सुब्रह्मण्यमङ्गलाष्टकम् २ Shri Subrahmanya Mangala Ashtakam

श्रीमद्गौरिसुतायास्तु श्रितमन्दारशाखिने ।शिखिवर्य तुरङ्गाय सुब्रह्मण्याय मङ्गलम् ॥ १॥

śrīmadgaurisutāyāstu śritamandāraśākhine |śikhivarya turaṅgāya subrahmaṇyāya maṅgalam || 1||

भक्ताभीष्टप्रदायास्तु भवरोगविनाशिनेभवानीप्रियपुत्राय रणधीराय मङ्गलम् ॥ २॥

bhaktābhīṣṭapradāyāstu bhavarogavināśinebhavānīpriyaputrāya raṇadhīrāya maṅgalam || 2||

शूरपद्मादि दनुजतमिस्र कुलभानवेतारकासुरसंहार नर्मशीलाय मङ्गलम् ॥ ३॥

śūrapadmādi danujatamisra kulabhānavetārakāsurasaṃhāra narmaśīlāya maṅgalam || 3||

वल्लीवदनराजीव मधुपाय महौजसे ।उल्लसन्मणिकोटीर भासुरायास्तु मङ्गलम् ॥ ४॥

vallīvadanarājīva madhupāya mahaujase |ullasanmaṇikoṭīra bhāsurāyāstu maṅgalam || 4||

कोटिकन्दर्पलावण्यनिधये कामदायिनेखेटकादि धनुश्यक्तिधराय शुभमङ्गलम् ॥ ५॥

koṭikandarpalāvaṇyanidhaye kāmadāyinekheṭakādi dhanuśyaktidharāya śubhamaṅgalam || 5||

कनकाम्बरसंराजत्कमनीयाङ्गधारिणेसनकादि महायोगि संस्तुतायास्तु मङ्गलम् ॥ ६॥

kanakāmbarasaṃrājatkamanīyāṅgadhāriṇesanakādi mahāyogi saṃstutāyāstu maṅgalam || 6||

मुक्ताहारलसत्कण्ठराजये मुक्तिदायिने ।व्यालरूपाय विगतविकारायास्तु मङ्गलम् ॥ ७॥

muktāhāralasatkaṇṭharājaye muktidāyine |vyālarūpāya vigatavikārāyāstu maṅgalam || 7||

शरकाननजाताय शतमन्युस्तुताय च ।शरदिन्दुमुखायास्तु सुब्रह्मण्याय मङ्गलम् ॥ ८॥

śarakānanajātāya śatamanyustutāya ca |śaradindumukhāyāstu subrahmaṇyāya maṅgalam || 8||

मङ्गलशासनमिदं सुब्रह्मण्यस्य मानवःयः पठेत्सततं भक्त्यालभते धनसम्पदम् ॥ ९॥

maṅgalaśāsanamidaṃ subrahmaṇyasya mānavaḥyaḥ paṭhetsatataṃ bhaktyālabhate dhanasampadam || 9||

इति श्रीसुब्रमण्यमङ्गलाष्टकं सम्पूर्णम् ।

iti śrīsubramaṇyamaṅgalāṣṭakaṃ sampūrṇam |