षण्मुखध्यानम् Shrishanmukhadhyanam

ॐ श्रीगणेशाय नमः ।षडाननं त्रिषण्णेत्रं विद्रुमाभं द्विपादकम् ।खड्गाभयगदाशक्तिखेटं दक्षिणबाहुभिः ॥ १॥

oṃ śrīgaṇeśāya namaḥ |ṣaḍānanaṃ triṣaṇṇetraṃ vidrumābhaṃ dvipādakam |khaḍgābhayagadāśaktikheṭaṃ dakṣiṇabāhubhiḥ || 1||

वरपद्मधनुःशूलवज्रान् वामेन धारिणम् ।वज्रप्रवाळवैडूर्यप्रत्युप्तमकुटान्वितम् ॥ २॥

varapadmadhanuḥśūlavajrān vāmena dhāriṇam |vajrapravāḷavaiḍūryapratyuptamakuṭānvitam || 2||

पीताम्बरविभूषाढ्यं दिव्यगन्धानुलेपनम् ।रत्नाद्याभरणैर्युक्तं प्रसन्नवदनान्वितम् ॥ ३॥

pītāmbaravibhūṣāḍhyaṃ divyagandhānulepanam |ratnādyābharaṇairyuktaṃ prasannavadanānvitam || 3||

मयूरेशसमासीनं सर्वाभरणभूषितम् ।गुहं षोडशवेतानं षण्मुखं च विभावयेत् ॥ ४॥

mayūreśasamāsīnaṃ sarvābharaṇabhūṣitam |guhaṃ ṣoḍaśavetānaṃ ṣaṇmukhaṃ ca vibhāvayet || 4||

पूर्वमुखध्यानंवचद्भुवं शशाङ्काभं एकवक्त्रं त्रिलोचनम् ।चतुर्भुजसमायुक्तं वराभयसमन्वितम् ॥स्वये चान्ये दण्डयुतं ऊरूहस्तं च वामके ।रुद्राक्षमालाभरणं भस्मपुण्ड्राङ्गितं क्रमात् ॥पुरश्चूडासमायुक्तं मौञ्जीकौपीनधारिणम् ।अक्षमालासमायुक्तं पादुकाद्वयभूषितम् ॥काषायवस्त्रसंयुक्तं वचद्भुवं विभावयेत् ॥दक्षिणमुखध्यानम् ।जगद्भूतं भृङ्गवर्णं एकवक्त्रं वराभयम् ।शक्तिशूलसमायुक्तं करण्डमकुटान्वितम् ॥मयुरेशसमासीनं भावये च विशेषतः ॥नैरृतिमुखध्यानम्विश्वभुवं च रक्ताभं एकवक्त्रं त्रिलोचनम् ।वराभयकरोपेतं खड्गकेटकसम्युतम् ॥मयूरवाहनारूढं भावयेत्सततं मुदा ॥पश्चिममुखध्यानम् ।शुक्लवर्णं ब्रह्मभुवं एकवक्त्रं त्रिलोचनम् ।वराभयसमायुक्तं घण्डानादसमन्वितम् ॥मयूरेशसमासीनं भावये च विशेषतः ॥उत्तरमुखध्यानम् ।हेमवर्णञ्चाग्निभुवं त्रिनेत्रं चैकवक्त्रकम् ।वराभयसमायुक्तं गदाध्वजसमन्वितम् ॥मयूरवाहनारूढं भावयेद्वह्निसम्भवम् ॥ईशानमुखध्यानम् ।बृहद्भुवं च स्फटिकवर्णाभं चैकवक्त्रकम् ।वराभयसमायुक्तं त्रिनेत्रं यज्ञसूत्रकम् ॥मयूरेशसमासीनं बृहद्भुवं विभावयेत् ॥ॐ नमो भगवते सुब्रह्मण्याय ।

pūrvamukhadhyānaṃvacadbhuvaṃ śaśāṅkābhaṃ ekavaktraṃ trilocanam |caturbhujasamāyuktaṃ varābhayasamanvitam ||svaye cānye daṇḍayutaṃ ūrūhastaṃ ca vāmake |rudrākṣamālābharaṇaṃ bhasmapuṇḍrāṅgitaṃ kramāt ||puraścūḍāsamāyuktaṃ mauñjīkaupīnadhāriṇam |akṣamālāsamāyuktaṃ pādukādvayabhūṣitam ||kāṣāyavastrasaṃyuktaṃ vacadbhuvaṃ vibhāvayet ||dakṣiṇamukhadhyānam |jagadbhūtaṃ bhṛṅgavarṇaṃ ekavaktraṃ varābhayam |śaktiśūlasamāyuktaṃ karaṇḍamakuṭānvitam ||mayureśasamāsīnaṃ bhāvaye ca viśeṣataḥ ||nairṛtimukhadhyānamviśvabhuvaṃ ca raktābhaṃ ekavaktraṃ trilocanam |varābhayakaropetaṃ khaḍgakeṭakasamyutam ||mayūravāhanārūḍhaṃ bhāvayetsatataṃ mudā ||paścimamukhadhyānam |śuklavarṇaṃ brahmabhuvaṃ ekavaktraṃ trilocanam |varābhayasamāyuktaṃ ghaṇḍānādasamanvitam ||mayūreśasamāsīnaṃ bhāvaye ca viśeṣataḥ ||uttaramukhadhyānam |hemavarṇañcāgnibhuvaṃ trinetraṃ caikavaktrakam |varābhayasamāyuktaṃ gadādhvajasamanvitam ||mayūravāhanārūḍhaṃ bhāvayedvahnisambhavam ||īśānamukhadhyānam |bṛhadbhuvaṃ ca sphaṭikavarṇābhaṃ caikavaktrakam |varābhayasamāyuktaṃ trinetraṃ yajñasūtrakam ||mayūreśasamāsīnaṃ bṛhadbhuvaṃ vibhāvayet ||oṃ namo bhagavate subrahmaṇyāya |