सुब्रह्मण्यपञ्चरत्नम् २ Shri Subrahmanya Pancharatna Stotra 2

षडाननं चन्दनलेपिताङ्गंमहोरसं दिव्यमयूरवाहनम् ।रुद्रस्य सूनुं सुरलोकनाथंब्रह्मण्यदेवं शरणं प्रपद्ये ॥ १॥

ṣaḍānanaṃ candanalepitāṅgaṃmahorasaṃ divyamayūravāhanam |rudrasya sūnuṃ suralokanāthaṃbrahmaṇyadevaṃ śaraṇaṃ prapadye || 1||

जाज्वल्यमानं सुरवृन्दवन्द्यंकुमार धारातट मन्दिरस्थम् ।कन्दर्परूपं कमनीयगात्रंब्रह्मण्यदेवं शरणं प्रपद्ये ॥ २॥

jājvalyamānaṃ suravṛndavandyaṃkumāra dhārātaṭa mandirastham |kandarparūpaṃ kamanīyagātraṃbrahmaṇyadevaṃ śaraṇaṃ prapadye || 2||

द्विषड्भुजं द्वादशदिव्यनेत्रंत्रयीतनुं शूलमसी दधानम् ।शेषावतारं कमनीयरूपंब्रह्मण्यदेवं शरणं प्रपद्ये ॥ ३॥

dviṣaḍbhujaṃ dvādaśadivyanetraṃtrayītanuṃ śūlamasī dadhānam |śeṣāvatāraṃ kamanīyarūpaṃbrahmaṇyadevaṃ śaraṇaṃ prapadye || 3||

सुरारि घोराहवशोभमानंसुरोत्तमं शक्तिधरं कुमारम् ।सुधार शक्त्यायुध शोभिहस्तंब्रह्मण्यदेवं शरणं प्रपद्ये ॥ ४॥

surāri ghorāhavaśobhamānaṃsurottamaṃ śaktidharaṃ kumāram |sudhāra śaktyāyudha śobhihastaṃbrahmaṇyadevaṃ śaraṇaṃ prapadye || 4||

इष्टार्थसिद्धिप्रदमीशपुत्रंमिष्टान्नदं भूसुर कामधेनुम् ।गङ्गोद्भवं सर्वजनानुकूलंब्रह्मण्यदेवं शरणं प्रपद्ये ॥ ५॥

iṣṭārthasiddhipradamīśaputraṃmiṣṭānnadaṃ bhūsura kāmadhenum |gaṅgodbhavaṃ sarvajanānukūlaṃbrahmaṇyadevaṃ śaraṇaṃ prapadye || 5||

यः श्लोकपञ्चमिदं पठतीह भक्त्याब्रह्मण्यदेव विनिवेशित मानसः सन् ।प्राप्नोति भोगमखिलं भुवि यद्यदिष्टमन्ते स गच्छति मुदा गुहसाम्यमेव ॥॥ इति श्रीसुब्रह्मण्यपञ्चरत्नं समाप्तम् ॥

yaḥ ślokapañcamidaṃ paṭhatīha bhaktyābrahmaṇyadeva viniveśita mānasaḥ san |prāpnoti bhogamakhilaṃ bhuvi yadyadiṣṭamante sa gacchati mudā guhasāmyameva |||| iti śrīsubrahmaṇyapañcaratnaṃ samāptam ||