सुब्रह्मण्यकवचम् २ Shrisubrahmanya Kavacham 2

॥ श्रीरस्तु॥॥ ॐ नमस्सुब्रह्मण्याय ॥॥ अथ सुब्रह्मण्य कवचम् ॥अस्य श्री सुब्रह्मण्य कवचस्तोत्र महामन्त्रस्यअगस्त्यो भगवान् ऋषिः\, अनुष्टुप्छन्दः\, श्री सुब्रह्मण्यो देवता\,सं बीजं\, स्वाहा शक्तिः\, सः कीलकं\,श्री सुब्रह्मण्यप्रसादसिद्ध्यर्थे जपे विनियोगः ।हिरण्यशरीराय अङ्गुष्ठाभ्यां नमः\,इक्षु धनुर्धराय तर्जनीभ्यां नमः\,शरवणभवाय मध्यमाभ्यां नमः\,शिखिवाहनाय अनामिकाभ्यां नमः\,शक्तिहस्ताय कनिष्ठिकाभ्यां नमः\,सकलदुरित मोचनाय करतलकरपृष्ठाभ्यां नमः ।एवं हृदयादि न्यासः ।॥ ध्यानम् ॥कनककुण्डलमण्डितषण्मुखं वनजराजित लोचनम् ।निशित शस्त्रशरासनधारिणं शरवणोद्भवमीशसुतं भजे ॥अथ लमित्यादिभिः पञ्चपूजा ॥लं पृथिव्यात्मने गन्धं कल्पयामि ।हं आकाशात्मने पुष्पाणि कल्पयामि ।यं वाय्वात्मने धूपं कल्पयामि ।रं अग्न्यात्मने दीपं कल्पयामि ।वं अमृतात्मने अमृतं महानैवेद्यं कल्पयामि ।सं सर्वात्मने ताम्बूलादि सर्वोपचारपूजान् कल्पयामि ॥अगस्त्य उवाच ॥स्कन्दस्य कवचं दिव्यं नाना रक्षाकरं परम् ।पुरा पिनाकिना प्रोक्तं ब्रह्मणोऽनन्तशक्तये ॥ १॥

|| śrīrastu|||| oṃ namassubrahmaṇyāya |||| atha subrahmaṇya kavacam ||asya śrī subrahmaṇya kavacastotra mahāmantrasyaagastyo bhagavān ṛṣiḥ\, anuṣṭupchandaḥ\, śrī subrahmaṇyo devatā\,saṃ bījaṃ\, svāhā śaktiḥ\, saḥ kīlakaṃ\,śrī subrahmaṇyaprasādasiddhyarthe jape viniyogaḥ |hiraṇyaśarīrāya aṅguṣṭhābhyāṃ namaḥ\,ikṣu dhanurdharāya tarjanībhyāṃ namaḥ\,śaravaṇabhavāya madhyamābhyāṃ namaḥ\,śikhivāhanāya anāmikābhyāṃ namaḥ\,śaktihastāya kaniṣṭhikābhyāṃ namaḥ\,sakaladurita mocanāya karatalakarapṛṣṭhābhyāṃ namaḥ |evaṃ hṛdayādi nyāsaḥ ||| dhyānam ||kanakakuṇḍalamaṇḍitaṣaṇmukhaṃ vanajarājita locanam |niśita śastraśarāsanadhāriṇaṃ śaravaṇodbhavamīśasutaṃ bhaje ||atha lamityādibhiḥ pañcapūjā ||laṃ pṛthivyātmane gandhaṃ kalpayāmi |haṃ ākāśātmane puṣpāṇi kalpayāmi |yaṃ vāyvātmane dhūpaṃ kalpayāmi |raṃ agnyātmane dīpaṃ kalpayāmi |vaṃ amṛtātmane amṛtaṃ mahānaivedyaṃ kalpayāmi |saṃ sarvātmane tāmbūlādi sarvopacārapūjān kalpayāmi ||agastya uvāca ||skandasya kavacaṃ divyaṃ nānā rakṣākaraṃ param |purā pinākinā proktaṃ brahmaṇo'nantaśaktaye || 1||

तदहं सम्प्रवक्ष्यामि भद्रं ते शृणु नारद ।अस्ति गुह्यं महापुण्यं सर्वप्राणि प्रियङ्करम् ॥ २॥

tadahaṃ sampravakṣyāmi bhadraṃ te śṛṇu nārada |asti guhyaṃ mahāpuṇyaṃ sarvaprāṇi priyaṅkaram || 2||

जपमात्रेण पापघ्नं सर्वकामफलप्रदम् ।मन्त्रप्राणमिदं ज्ञेयं सर्वविद्यादिकारकम् ॥ ३॥

japamātreṇa pāpaghnaṃ sarvakāmaphalapradam |mantraprāṇamidaṃ jñeyaṃ sarvavidyādikārakam || 3||

स्कन्दस्य कवचं दिव्यं पठनाद्व्याधिनाशनम् ।पिशाच घोरभूतानां स्मरणादेव शान्तिदम् ॥ ४॥

skandasya kavacaṃ divyaṃ paṭhanādvyādhināśanam |piśāca ghorabhūtānāṃ smaraṇādeva śāntidam || 4||

पठितं स्कन्दकवचं श्रद्धयानन्यचेतसा ।तेषां दारिद्र्यदुरितं न कदाचिद्भविष्यति ॥ ५॥

paṭhitaṃ skandakavacaṃ śraddhayānanyacetasā |teṣāṃ dāridryaduritaṃ na kadācidbhaviṣyati || 5||

भूयस्साम्राज्य संसिद्धिरन्ते कैवल्यमक्षयम् ।दीर्घायुष्यं भवेत्तस्य स्कन्दे भक्तिश्च जायते ॥ ६॥

bhūyassāmrājya saṃsiddhirante kaivalyamakṣayam |dīrghāyuṣyaṃ bhavettasya skande bhaktiśca jāyate || 6||

शिखां रक्षेत्कुमारस्तु कार्तिकेयश्शिरोऽवतु ।ललाटं पार्वतीसूनुः विशाको भ्रूयुगं मम ॥ ७॥

śikhāṃ rakṣetkumārastu kārtikeyaśśiro'vatu |lalāṭaṃ pārvatīsūnuḥ viśāko bhrūyugaṃ mama || 7||

लोचने क्रौञ्चभेदी च नासिकां शिखिवाहनः ।कर्णद्वयं शक्तिधरः कर्णमूलं षडाननः ॥ ८॥

locane krauñcabhedī ca nāsikāṃ śikhivāhanaḥ |karṇadvayaṃ śaktidharaḥ karṇamūlaṃ ṣaḍānanaḥ || 8||

गण्डयुग्मं महासेनः कपोलौ तारकान्तकः ।ओष्ठद्वयञ्च सेनानीः रसनां शिखिवाहनः ॥ ९॥

gaṇḍayugmaṃ mahāsenaḥ kapolau tārakāntakaḥ |oṣṭhadvayañca senānīḥ rasanāṃ śikhivāhanaḥ || 9||

तालू कलानिधिः पातु दन्ताञ्च देवशिखामणिः।गाङ्गेयश्चुबुकं पातु मुखं पातु शरोद्भवः ॥ १०॥

tālū kalānidhiḥ pātu dantāñca devaśikhāmaṇiḥ|gāṅgeyaścubukaṃ pātu mukhaṃ pātu śarodbhavaḥ || 10||

हनू हरसुतः पातु कण्ठं कारुण्य-वारिधिः ।स्कन्धावुमासुतः पातु बाहुलेयो भुज-द्वयम् ॥ ११॥

hanū harasutaḥ pātu kaṇṭhaṃ kāruṇya-vāridhiḥ |skandhāvumāsutaḥ pātu bāhuleyo bhuja-dvayam || 11||

बाहू भवेद्भवः पातु स्तनौ पातु महोरगः ।मध्यं जगद्विभुः पातु नाभिं द्वादश-लोचनः ॥१२ ॥

bāhū bhavedbhavaḥ pātu stanau pātu mahoragaḥ |madhyaṃ jagadvibhuḥ pātu nābhiṃ dvādaśa-locanaḥ ||12 ||

कटिं द्विषड्भुजः पातु गुह्यं गङ्गासुतोऽवतु ।जघनं जाह्नवीसूनुः पृष्ठभागं परन्तपः ॥ १३॥

kaṭiṃ dviṣaḍbhujaḥ pātu guhyaṃ gaṅgāsuto'vatu |jaghanaṃ jāhnavīsūnuḥ pṛṣṭhabhāgaṃ parantapaḥ || 13||

ऊरू रक्षेदुमापुत्रः जानुयुग्मं जगद्धरः ।जङ्घे पातु जगत्पूज्यः गुल्फौ पातु महाबलः ॥ १४॥

ūrū rakṣedumāputraḥ jānuyugmaṃ jagaddharaḥ |jaṅghe pātu jagatpūjyaḥ gulphau pātu mahābalaḥ || 14||

पादौ पातु परंज्योतिः सर्वाङ्गं कुक्कुटद्ध्वजः ।ऊर्ध्वं पातु महोदारः अधस्तात्पातु शाङ्करिः ॥ १५॥

pādau pātu paraṃjyotiḥ sarvāṅgaṃ kukkuṭaddhvajaḥ |ūrdhvaṃ pātu mahodāraḥ adhastātpātu śāṅkariḥ || 15||

पार्श्वयोः पातु शत्रुघ्नः सर्वदा पातु शाश्वतः ।प्रातः पातु परं ब्रह्म मद्ध्याह्ने युद्धकौशलः ॥ १६॥

pārśvayoḥ pātu śatrughnaḥ sarvadā pātu śāśvataḥ |prātaḥ pātu paraṃ brahma maddhyāhne yuddhakauśalaḥ || 16||

अपराह्ने गुहः पातु रात्रौ दैत्यान्तकोऽवतु ।त्रिसन्ध्यन्तु त्रिकालज्ञः अन्तस्थं पात्वरिन्दमः ॥ १७॥

aparāhne guhaḥ pātu rātrau daityāntako'vatu |trisandhyantu trikālajñaḥ antasthaṃ pātvarindamaḥ || 17||

बहिस्थितं पातु खढ्गी निषण्णं कृत्तिकासुतः ।व्रजन्तं प्रथमाधीशः तिष्ठन्तं पातु पाशभृत् ॥ १८॥

bahisthitaṃ pātu khaḍhgī niṣaṇṇaṃ kṛttikāsutaḥ |vrajantaṃ prathamādhīśaḥ tiṣṭhantaṃ pātu pāśabhṛt || 18||

शयने पातु मां शूरः मार्गे मां पातु शूरजित् ।उग्रारण्ये वज्रधरः सदा रक्षतु मां वटुः ॥ १९॥

śayane pātu māṃ śūraḥ mārge māṃ pātu śūrajit |ugrāraṇye vajradharaḥ sadā rakṣatu māṃ vaṭuḥ || 19||

सुब्रह्मण्यस्य कवचं धर्मकामार्थमोक्षदम् ।मन्त्राणां परमं मन्त्रं रहस्यं सर्वदेहिनाम् ॥ २०॥

subrahmaṇyasya kavacaṃ dharmakāmārthamokṣadam |mantrāṇāṃ paramaṃ mantraṃ rahasyaṃ sarvadehinām || 20||

सर्वरोगप्रशमनं सर्वव्याधि विनाशनम् ।सर्वपुण्य प्रदं दिव्यं सुभगैश्वर्य वर्धनम् ॥ २१॥

sarvarogapraśamanaṃ sarvavyādhi vināśanam |sarvapuṇya pradaṃ divyaṃ subhagaiśvarya vardhanam || 21||

सर्वत्र शुभदं नित्यं यः पठेद्वज्रपञ्जरम् ।सुब्रह्मण्यस्सुसम्प्रीतो वाञ्छितार्थान् प्रयच्छति ॥ २२॥

sarvatra śubhadaṃ nityaṃ yaḥ paṭhedvajrapañjaram |subrahmaṇyassusamprīto vāñchitārthān prayacchati || 22||

देहान्ते मुक्तिमाप्नोति स्कन्दवर्मानुभावतः ॥॥ इति स्कान्दे अगस्त्य नारद संवादे शिवप्रोक्तंसुब्रह्मण्य कवचं सम्पूर्णम् ॥

dehānte muktimāpnoti skandavarmānubhāvataḥ |||| iti skānde agastya nārada saṃvāde śivaproktaṃsubrahmaṇya kavacaṃ sampūrṇam ||