सुब्रह्मण्यपञ्चरत्नम् ३ Shrisubrahmanyapancharatnam 3

ॐ श्रीगणेशाय नमः ।श्रुतिशतनुतरत्नं शुद्धसत्त्वैकरत्नंयतिहितकररत्नं यज्ञसम्भाव्यरत्नम् ।दितिसुतरिपुरत्नं देवसेनेशरत्नंजितरतिपतिरत्नं चिन्तयेत्स्कन्दरत्नम् ॥ १॥

oṃ śrīgaṇeśāya namaḥ |śrutiśatanutaratnaṃ śuddhasattvaikaratnaṃyatihitakararatnaṃ yajñasambhāvyaratnam |ditisutaripuratnaṃ devaseneśaratnaṃjitaratipatiratnaṃ cintayetskandaratnam || 1||

सुरमुखपतिरत्नं सूक्ष्मबोधैकरत्नंपरमसुखदरत्नं पार्वतीसूनुरत्नम् ।शरवणभवरत्नं शत्रुसंहाररत्नंस्मरहरसुतरत्नं चिन्तयेत्स्कन्दरत्नम् ॥ २॥

suramukhapatiratnaṃ sūkṣmabodhaikaratnaṃparamasukhadaratnaṃ pārvatīsūnuratnam |śaravaṇabhavaratnaṃ śatrusaṃhāraratnaṃsmaraharasutaratnaṃ cintayetskandaratnam || 2||

निधिपतिहितरत्नं निश्चिताद्वैतरत्नंमधुरचरितरत्नं मानिताङ्घ्र्यब्जरत्नम् ।विधुशतनिभरत्नं विश्वसन्त्राणरत्नंबुधमुनिगुरुरत्नं चिन्तयेत्स्कन्दरत्नम् ॥ ३॥

nidhipatihitaratnaṃ niścitādvaitaratnaṃmadhuracaritaratnaṃ mānitāṅghryabjaratnam |vidhuśatanibharatnaṃ viśvasantrāṇaratnaṃbudhamunigururatnaṃ cintayetskandaratnam || 3||

अभयवरदरत्नं चाप्तसन्तानरत्नंइभमुखयुतरत्नं ईशशक्त्येकरत्नम् ।शुभकरमुखरत्नं शूरसंहाररत्नंउभयगतिदरत्नं चिन्तयेत्स्कन्दरत्नम् ॥ ४॥

abhayavaradaratnaṃ cāptasantānaratnaṃibhamukhayutaratnaṃ īśaśaktyekaratnam |śubhakaramukharatnaṃ śūrasaṃhāraratnaṃubhayagatidaratnaṃ cintayetskandaratnam || 4||

सुजनसुलभरत्नं स्वर्णवल्लीशरत्नंभजनसुखदरत्नं भानुकोट्याभरत्नम् ।अजशिवगुरुरत्नं चाद्भुताकाररत्नंद्विजगणनुतरत्नं चिन्तयेत्स्कन्दरत्नम् ॥ ५॥

sujanasulabharatnaṃ svarṇavallīśaratnaṃbhajanasukhadaratnaṃ bhānukoṭyābharatnam |ajaśivagururatnaṃ cādbhutākāraratnaṃdvijagaṇanutaratnaṃ cintayetskandaratnam || 5||

षण्मुखस्य सकलार्थसिद्धिदंपञ्चरत्नमघवृन्दकृन्तनम् ।ये पठन्ति विभवैः स्फुटान्विताःश्रीधराख्यगुरुमूर्त्यनुग्रहात् ॥ ६॥

ṣaṇmukhasya sakalārthasiddhidaṃpañcaratnamaghavṛndakṛntanam |ye paṭhanti vibhavaiḥ sphuṭānvitāḥśrīdharākhyagurumūrtyanugrahāt || 6||

इति श्री श्रीधरार्यविरचितं श्रीसुब्रह्मण्यपञ्चरत्नं सम्पूर्णम् ।

iti śrī śrīdharāryaviracitaṃ śrīsubrahmaṇyapañcaratnaṃ sampūrṇam |