātaka vāñchita dāyaka (śara) || 23||

जलजनिभनयन खलमनुज मथनबलिदनुजमदन कलिकलुषशमन (शर) ॥ २४॥

jalajanibhanayana khalamanuja mathanabalidanujamadana kalikaluṣaśamana (śara) || 24||

झषकेतनसम वृषकेतनरममिषचेतनयम वृषकारिसुगम (शर) ॥ २५॥

jhaṣaketanasama vṛṣaketanaramamiṣacetanayama vṛṣakārisugama (śara) || 25||

ज्ञातागमचय धूताघनिचयवीतषडरिरय गीतगुणोदय (शर) ॥ २६॥

jñātāgamacaya dhūtāghanicayavītaṣaḍariraya gītaguṇodaya (śara) || 26||

टङ्कारागत कङ्कात्ताहितझङ्काराढ्यालङ्कारावृत (शर) ॥ २७॥

ṭaṅkārāgata kaṅkāttāhitajhaṅkārāḍhyālaṅkārāvṛta (śara) || 27||

ठाकृतिराजित हाटककुण्डलस्वाकृतिरेजित घोटकमण्डल (शर) ॥ २८॥

ṭhākṛtirājita hāṭakakuṇḍalasvākṛtirejita ghoṭakamaṇḍala (śara) || 28||

डिम्भाकृतियुत रम्भानटरतजम्भारिविनुत कुम्भोद्भवनुत (शर) ॥ २९॥

ḍimbhākṛtiyuta rambhānaṭaratajambhārivinuta kumbhodbhavanuta (śara) || 29||

ढक्कारवकृत धिक्काराहितदिक्कालामित हिक्कादिरहित (शर) ॥ ३०॥

ḍhakkāravakṛta dhikkārāhitadikkālāmita hikkādirahita (śara) || 30||

णकारतरुसुम निकाररतिदमणकारयुतमनुजपविहितागम (शर) ॥ ३१॥

ṇakāratarusuma nikāraratidamaṇakārayutamanujapavihitāgama (śara) || 31||

तापत्रयहर कालत्रयचरलोकत्रयधर वर्गत्रयकर (शर) ॥ ३२॥

tāpatrayahara kālatrayacaralokatrayadhara vargatrayakara (śara) || 32||

स्थिरपददायक सुरवरनायकनिरसितसायक निरुपमगायक (शर) ॥ ३३॥

sthirapadadāyaka suravaranāyakanirasitasāyaka nirupamagāyaka (śara) || 33||

दान्तदयापर कान्तकळेबरभ्रान्तं मां तर शान्तहृदयवर (शर) ॥ ३४॥

dāntadayāpara kāntakaḷebarabhrāntaṃ māṃ tara śāntahṛdayavara (śara) || 34||

धीरोदात्त गुणोत्तरजित्वर ॥धीरोपासित वित्तमहत्तर (शर) ॥ ३५॥

dhīrodātta guṇottarajitvara ||dhīropāsita vittamahattara (śara) || 35||

नववीराहित सवयोविहसितभवरोगावृतमनुजजिहासित (शर) ॥ ३६॥

navavīrāhita savayovihasitabhavarogāvṛtamanujajihāsita (śara) || 36||

पुष्करमालावासितविग्रहपुण्यपरायण विहितपरिग्रह (शर) ॥ ३७॥

puṣkaramālāvāsitavigrahapuṇyaparāyaṇa vihitaparigraha (śara) || 37||

फाललसन्मृगमदतिलकोज्ज्वलकलिमलतूल सुवातूलातुल (शर) ॥ ३८॥

phālalasanmṛgamadatilakojjvalakalimalatūla suvātūlātula (śara) || 38||

बन्दीकृतसुरवृन्दानन्दनवन्दारु मनुज मन्दारद्रुम (शर)॥ ३९॥

bandīkṛtasuravṛndānandanavandāru manuja mandāradruma (śara)|| 39||

भवतागमितः कारागारंप्रणवाविदितश्चतुरास्योरम् (शर) ॥ ४०॥

bhavatāgamitaḥ kārāgāraṃpraṇavāviditaścaturāsyoram (śara) || 40||

महनीयमहावाक्योद्घोषितकमनीयमहामकुटोद्भूषित (शर) ॥ ४१॥

mahanīyamahāvākyodghoṣitakamanīyamahāmakuṭodbhūṣita (śara) || 41||

योगिहृदय सरसीरुहभास्वरयोगाधीश्वर भोगविकस्वर (शर) ॥ ४२॥

yogihṛdaya sarasīruhabhāsvarayogādhīśvara bhogavikasvara (śara) || 42||

रक्षोशिक्षणकृत्यविचक्षणरक्षणक्षकटाक्षनिरीक्षण (शर) ॥ ४३॥

rakṣośikṣaṇakṛtyavicakṣaṇarakṣaṇakṣakaṭākṣanirīkṣaṇa (śara) || 43||

लोलदुकूलाञ्चलपादाञ्चलबालकुतूहल लीलापेशल (शर) ॥ ४४॥

loladukūlāñcalapādāñcalabālakutūhala līlāpeśala (śara) || 44||

वलवैरिसुताचरितापहसितलवलीतिमता भवतो वनिता (शर) ॥ ४५॥

valavairisutācaritāpahasitalavalītimatā bhavato vanitā (śara) || 45||

शूलायुधधर कालायुतहरमालायुतभर हेलायुतकर (शर) ॥ ४६॥

śūlāyudhadhara kālāyutaharamālāyutabhara helāyutakara (śara) || 46||

षट्कोणस्थित षट्तारकसुतषड्भावरहित षडूर्मिघातक (शर) ॥ ४७॥

ṣaṭkoṇasthita ṣaṭtārakasutaṣaḍbhāvarahita ṣaḍūrmighātaka (śara) || 47||

सुब्रह्मण्योमिति निगमान्तोवदति भवन्तं प्रणवपदार्थम् (शर) ॥ ४८॥

subrahmaṇyomiti nigamāntovadati bhavantaṃ praṇavapadārtham (śara) || 48||

हारावळियुतकाराहृतसुरधारारतहयनियुत नियुतरथ (शर) ॥ ४९॥

hārāvaḷiyutakārāhṛtasuradhārāratahayaniyuta niyutaratha (śara) || 49||

लळितकरकमल लुळितवरवलयदळितासुरचय मिळितामरचय (शर) ॥ ५०॥

laḷitakarakamala luḷitavaravalayadaḷitāsuracaya miḷitāmaracaya (śara) || 50||

क्षणभङ्गुरजगदुपपादनचणवेदविनिश्चित तत्त्वजनावन (शर) ॥ ५१॥

kṣaṇabhaṅgurajagadupapādanacaṇavedaviniścita tattvajanāvana (śara) || 51||

नीलकण्ठकृतवर्णमालिकाप्रीतये भवतु पार्वतीभुवः ॥इति नीलकण्ठकृता श्रीसुब्रह्मण्याक्षरमालिका समाप्ता ॥

nīlakaṇṭhakṛtavarṇamālikāprītaye bhavatu pārvatībhuvaḥ ||iti nīlakaṇṭhakṛtā śrīsubrahmaṇyākṣaramālikā samāptā ||